حملت واجهضت والحمد لله على كل حال

[غلا الاحساء]

مساء الورد عليكم جميعا

انا اجهضت قبل شهرين تقريبا في شهر شوال

كنت توني لي شهرين والحمد لله

والحين انا ما استخدم اي مانع لان زوجي يبيني احمل رحت للدكتوره قالت مافيك الا العافيه وتقدرين تحملين اذا تبين

توني مخلصه من الدوره لي 14 يوم ابي اعرف متى وقت التبويض وكيف اعرف ان هالوقت ممكن يحصل حمل

وايش هي الاعراض اللي احس فيها اني حامل

لان انا حركيه كثير واشيل اثقال يعني كنبات وانظف اخاف اكون حامل وانا مادري عن نفسي

لان قبل كنت شايله بطانيات وغاسلتها ومنظفهم شقتي وبذلت مجهود

ياليت اللي تعرف فيكم اعراض بداية الحمل وش هي

سواء ربي كتب لي الحمل ولا لا اهم شي اكون فاهمه ايش ممكن اسوي

 

[نبض السعاده]

الله يعووضج خير

عن نفسي كان التبويض ضعيف ماخذه علاج مكثف
كنت اتابع التبوبض بسونار


اعراض التوبيض ماعندي فكره عنهم للاسف

 

[ba6re8a]

دورتج منتظمه؟؟ اخذي نظام العد يوم 12 13 14 15 ايام التبويض تحسين بعوار وافرازات بيضا تنزل ان ماعرفتي راجعي دكتورتج تقولج.. وسوي كل التحاليل قبل الحمل ثثاني مره وربي يرزقج

 

[غلا الاحساء]

طيب

كيف اعرف اعراض الحمل من بدايته قبل اروح للمستشفى واسوي تحليل

غير تاخير الدوره

 

[غلا الاحساء]

طيب

كيف اعرف اعراض الحمل من بدايته قبل اروح للمستشفى واسوي تحليل

غير تاخير الدوره

يعني هل ممكن اكون حامل قبل موعد دورتي بكم يوم واذا ممكن وش هي الاعراض

 

[مذهلة2013]

حبيبتي الله يعوضج

بالنسبه لي استخدمت جهاز كلير بلو للاباضه للامانه اينن ويطلعلج الهابي فيس يعني موعد الاباضه الحين وتجربيه كل يوم

لين مايطلعلج هالفيس وطريقته نفس تحليل الحمل


الله يرزقج

 

[baa6aa]

انا كان يحوشني عوار قوي جنا عوار الدورة تبي تنزل .. ماكنت ادري ليش و كان يطول معاي لين حللت واكتشفت اني حامل

وماعندي خدامه فانا اللي انظف و اغسل وكل شي .. بس دام في نيه انج تحملين لا تشيلين اشياء ثقيله و عادي كملي شغلج

وايام التبويض من اليوم 11 لي اليوم 16 اللي يكونون بعد الدورة

يعني تحسبين من اول يوم دورة لين يوم 11 و تبلشين طبعا تتفاوت الحسبه من وحده لي وحده بس اهيا تقريبا هالايام

 

[lawyara]

وقت التبويض بعد 15 يوم تقريبا من الاجهاض هذا كلام الدكتوره
الاعراض نفس الام الدوره وممكن تيج دوخه
بالنسبه لي زادت الافرازات واذا ما يتج الدوره لي شهر ونص حللي

 

[غلا الاحساء]

الله يعطيكم العافيه

لانا حملتي الاولى مادريت عنها الا بعد شهر. نص

طوول وقتي نايمه وتعبانه محد درا عني غير ام زوجي قالت ودها المستشفى يمكن حامل ولما حللت عصبت علي الدكتوره هههههه

 

[غلا الاحساء]

الله يعطيكم العافيه

لانا حملتي الاولى مادريت عنها الا بعد شهر. نص

طوول وقتي نايمه وتعبانه محد درا عني غير ام زوجي قالت ودها المستشفى يمكن حامل ولما حللت عصبت علي الدكتوره هههههه قالت حامل لك شهر ونص ماجيتي تحللين اول يوم ماغابت عنك الدوره

 

[زين ودلال]

الله يعوضج ان شاء الله