حملت وهذا كان العلاج...

[جمانهـ]

السلام عليكم ورحمة الله وبركاته::

اسأل الله ان يرزق كل مسلمه منكم بالذريه الصالحه اللي تسعدها يااارب

يمكن موضوعي مايكون الاول او سبق وقالته لكم وحده غيري..

لان علاجنا واحد..اهو الامل بالله تعالى

انا ما تأخرت وايد بالحمل بس تعبت نفسيتي لان هرموناتي ماكانت منتظمه
وكان معاي غده يكافيكم شرها..والدوره شهر تجي وشهر تقطع تكرمون

وكلام خالتي..وحمواتي..وغيرهم من الناس..

فكنت دايم اشكي هالشي ربي..اصلي وادعي بأخر الليل
ان ربي يرزقني بالحمل..

وكل شهر انطر على نار..ومن تنزل الدوره اقول يمكن الله مو كاتب لي الحين..يمكن خاشه لي بعدين احسن لي
وفتره مرت علي وانا انطر..
لغاية ما الله رزقني بيوم اقرأ سورة مريم
وبالذات الايات الاولى..

كهيعص .. ذكر رحمة ربك عبده زكريا .. اذ نادى ربه نداءا خفيا .. قال رب اني وهن العظم مني و اشتعل الراس شيبا و لم اكن بدعائك رب شقيا .. و اني خفت الموالي من ورائي و كانت امرأتي عاقرا فهب لي من لدنك وليا .. يرثني و يرث من آل يعقوب و اجعله رب رضيا ... يا زكريا انا نبشرك بغلام اسمه يحيي لم نجعل له من قبل سميا .. قال رب انى يكون لي غلام و كانت امرأتي عاقرا و قد بلغت من الكبر عتيا .. قال كذلك قال ربك هو علي هين و قد خلقتك من قبل و لم تك شيئا

قعدت اتفكر فيها..واقول فعلا الله قادر على كل شي وقادر يعوضني لو بعد مليون سنه..

اكيد دعائي فيه نقص...وفعلا طلع ناقص

دعائي كان ناقص الايمان بقدرة الله!!!!
صدقوني لمن صرت ادعي واردد..يارب انا دعيتك لاتردني...يارب ظني فيك كبير وماخاب عبد رجاك
كنت اتقرب لله بأعمالي الطيبه...
والله صج!!
كنت اقول يارب انا ساعدت فلانه..وحفظت السوره الفلانيه..وتصدقت على فلانه.و.و.و.و

من اخلص صلاة ..ادخل فراشي وابجي..وانا حاطه ايدي على بطني.واقرا الايات السابقه وبكل ثقه مؤمنه فيها
وادري ان ربي مايخيب رجاي..

اخاطبه واقول يارب ارزقني مثل مارزقت عبدك زكريا..هب لي يارب ذريه صالحه معافاة يارب
واردد الايه وانا ابجي لغاية ماتاخذني النومه.......

واقسم بالله بعد شهر طافتني الدوره..وكنت احس بعوار مو طبيعي خفت اروح احلل
لان كل مره اروح مع زوجي اعطيه امل واخيب امله..

وبعد اسبوعين طلبت منه ياخذني الطبيب..قالي تامرين امر بس بنروح طبيب يديد علشان هذيلاك انا تشائمت منهم:dddds:
واهو يضحك..وطول الطريج يقولي ترى اليهال مو مهم عندي المهم اكون مرتاح معاج..يحاول يخفف عني
سويت التحليل..وطول فترة التحليل ادعي ..واهو يرسل لي مسجات يقولي فيها قاعد على اعصابي
خايف..متوتر

وفجأه نادتني الممرضه..وقالت ...فيه..
انا بطلت حلجي..واهو مافهم
قالها يعني شنو فيه؟؟
قالت مبروك مدام حامل

باسني بالمختبر من الفرحه....حمدنا ربنا ولغاية هاللحظه نحمده

عرفنا ان الدعاء والتقرب لله افضل من الف علاج ودكتور بالدنيا..
خسرت فلوسي على الاطباء..وراحتي ووقتي
ولمن الله اراد وانا قاطعه العلاج...حدث

خلوا املكم بالله كبير..تقربوا له بأعمالكم الطيبه..ادعوا وانتم فيكم ثقه ان الله راح يحقق لكم هالرجاء

