حملة العلاج بالخارج والانتظار والرفض

[ام يوسف القمر]

السلام عليكم بنات
شلونكم شخباركم يلت كل وحدة تفيدنا وتقول محاولاتها واللي تحبط واللي تعطي الامل
مع العلاج بالخارج والمراجعات ومستشفى اطفال الانابيب اللي تعب الانسان الصاحي
اول شي
ابدي بنفسي انا صارلي ست سنين وشوي يعني مابقى شي ادخل سبع سنين ثاني شي ثاني شي
تعبت وانا اقدم على العلاج بالخارج بس هم مراح ايياس اول مرة اللجنة موافقة مالت المستشفى طبعا ماكان حازم واللجنة العليا ارفضوا
اما الثانية اللجنتين ارفضوا بس يلا الحمدلله
مع العلم انة التقارير مالتي من لندن احتاج علاج لانة كنت رايحة على احسابي قبل فترة بس اللحين مااقدر طبعا مصاريف واييييييييييييييييييييييييييييييد
اللحين المفروض اروح باسرع وقت وان شالله اروح والله يكتب لي مااقول اللي على حسبي الله على حازم الرميح لانة كلة يرد معنة في حالات تحتاج الواحد يروح حق العلاج وناطرة الفرج من الله والحمدللهعلى كل حال:0bee2e8d89::0bee2e8d89::0bee2e8d89:

 

[Mar Mar]

انشاءالله الله يرزقج حبيبتي و يسهل عليج و يسر دربج ..

 

[دنياالوله]

اهلين حبيبتي
الله يرزقج ويرزق كل محرومه
لا تباسين وخلي املج بالله قوي وقوي ايمانج اكثر
الله يكون بعونج اولا العلاج بالخارج مثلج عارف لازم واسطه حسبي الله ونعم الوكيل حتى الارزاق فيها واسطه
ولاتضيعين وقتج حاولي بالديره والله يكتبلج الرزقه انشالله
وانا انصحج بالدكتور منصور العرف ماشالله عليه حده شاطر وعجيب
جربيه احسن من انه يروح عليج الوقت تنطرين
وانا اقولج عن تجربه والله يوفقج

 

[ام يوسف القمر]

مشكورة مرمر على الرد عسى ربي يثبت حملت ويجعلها من الذرية الصالحة ويخليلج عيالج يارب ويحفظهم لج اللهم امين
دنيا الوله والله رحتلة وماصار حمل وقطيت فلوس عندة يلا الحمدلله على كل حال مشكورين على المرور

 

[Emanova]

الله يرزقج و يرزقنا معاج ..... العلاج بالخارج يبيله واسطه .... ولدي لحد الحين ما عنده تشخيص ثابت اذا توحد او مو توحد ...و يقولوا لي ان ما يدزونه ....اما الي عندها واسطه رفيجه عمتي ...راحت علشان اتسوي تجميل و شد و علاج طبيعي .. و على قولتها اتصي على حساب الحكومه ..

خليها على الله .....و الله الرزاق ( يقدر و يلطف)

 

[ام يوسف القمر]

emanovaالله يشافي ولدج ميخالف خليها على الله وهم اسعى الواسطة رب العالمين ولاتياسين الله واسطتنا بعد شنو سوي

 

[ام الكتكوته]

يارب ارزقني بطفل

روحي حق حازم الرميح بعيادته

وراجعي عنده وبعدين قولي له ساعدني باللجنه

وان شاء الله ماراح يقصر معاج

بس اتصدقين خليتيني ايأس من العلاج بالخارج

انا كنت ناويه اسوي

لان اهني الدكاتره موعارفين شنو فيني كل ما اروح حق دكتور يقول لي لازم اسوي عملية منظار اشوف شنو فيج

وانا توني مسويه عمليه قبل اربع شهور

والله ما ادري شنو اسوي

 

[مواهب متعدده]

الله يرزق كل محروم

 

[ام يوسف القمر]

حور والله انا سويت اللي علي بس هم حازم يولي لو شنو ماروحلة نصاب حسبي الله علية هم القاعد يسوية حرام بس الله ان شالله اقوى منة وبنسبة لموضوع روحي عند هدى الزكري شاطرة بمنظار عسى الله يوفقج ويوفقنا

 

[ام يوسف القمر]

القبر يناديك مشكور وماقصرتي

 

[كندوش]

الله يفرجها علينا انشالله ويرزقنا الذريه من غير علاج ولا منة احد

 

[الجوررى]

حبيبتى الحين افتحو العلاج للعقم موبكيف حاتم وغيرة
قبل شهر وقفو بس الحين فتحوووه وجيبي لج لجنه طبيه وتقرير ودخليها لجنه
حبيبتى حاتم ماله شغل هو يسوى لج لجنه وبس والباقى على العلاج
وحبيت اقولج اصلا الشهرين اللى فاتو كثرو حالات العقم االلى سافروو برة للعلاج
وصدقينى اتكلم وانا واثقه لان رفيجتى هناك موظفه
وحاولت اسوى لجنه بس مارضو لان عندى ولد؟؟
انتى توكلى على الله
والله كريم

