حماي والخدم

[ghadeer212]

مرحبا ودي اخذ رايكم بشغله

انا ساكنه مع اهل زوجي بقسم منفصل وبالبيت ماكو الا ام و ابو زوجي وعندهم خدامه بالاسبوع تجيني مره او مرتين فوق تنظف المهم الخدامه تروح مع خالتي بيت ولدها وبنتها بالاسبوع مره وعلاقتي بالخدامة زينة اسولف معاها وتسولف معاي من شهرين تقريبا اهي كله تقولي ان حماي دائما يسالها اسئلة غريبة مثل انتي شلون تقدرين تعيشين بروحج من غير زوج وتطورت السالفة قام يتصل فيها ويدز لها مسجات مثل احبج وهالخرابيط :/

للعلم حماي متعلم ومتزوج عنده 5 اولاد ماشاء الله ومركزه ماشاء الله زين بس اهو دايما على خلاف مع زوجته وعايشين مع بعض عشان عيالهم بس!!!

بيني وبينكم انا ما كنت مصدقتها لان اهي وايد تالف كلام كنت اخذها على قد عقلها امس ورتني المسجات مطرش لها صيغة زواج المسيار لان اهي دايم تقوله "بابا هرام" اهي اندونيسة وكبيرة في السن يمكن عمرها 50 ومافيها جمال ولا ذاك الزود اللهم جسمها بس لكبر سنها حتى جسمها مو وايد واو.

انا طبعا ما قلت لزوجي غن السالفة بس قلت لامي لاني ما عندي صديقات واعرف امي مستحيل تطلع السالفة لبره!!!!

الحين انا محتارة شسوي مابي اسوي مشكله! وفي نفس الوقت الساكت عن الحق شيطان اخرس والامر بالمعروف والنهي عن المنكر من صفات المؤمن؟

ياربي وايد محتارة شسوي ؟!

 

[ناتشوو]

مادري شنو هي صيغة المسيار
بس دام وصل لي هالمرحلة
يفكر بمسيار من خادمة امه مبيرة السن
فالاحسن قولي حق زوجج
ومو لازم يقول له
انه يدري عن الخادمة
حتى ولو هي ينصحه
يقول شنو ناطر من عيشتك تروح للحرام؟
خل يقنعه
يصلح وضعه مع مرته او حتى يتزوج
الثانية اللي تناسبه اجتماعيا
احتمال يسفرون الخادمة
ولا تروح تدور لها معازيب ثانين علشان لا ينقطع رزقها

 

[iLLuMinaTion]

اببببب

 

[ghadeer212]

طرش لها "زوجتك نفسي ......." اهو يقص عليها بس يبي يسكتها لان دايم تقوله حرام تخيلوا يقول لها بعطيج 500 دينار وتلفون جالاكسي,,, اعتقد اهو في مرض نفسي لان يوم قلت لامي السالفة قالت لي اي انا سامعه عنه من قبل ان اهو دايما يتحرش بالخدم خبركم زوجته تمشي وتحجي عنه!!!!

 

[PuPa^^SWeeT]

لاا والله


انا اقوولج


كلمي خالتج بهداااوة


و قولييله هذي اتحجى و اتقولي و اتوريني المسجات

ونادي الخدامة على غفلة و وري خالتج المسجات





اذا اتحسين انهم بيهبوون بويهج ولا بيجذبونج



انا اقووولج انسي السالفة

 

[ghadeer212]

عيني..... خالتي تموووووت بولدها ومستحيل بترضى عيها لو بتصدق هالكلام عنه وايد تعزه وزوجي وايد اصغر من اخوه وما لهم علاقة ببعض وايد.

ياربي انا لايعه جبدي من السالفة وفي نفس الوقت مو راضيه على مرته وعياله خصوصا ولده البجر في الجامعه يعني شي مو سهل !!!!!

 

[Broy]

قولي حق ريلج مابي خدامتكم تيي عندي تنظف لي ولي سالج ليش ما ليش قوليله عن السالفه و قوليله مابيها تيي عندي

وتنقل الاخبار و سكري الموضوع لاتقولين حق خالتج ولا شيء ماراح ترضا على ةلدها و بتطلعج انتي الجذابه

 

[موريا آدم]

اختى المشكلة الحقيقية حتحدث اذا تطورت العلاقة اكثر
لذا لازم تخبرى زوجك ولاتخبى عنه شىء

 

[popa]

واي من هالرياييل ما يتعطلون
اهم شي ياحلوه لا تتدخلين

 

