- إنضم
- 9 سبتمبر 2009
- المشاركات
- 1,124
- مستوى التفاعل
- 0
- النقاط
- 0
السلام عليكم حبيباتي
ابدي موضوعي بالدعاء لكم جميعا ان شاء الله كلكم تحملون هالشهر و يتسكر قسم تاخر الانجاب يا رب
بنات عفية لا تنسون تدعونلي الله يثبتلي حملي و يسهلي ولادتي
الحين ببدا بالموضوع
اول لازم تتاكدون ان كل اللي بكتبه هذه وسائل و انا مقتنعه ان الحمل من الله سبحانه اولا و اخيرا
بقولكم قصتي و سامحوني بطول عليكم، انا يا حبايبي متزوجه من ثلاث سنين و كنت ما ابي عيال و من اول ما تزوجت و انا اخذ حبوب ياسمين
قبل سبع اشهر قررنا انا و زوجي ان نبي نييب عيال ثاني يوم رحت عيادة فوزية القطان عشان باخذ فيتامينات دخلت على امبرين الله يسامحها و كلمتنا و قالت خلاص اخذي بريجناكير و سوي هالتحاليل ثاني يوم الدورة رحت لها بروحي و سويت التحاليل و كان مطر غرقه و قالولي التحاليل تطلع بعد ساعه قلت خلاص انطر و يا ليتني ما نطرت !! بكل بساطه قالتلي انت قاعدة تمرين بسن ياس مبكر انسي تيبين عيال !! تدرون جم عمري ؟؟ 26 !!!!!
انا من غير ولا كلمه دموووووع قامت تنزل من عيني وانا اطالعها جان تقولي هرمون fsh عندج مرتفع و النسبه هذه مالت وحدة بالخمسين و النسبه كانت 17 حاولت افهم شالسالفه اذا له علاقة بالحبوب او في علاج قالتلي للاسف مافي علاج !! طبعا انا طلعت منهارة و دقيت على زوجي جان يقولي اشهالخرابيط خليها على الله الله لا يوفقها !! ما قدرت اصبر يومين الا رفيجتي بالدوام دلتني على د نجيبه القطان و رحت لها و قالت لي شوفي انتي تييج الدورة ولا قطعتج ؟ قلت لها تييني قالت لي عيل ممكن نلحق عليج جدامج سنتين ثلاث نحاول نخليج تيبين كثر ما تقدرين لان عقبها ماكو و انا ويهي @@!! قلت لها اللي تبينه اسويه و عطتني ابر فوليستيم يا بنات سبع ابر جرعه 450 و اغز روحي كل يوم بريلي و ريلي عينه تدمع و اتامل تطلعلي بويضة لانها بتسويلي تلقيح صناعي و اسوي سونار ولا طالعين 8!!!! جان تقولي اشلون جذي ما يصير اخاف تحليلهم كان غلط ! انزين عيديه يا معوده ، لاااااا عمك اصمخ ! و تسويلي تلقيحين بشهر واحد و ما صار حمل و نعيد الشهر اللي وراه و يطلعون 12 بويضة و هم تلقيحين و هم ماكو فايدة والحبيبه مو راضية تعيد التحليل و نتم جذي اربع اشهر من غير تحاليل ولا اشعات ولا شي !
لمن طقت جبدي و سافرت امريكا شهر ريحت و رديت معاي التهاب عاد رفيجتي مدحتلي امل الراشد و رحت لها عشان الالتهاب و الله يا بنات اني دخلت عندها و هي تسالني عن تاريخي الطبي ما وعيت الا انا مت بجي و ريلي عيونه تدمع قلتلها تعبت و انا ما ادري شالسالفه و احس الوقت يسبقني و بتخلص السنين . قالت لي عيدي التحاليل و نشوف وارتحت لها يا بنات و عدت التحاليل ودقت هي بنفسها علي ثاني يوم جان تقولي ياسمين ؟ قلت لها نعم قالت النسبه المثاليه حق الfsh اهي 6 و انتي تحليلج نتيجته 6 !!!! بجيت بجي يا بنات الله يسامحهم عيشوني بعذاب ليل نهار افكر و احسب واقرا و احورف بعمري و كله طلع غلط !!!
المهم قالت لي تعالي رحت لها انا و ريلي و قالتلنا جربوا طبيعي هالشهر و اذا ما صار حمل تعالولي جربنا و ما الله كتب رحنا لها جان تعطيني كلوميد رغم ان تبويضي زين بس عشان كانت بتسويلي اشعة الصبغة حق قنوات فالوب و خافت تاثر على بويضاتي ! المهم توكلت على الله و سويتها قبل رمضان بيوم و يمه يمه من العوار و رحت لها جان تقولي قنواتج كانوا اثنينهم مسكرين لاني مسويه الزايده و افتحوا بالاشعه تعالي اسويلج تلقيح صناعي بعد اسبوع ريلي استثقلها يا بنات برمضان و قالها ورا العيد و قالها يمكن الله يباركلنا بهالشهر بنطفة مباركة قالت خلاص ورا العيد تعالوا حق التلقيح...
