حلم حياتي جرحني ودمرني وعذبني ماعرف شسوي !!

[جرح الزماني]

السلام عليكم والرحمه الله وبركاته , شحالكن خواتي في الله اعلومكم عساكن بخير وسهاله ؟:eh_s(2): احبكن في الله وربيه واموت فيكن ونا متابعه القسم من زمان وقبل يومين حبيت اشارك واطرح مشكلتيه واتمنى القى حل يفيدني ... وربي شاهد وايد ستفدت من قرايتي للمنتدى من طرح مشاكل وحلول يزاكن الله خير :eh_s(2): بقول موضوعي وبحاول اطرح بعض النقاط وبليز بنات مابغي تجريح انا هب ياهل واعرف الصح من الغلط وكل انسان يغلط بس الاهم انه يعدل من اغلاطه !!

البدايه :
اناا وايد عانيت في حياتي وااااااااااااااااايد وكله هم وظيج وحزن وخوف بسبه ربيع = صديق ابوي تحرش فيني ونا يااااهل بس ماذكر تفاااصيل والله بنات خايفه للحين انا بنت ولا !!! والله ماذكر شي بس اذكر انه سامحوني بنات ابغي اعرف ,, ( يحط صبعه ع تحت ونا كنت اصيح ورابطني ) بنات انا كنت صغيره وايد يمكن صف رابع ابتدائي ... والله بنات كل مايتقدم لي واحد ارفضه من الخوف اكرهه كل الريااايييل كلهم والله حتى خواني الا ابويه ... المهم من عقب هالحادثه ونا كل ماصلي ادعي ربي يرزقني بواحد يغير حياتي للاحسن والله بنات ماجذب عليكم كل يوم اعيش قصه حب مع واحد في حلم بس ماشوف ويهه والله بنات كل يوم لدرجه انيه ارقد من وقت بس عسبه اشوفه مره ثانيه يمكن كملت شهر ونا احلم واخر يوم حلمت فيه شفت هالريال واخرتها ظهر منووووووووه (( اخوووووووي وكنت حرمته وشفت عنديه بنيه منه ) انا تميت اصيح وااااااااااايد والله لن اي شي احلمه يتحقق وكنت محطيه احلام وامال عبالي ها الي بيظهرني من الجو الي انا فيه !!!
المهم مافسرت الحلم وسويت طاف .. عقبها باسبووع يتني اضافه ع المسن ونا من النوع مستحيل استقبل اي اضافه غريبه ومارمس شباب بحكم اني اكرهم بسبه التحرش ..! بنات والله قلبي يقولي استقبلي استقبلي وتميت محتاره لييييييين ماستقبلت الاضافه اخر شي ظهر ريااااااااااااااااال بنات والله استحيت وايد وتوهقت موووت ... اخر شي تم يرمسني ويحاول يتقرب وقالي انتي مهمومه وحزينه انا مستغربه واذا مهمومه ليش يسال ويهتم ... ماصارحته وسويت طاف تمينا نكمل بعض 5 شهوور لين ماحبيته واخر شي عطاني صورته بناااااااااااات هنيييييييه صدمممممممممممممه والله انه كووووووووووووووبي بييييييييييست عن اخووووووووووووووووووووي ( يعني هو نفس الشخص شفته في الحلمممممممممممم والله والله متفااااجئه واااااااااااايد كيف جييييييييي وليشششششش .؟؟ المهم حبني وحبيته والله يشهد عليه حبيته حب ماتخيلونه وكنت اشوفه العمر كله لنيه ماثق في رياااييل وهو غير حياتي والله من الهم للفرح والسعاده ...

وعرفني ع اخته وكان بيني وبين اخته اتصااال بس هو مارمسه ع الفون بس ع المسن ..!!
فيوم من الايام الريال اانجرح في ريله وينزف وخبرني ونا اقوله روح مستشفى هو يقول محد مهتم فيني والله انا يومها غلطت ع هله قلت ( هلك مافيهم خير ) هو خلاني اعصب وانقهر لنيه ترجاه روح يقولي هلي وهلي عسبه جي عقيت هالرمسه والله ماكنت اقصد اغلط بس من خوفي عليه وهو للحين شايل فقلبه وقالي انتي تركتي بصمه سوده فقلبي ..!!
يا يوم وافترقنا ونا ماعرف الاسباب والله ليومي هذا ... افترقنا وكملنا 4 سنين وهو للحين فبالي والله وهب رايمه اشوف انسان غيره وايد يتقدمون لي بس مابغي اخذ غيره مابغي اظلم انسان يعيش ويايه وقلبيه اسير له ... والله بنات انا وايد مظايجه وكله افكر فيه ...

