حلم الامومة يطاردني ولكن .... زوجي يحرمني :(

[غلا الكويت 2010]

السلام عليكم ورحمة الله وبركاته...

شلونكم بنات ؟ شخباركم.؟

هذي اول مره انزل موضوع بس انا من المتابعين لكم .. حبيت اني اشكي لكم همي وانشالله انكم اتفيدوني..

انا متزوجة من 3 سنوات وما صار حمل ولله الحمد .. كنا متفقين انا وزوجي بالبداية انأجل موضوع الحمل لفترة قصيرة نظرا لظروفنا المادية .. ولكن اللي صار يا بنات ان زوجي شال الفكرة من راسه وكل ما اكلمه عن هالموضوع يقولي بعد سنة سنتين والحين صارلي 3 سنوات :eh_s(11):

ما ادري شسوي يا بنات .. حاولت بكل الطرق ..كلمت اهله وكلمت اهلي بس ما في فايده هالموضوع بإيدة اهو ..

انا ما استعمل مانع طبعا بس زوجي امسوي مانع طبيعي يعني لو بعد 10 سنوات ما راح احمل الا اذا ربي اراد طبعا..

احب زوجي واهو بعد يحبني ..

اتمنى المشورة والنصيحةمنكم خواتي عسى ربي يرزق الكل :yaaaaaarb:

 

[تل السكر]

الله يهدي زوجج ويسخره لج
عورتي قلبي حاسه فيج
مالج إلاالدعاء بكل سجود ان يسخر زوجج لج ويهدي سره
والله يرزقج بالذريه الصالحه

 

[عهد الغرام]

الله يهديه لج ومنو مايبي عيال الحمدلله ع كل حال دامه يحبج اصبري

 

[الأميرة جوري]

بتفاهم بتنحل المشكله كلميه واتفقوااا والله يرزقج يارب

 

[آم رإكان]

الله يعينج و يهدي لج زوجج

 

[ماتغير شي]

الله يهديه أنزين شسبب اكيد في سبب يمكن اهو بنظره اليهال إزعاج ولويه ومصاريف انتي حاولي تغيرين نظرة خلي اكثررر سوالفج معااه عن اليهال واذا رحتوا لسوق اسحبيه صوب ملابس اليهال ويمكن يقتنع

عسا الله يسخره لج

 

[Tim hortons]

كثري الدعاء ان الله يهديه ويرضا

 

[ابدا يالغالي مانساك]

يعني انتي ماافهمتي منه ليش مايبي
عياااال

 

[شوشآآ]

الله يهديه


حبيبتي ادعي بصلاتج وكثري من الاستغفار بس غريب آمره ريلج منو مايبي العيال ٫٫ !!

 

[اماراااتية]

اختي صدقيني

مالج إلا الدعاء بقلب صادق والدعاء راح يغير رايه بإذن الله وتلاقينه بروحه ياي يكلمج عن موضوع العيال

الله يرزقني وإياكم يارب

 

[غلا الكويت 2010]

مشكورين خواتي على الردود والدعاوي الجميلة...


والله اكلمه ويشوفني ابجييييي بعد .. الله يهديه يارب تعبت بس والله تعبت

 

[PinkLulu]

دام الكلام مو نافع معاه...انسي الموضوع شوي ولا تكلمينه بالموضوع...خليه يفكر...

كتبي أدعية الحمل على أوراق صغيرة وحطيهم في سيادج ويم فراشج أو على التسريحة...بس مو مكان واضح

يعني يقدر يشوفهم صدفة...يمكن لما يشوفهم يحس إنج تتمنين الأمومة من قلبج

سولفيله عن أهلج أو رفيجاتج توهم والدين...بس لا تحسيسنه إنج محرومة

لما تطلعون وتشوفون يهال مع أهلهم...علقي بكلمة حلوة بسيطة وغيري الموضوع

يعني عطيه إشارات بشكل غير مباشر...وعطيه مجال يفكر

الله يهديه ويرزقج الذرية الصالحة​

 

[brettey]

الله يهديه حاولي مره ومرتين وثلاث لا تيأسين وتسلحي بالدعاء والاستغفار

 

[ورود متناثره]

سولفي عن الاطفال مع مرور الوقت بيشتاق انه يصير ابو























ربي لاتذرني فردا وانت خير الوارثين

 

[تعبت ياذالصباح]

الله يهديه يارب لج حياتي عورتي قلبي

 

[غلا الكويت 2010]

مشكورين بنات عطيتوني امل

ربي لا تذرني فرداً وانت خير الوارثين

 

[ناتشوو]

شنو عذره ليش مايبي؟

صج ماينفع اللوم
بس سالفة التأجيل علشان المادة
كانت غلط وللاسف انت صاحبة القرار
البيبي يجي ومعاه رزقه خاصة انه مو عاشر جاهل لكم
اول بيبي تتعاونون وتتسهل اللي يعيشكم بيعيشه معاه
الرزق من الله

المهم الحين تعرفين شنو السبب ليش مايبي؟
وحاولي مثل مايقولون امسكي من الايد اللي تعوره
قولي اللي يحب زوجته يحب ينجب منها
ويستقرون اكثر ويرتبطون اكثر ف بعض

 

[el_3abeda_lella]

الله يهيديه اختي

بس اشتكي لأهله ... شوفي منو يسمع كلامه وبيأثر عليه

هادي نعمه والله

 

[virgo88]

الله يهديه ياارب ويسخره لج

 

[غرام القمة]

الرجال اما ما يحبج لانه اذا حبج وده يرتبط فيج وويستانس انه فحولة جابت نتيجة ويحب يتباها جدام الرجال
او انه فيه مانع يعني فحص وعرف انه فيه مشكلة وما يبي يقولج خوفا انه يخسرج
شي من هالشغلتين وبس