حل للكدش بسررررررعه

[miss SHOOSHOO]

السلام شلونكم كويتيات

تكفون طالبتكم ابي حل لشعر بنتي والله تكسر الخاطر

يمه يمه يخرررررع جنه كدش والله تبجي حتى زوجي

امس قالي سويلها كيراتين وانا خايفه عليها لان تو

عمرها بس سنتين. والله لدعيلها اللي عندها حل او

خلطه او مجربه كيراتين تكفوووووون

 

[آمول~]

انا زيتي فديتج ينعم حيل ..~

والكرياتين حرام مو زين

 

[miss SHOOSHOO]

اموووول فديتج شنو زيدتج واللي يوفقج

والله اقولها ماما وين عيونج ماشوفهم من الكشه

وتعقدت مت التشبيص

 

[Kirsten storms]

في حنه للتنعيم يمدحووونها حيل

وشكثرر بنات صار شعرهم ناعم منها

بس اشوف الرابط واررد ​

 

[جوانا2010]

نفس معاناتك.............
بس حرام الكيراتين توها صغيره.......

 

[miss SHOOSHOO]

كرستينا. الحنه اللي تنعم
اخاف فيها مواد وسمعت انها طلع ريحه بالشعر

 

[فيونكه الماسيه]

استخدمي جل الصبار ينعم حيل
او استخدمي زيت الخردل هم ينعم بس التزمي يعني حطي بليل غسلي الصبح
استخدمه على طول ينعم ويطول الشعر

 

[miss SHOOSHOO]

شنو جل الصباااار
وزيت الخردل من وين احصه

 

[عديمه احساس]

انااا اقول عاااادي ولا تكدريين لا خاطرج ولا خاطر بنيتج دامهاا صغيره عمرهاا سنتين عودييهاا ع القص ولا تطوليين شعرهاا
ولا تعقدوون السسالفه اهم شي عشان لا تسببين لهاا عقده طول عمرهاا .~

وبخصوص شنو تسسوين حآولي قد ماتقدريين انج ترطبينه 24 ساعه وعمامي ماشاءالله بناتهم صغار سنه ونص ويحطون حنه وسوالف فاتوقع الحنه ماتضرهاا ان شاء الله.~

والله ينــعم شعرهااا يااارب.~

 

[reem q8yat]

حبيبتي البنوته لسه صغيره حرام تلعبين بشعرها
اول شي زيتيه مرتين بالاسبوع عشان تلين الشعره
و لا تغسلينه اكثر من 3 مرات بالاسبوع بالشامبو .. و حاولي ترتبينه لها بكريم و تحطين لها طوق عريض يلمه على ورا او hair clips بطريقه حلوه في فيونكات للبنوتات مره حلوه بكليرز و خليها تحب شعرها و لا تحس انه شي مو حلو ..

 

[المرتاحة]

لا تحطين لها كيراتين و كيماويات حرام توها صغيرونه

استخدمي لها اشياء طبيعيه زيوت و ماسكات للشعر وهالسوالف

وترى زيت جوز الهند الاصلي وايد حلو للشعر

 

[فيونكه الماسيه]

زيت الخردل بعطار وجل الصبار موجود بصباره نفسها اخذي من المشاتل قولي ابي صبار الشعر اخذيها قصيها وطلعي الجل الي داخلها واخلطي معاه زيت باراشوت نعومه تهبل

وفي من الصيدليه نفس زيت اسمه اكتف سلك ينعم الشعر بشكل مو طبيعي حتى الصيدلي قال لاختي هذا اقوى منتج لتنعيم الشعر وصج كلامه يهبل تقريبا سعره 9 او 10

 

[&موناليزا&]

تونك الفازلين تلقينه بالجمعية

 

[دلوعة المنتدى]

جربي حنة التنعيم للامانه ما جربتها بس يمدحونهاا

 

[aroosalshemal]

ما قصروا البنات


انا داشه بس والله علشان اقولج احذري الكيراتين ..... دمر شعري وسويت لبنتي عمرها 4 سنوات

استانست فيه سهبل فلبيني تقريبا بس 8 شهور وتقصقص الشعر من الفروه وقام يطيح وانا احرقلي اياه

استانست فيه ما كملت السنه ودمار والله للحين اعالج فيه



اه لو يرجع الوقت ورا حرام ما اسويلها مره ثانيه ... والحنه احرصي منها


خلج عالطبيعي بتكبر باجر وتهتم بنفسها ... وخلي شعرها يطول انا مو مع القصير للشغر الكيرلي لانه مهما تمشطينه يطير

الطويل تمسكينه يشباصه ويطلع مرتب


موفقه

 

[miss SHOOSHOO]

فديييييتكم كلكم صج ماقصرتو

وقص ما اقدر اقص لها شكله مو حلووو نهااائي وع طول

جاف وناشف شعرها

بناااات من جرب كريم اكتف سيلك

 

[miss SHOOSHOO]

ماقصرتو ياااقلبي

وعسى ربي يوفقكم

ومنو جربت اكتف سيلك تقولنا تجرربتهااا

 

[مناته]

انا عندي لج الحل باذن الله
شعر بنتي كان ماساه والحين الحمدلله فرق الف

خلطه احطها لها مره فالاسبوع:
عباره عن سدر وحنا كميه تقريبا متساويه معا زبادي واعجنها بشاي
والله انه شعرها صار لمعه وراح الجفاف
بس لو وقفتي عنها بيرجع شعرها يكدش شوي

ثاني شي انا كنت اغسل شعر بنتي بشامبو البيبيات واكتشفت انه ما ينظف عشان جي شعرها مجلف
صرت اغسله بشامبو كبار مرطب وعقب احط لها كوندشنر مرطب بعد واخليه مده

عقب اغسله زين وانشفه وارش عليه البخاخ حق التشابك والحمدلله شعرها وايد تغير حتى الكل يسالني شمسويه

 

[عبقرية]

الصغيرات مالهم غير حلاقة حتى عمر 5 سنوات

والزيت الذي يناسب الاطفال هو زيت جوز الهند الاصلي ​