حملي والاجهاض

[Nourie]

مساء الورد بنات ...


الله كتب لي الحمل ولله الحمد والشكر .. واموري كانت ماشية حلوة جفت البيبي والنبض .. وصلت الاسبوع التاسع في نهايته ولا اجوف شعيرة بنية .. خفت ودموعي نزلت وعلى طول المستشفى مع زوجي وكانت دكتورتي مسافرة حولوني طوارئ رحت والدكتورة ماعرف احسها غبية قالت ما يبين شي وبعدين قالت فيه بيبي و نبض بس ما كان واضح نفس ما توريني دكتورتي ...


المهم الخميس بالليل كنت توي داشة العاشر .. كنت طالعة رديت البيت والا في بقعة بنية !!! خفت وايد وعلى طول المستشفى طبعا ويكند على حظي ولاااا مكان فيه سونار الا حكومة وانا اكره الحكومة .. رحت والا ادش دكتورة خايسة على طول حبوب تثبيت ورفضت سونار !!!!!!! تهاوشت وطلعت بعدين رديت البيت لحين افازات مخاطية بنية .. توكلت على الله وفوضت امري .. اليمعة الصبح رحت طوارئ كان فيه سونار قالت في كيس بس بيبي ما فيه .. انهيار وقتها والماما الله يطول بعمرها هيئتني للاجهاض .... وزوجي حالته ما تسر بعد ...


المهم اليوم رحت لأخصائية هم ما في جنين بس كيس فاضي وقالت انه اجهاض زعلت وتضايقت ولحين شوي دموع بس الحمدلله الف مرة .. اكيد خيرة وصلاح لي ...


باجر بسوي تنظيف .. واليوم الافرزات خفيفة مستغربة .. وسؤال البيبي وين راح يعني ؟؟ الا ينزل بس بني وسائل مو قطع نفس ما افهم .. اخر مرة جفته الاسبوع السابع يعني معقولة كان موقف نمو من جيذي ...


الله وحده يعرف والحمدلله والله يعوضني خير ... :eh_s(7):

 

[أم حسوون]

السلام عليكم ، أخذي رأي ثاني ويفضل تروحين لاستشارية علشان تأكدين ، واذا طلع إجهاض خيرة من رب العالمين والله بيعوضج إن شا الله .

 

[رتولة]

عسي الله يعوضج حبيبتي تجربه الاجهاض مؤلمه انا تقريبا صار نفسج نفس السؤال اقول شفت البيبي يقول مافيه رحت لدكتور ثاني جان يقول البيبي صغير يتكون من انسجه اذا ماوصله اوكسجين ودم مع مرور الوقت من موته يتفكك و يتحلل ويختفي داخل كيسه انا جذي مثلج سبحان الله انا نفسج طول اكثر من ١٥يوم ميت بطني وتحلل

 

[زينانه]

الله يعوضج خير
انا اتوقع الجنين توه دم يعني حتي لو ينزل ماتلاحظينه

انا قبل اسبوع اجهضت
لكن سالفتي غريبه
تخيلي حامل بس ماكو كيس
بعد ماحللت الحمل
قعدت تقريبا 3 ايام جان ينزل علي بني
وثاني يوم بني ودم احمر
وركض عالدكتوره
قالت ماااكو كيس لكن انتي حامل
وتوقعت انه نزل


والحمدلله

 

[الأميرة جوري]

شوفي اكثر من دكتور لان احتمال يبين عند واحد واحد لا حسب شطارة الدكتور

 

[New_bride]

الله يعوضج

ودائما قولي الحمدلله على كل حال

اذا انتي ٩ اسابيع ماتوقع تحتاجين تنظيف
بروحه ينزل يعطونج ادويه تسوي تقلصات فالرحم

يا رب الله يرزقج الطفل السليم المعافى عاجل غير آجل

 

[qoot]

عسى ربي يعوضج عاجل غير اجلا

شنو سبب الاجهاض ماقالو لج وشنو كنتي تاخذين مثبتات؟

 

[OM BARAK]

