حمام مغربي + واكس او شيره = حروق ؟

[سكـ وذابت ــره]

قوه بنوتات !!

دايم اسمع واشوف اشكثر بنات يسوون مغربي و بخار و بعدها يطلعون يسوون شيره او واكس ! من غبائي قلت خل اجرب نفس هالبنات مااا عندي وقت اروح مرتين للصالون
المهم توكلت على الله و سويت بخار ومغربي وبعدها طلعت و سويت واكس
النتيجه
بياض - نعومه + لمعه + بقع حمره كبيره منتشره بجسمي وهالبقع صايره مثل جروح الحروق و تحرقني ولونها احمر الي وردي و احس الجلد متنزلق
متضاااااايقه حدي من البقع الحمرا و تعورني وحدي خايفه استعمل كريم يخفف الحمار بس خوفي تصير بقعه غامجه
منو صارلها مثلي وشنو تنصحوني فيه

 

[عسله]

كريم افون للجسم للبشره الجافه بزيت اللوز و ميبو
الله يعينج حاسه فيج
بس اذا واااايد احمر وبقع روحي لدكتور جلديه

 

[نـوت الحلا]

انا صاري جذي وترا يطول على مايروح انحرمت من القصير بسبتة قمت اسوي حمام مغربي بيوم والشيرة اليوم الثاني لانة الجسم يكون حار من البخار قالولي استعملي كريم ميبو بس خفت وتميت فترة ماسوي مغربي الا لما خف بعدين عادي الله يعينج قلبو​

 

[بدوية بملامح كشميرية 86]

انا من عمري اول شيره لجسمي كامل وع طوول حماااام

والحمدلله. ماكو الا العافيه

يمكن جسمج حسااس

 

[تيلينتيت]

حبيبتي اول شي عمرك ما تشيلي الشعر بعد الحمام دايركت دايما خلي بعد الحمام ب 3 ايام عالاقل وحتى تنضيف البشرة دايما سويه بعد اسبوع من الحمام المغربي . وبالنسبة للبقع لا تخافي يا قلبي بس لاتحطي اي كريم لانو بيهيجها عليكي وعاى التلج كل شوي حطي تلج وانشاء الله اكون فدتج

 

[رزينه بكلمتي]

الله يهديج منو يسوي حمام مغربي وواكس بنفس اليوم اكيد ببتهيج البشره
يالله اهم شي تتسبحين بماي بارد وانتبهي من اي كريم اتحطينه مب زين موليه
وتعلمي اتسوين حمام مغربي قبل الواكس اب 4ايام او3ايام عالاقل

 

[دمثة]

الواكس الشمع يسبب بقع انا جذيه يصير معاي ويطول لين يروح عليج بكريم الميبوووو كل اشوي دهنيهم

الشيرة ما تسبب الشمع الواكس يسبب بقع وانا كنت اسويه بجاك ديسانج ويبقه وعند عبير الياسين نفس الشي واخر مرة عنده ليلي هارموني ونفس الشي يعني الواكس يلوع الجبد

 

[LuLiTa]

غلطااااااااااااااانة ,,, ليش الواكس ؟؟؟ الشيرة احسن و المفروض انج تنطرين ساعة او ساعتين عقب الحمام المغربي عشان يبرد الجسم ,,

 

[غروه]

الله يعينك ياعمري ان شا الله مابتشوفي شر

 

[سكـ وذابت ــره]

مشكورييين بنات عالردود و النصاااايح
وفعلا غلطتي اني سويت مغربي و واكس بنفس اليوم والله يسامح اللي كان السبب بس تووووبه لاااا وااااكس ولااا شيره نرجع لليزر و نقط فلوس ابرك و اريح
المهم بقولكم شنو صار معاي
الاماكن اللي كان فيها البقع الحمرا بعد ما خف التهيج تحول لونهم الي بني فاتح و كان شوي خشن ، قلت حلووو يعني فتره و يتقشر
وفعلا تقشر بس المشكله الاثر ما اختفا صح الجلد ملمسه عادي وناعم لكن اللون صاااار اغمج و حيل شوه بشرتي خصوصا ان البقع متوزعه بجسمي

بنات اللي تعرف كريم مضمون و مجرب للبقع و اثار الحروق بليييييز تقولي عنه

مشكورين

 

[• JoJo •]

اب

اب

حطي السودو كريم يخفف الالتهاب

 

[منو انت]

المهم بقولكم شنو صار معاي
الاماكن اللي كان فيها البقع الحمرا بعد ما خف التهيج تحول لونهم الي بني فاتح و كان شوي خشن ، قلت حلووو يعني فتره و يتقشر
وفعلا تقشر بس المشكله الاثر ما اختفا صح الجلد ملمسه عادي وناعم لكن اللون صاااار اغمج و حيل شوه بشرتي خصوصا ان البقع متوزعه بجسمي

بنات اللي تعرف كريم مضمون و مجرب للبقع و اثار الحروق بليييييز تقولي عنه

مشكورين

الحيين مر فتره على اللي صار مااعتقد ينفعج اي كريم ولاتحاولين تجربين اي شي ان شاءالله مع الوقت يروح وصج اكبرررررررر غلطه تسوي حمام بعدين شيره لان الجلد يكون حار واذا العكس شيره بعدين حمام راح يصير فيج حبوب مثل ماصار مع رفيجتي لان تكونين فتحتي المسام بالشيره تالي عرضتي المسام للبخار

وان شاءالله ماعليج شر

 

[ماني من الناس]

نفس اللي صار لي بس انا بدوم حمام مغربي


كرهت الواكس كره العمى اهئ اهئ

والحين شغاله فيه كريمات مابي اروح عيادات ابي اول احل الازمه بدون تدخل خخخ


استخدمت ميبو وسودو

والحين استخدم كريم رياكتين اتوقع اسمه جي وصفته لي دكتوره بالمستوصف

وقريت انج تاخذين ملعقه زنجبيل وعشر ملاعق زيت زيتون او لوز تسخنينهم وتدهنين ايدج يخففف الحرق

باجر بجرب

 

[ماني من الناس]

بنات اب اللي صار لها حروق من الواكس متى اختفت ؟؟

 

[&موناليزا&]

عزيزتي رفع لعيوووووووونج

 

[ام عبد العزيز م]

اكبر غلط لزم تسوين شيره وبعد ساعه حمام مغربي

 

[Lovely_R]

اب لعيوونج الله يشفييج