وربي يرزقكم بالاخير..وكل دعواي لكم بالخير ياارب

اسفه طولت​

 

[H.Heavn]

حبيبتي والله ماحبيت اقرا موضوعج وما اعلق

الف مبروووووووووووووووك وعسى الله يجعله من الذرية الصالحة ويتمم حملج على خير
وفعلا الانسان اذا بغى شي من ربه لازم لازم يكون مؤمن بان الله راح يعطيه هالشي مو امية بالمية بل مليون بالمية

 

[_ظل الياسمين _]

ربى يتمم لك على خير وفرحه كبيره يااارب العالمين..
ويرزق كل من فى خاااااطره اللهم امين.

 

[مدام فاشن]

على البركه حبيبتي وربي يتمم عليج

بقولج شغله
تعرفين توني قاعده من النوم وحلمانه بالحلم اني اتحلطم على نفسي اقول انا ليش مااقرا سورة مريم كل يوم
وان شاء الله ربي يرزقني

والحين قريت موضوعج

سبحان الله جنه ربي يبيني اقرا السوره

بأذن الله من اليوم ببدا اقرا السوره وبسوي مثلج


وربي يحفظلج الي ابطنج يارب ويطلع معافا

 

[مهاوو]

الف مبروك الله يقومج بالسلامة يارب

 

[فتكات بنت كيداهم]

الف مبرووووووووك وياقلبى ويجعله ربى من الذريه الصالحه وتفرحين بشوفته

 

[om-7amod]

مبرووووك عليج والله يتممه ع خير

ويرزقج برة

 

[?Me]

الله يتمم عليج انشاء الله
وربي يجعله ذريه صالحه معافاة يارب

ويرزقني ويرزق كل محروم يارب العالمين

 

[miss_lymoona]

مبروووووووووووووووووووك ويارب نحمل كلنا

 

[كبْرٍيآء]

انا جربت سوره البقره بصلاه الليل

وسوره الكهف كل جمعه

والدعاء يوم الجمعه قبل صلاه المغرب بنص ساعه والله عجيب

واخر شي الصدقه كل جمعه اي شي بسيط

الف مبرووووك حبيبتي

والله يرزق كل محرومه يااارب

 

[ماي الورد]

الف الف الف مبروك والله يتمم لج على خير ويفرح قلوبنا مثل ما فرح قلبج انشاء الله

 

[خفايا]

الله يتمم عليج انشاءالله وربي يرزق كل محروووم ان شاءالله

يارب تقومين بسلامه..............

 

[jinaan]

الف مبروك وربي يتتم عليج ويجعله من الذرية الصالح يارب ترزق كل محروم ..​

 

[رومانسية حالمه]

ألف مبروك والفال لي أن شاء الله

 

[أم الطيب]

الف مبروووووووووووووووك وعسى الله يجعله من الذرية الصالحة ويتمم حملج على خير ويرزقني

 

[النصيب]

ألف مبروك والله يتمم عليك .

 

[وتلومني فيك يوم اغليك]

الف الف الف الف الف الف
مبيررررررررررررررررررررررررررررررررررررررررروك ويتربي بعزج وعز ابوه ان شالله

ماخاب من دعى ربي والح بادعااء

مافي شئ اسمه بعيد عن ربي سبحانه وتعااالي

ربي كبيرررررررر ربي رحمته واااااااسعه يالله لك الحمدالله

اى والله التقرب من الله خير من الف علااااااااااج

والله يتمم اللي برحمج ويجعله من الذريه الصاحيه الصالحه الباره الطيبه التي تقر بها العيون ياربي
والصبر مفتاح الفرج وصبرتوا والحمدالله ونلتواا خيرر يالله لك الحمد
والله يخليكم لبعض يارب

 

[eng.q8]

على البركه حبيبتي وربي يتمم عليج

 

[miss_uk]

مبروووووووووووك
والله جنك اتكلمين عني انا طول عمري اعالج لكن الشهر اللي قريت ودعيت من قلب صج من قلي ربي رزقني نفس الشهر

الحمدالله

ربنا كريم

 

[رماديه]

ماشاء الله

اشكرج على طرح قصتج و والله كلامج صحيح لازم الواحد يحسن الظن بربه ولا يكون متشائم والرزق اول و آخر بيد الله مو بيد الطبيب ولا غيره.