الحينه الريال ردلي وكله يلمح ويقول عطيني فرصه انا ابغيج كيف تبيني نتفاااهم ابغي اتقددم لج بس انا ماقمت اصدق ولا اثق لنه خلاني لاسباب مجهوله انا ماعرفها ونا خااايفه لنه من تركني انا وايد دمرت وفشلت في دراسه وغيره وغيره ونفسيتي تعبت والله ..
السوال بنات ؟؟؟ كيف اثق فيه الحينه وكيف اصدقه .؟؟؟؟؟؟؟؟!!!!! والله ماقمت اصدق حد في هالدنيا انا روحي مكسووره من الماضي الاليم وهو كسرني زووود ؟؟؟!!!

بنات انصحووني شسوي ؟؟:eh_s(16):
اختكم من الامارات
جرح الزماني

 

[جرح الزماني]

لا اله الا الله محمد رسول الله , سبحان الله وبحمده سبحان الله العظيم :")

 

[~دموع الشوق~]

اولاً حبيبتي بخصوص اللي صار فيج وانتِ صغيره ثقي تماماً بَ الله هذا اول شي

ولا تقعدين تاكلين بنفسج معروف الأغلبيـه ان لو فض غشاء البكاره قبل سن البلوغ ممكن انه يرجع مثل ما كان

يعني ماكو خوف من هَ الناحيه وانا ما بقولج قومي تأكدي من الاطباء لان ممكن تنفضحين

بس عززي ثقتج بَ الله سبحانه صلي وصوميو ادي كل شي ع اكمل وجه وخلج بكل اعمالج خالصه لوجه الله


اما بخصوص الشخص اللي حبيتيه نصيحه من اختج تتركينه ولا تعطينه مجال حتى لو كان صاج ويباج

تعرفين ليش ممكن تقولين مدللني الان ومفرحني ماتدرين شنو ممكن يصير فيج عقب الزواج

اتزوجي الرجل الصالح اللي يتقدم لج ولا تفكرين هَ التفكير نصيبج بتاخذينه بتاخذينه سوا عليه اهو ولا ع غيره

لكن لا توقفين بطريقج انتِ وتكونين انتِ العقبه بطريقج .. وافقي ع رجل صالح مؤمن وكملي حياتج وياه صدقيني راح تعيشين مدلله

ومعززه اكثر مما تظنين انج راح تعيشين مع هَ الشخص هذا

والله ولي التوفيق
​

 

[al-musk]

بالنسبة لحادث التحرش انسيها وان شاء الله ماكو شي لاتخافين وحسبي الله عليه رفيج ابوج وبالنسبة للريال..تبينه وتبي تتفاهمين معاه اول شي يسويه عشان يثبت حسن نيته يتقدملج رسمي وبهدها قعدو وتفاهمو وعاد ساعتها كل شي جدام الاهل واذا حسيتو ماتنناسبون بعض فتنفصلون جدام الكل بس تردين حق سوالف اول ومسن وخرابيط فلا ديري بالج.. لان مالج خلق ترجعين لنفس الدائره والي صار مو شوي

 

[صادقة بكلمتي]

الله ينسيج اللي صابج ويعوضج خير لاتياسين من رحمة الله ولا تمشين بطريج الحب وهالسوالف واللي يبيج يدل باب بيتكم هذا اهو ولو اني ما احبذ انج تردين حق اللي كلمتينه بالاول وترا اغلب الشباب ما يثقون بالبنت اللي تكلمهم لو بس كلام مع الوقت يقولون يعانون شك وووووو والله يرزقج الريال الصالح اللي يسعدج باذن الله ادعيه واهو وحده بيجيب دعاج يال الغاليه

 

[ạ7ạśêś ~]

ـآمبيه عورتي قلبي
حبيبتي سالفه تحرش خلاص راحت انسسسسسي وعيشي حياتج وكلي امرج لـربي
حسبي الله عليه من رفيج.؟
اما سالفه نت حبيبتي مسسسسسسسسسسسسسسستحيل في حب بالنت اخذيها مني .!
كل هذا كلام فاضي حبي من يطق بابج مومن سولف نت .!
متى ما مل منج عطاج طاف وبعدها يرد لج اي حب هذا بذمتج.!؟
والله يهديج وويوفقج مع لي يستاهلج فديتج

 

[Beyoncee]

حبيبتي والله مافهمت شي

 

[أعرفك نفسي]

سالفتج مع رفيج ابوج راحت وانتهت ،، ولا تحاتين باذن الله ماكو شي لانج كنتي صغيرة وغشاء البكارة مو سهل ينفض
اما سالفة النت ،، عطيه رقم ابوج ،، وقوليله تبيني دق على ابوي وتفاهم معاه ،، وقطعي علاقتج فيه نهائيا
وراح تعرفين معدنه ،، اذا صج يبيج ولا لأ
وبالنهاية الله يريح قلبج ،، ويعطيج قد نيتج

 

[قموشه21]

ماقصصروا البنــآآات سالفه التحررش انسسيها باذن الله ماكو ششي

واصصابعج مو سوووي والرياييــل يخلفون فيهم الزين والششيــن ..

