حلمات هامسترتي ...!! ساعدوني

[daloo3ah]

قوه شلونكم ..


هامسترتي الروسيه عمرها قريب الــ 3 اشهر ..
ولدت ويابت 5 يهال .. الحين عمرهم 17 يوم

كامل نمو فروهم ..
فتحو عيونهم
يلعبون بالعجله
ياكلون
يشربون
....

المشكله : وحده من حلماتها شوي وتنفجر !! ... واااااااااااااااااااااااااارمه و لونها عنابي على بنفسجي على ازرق .. وفيها مثل جرح بالنص .. شنو اسوي ؟؟


انا فصلتها عن عيالها وحطيتها بقفص نظيف و حتى بدلت النشاره ونظفت قفص عيالها وحطيت لهم قطن علشان يتدفون

بس اهمه للحين عمرهم 17 يوم .. ويحتاجون حليب امهم .. يصارخون يبون حليب .. شسوي الحين ؟؟؟؟
>> حطيت لهم جبن مثلثات .. وحطيت لهم بياض بيض مفيوح و بطاط مفيوح مع الحبوب الخاصه لهم << .. بس هل يحتاج اني اشتري لهم حليب قطاوه واشربهم ؟؟ ولا الجبن يعوض ؟؟

وشسوي بأمهم ؟؟؟؟ شحط لهااااااا ؟؟ مابيها تمووووووت >> حطيت لها نفس اكل اليهال ..
اهي تمشي وتلعب بالعجله و تنثر النشاره وتحفر فيها .. وتاكل شوي بعدين تنثر كل الاكل بره الصحن وترد تنام بالصحــن .. !! مادري مادددررري شفيها وشتحس فيه

وهاذي صورها ... شوفو الحلمه شلون لونها وشلون كبيره





عفيااااااااااااااااا تكفووووووون سااااااااعدوووووووووووووووووووووووني بأســـــــــرع وقت .. PLZ PLZ PLZ​

​

 

[ذره في المجره]

انصحج بالبيطري اللي بسوف اليمعه لحقي حرام هذا يمكن التهاب

 

[shai5at al3arab]

حرام يمكن اليهال يبون حليبتها ، يمكن وارمة انه فيها حليب ما ادري

يعني انا اتوقع الرضاعة زينة لها .

يا حلووها

سئلي احد مختص .

 

[daloo3ah]

الرضاعه اهيه الي سوت فيها جذي .. عيالها يبون حليــب اكيد بس انا حاطه لهم جبن بديل عن حليب امهم ..

كبرو وبأسنانهم جرحو حلمة امهم .. مسكينه ما وراها شترضع


مشكوره حبيبتي عالمرور

 

[AmOoNa-]

يمكن احد من اليهال عض الام والتهب الجرح وقاعد يطلع منه خراج لانه الهمسترات ينولدون مع اسنان بهالعمر وقبل حتى لايفتحون مايحتاجون امهم لانه يقدروني اكلون بروحهم بس لاتحطينلهم جبن وهالسوالف وايد دسم على معدتهم عطيهم خيار وخس وخليهم يرضعون من امهم لانه لمه يحاولون يشربون من الحلمه هذي راح يطلعون الوصخ والخراج منها

 

[daloo3ah]

مشكوره امونه عالمساعده ..

انا فصلتهم عن امهم من المغرب .. و شلتهم بيدي علشان نظفت القفص بالكااامل .. يعني الحين حتى لو برجعها لهم .. ماراح ترضا فيهم لأن اصلا فيهم ريحتي + النشاره والقفص كله يديد !! ..

اهيه من امس واهيه رافضه ترضعهم كل ما يقرب منها واحد تدزه بيدينها وتوخر عنه ومن امس كنت ملاحظه عليها التعب بس ماكانت الحلمه جذي وارمه اليوم ورمت !!..

حطيت عليها >> مره << .. وكل بين فتره وفتره ارجع احط ..

تهقين الحين ان رجعتها لهم بتتقبلهم ؟ وان رضعو منها بتخليهم ؟

انا حدي متدووووودهه ومادري شسوووووووي

 

[AmOoNa-]

ولله مادري شقولج بس دام مارضت ترضعهم من امس لاتحطينهم خلاص وخليها اهم شي قاعده تاكل وتتحرك بس مادري يعني شلون صار جذي يمكن جرح عادي وراح يلتئم لانه عاضينها

 

[AmOoNa-]

انتي اهم شي ردي ذكرها معاها لاتفصلينها عنه عشان اذا نست ريحته خلاص ماراح تتقبله مره ثانيه وراح تضطرين تعزلينها طول العمر

 

[daloo3ah]

اهوه فيه جرح .. بس الورم ما يندرى ليش ..

