حليب بيديا شور للمصابين بأنيميا الفول

[beauty rose]

السلام عليكم


شلونكم بنات ان شاء الله بخير


عندي سؤال ضروري يريت وحده تجاوبني تكون متأكدة من اجابتها


ولدي اطفال خدج ولدته كيلوا و 300
و حمدلله طلع من الحضانة وزنه كيلوين و صار زين
بس اللي متعبني انه عصقول و يرجع وايد
ما يتقبل ياكل اي شي
و مريض بأنيميا الفول G6bd

الحين عمره 10 شهور و نص تقريبا
و ابي اغير حليبه و اضيف عليه حليب بيديا شور

في وحده ولدها فيه هالمرض و عطت ولدها حليب بيديا شور و ما ضره شي ؟
انا حارمة ولدي من اي شي مكتوب عليه صويا و مكسرات و فول عشان المرض
و تفاجأت ان حليبه مال الخدج اللي صارلي 10 شهور اعطيه منه مكتوب عليه
زيت فول الصويا !! و ليسيثين الصويا
و حمدلله ياربي ولدي يشربه و مافيه اي مشاكل

و لمة شفت حليب بيديا شور مكتوب عليه نفس المكونات
فيه زيت فول الصويا بس الشي اليديد ان مكتوب فيه :

مستخلص بروتين فول الصويا

مادري هذا يضره ولالا :eh_s(2):

ابي ولدي يمتن شوي
كل ما شفت له شي بشتريه من الجمعيه يطلع مكتوب عليها
صويا او فول الصويا و اخاف اعطيه

مع ان حليبه مال الخدج مكتوب مكوناته فيه


ياريت وحده ترد علي و تشرح لي
بدعيلها من كل قلبي
لان معور قلبي هالولد وزنه ما يزيد وايد
ودي اغذيه بالاشياء اللي تفيده بس حارمته خايفة عليه

​

 

[beauty rose]

محد رد علي شدعوه

 

[miss_Ba6oOo6a]

لا تلعبون فيه الخدج جذي بنيتهم خليه علا حليبه
بنتي جذي ضلت علا سيميلاك نيوشور مال الخدج ليه السنه ويبتها بالسابع اقل من كيلو وكاهي اسمله عليها بروحهم يكبرون بس كانو ويعطوني فيتامينات نقط مع الحليب جم شهر ووقفوو غيرة كل شي كان ممنوع ووايد الترجيع والغصة وغير بطي بالشرب كانت حلمه مقاس سمول ليه السنه والميديم وايد تشرق وتختنق منها

 

[رمانة خضرا]

الحمدلله على سلامة وليدج وسلامتج
انا نفسج بنتي فيها g6pd عمرها الحين اسم الله عليها ٦ شهور
ومتوهقه شعطيها سيريلاك مو كاتبين عليه فيه صويا بس خايفه لان ميلوبا مو كاتبين من المكونات صويا بس حاطين بمربع بروح يحتوي غلى صويا
ومحتاره اقلب عيوني بالقواطي وكلهم مكتوب عليهم صويا ... واهيا اسم الله عليها دشت العنايه المركزه اول ماولدتها بسبة ان النسبة تقريباً صفر.
الحين قررت اشتري مطحانة نفس مالت القهوه واجيب عيش مصري واطحنه واحط ربع موب منه مع كوب ماي حار واطبخه ربع ساعه تالي احط قفشه منه مع حليبتها.
هذي الوصفه قريتها بموقع اجنبي عن انيميا الفول
ان شاء الله تفيدج

 

[M&Ms]

ولدي فيه g6pd وكنت اعطيه حليب ابتاميل وكان ماشي عليه بس كان ظعيف لمن كمل سنة ونص عطيته بدياشور كان يحبه بس يابله طااقة اللي ماقام ينام بليل فرجعت حق ابتاميل .. الحين ولدي عمره سنتين ونص وساعات ياكل نخي بالغلط او حمص صارت جم مرة بس الحمدالله ولا مرة ياتله نوبة الg6pd والدكاترة قالولي عيدي التحليل لمن يكمل سنة احتمال يكون مافيه

 

[travel_addicted]

ليش ما تخلين دكتورج اهوا يوصف لج الاكل احسن و اضمن عشان اسم الله عليه مايصير فيه شي و الدكاترة اخبر

 

[Cute mama]

شوفي انا عندي ولدين الصغير فيه انيميا الفول
الكبير يوم عطيته بيديا شور كان زين ومافيه شي ومشا معاه الحليب
بس الصغير سواله تكرمين اسهال مادري اذا انيميا الفول لها شغل وله لا

 

[ام رينـاد]

الحمدالله على سلامته


خلي دكتورج يوصفلج الاكل أحسن