السلام عليكم ورحمة الله وبركاته ..
اولا شلونكم حبيبات قلبي يارب كلكم بخير وصحة وعافيه ..
ثانيا / قررت اسوي هالتجمع للكل للكل واتمني الكل يشارك حتي انتي يالي مسجله وما قمتي ادشين
لان همومج كلت قلبج ..
ثالثا / هالتجمع سويته مثل ما اهو واضح من العنوان ..
كلنا عندنا اماني .. واحلام وطموحات ..
ومشاكل صعبه باعتقادنا .. وهموم و ملن بقلبه همه مثل مايقال ..
وتعرفون ان دعوة الاخ لاخيه بظهر الغيب مجااااابه ..
لذالك كل الي بيدشون التجمع (لازم لازم) يذكرون ان عندهم مشكلة ( مو لازم تتكلمون عنها بتفاصيل ) بس كل وحدة تذكر وتقول
انا عندي مشكله وهم ادعولي بتفريج الهم
و رح نشمل بعض بدعواتنا( بالاسم) والاعمال بالنيات طبعا ندعي بقلب صادق للعضوة فلانة بالتفريج ربما نفرج عن وحدة بسبة دعوة خالصه من قلبنا طالعه .. سبحان الله اذكر وحدة رفيجتي تقولي دعت لرفيجتها بشغله تقول مر جم يوم جان هالشغله تصيرلي انا !
تقول لا بعد ولا ع البال ولا ع الخاطر شي كان مستحيل ييلها وتقول رزقه طقت بابي لان دعيتها لوحدة ثانية ..!!
لا تستخفون (اسرع ) الدعاء الي يكون بظهر الغيب ..
والحديث الشريف يقول لا يؤمن احدكم حتي يحب لاخيه مايحب لنفسه ..
و سبحان الله ربي ورسوله صلوات الله عليه
يرغبنا بالدعاء لاخوانا بظهر الغيب و سبحانه حطلنا جائزة مثل مانقول لان الرسول قال الي يدعو لاخوه بظهر الغيب له ملك يقول : امين ولك بالمثل
سبحان الله سبحان الله .. حتي ان دعوة الملائكة افضل من دعوتج لنفسج ! لانهم ما عندهم ذنوب و يعبدون الله ليل نهار ! و هذا الشي ما يتحقق الا بدعواتج لاختج بظهر الغيب !
ها يا حلوين واضحة الفكرة مالت هالتجمع ..
وضروري يرفع الموضوع (كل يوم ) علشان نتشرف بعضوات يدد محتاجين دعواتنا .. والكل يشوف الموضوع
وتجمعنا سميته ( تجمع الامل ) ..
واخيرا وليس اخرا النية مهمة حبايبي يعني لا تقولين بدعي للبنات بس عشان الملايكة ترد ولكي بالمثل ..
لالا بالعكس خليً نيتج جميله ينصلح حالج .. حبو الخير للكل والله لو وحدة بس تستفيد وربي يفرجها عليها بسبة دعواتنا مفروض تطير فرحة .. و نتستانس لها وهذا الي بيصير باذن الله
شروط قبل الدعاء :
1- تدعين لكل بنت تدش التجمع بان ربي يحقق احلامها ويكتبلها الخير بالي تدعي فيه و ييسر امورها عاجلا بطريقه عجيبه
2- تدعين لكل مريضه بالتجمع ان ربي يمن عليها بالشفا
3- تدعين وماتقولين دعيتلج فلانة او دعيت بكذا كذا لجً يا فلانة ( لان جذي مايصير اسمه دعوة بظهر الغيب )
4- رحً نكتفي ان كل وحدة تحط انها محتاجة دعواتنا وباذن الله كل وحدة فينا اعتقد عارفه شرح تسوي
وفي شغلات (الزاميين ) بس عجيبين بأثرهم شي مو طبيعي باثرهم من جذي خليتهم الزاميين ( والكل يقدر عليهم باذن الله ) ..
1- خصصي صدقه يومية مقدارها لو امية فلس بنية تحقيق امنيات بنات التجمع وكل المسلمين بكل العالم جذي انويها بقلبج ..
الفايدة : اجر مضاعف و ترد الملائكة ولج بالمثل عن كل شخص مسلم مهموم بالعالم وعن كل بنت مهمومة بالتجمع باذن الله
2- استغفري لو امية مرة بنية قضاء حاجات بنات التجمع و كل شخص له حاجة عند ملك الملوك جذي انويها بقلبج
3- تدعين لبنات التجمع معاج من ضمن دعواتج اليومية جنه تدعين لروحج .. يعني خلوكم مخلصين عشان ربي يرزقنا ويرزقكم ..
4- احسني الظن بالله دوما وابدا ..
اخر شغله الي تبينا ندعيلها ..
5- ابيها تكبر الخط شوي خطوطكم صغيرة و خلوها بلون مخالف يعني لا تخلونها بلون اسود عشان ننتبه و الكل يقرا ..
الي تتحقق امنياتها وينفرج همها تيي تبشرنا
يلا شدو الهمةً خلونا نشوف المشاركات
منو تبينا ندعيلها بشي تتمني تحقيقه.. ؟
اولا شلونكم حبيبات قلبي يارب كلكم بخير وصحة وعافيه ..
