حمـآتي تحذرني من ولد عمهـآ !! ,,

[لولو21]

قبل لا اقول مشكلتي .. عندي طلب صغير اتمنى كل بنت تدخل تتخيل انها قصتها عشان تساعدني عدل..همتكم يابناتمحتاجتكم والله

في بدآية زواجي اللي قبل نص سنه تقريبا ..

زوجي ماعطاني حقي بالقعده معاي .. كله برا البيت.. ماشوفه الا وقت النوم..
ولاسألته وين رايح .. من وين جاي .. او وين بتروح .. او مع منو بتروح .. كان جوابه (مع ناصر)
اللي هو ولد عمه .. وعلاقته حييييل متينه معاه..
حتى فونه لادق لاحظت كله ناصر وماعلى السانه الا ناصر ..
ناصر ناصر ناصر ناااااااااااااااااااااااااااااااااااااااااصر
يا هالناصر هذا اخذ زوجي مني <وانا طبعا ع النيه ولاني بريئه وعلى النيه ماجا على بالي ابد شي غير اني اغار من ولد عمه بس .. ولييييييييييييت كانت هذي المشكله بس

ومرت الشهور الين قبل اسبوعين ..
كنت قاعده مع حماتي قالت لي انهم مقاطعين بيت عمهم لان ماجا من وراهم الا المشاكل
ولانها تمون علي افتحت لي قلبها وقالت اشياء .. اقسسم بالله يابنات حسيت من الحره في شياطين ترقص جدامي الدنياا سووووووده ماشوف شي معقوله في ناس جذي!!

دار بينا هالحوار..

بشاير :ديربالج يالولو ترا ماوراهم غير المشاكل وحنا مقاطعينهم من زمان ديربالج على زوجج وديربالج من ناصر بالذات (اللي هو ولد عمه) ..ترا مو ناوي لكم خير
انا:ليش بالعكس والله ماشاءالله عليه شايل زوجي شيل ع راسه ويخدمه خدمات لو اخوي ماسواها لي ..

بشاير : بس انتي ماتدرين ليش .. وسكتت

وانا جاني الشك والسالفه فيها زوجي
انا :بشور صارحيني

بشاير : هو يالولو صارله سنيييييين يحاول يضبط اخته لزوجج ولما ملجتوا .. البنت نفسها استخفت لانها من زمان تبيه وتقدم لها واحد ارمل وعنده بنت واخذته من الحره
وناصر ياما وياما حاول بهالشي ..
وناصر راعي خرابيط راعي بنات وسفرات مغرب وتايلند و مولي وهو كان مطلق متزوج وزوجته خلعته ماتحملته لانه يمد ايده وسوالف واجد وتراهم اعوذ بالله

وهو قاط نفسه قط على زوجج مولله صح ان اخته تزوجت بس ترا للحين خبيث
ووالله ثم والله ترا ما استعبد يحطون له شي بالاكل ديربالج يالولو

وانا خلاص عقب اخر كلمه انتهيت ماعاد ابي اسمع زوجي خفت ضعفت حسيت بشي بموس بحلجي موقادره ابلع ريجي من قوة الصدمه ..
انا خايفه يسحرونه بنات والله خايفه .. انتوا ماتتخيلون شكثر هو وياه



وانا يابنات قلبي يتقطع وانا اسمع :eh_s(2):بنات تعرفون بشنو حسيت والله ماقدر اعبر

بس هذاك اليوم حسيت بحره وطبعا انا من النوع الكتوووووم كلش ماقلت شي لزوجي
ولابينت له.. هذاك اليوم دق فونه والا اشوف ناصر
جان اقوله : ناصر هذا حييييييييييل امشيك على مزاجه يوديك ويجيبك وعلى هواه متى مابغاك جابك ولاصار ماله خلق خلاك وانت صم بكم ..!! <وكنت ناقده ابيه يحس

والله يابنات انصصصصصفق وجهه حس بكلامي .. جان يرقع قال عادي ولد عمي واكبر مني ومجبور احترمه

وبس ماقدر اكمل بنات .. ساعدوني ..
والسموحه بنات ع الكلام حيل مخربط وموعارفه اعبر للحين مصدومه

 

[دلع الفريج]

الله يعينج حاولي انج تتفاهمين معاه

 

[MiSsY HottY]

اممممممممممممم ما ادري شقولج سالفة معقدة يبيلها كيد نسا عشان تفتكين من هالناصر هذا

 

[انبثاقة فتاة]

الله يعينك حبيبتي...........