 

[أم عبدالله 9]

السلام عليكم جميعا انا الصراحه اول مره اشارك بس يوم قريت عن الدكتور حازم الرميح حزت بنفسي أن يتم الدعاء بهذه الطريقة فقلت لازم ارد لانه حرام اسكت على الكلام المكتوب في حقه أو أي إنسان آخر وبصراحه انا حالي حالكم عشر سنين مالله عطاني ومايبقى مكان مارحت رحت مصر وبلجيكا و4 مرات مستشفى المواساة ومره بالسلام ومرتين بالحكومه اللي قبل الدكتور حازم وكل العمليات والسفر على حسابي الخاص ومن 4 سنين رحت حق الدكتور حازم بمركز الانابيب بالصباح اول شي قمه بالاخلاق والادب ومعاملته جدا جدا جدا راقيه والله رزقني من بعد الله ومن ثم الدكتور حازم ولد والحين ولدي عمره 3 سنين ونص وكافي اسم الله على طول باللسانه وكافي انه حول المركز من حال الى حال . واخيرا الله يوفق الجميع ويرزق كل محرومه من الذرية ....وأيضا ياريت الإخت أو الأخوات جميعا أن يتحلون بالكلام الطيب والكتابة الراقيه ولايمنع النقد ولكن لايجوز الدعاء على أي كان وياريت المشرفين القائمين على هذا القسم يشددون على هذه المواضيع ....ولكم كل الشكر وسامحوني

 

[ام يوسف القمر]

والله ارفضوا اللجنة العليا الجوري وانا ناطرة على الله

ام عبدالله انا ماقلت اللي حسبي على اللي كان السبب وترا مو بس انا اقول كل اللي دشوا لجنة عند حازم كان وايد يرفض حتى يعني مايراعي الحالات دايما حتى ماشفت من حازم معاملة عدلة حتى كان يستهزء بكلام يمكن انتي اسلوبة معاج غير بس صدقيني اختي مو انا وحدة اللي قاعد يصير معاي جذي بعدين خن كون واقعيين اهو عندة عيادة خاصة ورئيس المستشفى يعني حتى في بنات كان يقولهم تعالوا عيادتي حتى وحدة من اهلنا سوت بعيادتة مرتين اطفال انابيب وقالها موعدج جدمتة اختى حازم معروف انة اللي عندة واسطة يمشية وحتى اشكرة دكاترة المستشفى يقولون هالشي كلشي بالواسطة وحتى سكرتيرة قالت كلشي بالواسطة بعكس المركز ماشفت شيء تغير هاذي المواعيد طويلة صارلي خمس سنيين وانا انطر عالعموم ترا كل شي نصيب والحمدلله على كل حال واحنا ياختي بالمنتدى نعبر عن راينا ماقعد نقول شي مو صحيح نقول شي الواقعي وشكرا على المشاركة
كندوش ان شالله ومشكورة على المشاركة

 

[أم عبدالله 9]

يا حبيبتي الله يرزقج بذريه تملى عليج حياتج يارب بس انا اول مره اسمع عنه هالكلام يمكن انت ماشفتي المركز قبل لا ايي الدكتور حازم بس الدنيا توافيج والله يوفجج عنده او عند غيره بس المهم يرزقج ذريه تملى عليج حياتج

 

[ام هيونه]

الله يرزقج يارب ولا يحرمج بس عندي سؤال
صحيح فتحو علاج العقم في الخارج يقولون مسكرينه من سنتين ياريت تاكدون عدل فيه احد رايح هالايام على حساب الحكومه

 

[ام يوسف القمر]

ام عبدالله مشكورة وماقصرتي والله يخليلج ولدج حبيبيتي الحمدلله على كل حال
ام هيونة انا ارفضوا وقبل امس داشة المقابلة واليوم ارفضوا محد قاعد يروح اللي منعدم عندة الحيوانات المنوية وحالات قليلة قاعد تروح شلون الله اعلم بس في حالات قاعد تروح
والاكثرية على حسابهم الخاص
انا توني ياية من عندهم رافضيين مرتييييييين
الحمدلله على كل حال

 

[ام يوسف القمر]

على فكرة امس كان عندي موعد عند وحدة اطفال الانابيب والعقم والمواعيد فل علما انا من 2004 ولا قالت على السنة الياية الله يحينا وعصبت قلت ليش مو الحين اخر شي الرد كل شي بالواسطة والله حتى مو كويتين قاعد يسون حقن وانابيب لانة عندة واسطة والله هذا الرد حتى عصبت ورحت المديرة المركز بشتتكي بالمواعيد وهم ممخلين الواحد يروح
لازم نشتكي على العموم الله موجود

 

[نسايم دبى]

الله يسهل امووووووركم واموووووووور كل مسلم

 

[* ورود *]

حتى انا احاول اني اروح للعلاج بالخارج بس مو حق الحمال

سفري للخارج حق شي ثاني

لأن في عمليه لازم اسويها برا الكويت

بس الله ما كتب وتعرفين الواسطة تفتح الأبواب المصكره

خليها على الله

الله يرزق كل محروم