حملة تعالوا نخليها جنه

[جوري الزبير]

السلام عليكم ورحمة الله وبركاته

شلونكم كويتيات وعسى الفرح دايم علينا وعليكم يارب ..
بنات بدش بالموضوع على طول ..
كل سنه لما نحتفل بالعيد الوطني نلاحظ بعض التصرفات وبعض الامور الي تضايق المحتفلين ..
منها الفوم ومنها رمي الاوراق والعلب الفاضيه عند الارصفه والشوارع ..وبعض الناس الي على الارصفه يكونون قاعدين ومستانسين بعد ما ينهون وجباتهم ما يكلفون نفسهم يقطونهم الكياس والعلب باي صندوق نفايات ..

انزين تسهالنه وايد وسكتنه وااايد .. بس هذه المره لالالالا وغيرررررر ..

اول شي العالم كله يتطلع لنا ولحتفالاتناااااااا..
وغير جذي عندنه رؤساء خمسين دوله .. عندنه زوار وضيوف عندنه احتفال الخمسين سنه وهالشي مو شويه وفرحته جبيره ..

االي ابيه ابي بهذا الموضوع نجمع كـــــــــــــــــــــــــــــــــــــــــــل اقتراحاتكم .. وحتى اقتراحات عيالنه
شلون نحافظ على شوارعنا ومسراتنا واماكنه وبطريقه حلوه وظريفه ..
ونتواعد ونتعاهد ان نطبق ..
مثلا انا رائيي .. نكتب على تشيرتاتنا البيضه عبارة حملة بدلنا جنه ..
ونحاول انبه باسلوب حلو وذرب العوائل الي بتكون متواجده في اماكن الاحتفال ويكون كل شخص ينبه الي حوالينه .. هذه اول شي
شي ثاني نقول حق عيالنه الي يراعي نظافة الشارع ولي يحتفل وما يسمح الاحد انه يقط شي جدامه له هديه بيستلمها لي رجع البيت ومن هالسوالف ..
نكتب عبارات على ستكرات او خام ويكون على السياره يشجع على الاحتفال بمراعاة شوارعنا وجذي ..
ولو جت فكره فبالي بعد بقول لكم ابي اقتراحاتكم حبايب قلبي .. الكويت عروس وكل وحده فيكم تعرف هاليوم وشلون يكون مهم بحياة كل عروس تذكري نفسج وشنو كنتي تتمنين اهليج يسوون لج بعرسج وشلون تحبين تشوفين نفسج .. جذي الكويت تحب اهلها يفرحون فيها ..
شرايكم حبايبي وانا اول وحده بأذن الله معاكم بكل اقتراح ونسعى ان نطبقه ما بقى الا ايام على المسيرات والاحتفالات :yaaaaaarb: تحفظ ديرتنا ​

 

[miss.eng]

لحد يقط شي بالشارع كافي الفوم والزينه الي بتبقى بالشوارع الى اجل غير مسمى :bbbiu:

 

[مزيونة الهيلا]

الفوم مانعينه ويحاسبون كل الي يبيعه بس بصراحة محد يمشي ع القانون :rgewrg:

توني راده من مجمع دريم مول ولا البياعين عندهم الفوم واي احد يسالهم يعطونه اشكره

صج شي يقهر

 

[جوري الزبير]

مشكورين بنات على الردود والتفاعل .. مو بس الفوم انا شايفه بعيني .. لو اليهال الي با السياره ياكلون بطاط وماردي شنو تلاقين التقطط من الدريشه عااادي .. والعوائل الي على الارصفه بعد كياس البطاط والوجبات وكلشي تشوفينه والكلينكس وسوالف شكثر.. ودي يارب هالضاهره تنتهي وماراح يلتزم الوافد ان ما التزم ابن البلد