لازم تشدين حيله وتلتفتين انتباهه بالقعده وياك.........

ابرزي انوثتكي بدلالك وحركاتك .......وحاولي تلطفين الجو بالمزح وخفة الدم.........ولاتكثرين عليه طلبات .........

وخليكي معه رفيقه وصديقة مو بس زوجه


صدقيني انه مايفكر بعدين يطلع من البيت وان طلع يشتاق يرجع لك ..................


بس هذه يبيلها شطارة وذكاء وشغل منك

تحياتي...........

 

[ديمة الشوق]

الله يهديهم

 

[منو انت]

ماابي اخرعج بس هالقرايب مامن وارهم الا البلاوي علشان جذي ضروري يحب القعده معاج يعني خلج لازقه فيه ليل نهار وان شاءالله ربي يشغل ناصر بطاعته بعيد عنكم

 

[{نور الليالي}]

آنة ما اجوف بالقصة شي
دام ريلج معاه اربعه وعشرين ساعه
لو ريلج شاك بشي بيتركه يعني


اتوقع هالشي

 

[الشيخة@]

الله المستعان

 

[*الشيـــهـانـة*]

ان بعض الظن اثم
يمكن حماتج لانهم متزاعلين معاهم حااقده عليهم وطلعت هالسالفه ماتدرين وانا اختج الحقد يسوي بلاااوي
ومايجوووز تتهمين احد بالسحر حراااااااااام بدون دليل

 

[مذهلة 78]

شوفي اختي السالفه تخوف صج ولا تستهينين بالكلام اللي سمعتيه وحتى لو مو صج يس حطيه في بالج

وبالنسبه للسحر فعلا السحر مذكور بالقرآن اللي عليج تسوينه انج تقرين سوره البقره على الماي اللي تشربونه او تستخدمونه

بالاكل وانشالله ماراح يضركم سحر

 

[G!RLooNa]

امبيه انا خفت

الله يعينج مادري شقول ادعيله الله يحفظه

 

[مناير البيت]

ترا بعض الضن اثم..
وترا هذي صلة رحم معلقة بعرش الرحمن ,,لاتسعين انج تقطعين بينه وبين عيال عمه ..
اذا خوفج من السحر اقري على زوجج قبل لاتنامين وقبل مايصحى من النوم واقري الاذكار للرقيه..
وحاولي تعودينه على اكل سبع تمرات كل يوم عالريق راح تحميه من السحر .​

 

[غـرامـي أنـت]

الله يعينك بس انتي حااولي تخففين من طلعات زووجك معاه

 

[مسك الجنه]

الله يعييينج بس مو كل شي ينقال لج تصدقينه​

 

[PuPa^^SWeeT]

مادري بس دام حماتج حذرتج منه يعني فيه شي


حاولى تطلبين تطلعين وياه و تقعدين ويا قبل لايدق تلفونه

ولا خليه خالتج تلهييه وياج

مادري والله

 

[نبض شرياني]

حماتج ماحذرت الا انها عارفتهم عدل

حاولي ثر ماتقدرين تسحبين زوجج صوبج بشتى الطرق

والله قويه يبي يضبط زوجج لاخته ههههه

هذا يمكن احتر يوم انج تزوجتيه وطاحت بجبدهم اخته

 

[هواياااااا]

الله يهديهم حبيبتى عادى ولد عمه وعليك بدعاء وحصنى نفسك وزوجك واستودعيه لطلع من البيت وخلى املك با الله قوى وان شاء الله مراح يصير الا الزين وبعض الحريم تحب اتبالغ فى السوالف

 

[amami al-kuwai]

والله مادري السالفه صعبه

بس مثل ماقالوا الخوات خلي سورة البقرة شغاله بغرفتج

وحاولي انج تجذبين زوجج لج

 

[dalaly-angel]

حبوبه الله يعينج

الله يحفظكم ويكفيكم شر ولد عم زوجج

 

[الفرقد]

طيب ماذا لو كانت حماتك هى الكاذبة وهى التى تود تلفيق التهم لناصر

ماذا لو كانت تكرههم لشى ما وقطعت علاقتها فيهم وحز بخاطرها انكم لازلتم على صلة بهم

ابحثى وتحرى عن الامر من كل الوجهتين !!!!!

هناك مثل ماثور يقال انه لاتصدق من اتى اليك باكيا فقئت عينه اليمنى

فابحث عن الطرف الاخر فربما تكون كلتا عينية فقئت