حماي و مرته راح يزوروني ,, و انا و لا طقة بالانكليزي

[سري المكنون]

السلام عليكم بنات !!!

بنات انا عندي شوية مشكله او مو مشكله بقد ما هيه شغله شاغلتني ,,,,,,

بنات انا حماي مزوج و حده اجنبية و في بداية الشهر الياي راح يزوروني

اختكم مو كلش ب الانكليزي و احنا يعني العادة الحريم بروح و الرياييل بروح يقعدون ,,,

و اهيه البنت حبوبه و ريلها حابها انها تندمج في العايله و تاخذ عاداتنا و اهيه ما عندها اي مانع و انا حابه اتعامل بذرابه معاها المشكله اهيه و لا طقة في العربي ,,

فشلون ممكن اتعامل معاها شنو الجمل او الكلمات الي ممكن اتعلمها مني ليما ايوني علشان لا اتفشل

اتمنى الي فيها تساعد انها تساعدني ...:eh_s(7):

 

[ام فواازي]

قولي لها ا دونت سبيك انقلش i dont speak E دو يو سبيك اربك او نو ؟ do u speak Arabic or no?
سوري بس شلون تبينا نساعدج؟؟؟ نعلمج لغه ؟؟ِشوي صعبه
حطي عندج قاموس واي شي تبين تفهمينها عليه ضربي على هالقاموس ماكو غير جذي
او اذا احد تعرفينه من صديقاتج خواتج يعرف لغه اعزميها تساعدج

 

[al-musk]

اتفقي معاها ان كل وحده فيكم تعلم الثانية لغتها وحلو تعلمونها عربي

 

[منو انت]

خلي زوجها يقعد معاكم بالبدايه لين تتعلمين منها

 

[princess.78]

اتفقي معاها ان كل وحده فيكم تعلم الثانية لغتها وحلو تعلمونها عربي

معاها

 

[ثريا الكون]

اممم خلاص اذا تبين تتعلمين انا فلته بالانغليزي اقدر اساعدج بس اول شئ لازم تشترين كتاب وتحفظين كلمات انا اقدر اساعدج شلون تقولين الجمل صح يعني قواعد اللغه والباجي عليج بحفظ الكلمات

 

[انثى عاشقة]

جيبو مترجم خخخخخ
امزح
مثل ما قالو الاخوات
خلي احد يقعد معاكم يفهمكم الاثنين
وشوي شوي راح تتعملين انقليش
وهي تتعلم العربي

​

 

[ريف الخفوق]

احسن حل خلي عندك عموو قوقل يترجم

 

[مدام الدكتور]

انا اقولج اعزمي صديقه لج ولا اختج واتكون اتعرف انقلش عشااان تخاذون وتعطون بالسوال وتهمكم كلام بعض

واذا هي بتسكن عندج عاد الله يعينج

وخبرينااا وشووو بسوين

 

[قهرني]

قولي لها ا دونت سبيك انقلش i dont speak e دو يو سبيك اربك او نو ؟ do u speak arabic or no?
سوري بس شلون تبينا نساعدج؟؟؟ نعلمج لغه ؟؟ِشوي صعبه
حطي عندج قاموس واي شي تبين تفهمينها عليه ضربي على هالقاموس ماكو غير جذي
او اذا احد تعرفينه من صديقاتج خواتج يعرف لغه اعزميها تساعدج

^
^
ههههههههههه ضحكتيني
خلاص اعزميني وبصيرلج مترجم

 

[ياغفور اغفر لي]

حبيبتي اذا في قاموس روعه بكل جهاز تليفون تقدرين تحطينه انا استخدمة مع النطق بعد من عربي لانجلش والعكس بعد
انصحج فيه

 

[كويتيه شماليه]

ماله داعي تسولفون قوليلها ويل كوم هلا وغلا
ثانكس فور كوم هير يعني مشكوره عالزياره

دويو وونت اني ثنك تامرين على شي

بالنهايه قوليلها سوري اي كانت سبيك انجلش اوفر
ما اعرف اتكلم انجلش

بس عطيها جم ابتسامه وراح يغزر عليج الوقت

 

[ام زهقانه]

انا اقول اقعدي انتي وزجك معاهم ابركلك من قعده معها ولاتنسين تشكين البسمه كل اشوي راح تفرح

 

[خالف تعرف]

لو مكانج راح اعزم عدد من البنات عشان تصير سوالف وكل وحدا تترجم
بس الانجليز يحبون الكيك والاكلات الغريبه والفناتك حاول اتسوين اشياء حلوه عشان تستانس

 

[هاااايدي]

انا معاهم اعزمي بنات كثيييييير
كل وحده تشد من ازر الثانيه هههههههههههه
ولا حطي قدامج النت وطقطقي وخليها خخخخ اقصد يترجملج
موووووووووووووووفقه
ولاتنسين قوليلنا شيصير معاج انتي والعنجليزيه هههههههههههه

 

[سري المكنون]

و الله انكم فلته يا كويتيات

انا اطقطق شوي بس المشكله في القواعد ,,,

مشكورين على الردود

 

[سري المكنون]

اممم خلاص اذا تبين تتعلمين انا فلته بالانغليزي اقدر اساعدج بس اول شئ لازم تشترين كتاب وتحفظين كلمات انا اقدر اساعدج شلون تقولين الجمل صح يعني قواعد اللغه والباجي عليج بحفظ الكلمات

ثريا الكون على ايدج

يالله نبدي

 

[نوره 99]

خليها هي تفهم العربي
ليش حنا نتفشل أنا مانعرف انجلش وهم مايتفشلون انهم مايعرفون لغتنا
بعدين هي جايه بلد عربي المفروض تتعلم لغته مو حنا نتعلم لغتها
اسفه بس هالموضوع ينرفزني
خلي معك احد يعرف بلغتها بس بنفس الوقت خلوها تتعلم مصطلحاتكم دامها بتصير وحده من العايله

 

[Beyoncee]

لا مو معقولة ولا كلمة انقلش
اعزمي اختج او وحدة تمونين عليها تساعدج

 

[سري المكنون]

لا مو معقولة ولا كلمة انقلش
اعزمي اختج او وحدة تمونين عليها تساعدج

امبلا حبيبتي انا اعرف بس مو بيرفكت