حبيبتي امبلا بثاني ولاده اذا الخياط صحيح ومن ناس خبره يتعدل
ياما بنات ولدو مره ومرتين وثلاث وعادي .. مثل حماواتي واختي بثاني ولاده لها
بس انا بقولج تجربتي واقريها عدل عشان اتعرفين ان مستشفى لندن تغيرت وماعاد تصلح للولاده
حبيبتي انا اول ولاده ودلت بالعدان .. طبعن مايهتمون ان يخيطون بضمير او يصغرون الحجم فهمتي علي
وكانت غرزهم شاده حيل .. والله طول الاربعين ابجي دم من شدة الغرز .. ولا عطوني ملين للمعده .. فعزج الله كنت اعاني لما اروح ..؟ لان الوالد طبيعي مفروض ماتعاني بالخروج ولازم يعطونها ملين وماكنت ادري فماجبت من الصيدليه .. كان مفروض هم يعطوني او عالاقل يكتبون لي الوصفه وانا اجيب من برا
ورفيجتي ولدت بالعدان .. وفتح خياطها وراحت للندن وخيطو المكان وارتاحت
لجذي بثاني ولاده تشجعت اولد بمستشفى لندن
مع اني بولادتي بالعدان ماتعبت اثناء الولاده عطوني ابرة ظهر .. بس شوفي بعد ماصحيت من البنج
بس بالعدان حطوني بغرفة ملاحظه فيها 6 غيري .. وماكان لي مكان فحطوني ورا الباب ع طول .. غطوني بشرشف خفيف .. والغرفه ثلج ظليت ارجف
ودشني هوا لين قال بس
لما قمت بروح الحمام تكرمين .. اغمى علي وكنت انزف حيل
لما زوجي تحرك ودخلوني غرفه خاصه هالشي ثاني يوم .. اهمال من السسترات حتى تنظيف الجرح ماسوو لي ولاعطوني بينتادين ولا شي
لما يجي زوجي يناديهم يتحركون لما يروح .. اظل اعاني
فمن تجربة رفيجتي قلت اولد بثاني بيبي بلندن منها ارخص ومنها رفيجتي تمدحهم
بلندن ببنتي الثانيه طلبت ابرة ظهر .. جت دكتوره عطتني ابرة ظهر .. ماعرفت اقعد ولا اتحرك حسيت اني مشلوله من صدري لي رجولي
حسيت ببروده .. ماكنت احرك الا راسي وايدي .. فجاه قمت احس بصعوبه بالتنفس عطوني جهاز تنفس
جت الدكتوره تاخذ دم من ايدي وتحطه بظهري شفتها مرتبكه وايدها ترجف دزتها السستر وسحبت الدم بنفسها .. فهمت ان في شي غلط
حطو الدم بمكان ابرة الظهر بظهري .. طلعت حطتلي جرعه كبيره من ابرة الظهر الي هو عباره عن هوا
يوم جيت اولد مفعول الابره اختفى تماما .. بدت معاناتي .. قمت اصيح ابجي ارافس .. طبعن قمت احرك جسمي لانهم بس حطو دم بظهري راح مفعول ابرة الظهر
كل شوي بقوم من السرير من شدة الالم واقول ابي عملية قيصريه ولا بروح لبيتي .. عانيت لربع ساعه ويمكن اكثر ولما طلعت بنتي .. ارتحت وعطوني بنج ونمت
بالغرفه ابد ماحسيت بالغرز حيل ارتحت .. وعطوني ملين للمعده وكنت مستانسه لان هالمنطقه ماعادت تعورني .. وانا قبل لما راجعتهم قلت ابي خياط تجميلي وتصغير
بس كنت مااقدر احرك راسي ورقبتي .. طلع فيني هوا بين فقرات عظام رقبتي .. اسبوع ونص وانا نايمه ع ظهري بدون مخده ولا اقدر ارضع بنتي لاني تضررت من ابرة ظهرهم .. واخذت مسكنات واشرب سوائل واهلي يسوون لي مساج برقبتي والحمدلله تشافيت
بس حلفت ماعاد اولد لا بلندن ولا بالعدان
واختي من فتره ولدت بلندن .. وقالت سهالات وبطلب دكتور لابرة الظهر مو الدكتوره المصريه
بس لما عطوها ابرة الظهر ماحست بمفعولها .. وتعبت حيل .. فمادفعت حساب الابره الي عندهم ب 60 دينار
واول عشرين يوم من الاربعين كانت تشتكي من المنطقة تحت سرتها تقول في الم مو طبيعي وماقدرت تهتم بنفاسها عدل
بس شوفي لما جت تشيل الغرزه الداخليه عندهم لانها مسويه تجميلي لقو شاش ناسينه اثناء الولاده داخل منطقة اختي ؟!!
ولما طلعت من الاربعين وردت لزوجها اثناء الشسمه انفتح جزء بسيط من الخياط مع انه مو غرز ومفروض التئم ونزفت شوي .. راجعت مستشفى السلام قالو شي طبيعي لانج والده 3 مرات ورا بعض والجرح بنفس المكان اذا اكثر من مره مايلتئم بسرعه
واختي ولدت اول مره بالسلام وبثاني ولاده بلندن بس ماكان فيها شي .. وبثالث ولاده بلندن واهني تاذت وهالشي من 3 شهور
وانا نفس الشي بعد ولادتي الثانيه بلندن بس رديت لزوجي .. احس فتح جرح بسيط بس للحين موجود ويعور .. هل هالشي لسوء خياطهم
او فعلا الخياط بنفس المكان اذا تكرر مايلتئم ويبي له وقت اطول .. لاني ع طول احمل ماانطر سنه او سنتين
حبيت اعرض تجربتي بالتفصيل عشان افيدج اكثر
انا الحين افكر اولد بمستشفى احسن وعند دكتوره احسن مثل دار الشفا .. ومن الحين جمعي ووفري لميزانية الولاده
وربي يسهل عليج