وقريت بالمنتديات ( التهاب الحلمات الصديدي ) >> يعالج باعطائها مضاد حيوي مع تدخل جراحي وان اهملت المشكله ستدخل البكتيريا الدم ويموت الهامستر .. !!!

و وحده من رفيجاتي صار معاها نفس الشغله .. بس تقول عقب فتره خفت وراح بروحه .. وحتى دقت على البيطري وقال لها .. لا تطقين درب وتيين لان ما عندنا علاج حق هالشي .. وان ييــتي بنعطيج ابره تهديها مالت طيور !! .. مادري يعني هالبيطريه شلون صايرين ..

انا مو خايفه على اليهال كثر ماني خايفه عليها .. صج انها تاكل وتتحرك بس عمرها ما كلت وعيونها مغمضه مثل الحين .. وتلوي بالقفص وعلامات الالم واااااضحه عليها .. حتى الأكل ما تشتهي تاكل ولا شي اللهم حب شمسي ومالها خلق تقشره انا اقشره لها !..

انا ودي احط لها شوية ديتول على الحلمة بس اخااااااف ..

ياربي مادري ليش جذي صار مره وحده

 

[daloo3ah]

انتي اهم شي ردي ذكرها معاها لاتفصلينها عنه عشان اذا نست ريحته خلاص ماراح تتقبله مره ثانيه وراح تضطرين تعزلينها طول العمر

الحييين ارجعه ؟؟ ... اخاف يزاوجها !! كافي الي فيها ..

خاصه انه مو معاها من شهر تقريـــبا !! @@​

 

[AmOoNa-]

مادري شقولج بس الهمسترات حساسين والبيطري مايعالجهم عشان جذي محد من البنات قالج وديها البيطري واهو اي التهاب ينفع معاه المضاد الحيوي بس من وين بتيبينلها اانشالله يكون مجرد جرح ويروح

 

[daloo3ah]

انشاءالله يارب مجرد جــــرح انشاءالله ..

Thnx عالمساعده ^_^

 

[xXBountyXx]

لا تخافين

هذي رضه سببها أحد الاطفال لحلمة الام

خليها فتره ترتاح لحالها <<< بعيد عن الاطفال

بالنسبه ((للمره)) ظلي حطي على الحلمة مره او مرتين فاليوم لمدة اسبوع

والدم بسبب جرح من اسنان الاطفال

وهذا الشي اللي يسبب لها الم

وهالشي اللي خلاها ترفض ترضعهم

حاليا حافظي على نظافة القفص

ونظفي حلمتها مرتين فاليوم <<<تقدرين تخفيفين الديتول بالماي بنسبه كبييييره وتعقمين الجرح

أو تشترين معقم جروح من الصيدليه وتخفيفينه بالماي

على راحتج انتي اختاري

بس عشان تضمنين عدم الالتهاب

بالنسبه للانتفاخ سببه الرضه و الدم المتجمع

هذا محتاج وقت ويخف



بالنسبه للاطفال

انا اعتقد انهم قادرين يكملون من غير حليب الام

خصوصا انهم فتحوا عينهم و ياكلون بنفسهم

حطيلهم بعد خس وخيار

عشان تزودهم بالسوائل

وتأكدي أنهم يطولون المشربيه

وان شاء الله ماعليهم شر ولا تحاتين ماراح يصير فيهم شي




بس حابه اعلق على موضوع انج ترجعين الذكر حق //وايتي//

اذا تبين رايي

انا ما افضل

لأنه هالشي راح يتعبها أكثر

خصوصا انه راح يحاول يلقحها

وراح يزيد الالم لأنه من الصور باين انها الحلمه الخلفيه

وبعدين حسب كلامج انها تاكل وهي مغمضه يعني تحس بألم

واخاف اذا عورها او حست بألم منه راح تتهاوش معاه وممكن تسببله جروح

وتبتلشين من الصوبين لابج من الذكر ولا من النثيه

فأفضل انج ماتستعجلين وتتركدين من هالناحيه




بالتوفيق وان شاء الله تخف جريب



تقبلي مروري
xXBountyXx

 

[:: Diva ::]

واي حدي توترت و انا اقرا و اشوف صورتها
بس ماشالله باونتي ماشالله ريحتيني انا الي مالي شغل !