الله يعوضج ان شاء الله و لا تزعلين او تتضايقين (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) أكيد ربي رده عنج ما تدرين يمكن يكون معاق او فيه مرض و سبحانه ما يبي يشقيج فيه و ان شاء الله ربي يعوضج بالذريه الصالحة بنات و شباب تفرحين فيهم . اهم شي الراحه الحين و توقفين محاولات حمل لمدة ٣ الى ٥ شهور خلي الرحم يتهيء و لا تقطعين فيتامينات الحمل اخذيهم و أخذي حسو خلي الرحم يتنظف، الحين جنه عليج الدوره و كل شهر مع الدوره أخذي حسو وحده بوحده ينظف الرحم عدل حق البيبي اليديد ان شاء الله

 

[حمرة الورد]

ان شاء الله ربي يفرح قلبج ويثبته لج

 

[Nourie]

سلام بنات ... اليوم سويت تنظيف ... عملية سهله بس اول شي حطوا لي 3 تحاميل عشان يصير لين و يقدرون بنظفونه .. بعدين العملية نص ساعة تقريبا ... وحاليا الم ظهر وبطن بس دايخة من البنج .. وانتوا بكرامة تحت احس بحرقة .. ونزيف خفيف ... بس تجربة تعور القلب بس الحمدلله اكيد خيرة ... وانا كنت اعالج معدتي ويوم الا عرفت حامل قطعتهم يمكن سبب ... والدكتورة قالت يمكن تجلط في الدم منع يوصل للبيبي الاكسجين .. ومرة ثانية بيعطوني اسبرين ... والحمدلله على كل حال ... ويا رب محد يمر بهل تجربة لانها ما تنسى خصوصا لين اول بيبي شوي صعب لكن الله راح يعوضني خير ...

وما عطوني مثبتات من البداية لانه اموره كانت ماشية طبيعية جدااا .. لكن قدر الله وما شاء فعل ..

مشكورين على التفاعل حبيباتي ....

 

[زينانه]

سلااااامتج اهم شي
وكل شي يتعوض باذن الله

 

[floor]

الله يعوضج بالحمل السليم ان شاءالله اخيتييي
ويثبت قلبج على الايمان والصبر وكل شي خيره الحمدالله
والحمدالله على سلامتج:33_1185028183:

 

[نجمه السيد]

الله يعوضش اني ماجهضت تأخرت بالحمل طول حملي على بيبي سبرين يمنع تجلط الدم او أسبيكاردأسبيكارد

 

[# غنوجة بيبي #]

حبيبتي الحمدلله على سلامتج و ربي يعوضج

انا اجهضت قبل بنتي بالاسبوع 13 لان فيني تجلطات بالدم خفيفه

بحملي في بنتي عطوني فوليك اسيد مع حبوب اسبرين و ابر سيوله

الابر مهمة ..تفيد اكثر من الحبوب من بعد الله سبحانه
سألي عنها

و يا رب تبشرينا قريب بحملج و يثبته

 

[om attami]

الحمدلله عالسلامه ..

انا اجهضت اكثر من مرتين قبل بنتي الله يحفظها

وكان السبب تجلط بالدم

ولما حملت فبنتي عطوني فوليك اسد وبيبي اسبرين وابر سيوله

طول حملي ما وقفت الابر ولا البيبي اسبرين الا قبل الولاده

الله يرزقچ بالحمل السليم .. والمره اليايا ان شاء الله طلبي مثبتات

وقولي حق دكتورتچ عن البيبي اسبرين وابر السيوله

وعقب ولادتي بسنه حملت وكان خارج الرحم وسوولي منظار

الحمدلله على كل حال وكله بأجره ان شاء الله

ادري تجربه حيييييييييييييييييييييييل صعبه والله يعينچ

وترى الرحم بعد التنظيفات يكون مهيأ للحمل بفرص اكبر

والله يرزقچ ويسهل امورچ حبيبتي

 

[حبي وحياتي]

ربي يعوضج ويفرح قلبج بالذريه السليمه
وكلي امرج لله هو المعطي الرزاق

​

 

[virgo88]

الحمدلله على سلامتج حبيبتي واكيد كل شي خيره
وان شاءالله البيبي راح ايي بوقته

بالتوفيق

 

[قـــمـــرهم]

روحي لدكتوره ثانيه


وبعدين لاتسوين تنظيفات توه الجنين صغير
مايحتاج تنظيف

 

[ام الحلوااات]

الــحــمـــد للـــه عــلـى ســلامــتــج واللــه يـعــووضــج ان شـــآء اللـــه