أبي حل الله يرضى عليكم ...
قبل أمس تكمت مع زوجي على موضوع مضايقني من زمان وصج مضايقني وكنت أبجي منه لا أبين له المهم تكلمت وفتحت معاه الموضوع
قتله بكلمك بموضوع مضايقني من فترة والموضوع مادي ويقرقع بقلبي من زمان
يا بو عيالي ال 150 دينار اللي تعطيني اياهم ما يكفوني لان انا مرة مو ريال احتاج أهتم بنفسي جدامك واشتري هدوم بين فترة وفترة وصالون ووو
قالي لا اشتغلتي سوي اللي تبينه ( مع العلم انه اهو اللي مطعني من وظيفتي السابقة لان كانت بقطاع خاص ) قتله بس انت راتبك قوي قالي شنو تبيني أحرقه كله عليج قتله لاااا مو تحرقه علي بس ترهي علي بالمصرف يعني انا أصرف علي احتياجات ولدنا والبيت قالي انا مقصر قتله لااا بس انت تشوفني اشتري من المصرف ولا تعطيني اللي صرفت وهالمبلغ يفرق معاي وان انا ماني ملزمه أصرف وخصوصا ان انا ما عندي راتب
قاللي شوي وأكلمج
لما دقيت عليه عقب ساعة ما يرد علي
اليوم اثاني ما يرد علي
واليوم يااااه بيتنا وعطى الخدامة موبايل و مبلغ اللي صرفته على ولدنا ( انا نفاس عند اهلي)
دقيت عليه قتله ليش ما دخلت قال بس مابي أدش واذا ولدنا يبي شييي دزي مسج لادقين مابي أسمع صوتج
بعدين دزلي مسج يقولي للأسف عقب سنة ماتحبين إلا نفسج
رديت عليه بمسج ( لا تشوف الموضوع بالزاوية اللي تبي تشوفها فيها انا لو أحب نفسي ما بديت أشياء وايد على نفسي مثل البيت وولدنا بس انا ما عندي راتب والشرع يقول ان الريال اهو الملزوم بكل هالأمور ولو انا بدفع من نفسي يكون برضاي وصارلي فترة شايلة بخاطري ومتضايقة من الموضوع لما تكلمت زعلت )
قالي لا تعورين راسي ولا تخليني أكرهج أكثر
يا بنات ياخواتي
انا والله ما قصرت معاه بشي ولا اهو قصر معاي للأمانه بس مو متعود على الحياة اليديدة الحياة الزوجية
لما تزوجنا كان طاير فيني والحين لا ..
أول زواجنا لما سكنا بالشقة نقصها أشياء وايد والله يا بنات من فلوس دزتي شريت احتياجات امطبخ والشقة والماجلة
وبعدين لما حملت تجهيز ولدي كله مني ومن اهلي
ولما ولدت اهلي دفعوا كلشي من تكاليف ولادة والاستقبال والكفر
( اهو كان ميمع فلوس المستشفى بس لما أهلي قالوا هديتكم قام وشرى وانيت وعلى فكرة شقتي قرعة مافيها لا طاولات ولا بردة ولا زولية )
لكم الحكم
شنو انا سويته يزعل عليه
شنو الغلط اللي بدر مني
شلون أحل المشكلة
على فكرة انا لما فتحت الموضوع كنت أبي اتناقش معاه ونوصل لحل يرضيني ولا يزعلني
وما اخذته بصراخ ولا بنجره
واليوم يوم خطبتي
يعني السنة الللي طافت كان خاطبني بهاليوم((
قبل أمس تكمت مع زوجي على موضوع مضايقني من زمان وصج مضايقني وكنت أبجي منه لا أبين له المهم تكلمت وفتحت معاه الموضوع
قتله بكلمك بموضوع مضايقني من فترة والموضوع مادي ويقرقع بقلبي من زمان
يا بو عيالي ال 150 دينار اللي تعطيني اياهم ما يكفوني لان انا مرة مو ريال احتاج أهتم بنفسي جدامك واشتري هدوم بين فترة وفترة وصالون ووو
قالي لا اشتغلتي سوي اللي تبينه ( مع العلم انه اهو اللي مطعني من وظيفتي السابقة لان كانت بقطاع خاص ) قتله بس انت راتبك قوي قالي شنو تبيني أحرقه كله عليج قتله لاااا مو تحرقه علي بس ترهي علي بالمصرف يعني انا أصرف علي احتياجات ولدنا والبيت قالي انا مقصر قتله لااا بس انت تشوفني اشتري من المصرف ولا تعطيني اللي صرفت وهالمبلغ يفرق معاي وان انا ماني ملزمه أصرف وخصوصا ان انا ما عندي راتب
قاللي شوي وأكلمج
لما دقيت عليه عقب ساعة ما يرد علي
اليوم اثاني ما يرد علي
واليوم يااااه بيتنا وعطى الخدامة موبايل و مبلغ اللي صرفته على ولدنا ( انا نفاس عند اهلي)
دقيت عليه قتله ليش ما دخلت قال بس مابي أدش واذا ولدنا يبي شييي دزي مسج لادقين مابي أسمع صوتج
بعدين دزلي مسج يقولي للأسف عقب سنة ماتحبين إلا نفسج
رديت عليه بمسج ( لا تشوف الموضوع بالزاوية اللي تبي تشوفها فيها انا لو أحب نفسي ما بديت أشياء وايد على نفسي مثل البيت وولدنا بس انا ما عندي راتب والشرع يقول ان الريال اهو الملزوم بكل هالأمور ولو انا بدفع من نفسي يكون برضاي وصارلي فترة شايلة بخاطري ومتضايقة من الموضوع لما تكلمت زعلت )
قالي لا تعورين راسي ولا تخليني أكرهج أكثر
يا بنات ياخواتي
انا والله ما قصرت معاه بشي ولا اهو قصر معاي للأمانه بس مو متعود على الحياة اليديدة الحياة الزوجية
لما تزوجنا كان طاير فيني والحين لا ..
أول زواجنا لما سكنا بالشقة نقصها أشياء وايد والله يا بنات من فلوس دزتي شريت احتياجات امطبخ والشقة والماجلة
وبعدين لما حملت تجهيز ولدي كله مني ومن اهلي
ولما ولدت اهلي دفعوا كلشي من تكاليف ولادة والاستقبال والكفر
( اهو كان ميمع فلوس المستشفى بس لما أهلي قالوا هديتكم قام وشرى وانيت وعلى فكرة شقتي قرعة مافيها لا طاولات ولا بردة ولا زولية )
لكم الحكم
شنو انا سويته يزعل عليه
شنو الغلط اللي بدر مني
شلون أحل المشكلة
على فكرة انا لما فتحت الموضوع كنت أبي اتناقش معاه ونوصل لحل يرضيني ولا يزعلني
وما اخذته بصراخ ولا بنجره
واليوم يوم خطبتي
يعني السنة الللي طافت كان خاطبني بهاليوم
((
