حلويات رخيصة وحلوة حق جمعات الاهل

[أميرة-]

السلام عليكم

بنات انتوا شايفين اسعار الحريم الحين اقل حلو ب 10 غير التوصيل صراحة كل شي صار غالي

مرات تهف نفسي على حلو ولا بجمعت اهلي ودي اطلب حلو مرات بزور جارتي ولا بتجيني حماتي يعني ماكو مناسبة تستاهل اشتري شي غالي بس نبي حلو مع القهوة يكون سعره معقول يعني اقل من ال 10 وطعمه حلو

مرات اسوي بالبيت بس مرات مالي خلق ولا ماعندي مقادير ودي اغير يالله عطونا اقتراحاتهم وانا لي رجعه بضيف كذا شغلة

 

[حامل يديدة]

توفي المشعل حلوياتهم حلوة واسعارهم مناسبه

رقمهم بقوقل


واناحلويات الجمعات العاديه ما اطلب

انا اسوي بيتي كروكر بنص دينار وكل يوم منزلين منتج جديد
والخدامات معاشاتهم على ٨٠ و٩٠. خل تشتغل هههه

 

[أميرة-]

ماحب الكيك الجاهز طقت بتي كروكر احس فيه ريحة زفرة

عادي خدامتي تسوي كيك عادي بس ابي اطلب مرات حلويات اذا بروح لناس ولا شي بس تكون رخيصة نهبونا الحريم

ذاك اليوم طالبه من وحده حلو ب ١٥ دينار نوعين لقيمات محشية والنوع الثاني والله كيك جاهز مسويتها كب كيك وحاطه عليه توفي ب ١٥ وخذت دينارين على الترصيل وهي منطقتها قريبة مننا !!

 

[Ranoon]

شرفي جرائد إعلانات كل محل في عنده يا حلويات حلوة او فطاير
انا عن نفسي اطلب من اللي ب جرائد

 

[أم حسوون]

السلام عليكم
جزاج الله خير حلو الموضوع ، بي كيك حلو شغله و هم سعد الدين ، أنا ودي أعلم خدامتي على شغل البيت بس أحس الصيف قرب يخلص وأنا للحين ما علمتها مع أن الانستجرام متروس شغلات حلوة وسهلة التطبيق.

 

[فيلجاويه كيوت]

سوي بالبيت مايسوى تطلبين اذا جمعة عادية

كل شهر اشتري مقادير الحلويات البسيطة وسويها

او عندج بي كيك - توفي المشغل - الفيصل - ارت كيك - تورينو

مايتعدون 5 دنانير

 

[جوك احلى جو]

ديليزيا بالسره اسعاره مناسبه

 

[marshmallow]

جربوا شغلها ويُبيِّض الوجه عجييييب @ilovesugar_ بالانستققرام وهذا رقمها ٩٧٤٥٣٢٠٠

 

[Aiiishaaa]

حبيبتي حلويات مورانو و سويس لو غورميه و محلات الحلو في الجمعيات أسعارهم معقوله ������ وحلوة