حملة ضد الغلاء مع شتا الكويت

[ام فجور 2008]

صبـــــــــــــــــــــــــــــــــــاح الخير

بنات بما ان الشتا على ابواب فلازم نجهز له
انا اول شي قلت ماني شاريه شي عندي منه يعني مثلا دفايات عندي ارواب ثقيلة قطن عندي بشوف الدلاغات الشتوية الي من عند مال الله بنقعهم بماي وفينش وكومفورت وشال اسود ثقيل وعندي بغسله (المصبغه للي مالها خلق)
1- بشتري كفر شتوي يكون يدفي
2- وتكرمون جواتي لي ولابو العيال بس ما ادري من وين اخذهم
3- الحين عندي فجورة الغاليه باخذ لها دلاغات +هيلهوب
4-ذاك اليوم رحت المحاميد ولا الاقي تريينغ على دينار ونص ماكان في منه الا اثنين حلوين والله اعجبوني واحد اسود والثاني اخضر على دبب خذيتهم عاد لان ادري بعدين ماراح الاقي
5-قلت باخذ لنا جاكيتات والله سنه الي طافت اخذت من المحاميد على ثلاثة وشوية بس ذاك اليوم وانا رايحة الافينيوز لقيت واحد عجبني مترددة فيه لانه الصراحه سعره شوي غالي
6-البخور والمعمول استهلاك الصراحه بالشتا فقلت ابي اخذ المسني ومعجمون الاميرة ورشوش


ياليت بنات نتفاعل ونسوي موسوعه باسعار ارخص تدرون الشتا يبله تجهيز

 

[ام فجور 2008]

شدعوة بنات مو مفكرين تشترون حق الشتا شي

 

[غلاي غير]

شوفي الكبار ماعلينا نغسل ملابسنا العام ونلبسهم

بس اسم الله عليهم كل سنه يكبرون فاظطر اشتريلهم

الدلاقات الله يسلم سيتي سنتر الشويخ خمس دلاقات بـ900 فلس اخذ 11 حبه بـ10 دنانير تقريبا هذا للعايله الكريم كلنا ماشاء الله
اخذلهم 3 بدلات كشخه للطلعه
والباقي الله يسلم بو دينار ونص

 

[ام فجور 2008]

انا قايله معاش الشهر بشتري حق الشتا لان بعدين ماراح نلاقي شي

وقلت اول شي بروح المحاميد والله الاقي عندهم شغلات تجنن

 

[Ms. luxury]

أنا رحت قبل أمس سناء بحولي كنت أشتري منه والعام خليته وجهزت من سنتر بوينت طلع بالاميات ..وقلت هالسنة حرام توها خادمتي منحاشة وال420 دينار خسرناها وباضطر الحين آخذ خادمة ثانية وأقل شي اليوم رحت شفتهم 340 طلب هندية ومعاشها 50 يعني إجمالي الخسارة 760 دينار غير تذكرة اللي انحاشت سويت بلاغ وصعب أتنازل عنها المهم قلنا 850 دينار خسارة وأنا غير موضفة وزوجي مدرس وايجار شقتنا 330 والمعاش ماشاء الله ماقمنا نوفر منه مثل أول المهم قررت أن أعود لما كنت عليه سابقا وياحلو هدوم سناء تلقين عندهم أشياء حلوة بس صار طماع وغلا هدومه ...شريت منه جاكيتات تينن حلوين راويتهم حماتي وخالتي استانسوا عليهم على أربع دنانير خذيت واحد وبيجامه حق بوسنتين قطعتين ثقال ب3 دنانير يصلح للمزرعة(الياخور) وبس قلت بشوف المحاميد اللي يتحجون عنه الناس بس من أي محاميد انتوا تشترون ؟؟؟ واليوم وأنا طالعة من مجمع بن خلدون ومشينا سيده شفت علي يميني مجمع يديد وكبير وعلى يساري أيضا الي على يساري شفته قبل وهو محل سيرز فتح بحولي شكله عود ومزقرت وتعرفون أسعار سيرز فيه الغالي والرخيص وأغلبه رخيص واللي عاليمين كان مستورة بس هم شكله حلو ويديد قلت بروح له آخذ بجايم من عنده ان شاء الله وأنا بخيط لي لأني العام ماشريت لي إلا بدلتين ودقيتهم باللبس وهدوم بيت كذلك وعيالي 4 بنتين وولدين وترا الحين ماكو شي اسمه بدينار ونص وإذا تعرفون وين القى هالسعر دلوني يزاكم الله خير
وأبي جاكيتات للمدرسة زينين مايحببون أو شنهي الخامة الزينه اللي ماتحبب مع الغسيل يعني ماتطلع مثل النقط الصغاااار على الخام ؟؟
يالله شدوا الحيل خنتعاون

 

[Ms. luxury]

وين صاحبة الموضوع افتحت الموضوع وخلتناااااا ...ضروري جاوبوا على تساؤلااااااتي..مادري أسئلتي..

