%%% حلومه تسألكم ،،، تعالو بعد إذنكم %%%

[حلم الطفولة]

السلام عليكم ورحمة الله ،، شلونكم ؟؟ بسألكم وأتمنى ألاقي أجوبه حلوه ومفيده:


القصص اللي تشترونهم وعيالكم يقرونها مره ومرتين وثلاث وبس ،، شتسوون فيها بعدين ؟؟

بس نخزن ونكود ونشتري زود

وللا تقطونهم

وللا تخشونهم حق اخوانهم الأصغر ؟؟

مكتبتي انترست ودي أقط
وبنفس الوقت متحسفه ،، القصص حلوه ويديده ، وبالذات القصص الإنجليزيه
فإذا عندكم مكان تودونهم أو تتبرعون فيهم أو مدرسه تاخذهم لمكتبتها أو أي حل ،، أوأي جواب ،،،، بس فيدوني انتو شتسوون ، وشكرا.

 

[mr000]

والله هم احنا منترسين من القصص..مالوت الابتدائي والروضه عطيتهم بنت أخوي..وتالي هم وزعت دفعه ثانيه..بس عندنا ليلحين كميه..و كل بين فتره وفتره أعطي ولد أختي..بس ماأقطهم حسافه عليهم..

 

[حلم الطفولة]

مشكوره مرووو

باجي الخوات ،، شتسوون ؟

تدرون قلت حق عيالي السنه مااكو ولا قصه يديده ، وإذا عطوكم ورقة سكولاستك قطوها بالمدرسه مابي أشوفها بالبيت !

صج انترسنا /// آنا حطيت مجموعه بكرتون صغير وديته مع تجسيم الكتب الإسلاميه // بس مادري شبيكون مصيرهم بيوزعونهم ولا يقطونهم

 

[حلم الطفولة]

أخذت صندوقين كرتون من إيكيا ،، وحطيت فيهم ثلاثة أرباع القصص ودخلتهم بالمكتبه ، صار مثل تخزين بالمكتبه ،، الشكل مرتب وكل مابقو قصه يطلعونها من الكرتون ... انتهى !!
واللي عندها أفكار أخرى تفيدنا بعد مشكوره

 

[mr000]

حلومه مدرستكم مايسوون كراج سيل..اللي الطلبه يبيعون القصص والشغلات اللي مايبونها؟؟في مدارس تسوي جذي..أحسن من ينقطون..بس زين سويتي خزنتيهم بهالطريقه يبيلي آخذ حق قصص ولدي ومجلاته من هالصناديق..

 

[حلم الطفولة]

والله مرووو ارتحت يوم حطيتهم الشكل يهبل والمكتبه ترتبت حيل ،، القصص ليش أحجام مختلفه فماكان شكلهم حلو ..
// ماظن عندنا كاراج سيل ! خوش فكره .. عندهم بازار خيري ,, ممكن أبيعهم ونتبرع بفلوسهم المره اليايه ان شالله

 

[miss_heathrow]

وعليكم السلام ورحمة الله ..

شلونج حلومه شخبارج

بالنسبه حق الكتب احنا نتوارثها خاصه الكتب والقصص يعني من بنتي لي بنات اختي لي بنات عيال عمي
يصير كل جيل ياخذ قصص او كتب اللي قبله
وما شاء الله عيالنا بو بالدور يعني ما يضيع شي اثري اثري لووووول

 

[حلم الطفولة]

وعليكم السلام ورحمة الله ..

شلونج حلومه شخبارج

بالنسبه حق الكتب احنا نتوارثها خاصه الكتب والقصص يعني من بنتي لي بنات اختي لي بنات عيال عمي
يصير كل جيل ياخذ قصص او كتب اللي قبله
وما شاء الله عيالنا بو بالدور يعني ما يضيع شي اثري اثري لووووول

:icon30: هلا هيثرو ،،، لووول ونااسه الصراحه خوش شي ماشالله