[#laloo]

قبل ماتقولين لريلج اخذي تيلفون الخدامهاحتمال تمحي المسجات لان وقولي له يافلان الخدامه تقول جذي وجذي
والدليل جيك التيلفون انا ماكنت ابي اتدخل بس خفت على سمعتكم واذا قالج لا تدخلين طلعي روحج من السالفه
لكن خالتج لا ولدها مستحيل ترضى عليه

 

[كويتية بروما]

الصراحه انا مستغربه منج
انتي شكو بالخدامه ومطيحه معاها الميانه تبين تعرفين اخبار اهل زوجج باي طريقه
وحطي ببالج مثل ما انقلت لج اخبارهم بتنقل اخبارج لهم بعد
والتجسس على الناس حرااااام
انا اقول اشغلي وقتج ببيتج وزوجج واتركي الناس بحالهم
من تدخل فيما لا يعنيه لقي مالا يرضيه

 

[ناتشوو]

غدير
نواياج غير
انا حسبالي
مهتمه فيهم
بس دام العلاقة مو شي بينكم
و اذا متوقعه زوجج اللي هو اخوه
ما راح يهتم وقاطع العلاقة فيه
ومرته تدري له سوابق خدم
خلاص سدي الموصوع

 

[مشتطـه]

هههه كويتيه بروما
خليتي السالفة كلها ونقزتي على لقافة البنت

من قال البنت تبي اخبار اهل حمولتها

انا كله اسولف مع خدم خالتي يوم ينظفون لي ومطيحة الميانه واتضحك وياهم وعمري ما سألت عن بيتهم تحت شيسوون


السالفة كبيرة وخليتيها ونقزتي على اللقافة ؟؟ شكووو


الصراحه قولي لزووجججج

والله يعينها على زوجها قطيعه شاف هالعيوز وفصل عليها

اكيد عنده علاقات فظيعه

 

[بولندية]

بصراااحة استغرب من البنات اللي يقولون قولي لريلج !!!!

انتووو من صجكم

حبيبتي اذا امج الله يطول بعمرهاا سامعة حجي عنه و مرته تحجى عنه اكيد اهله عارفين سوالفه لا تحجين و مالج شغل باجر تطيح السالفة براسج و يكرهونج ولا تحتكين بالخادمة تاخذين و تعطين معاها

 

[manoooram]

انا من رأيي انسي الموضوع واكبر طاف
لا تدخلين نفسج بمتاهات انتي في غنى عنها
وانتي عارفة بالنهاية بيغالطونج وبيتركب الغلط عليج غصب طيب
كيفهم الله يعينهم

 

[اذوب بكلامه]

لا تدخلين حماك رجال كبير مو مراهق
والخدامه لا تتكلمين معاها تنظف وتروح
لا تعلمين زوجك ولا عمتك

 

[دكان البخور]

الخدامه تعرف تقرا عربي ولاشنو
شلون حماج يكتب رساله بالعربي وتفهمله
وبعدين خدامة اهل زوجج لاتدخلين فيهم
والله بيقطون السالفه عليج
كيفهم حبها قص عليها
تركيهم دامها موضارتج

 

[*مطبخ الذواقة*]

والله حبيبتي انصحج تقولين حق خالتج بس بدون ما تعطين رايج بالموضوع ...قولي لها بس شنو سمعتي وشفتي وخلي الكره بملعبها ..

 

[ثريا الكون]

صح انا مع الي قالوا طنشي الموضوع. الباب الي ايي منه الريح سده واستريح​

 

[ريماا]

انا اشووف انج ماتدخلين نفسج بالسالفه
اول شي سكري الموضوع بنيه الستر علي حماج ماتدرين يمكن الله يهدي ويتوب علي قبل لاينكشف
ثااني شي الموضوع كبير يعني لي انقط علي راسج صعب تردين الوضع مثل ماكان
ثالث شي حماج اموورة خاصه في شنو مايسوي شي خااص فيه اهوو يعني لو كاان اخووج لاسمح الله اهني تدخلين بس حماج انتي ماتمونين علي ولا اهو يسمح لج تدخلين
لو كانت علاقته باخووة قويه ممكن تقولين لزووجج للعلم فقط بس داام زووجج موقريب منه ليش تقولين له اخبار تغثه واهو ماعندة القدرة ان يغير او يتدخل بالموضووع
وعلي كلامج امه تحبه ولاترضي علي يعني انسي تلمحين لامه بيقلبها عليج
انسي المووضووع ومالج شغل هذي نصيحتي لج