 

[سحااايب]

ماكس منزل ترنغات وبدل شتويه حلوة واسعارها رووووووعه

 

[bnt_kwt]

ماعندي عيال اشتري لهم بس اشتري حقي وحق ريلي والحين الخادمه

والله ما يندرا لي الحين بس اول شي بشتري حق خدامتي لانها يديده وما عندها ملابس شتويه وبردنا الله خير يدش بالعظم فيبيلها شغل
وباخذ دفايتين زيت وغير الزيت مو عملي وما انصح فيهم ابدا

ماكس حلوه شغلاته وبعد ريد تاغ حلوه سوالفه

 

[أساور]

اي محاميد فيه الشغل الزين؟

 

[Ms. luxury]

وين صاير هذا ريد تاغ؟؟؟

 

[غلاي غير]

ماكس ورد تاغ على الدائري الرابع الي عند لولو هايبر

 

[mrs_sugar]

انا ما بلشت بالشتوي لي الحين

المعاش الجاي ببلش

بالنسبة للبدلات الكشخة مالوت الطلعات عندهم بدلات عيد الأضحى اللي فات ما مداهم يلبسونهم و لي الحين قدهم

و مالوت هالعيد فصاروا تقريبا 6 بدلات حق كل وحدة

و هدوم البيت اخذلهم من ريد تاغ

بضاعته حلوة و اسعاره مناسبة وايد

و هم سنتر بوينت بعد تحصلون عنده سوالف زينة

و حقي ما فكرت بعد بشتري من وين

ولا بفصل ؟؟

ما فكرت

 

[Ms. luxury]

رحت ماكس أمس وشريت منه يزاكم الله خير بنات ...
ورخيص وحلوة هدومة تقريبا نفس مستوى سنتر بوينت رحت اللي بالبحر سنتر ...عيالي أربع شريت حق كل واحد فيهم بلسوتين و4 بدلات شي تنانير وشي بنطرونات وبنتي الصغيرة ام سنه شريت لها 4 قطع من مقاس 12-18 و4قطع من مقاس 18-24 قلت مادامهم جدامي ماأظمن متى أطلع السوق مرة ثانية ان احتجت واسم الله عليها الياهل بهالسن بسرعة يتغير مقاسه تدرون جم طلع حسابهم كلهم كلهم ؟؟؟

 

[ام فجور 2008]

حبيبتي والله بالمحماميد في وبالجوهرة وبمستورة

 

[ام فجور 2008]

بنات امس رحت شريت معمول حق الشتا
اخذت المسني
ومعجون الامير وفزاع ورشوش رخاص حق الشتا واستهلاك

 

[ام فجور 2008]

رحت ماكس أمس وشريت منه يزاكم الله خير بنات ...
ورخيص وحلوة هدومة تقريبا نفس مستوى سنتر بوينت رحت اللي بالبحر سنتر ...عيالي أربع شريت حق كل واحد فيهم بلسوتين و4 بدلات شي تنانير وشي بنطرونات وبنتي الصغيرة ام سنه شريت لها 4 قطع من مقاس 12-18 و4قطع من مقاس 18-24 قلت مادامهم جدامي ماأظمن متى أطلع السوق مرة ثانية ان احتجت واسم الله عليها الياهل بهالسن بسرعة يتغير مقاسه تدرون جم طلع حسابهم كلهم كلهم ؟؟؟

جم شوقتيني عاد انا قاطة سرتي بماكس
وعندهم بعد حقنا احنا تريينق

 

[ام فجور 2008]

بنات
نبـــــــــــــــــــــــــــــي الجاكيتاتا الطوال من وين الي نفس الي بزارا الصراحه غاليين على 50 و70
ابي اسود طويل
لان قلت بروح العدساني 2- بنطلون جينز واحد ازرق وواحد اسود
وابي جاكيتين اطوال ابي واحد اسود والثاني عادي اي لون بس مادري من وين
بنات المدفيات الاندرويل الي بفاشن ميل لحقوا عليهم ولا ترى يطيرون على دينار ونص بعدين ان رحتوا ماراح تلاقون
السنه الي طافت جنه صار غزو عليهم

 

[ام فجور 2008]

بنات والله ان شفت بدبنهامز

تقريبا نفس هالموديل على 17 و13
واحنا لو نروح المحاميد نركب يطلع لنا جذي

 

[ام فجور 2008]

نبتدي اول شي
حاجات الاطفال

هذا حق المطر

 

[GAP^^الكبيرة]

اي والله ناطره اشيل حق الشتا بس ناطره المعاش هالشهر ناشف شوي والحمدالله على كل شي

خواتي كبرو باخذ لهم غيارات قطنيه ولحف ... عندي مورا بس ابي النوع الخفيف اللي يكون تحت الفراش
وباخذ لهم دلاقات لانهم اسم الله عليهم استهلاكات... واكيد جم جاكيت خفيف حق البيت لان الصالات كلها رخام
وحق ابوي دشاديش
وودي اشتري دوه يديه دوتنا وايد قديمه

ومحتاجه دفايه وحده زياده.. والحمدالله الباجي كله متوفر