طمنينا على الهامستر

 

[AmOoNa-]

دلوعه انتي فاصلتهم شهر كامل؟؟ تره هالشي غلط الحين ماتوقع ترد تتقبله ماراح تقدرين تخلينهم مع بعض

 

[xXBountyXx]

دلوعه انتي فاصلتهم شهر كامل؟؟ تره هالشي غلط الحين ماتوقع ترد تتقبله ماراح تقدرين تخلينهم مع بعض

أمونه ممكن أعرف من وينلج هالمعلومه

حابه استفيد

لأنها اول مره تمر علي

 

[AmOoNa-]

باونتي الهامستر الروسي مثل مالكل عارف يعيش بجماعات والذكر يساعد الانثى اثناء الحمل يخزن معاها اكل وينظف العش وماله داعي تفصلهم عن بعض بعكس السوري
بس الانثى الكبيره من النادر او المستحيل تتقبل ذكر يديد غير ذكرها وهي صغيره
واهي فصلتهم واحتمال كبير تكون نست الانثى ريحته فماراح تتقبل تعيش معاه بشكل مسالم مره ثانيه
وهذا اللي صار معاي اول مره ولدت همسترتي فصلت الذكر ولمه رديته ذبحته
ثاني مره هم فصت الذكر ولمه رديته كلته مع العلم اني مارديته على طول بالقفص فجاه وكنت احطه بحوض صغير في خشبها عشان تشم ريحتها فيه وكنت احطهم مع بعض بمنطقه محايده لا قفصها ولا قفصه وشفتهم عادي مع بعض فرديتهم وصار الي صار وبحطلكم صوره لاتصلح لضعاف القلوب



هذا اللي لقيته من من الهامستر عقب مارديتهم مع بعض وطبعا لكل قاعده شواذ يمكن تردهم ومايتهاوشون بس انا اتكلم من اللي صار معاي والي اقرا

اما بالنسبه لموضوع اني قتلها الحلمه منتفخه خليهم يرضعون منها لانه وحده من البنات قاعده تقولي مايصير وجذي
ممكن يكون سببين متورم من الحليب او ورمه قاعد يطلع منها خراج فالحالتين انه الهامستر يرضع منها راح ينظف مسلك المكان ويطلع الحليب, واذا كان خراج الهامستر لمه يمص المكان راح يسحب الخراج لانه غالبا يكون متجمع داخل ومن الصعب انه يطلع بروحه

 

[xXBountyXx]

صح مثل ماقلتي لكل قاعده شواذ

لأني استغربت من كلامج

مع العلم اني ربيت هامسترات روسيه من قبل

وحصل مره من المرات أني فصلتهم قبل الولاده

ورجعتهم على بعض بعد شهر او اقل بشوي

بس ماحصل اي مشاكل


غير جذي //دلوعه// كانت مطره تفصلهم

لأنه النثيه بعد ما احملت كانت مستاحشه من الذكر حيييل

وكله تصارخ اذا شافته

وفالغالب هالشي مايحصل

فاطرت تفصلهم


بس معلومات مفيده والله

يعطيج العافيه

 

[فربتشينوالسعوديه]

امونه وباونتي---ماشالله عليكم ---المهم هامسترتي حامل وقبل ليلتين بنتي طلعتهم واليوم الثاني يالله طلعت---بس خايفه انه ولدت--لانها متغيره مش عصبيه--وحلماتها تحت محومره--والذكر يطب عليها ومجلده(هاجده)

 

[AmOoNa-]

باونتي اي والله انا بس رديته لقيته اليوم الثاني ميت ونفس الحركه سوتها بنتها مع ذكرها وشفتي اللي بقا من منه بس فروته وايده وريله والمشكله شنو انه الام لمه كبرو عيالها يحبون بعض ويتلزقون فبعض وجذي بس اهي كانت تطقهم وبعد فتره قمت كل يوم القا واحد ميت بس اعتقد مومنها من الاكل! لانه ماكان فيهم شي وشريتلهم اكل من المحل الي بالمثنى فوق والاكل ماله اظاهر احفوري لانه محد يشتري منه وبقت وحده بس ومثل ماقتلج ولدت يابت واحد وفصلت ذكرها عنها ولمه كبر البيبي مالها وفتح وقام ياكل يعني صار كبيرر كلته!!!! ورديت ذكرها وسوت نفس الحركه وعقبها على طول ماتت فمادري هل العيب بشخصيتها اهيا ولا بالسلاله نفسها:\


فربتشينو السعودية صراحة مافهمتج عدل تطلعهم من وين؟؟ قصدج من القفص؟ اي اذا حامل اهي تظل اغلب الوقت بعشها وان طلعت بتشوفينها تيمع اكل اول تحاول تهرب عشان تدور اكل ومواد تبني فيها العش واذا كانو من النوع الروسي لازم تفصلين الذكر عن الانثى بس اذا روسي مايحتاي

واذا والدة لاتطلعونها من القفص وهم لاتجيسين عيالها لانه بتتوتر وممكن ريحه عيالها تتغير