بالنسبه نت وايميل واضافه واستقبل وحبيته وكلمته وجرحته وووو.. كلام فاضي

شوفي حياتج وتزوجي بالواقع واتركي عالمج الافتراضــي لليهــآآآل

 

[مهرهـ]

البنات ماقصرو
سالفه التحرش واجد بنات صاير معاهم هالشي حسبي الله على اللي مايخاف الله ..لكن انتي ثقي برب العالمين واهو بس الساتر
وبالنسبه للزواج خذيها نصيحه والله اللي يبيج يطق باب بيتكم مايقعد يفلم عليج واللي يترك مره يترك مرات وانا اختج..
والزواج نصيب ..وامشي بالطريج اصح .. وهالعلاقات ماتثمر حتى لو انتهت بزواج عمرها ماتثمر بيظل الرجال بحاله شك وحتن المراه بتظل تشك وتشك فيه..شهالحياة عذاب..العلاقات ماتصلح بعالمنا حنا تربيتنا مو مثل الاجانب ..طالعي حتى اهو العلاقات عندهم مو ناجحه كله خيانات !! وعلقي قلبج بالرحمن ..محد يستاهل اتعبين عقلج ومخج عشانه ..اختاري الصح..وبالنسيه للدراسه كمليها عند ابو العيال كاهم رفيجاتي كملو عند ازواجهم ..ولاتنظرين للحياة نظره سودا خلج متفائله وكل شي صار وبيصير من رب العالمين...
وبتوفيق

 

[@sweet angel@]

اول شي علشان تتاكدين انج بعدج بنوتة ضروري تروحي تكشفين عند دكتورة علشان ترتاحين
وبالنسبة لسالفة الريال عطيه فرصة طالما ردلج وتحبون بعض بس لو يحبج صج لازم يتقدملج يعني غلط انج تكلمينه
حتى ولو كان مسن حبوبة
والله يوفقج ويهدي سرج

 

[ام كوثر2007]

عشان تردين الثقه فيه مره ثانيه


خلي علاقتكم بالنور وخليه يتقدم لج وياخذج علي سنه الله ورسووله ..


اما غير هالكلام .. انا اقول انه ماله داعي تستمرين بعلاقه ضيعتي منها اربع سنين من عمرج من غير منفعه

 

[حجيه هيونه]

يحبج وناوي على الزواج خل يتقدم

الى صار زمان انتهى زمان وربج راح ينتقم من الى آذاج

انتي بنت اليوم


ولو ظلت عندج مشاكل نفسيه من الي حصل راجعي طبيبه نفسيه او اخصائية تساعدج تنسين الى راح


والله يوفقج

 

[دلوعة صلوح]

حبيبتى خلى يتقدم لج اربع سنين اعتقد انها وايد عشان تعرفينة عدل.

 

[رقـة الاحسـآس]

عشان موضوع التحرش مالج الا تروحين لدكتوره نسائيه و تفحصج عشان تطمنين و تقطعين الشك باليقين و ما اتمين عايشه فوسواس
انا نفسج يوم صغيره تعرضت لتحرشات وايد والحمدلله انه تميت بنت و ارتحت يوم تطمنت لان والله شي متعب

وبالنسبه للريال
حرام انه خلاج بدون سبب و فجاه و فتره طويله 4 سنين
اول شي صارحيه و خليه يشرح لج اسبابه
بعدها شوفي نفسج اذا مقتنعه بالكلام اللي قاله لج
قوليله يا فلان انا ما عدت ابا اعيش اللي كنا فيه انا ابغي اللي بينا يكون بالحلال و ع سنه الله و رسوله
ودام هو مخلنج تتعرفين ع اخته يعني ها طريج سهل
يروم يسويها عن طريق اخته عساس هي اللي مرشحتنج حقه و يخطبج
يعني ماله عذر مثلا يقول شو بقول لهليه و من هالكلام
و من بعدها اقطعي
يباج حياه الله ما يبا ربي بيعوضج ان شاءالله
لا تتعلقين باحلام و لو كانت حلوه
امشي فحياتج و العمر يمر

 

[غيــــوض..]

بسم الله الرحمن الرحيم.......

شوفي حبيبة قلبي انتي....



