حلو الكابتشينو ... سهل ولذيذ... حياكم

[sosa_23]

السلام عليكم ورحمه الله وبركاته



شلونكم بنات ؟

اليوم يايبتلكم حلو الكابتشينو من مطبخي الخاص و مو منقول :eh_s(6): وانشالله تعجبكم

المقادير:

* بسكوت دايجستف ( كبير أو صغير على حسب حجم البايركس )
* كيك سرالي فانيليا
* نسكافيه
* كابتشينو ( كيسين )
* 2 حليب مركز نستله ( صغير )
* ظرفين دريم ويب
* 2 قيمر نستله
* 3 ملاعق صغيره سكر ( اذا تبينه يكون حلو اكثر زيدي السكر على حسب رغبتج )
* فليك للتزيين ( عشان نكسر طعم القهوه شوي بس ماراح يبين طعمه حيل )


الطريقه :
1- تصفين بسكوت دايجستف على قاعده البايركس ( بدون ماتفتتينه تصفينه مثل ما اهو مدور ) واتييبين ربع كوب ماي وتحطين فيه قفشه نسكافيه صغيره وتشربين البسكوت عشان ما يطفح
2- ترصين الكيك فوقه عدل مع مراعاه انج ماتخلين مسافات ومره ثانيه تشربينه هم عشان مايطفح وحطي بالثلاجه
3- تخلطين المقادير كلها بالخلاط ( 3 ملاعق نسكافيه - 2 حليب مركز نستله - ظرفين دريم ويب - 2 قيمر نستله - كيسين كابتشينو - 3 ملاعق صغيره سكر )
4- صبي الخلطه فوق الكيك شوي شوي وحطيها بالفريزر لما تصك وبعدين زينيها بالفليك


وبالهنا الشفا واللي تجربها تقولي

 

[al-hlwa]

واو انا اول وحدة

مشكوووووووووووووووووووووووورة
حبيبتي عالوصفة الحلوة

 

[خزااامى]

شكلها حلوه

 

[^^ام ميمي^^]

بجربها يمكن اللحين بس بروح المطبخ بشوووف المقادير موجوده او لأ



تسلم ايدج على الحلو السهل

 

[Snow angel]

روعه تبارك الرحمن

يسلموووووووو حياتي

 

[Judy abbott]

ثاانكسس

 

[^^ام ميمي^^]

وهذا التطبيق لعيوووووووونج


المقادير الحمدلله موجوده بس للاسف فليك ماعندي


حطيت على الوجه اشوية نستلة مع نسكافيه و خربطت عليه ومن باجر برش عليه فليك او اي كاكاو عندي

توني خلصتها وحطيتها بالثلاجة و مسوية اشوية على قدي انا وزوجي

وحطيتها بالمرفقات بعد

 

[Snow angel]

ماشاء الله تبارك الرحمن

ام ميمي بدعتي

نزليه بالأطباق المجربة روعه

 

[DVDQUEEN]

يسلموووووووو حبيبتي على الوصفة

 

[shaQshoQa]

 

[جارة القمر]

مشكووووره



حبيبتي



أم ميمي



تسلم ايدج

 

[sosa_23]

مشكورين بنات على التشجيع


ام ميمي يعطيج العافيه نزلتي الصوره ماشالله شكلج ضابطته :ggdw: يعطيج العافيه حبيبتي واذا ذقتيه قوليلي عن الطعم اذا حلو ولا لا.. فديتج :eh_s(6):

 

[^^ام ميمي^^]

الله يعافيكم يا بنات


وبحطها بالاطباق المجربة ان شاء الله

 

[الدانة النادرة]

تسلم ايدج عليج بالعافية

 

[سلطه فواكه]

يعطيج العافيه ومشكوره

 

[ام_حسون]

تسلم الايادي​

 

[.:!:. ونس .:!:.]

جربته اول رمضان وعجب اخوي صراحه طعمه رهيب
اليوم بسويه بعد