حمله تعالو نحب الطبخ غصب طيب

[قماشه]

السلام عليكم

خواتي انا عندي مشكله واكيد في بنات مثلي

انا مشكلتي اني ما احب المطبخ ولا الطبخ ولا غسال المواعين بصراحة ودي اتعلم احي الطبخ بس مو عارفه ياليت اللي مثلي تسجل اسمها معاي ونتشجع

انا اعرف اطبخ بس والله مالي خلق تجيني ضيجة اذا دخلت المطبخ من يوم كنت بنت

يالله منو معاي ومنو تشجعنا علشان نغير من هالطبع التعبان

 

[كويتيه وافتخر]

تعوذي من الشيطان

وتوضي ودشي وانتي تستغفرين ووبالج شكل الطبخه الحلو
وتعليق بو العيال والعيال عليها واهما يقولون تسلم ايدج يمه

 

[مضاااااااااااوي]

اييييييييييي انا بعد وياج ودي اتعلم واتفنن ....بس انا ما اكره المطبخ وودي اتعلم كل شي فيه

 

[آهات الليل]

يااااااااااليت اطبخ واسوي فناتك ههههههههههه
انا مشتركه مع ام عوااشه تطبخلي غداي يوميا خخخخخخخخخخخ
يالله هعلى ايدج نتعلم

 

[الشيخة@]

ان اطبخ حق رجلي
بس اناوياش الكسل ذبحنا

 

[حرم راشد الماجد]

يلا انا اصير العمده مالكم


شوفو تبون تحبون الطبخ


البصل تقصصونه كلللللللللللللللللللللللللللللللله مره وحده وحطوه بتابر وير الطماط قصصوه وحطو كل مجموعه بجيس مال التوست والثوم دقوه كله وحطوه بماعون بلاستيك وبالفريزر

اذا سويتو جذي راح الطباخ يصير اسهل لان ماكو اكله من غير هالاشياء

جهزو اغراض الطبخه قبل لا تبدين الطباخ عشان ما تدودهين وتتنرفزين

غسلي المواعين اللي تخلصين منها على طول عشان ما تتكود

حطي لوحه عالثلاجه وكتبي فيها جدولكم اليومي واللي تخلصينه حطي يمه نجمه >>>>> لا تضحكون هذي يسمونها رسايل برمجيه

عقب ما تطبخين كافئي نفسج بالاشياء اللي تحبينها ودايما رددي كلمه ياحلو الطباخ والله على طباخي ماكو ومن هالحجي الايجابي

 

[الشيخة@]

يسلمو ياالعمده ع المعلمومه
بس حلوه العمده ههههههههههههههه

 

[أم عامر]

انا عن نفسي احب الطباخ واستمتع فيه

وبناتي اطلعوا علي يحبون المطبخ وسوالفه

وزوجي الربحااااان :krkrkr:

 

[اكتيفيا]

احبببب الفناتق بالطبااااااخ

 

[قصيميه دلع]

اي والله حتى انا ماحب الطبخ ابدا
ياليت لو احبه واكثر شي ماحبه الفرن
يعني احب اسوي حلو بس مايدخل الفرن ابد
لاني دايم اللي احطه بالفرن يحترق:eh_s(2):
وفعلا فيه اشياء تساعد الواحد عالطبخ اشوف امي تسويها
الحين بحطها لكم ....
جد جد ياليت نتشجع ونتعلم نطبخ:bbbiu:

 

[قصيميه دلع]

الحين بحط لكم امي شنو تسوي
تقطع البصل وتحمسه بشوي زيت لين يشقر لونه
بعدين تحطه باكياس بلاستيك صغيره وتصفهم بعلبه كبيره بالفريزر
وبعد الطماط تقطعه صغار وتحطه باكياس صغار بالفريزر
والطماط تاخذ اللي مو قاسي وتقطعه وتحطه بالخلاط مع شوي مويه وتحطه مطحون تحطه بعلب بلاستيك داخل الفريزر
الباميا اول مانجيبها من السوق تخلي الخدامه تقصص روسها وتحطها باكياس مقدار لكل مره وتحطه بالفريزر
الزنجبيل اول مانشتريه نبشره بالمبشر ونحطه باكياس شكل اصابع وبعد بالفريزر
الدجاج اول مانشتريها نطلب من المحل يقصصهم كل دجاجه اربع قطع ونحط كل قطعتين بكيس اسهل لتفكيكهم قبل الطبخ
وبعد حشو الاكل اللي يكون لحم مفروم مع البصل والبقدونس والحاجات هذي تسويها وتحطها بعلب بالفريزر اذا احتجنا طلعنا منهم اسهل من انو اذا بطبخ ابدا من البدايه
وكمان الثوم تفرمه وتحطه بعلب زي حقات الثوم اللي بالمطاعم
الملوخيه تقطفها من اغصانها وتحطها باكياس بفريزر
وبعد اشياء كثيره بس نسيييت كل ماتذكر شغله بكتبها
يارب اكون افدتكم......

 

[marshmelo0o]

انا احب الطبخ واحب افنتق فيه
بس الي اكره الماعين الي عقب الطبخ وخصوصا الجدور حده وييييييييييع

 

[so salt so sweet]

نصيحه لاتقولون ما انحب الطبخ
بالنسبه للبصل والطمام حلاته فريش اتقصونه حسب استخدامكم اول باول
بالبدايه تقدرون اتشجعون بعض يعني مثلا كل اسبوع او ثلاث ايام كل وحده بهالتجمع تقترح طبخه وانطبقها كلنا وانصورها وانزل الصور وناخذ راي الاهل
طبعا نذكر مقادير ومكونات الطبخه والتحضير بالتفصيل ومن عقب انطبقها
اشرايكم؟
تنفع هالطريقه خصوصا قبل ارمضان

 

[أم عامر]

انا ما اايد تقصيص البصل والثوم والطماط وتخزينهم بالثلاجه

اكيد الفرش اطعم واحلى بالطبخ لأن التجميد يفقد الشي نكهته

وعاد مو لي هالدرجه التقصيص راح ياخذ وقت

ومع الممارسه والله راح تشوفون ان الطبخ شغله مو معقده وحلوه


وهذا رايي