موضوع الاول: ثقي ثقه تاماااااه ان باذن الله ماصابك شئ وماصار فيك شئ....

تدرين ليه قريبه لي كانت ايام المتوسط تتعبث بالمنطقه دخل اصبعها واعواد اذان يوم تفطنت بعدين شكت لي لانها على وجه زواج وطمنتها وفعلا بعد زواجها بشرتني ان كل شئ سليم

لان عملية الفض مو بسهاله تصير ومو من مره وحده وغير كذا بعض انواع الغشاء يكون مطاطي يعني مااينفض كاامل الا بالولاده وفيه نوع يكون كله فتحات وثقوب

وبالتالي ممكن الاصبع دخل بفتحه من الفتحات فالغشاء سليم وهالكلام انا قاريته من دكتور

حبيبتي دامك ماغلطتي صدقيني ربي بسماه بيستر عليك وبيراعيك وبيحفظك بحفظه وهالسااالفه قديمه يعني احتمال يكون كل شئ طبيعي


لاتحاتين ولاتخافين ولاتزوجتي بتدعين لي ... وماانصحك بدكتوره لو رحتي ولاسمح الله صار فيه شئ بتظلين بعذااااب وتفكير وهموم

لكن لاوكلتي امرك لرب العباد القادر على كل شئ بتمشي امورك زي الحلاوه وتاكدي من هالنقطه



موضوع الشاب: انا ابد ماايد فكرة التعارف والزواج وكذا عن طريق النت لان زي ماعرفك بيعرف غيرك لارتبطتوا ببعض بعد الزواج بكم سنه بتمرون بمرحلة فتور وبرود عاطفي وكلا لاهي بشغله فاكيد بيرجع لسوالف المسن وبيدور قصه يعيش فيها


غير كذا ممكن يعايرك يوم ويقول انك تنازلتي عن مبادئك واخلاقك وكلمتي واحد ماتعرفينه وممكن يجي يوم ويشك فيك يوزه الشيطان زي ماقبلت اضافتي تقبل اضافة غيري

يعني اشوف بتنفتح لك ابواب جهنم انتي بتعيشين بشك دائم انه ضايف بنات وسوالف وكذا


انا اشوف تنسيه وتنشغلي بشئ بدراسه وظيفه هوايه اي شئ ووافقي على اللي يتقدمون لك بعد الاستخاره

اذا مرررره متعلقه فيه واجهبه وقولي له يتقدم رسمي وبعدها قفلي منه لاتردين خليه يشوف انك جاده مو لعابه وتحبين الخرابيط حطي النقط على الحروف لهالقصه

وانتي متاكده ان اللي تكلمينها اخته يمكن رفيجه ويقصون عليج مو اجهزة تغيير الصوت ماااليه الاسواق

تاكدي ان البنت اخته صج مو لعب......

وزي ماقلت لاتنزلين من تربيتك واخلاقك ودينك بسوالف مع واحد ماتدرين وين بتوصولون له

احسن لك حطيه قدام الامر الواقع وواجهيه وحطي نهايه للقصه لو بس يخطب رسمي .....


الله يستر عليك ويسعدك ويعوضك بحياة احسن من اللي عشتيها.....................

 

[om-3azo-83z]

سالفه التحرش ارتاحي و روحي كشفي مافيها شي ...
و سالفه الريال سوي استخاره و اذا يبيج عطي رقم بيتكم حق اخته عشان تعطيه امه غير جذي لا والف لا
مع اني مو مرتاحه ليش تركج 4 سنين و بدون سبب؟ شاف غيرج؟ ولا تزوج ولا شنو قصته

 

[Stay alive]

شالمطلوب منه الحين .. قوليله اذا فعلا يحبج ويبيج تسامحينه خل يتقدملج .. اذا قام يعطيج اعذار ويماطل اتركيه معناته هذا بس يبي علاقات

وسالفة التحرش وانتي صغيره انسيها ربج يحفظج وان شاء الله ماكو الا كل خير

انا من رايي اصرفي النظر عن هذاك الشخص اذا ما رضى يتقدم او قام يحط اعذار وشوفي نصيبج مع الانسان الصالح اللي يتقدملج

وبالتوفيق

 

[نشيج الروح]

الريال الي بيشتريج حتى لو ما كان في غشاء راح يكون واثق منج لأن خذاج على ثقة وما أنصحج تاخذين الي حبيتيه عن طريق المسن لان اي شي بيصير باجر يقول ظانتي خاينتني من قبل ومكلمة غيري ويضرب الوسواس فيه
أخذي ريال محترم شاريج

 

[الاسكريم]

اختاري زوج صااااااالح
افضل
ولاتنسي اللي بدا بالغلط ينتهي بالغلط