ثانيا / قررت اسوي هالتجمع للكل للكل واتمني الكل يشارك حتي انتي يالي مسجله وما قمتي ادشين
لان همومج كلت قلبج ..ثالثا / هالتجمع سويته مثل ما اهو واضح من العنوان ..
كلنا عندنا اماني .. واحلام وطموحات ..
ومشاكل صعبه باعتقادنا .. وهموم و ملن بقلبه همه مثل مايقال ..
وتعرفون ان دعوة الاخ لاخيه بظهر الغيب مجااااابه ..
لذالك كل الي بيدشون التجمع (لازم لازم) يذكرون ان عندهم مشكلة ( مو لازم تتكلمون عنها بتفاصيل ) بس كل وحدة تذكر وتقول
انا عندي مشكله وهم ادعولي بتفريج الهم
و رح نشمل بعض بدعواتنا( بالاسم) والاعمال بالنيات طبعا ندعي بقلب صادق للعضوة فلانة بالتفريج ربما نفرج عن وحدة بسبة دعوة خالصه من قلبنا طالعه .. سبحان الله اذكر وحدة رفيجتي تقولي دعت لرفيجتها بشغله تقول مر جم يوم جان هالشغله تصيرلي انا !
تقول لا بعد ولا ع البال ولا ع الخاطر شي كان مستحيل ييلها وتقول رزقه طقت بابي لان دعيتها لوحدة ثانية ..!!
لا تستخفون (اسرع ) الدعاء الي يكون بظهر الغيب ..
والحديث الشريف يقول لا يؤمن احدكم حتي يحب لاخيه مايحب لنفسه ..
و سبحان الله ربي ورسوله صلوات الله عليه
يرغبنا بالدعاء لاخوانا بظهر الغيب و سبحانه حطلنا جائزة مثل مانقول لان الرسول قال الي يدعو لاخوه بظهر الغيب له ملك يقول : امين ولك بالمثل
سبحان الله سبحان الله .. حتي ان دعوة الملائكة افضل من دعوتج لنفسج ! لانهم ما عندهم ذنوب و يعبدون الله ليل نهار ! و هذا الشي ما يتحقق الا بدعواتج لاختج بظهر الغيب !
ها يا حلوين واضحة الفكرة مالت هالتجمع ..
وضروري يرفع الموضوع (كل يوم ) علشان نتشرف بعضوات يدد محتاجين دعواتنا .. والكل يشوف الموضوع
وتجمعنا سميته ( تجمع الامل ) ..
واخيرا وليس اخرا النية مهمة حبايبي يعني لا تقولين بدعي للبنات بس عشان الملايكة ترد ولكي بالمثل ..
لالا بالعكس خليً نيتج جميله ينصلح حالج .. حبو الخير للكل والله لو وحدة بس تستفيد وربي يفرجها عليها بسبة دعواتنا مفروض تطير فرحة .. و نتستانس لها
وهذا الي بيصير باذن الله شروط قبل الدعاء :
1- تدعين لكل بنت تدش التجمع بان ربي يحقق احلامها ويكتبلها الخير بالي تدعي فيه و ييسر امورها عاجلا بطريقه عجيبه
2- تدعين لكل مريضه بالتجمع ان ربي يمن عليها بالشفا
3- تدعين وماتقولين دعيتلج فلانة او دعيت بكذا كذا لجً يا فلانة ( لان جذي مايصير اسمه دعوة بظهر الغيب )
4- رحً نكتفي ان كل وحدة تحط انها محتاجة دعواتنا وباذن الله كل وحدة فينا اعتقد عارفه شرح تسوي
وفي شغلات (الزاميين ) بس عجيبين بأثرهم شي مو طبيعي باثرهم من جذي خليتهم الزاميين ( والكل يقدر عليهم باذن الله ) ..
1- خصصي صدقه يومية مقدارها لو امية فلس بنية تحقيق امنيات بنات التجمع وكل المسلمين بكل العالم جذي انويها بقلبج ..
الفايدة : اجر مضاعف و ترد الملائكة ولج بالمثل عن كل شخص مسلم مهموم بالعالم وعن كل بنت مهمومة بالتجمع
باذن الله 2- استغفري لو امية مرة بنية قضاء حاجات بنات التجمع و كل شخص له حاجة عند ملك الملوك جذي انويها بقلبج
3- تدعين لبنات التجمع معاج من ضمن دعواتج اليومية جنه تدعين لروحج .. يعني خلوكم مخلصين عشان ربي يرزقنا ويرزقكم ..
4- احسني الظن بالله دوما وابدا ..
اخر شغله الي تبينا ندعيلها ..
5- ابيها تكبر الخط شوي خطوطكم صغيرة و خلوها بلون مخالف يعني لا تخلونها بلون اسود عشان ننتبه و الكل يقرا ..
الي تتحقق امنياتها وينفرج همها تيي تبشرنا
يلا شدو الهمةً خلونا نشوف المشاركات
منو تبينا ندعيلها بشي تتمني تحقيقه.. ؟
التعديل الأخير:
