حليب صدري ما يشبع بنتي شنو الحل

[worood82]

بنات عفيه انه اول مره ارضع طبيعي من صدري وما شاءالله صدري فيه حليب بس احس انه خفيف ما يشبع بنتي لما تشرب اطول معاي ومايمديها اقل من ساعتين تبي ترضع مره ثانيه مع اني مهتمه باكلي الحمدلله بس ما ادري ليش احس انها ما تشبع

 

[A7bny =)]

هاي مشكلة الطبيعي انه صادتني نفس مشكلتج واضطريت ادخل صناعي فعافت صدري وفي يهال لا ما شاء الله يرضعون طبيعي وصناعي بس بنتي عوبه عافت الطبيعي ،، جربي دخلي لها صناعي

 

[c a t w o m a n]

شي طبيعي إن كل شوي تبي صدرج مو لأنه ما يشبعها لأن الياهل علي صدر أمه يشرب و ينام يقوم يوعان

 

[حبيبت مموي]

نفس المعاناة

 

[الأميرة جوري]

شربي حليب. وعصاير يزيد من كميه الحليب وعطائها مساعد حليب صناعي

 

[worood82]

ايحبني مشكوره حبيبتي عالاقتراح
كات وومن وحبيبه مموي مكورين عالرد
اميره الجوري مكوره حبيبتي عالنصايح عاد انه اشرب حليب بس حدي كوب واحد باليوم يبيله انزيد اشوي

 

[PinkLulu]

عادي حبوبة

حليب الأم كافي...إذا كان الخروج من 5 إلى 7 مرات باليوم

وكل ما تكبر بنتج تزيد الفترة بين الرضعات

مرات الياهل ما يكون يوعان بس يبي حنان ويبي يمص مثل المصاصة

وهالشي مثل مساج وإشارات حق صدرج عشان يزيد كمية الحليب ويكون كافي لها لما تكبر

الموضوع يبيله صبر واجتهاد

الله يعطيج العافية وتشوفينها أحلى عروس​

 

[PinkLulu]

وما أنصحج تعطينها صناعي...لأن في يهال من يجربون الصناعي يكرهون الطبيعي

والحليب الطبيعي خفيف وبسرعة ينهضم عشان جذي تيوع أسرع من الياهل اللي يشرب صناعي

أهم شي اهتمي بصحتج وأكلج...ومع الوقت راح تصير العملية أسهل​

 

[worood82]

بنك
يعطيچ العافيه حبيبتي والله طمنتيني ومشكووووره وايد انچ ريحتيني لاني كنت احاتي انه الحليب ما يشبعها مع اني اكل زين عشان هالحليب يطلع حتى
احاتي وزني يزيد من كثر ما اكل بس انه اقول يالله ميخالف عشان يثقل الحليب

 

[Rayoma2]

الطبيعي لازم كل ساعتين لانه خفيف وسريع الهضم مو مثل الصناعي
وعفيه عليج كملي طبيعي واحتسبي الاجر عند الله
والله يحفظ ولدج

 

[أم حورية]

حاولي تخلينها ترضع رضعة كاملة من كل صدر لان الحليب في بدايته يكون خفيف بس اخر الرضعة يكون مشبع بالدهون واذا خليتيها تاحذ كفايتها بالرضاعة لما توصل لي اخر الرضعة راح تشبع من الدهون والحكمة اهي عشان تضمنين. ان انها تاخذ كفايتها من الفيتامينات والكالسيوم الموجودة باول الرضعة

واذا كانت تشرب لي نهاية الرضعة فتقدرين تاكلين رهش لان يثقل الحليب ويخلي البيبي يشبع*

 

[worood82]

ريوم وام حوريه مشكورين وجزاكم الله الف خير على معلوماتكم افيدتوني وااايد وشجعتوني اكثر على الرضاعه لان صار فيني احباط باعتقادي انه حليبي ما يشبع ويعطيكم الف عافيه

 

[بابريكا]

انا بعد عندي نفس المشكله .. مشكورة عالموضوع فادني
انا مشكلتي اني اتعب بسرعه و امل كل شوية ارضع ارضع والصراحه دخلت الصناعي بس شجعتوني اقلل الصناعي و ازيد الطبيعي

 

[worood82]

بابريكا
انه لما كنت في بچري والده اتعب ابسرعه وغير عوار الخياط ولدي كان عسر والنفسيه زفت من چذي ما قدرت اكمل الرضاعه بس هالمره الحمدلله اتمنى من ربي
بان يقدرني واتحمل عشان ارضع طبيعي
وانشاءالله كل الامهات يدشون وشاركونا في هذا الموضوع عشان يتشجعون على الرضاعه الطبيعيه

 

[نـعـومـه]

اي الطبيعي ينهضم بسرعه

بس عادي استمري عالطبيعي تشبع لاتقولين ماتشبع بس تيوع اسرع والصناعي خليه اذا طلعتي او زرتي ناس او اذا مالج خلق ترضعين

خوفج ماتبي صدرج اذا تعودت عالصناعي !!


ومافي مشكله اذا تشرب حليب كل ساعه او كل ساعه ونص بس اول ايام عقبها لما ادخلين الاكل بختلف الوضع

 

[worood82]

نعومه
صح كلامچ اهي اطلعت المسئله يبيلها صبر واراده يارب يوفقنا فيها
وام حوريه ما شاءالله عليها كفت ووفت بالمعلومات القيمه طلعت فاتحه موضوع عن الرضاعه وانه توني اشوفه
اصح كل ام تدخل موضوعها تقراه وايد مفيد يعطيها العافيه*