المهم يا حلوات انا بهالدورة كنت اكل عسل و مدفية روحي و اسوي تمر بالحسو و قشر القهوة مع القهوة العربيه و طهرت بسرعه و سويت الاشعه و دش رمضان و الدكتورة قالت لي ترا رحمج مقلوب و لازم الجماع يصير بوضع السجود و كنت انام ساعه على بطني و بعدين اقلب و انام ساعه على ظهري و بعدين اقوم اسبح و اقيم الليل و ادعي و بالنهار كنت اقرا سورة مريم كاملة و ادعي و سويت مجلس ذكر و الحريم دعولي اني احمل بهالشهر الفضيل و انا بقلبي اقول ما اعتقد !!اكيد لازم تلقيح عشان احمل و سويت عزايم و كنت اصعد الدري و انزل ركض و انا شايله سخانات بوفيه و قلبي يقولي ماكو حمل و الله يا بنات هولت بروحي سويت قرقيعان يمكن 80 مرة يوا و انا لوية و حوسه . المهم الطبيبه كانت قايله لي احلل باول يوم اتوقع تييني الدورة و انا من قبلها باسبوع و انا اييني عوار الدورة و قلت هين ماني محللة بتشرف الحبيبه و ايي موعدها و يطوف و انا احس بالتقلصات مالت الدورة بالضبط و اعاند و ما احلل ( قبل هالشهر كنت احلل من قبل موعدها من الطفاقه ) لما قرب موعد سفري و خفت اسافر و اتبهدل بالطيارة قلت خلاص احلل عشان اروح الطبيبه تنزلها لي و اروح مستشفى هادي من غير لا اقول حق احد ( رريلي قايلي اذا بتحللين لا تقولين لي ) و انطر يا بنات و انا استغفر ربي ما وقفت استغفار و عطيت صدقه و انا انطر و نذرت اكفل يتيم اذا طلع في حمل بالضبط عقب ساعه جان تطلع و تعطيني الملف جان اقولها شنو ( الاخت ماكو تعابير قمة البرود الله يهديها ) افتحت لي الملف و راوتني جان انصدم ولا حامل و النسبه 832،5 انا طبعا بجي و نواح و ادق على ريلي وهو مو فاهم شقول عباله متهاوشه بالدوام لاني طلعت من الدوام عشان احلل و بجي انا معاه بالتلفون و ادق على رفيجتي و اقولها و نبجي وارد الدوام و كحلتي سايحة و بعدين قبل الفطور بعشر دقايق دقيت على حلوة اللبن و قلت لها هالسنه بعطيج عيديتج مبجرة اسبوع ما فهمتني قلت لهاانا حامل جان تقول هاه ؟ قلت لها حاااامل ولا المسكينه تنوووووووح و هي بالمطبخ و اختي يمها اخترعت خذت التلفون تسالني و يوم قلت لها حامل صرخت صرخه من الوناسه و بعد يومين رحنا زوارة حمولتي و ريلي علمهم ما خشينا ما نحب التخشش و الكل عرف بظرف 3 ايام و سلامتكم
اشرايكم بالمسلسل التركي ؟!
ابدي موضوعي بالدعاء لكم جميعا ان شاء الله كلكم تحملون هالشهر و يتسكر قسم تاخر الانجاب يا رب
بنات عفية لا تنسون تدعونلي الله يثبتلي حملي و يسهلي ولادتي
الحين ببدا بالموضوع
اول لازم تتاكدون ان كل اللي بكتبه هذه وسائل و انا مقتنعه ان الحمل من الله سبحانه اولا و اخيرا
بقولكم قصتي و سامحوني بطول عليكم، انا يا حبايبي متزوجه من ثلاث سنين و كنت ما ابي عيال و من اول ما تزوجت و انا اخذ حبوب ياسمين
قبل سبع اشهر قررنا انا و زوجي ان نبي نييب عيال ثاني يوم رحت عيادة فوزية القطان عشان باخذ فيتامينات دخلت على امبرين الله يسامحها و كلمتنا و قالت خلاص اخذي بريجناكير و سوي هالتحاليل ثاني يوم الدورة رحت لها بروحي و سويت التحاليل و كان مطر غرقه و قالولي التحاليل تطلع بعد ساعه قلت خلاص انطر و يا ليتني ما نطرت !! بكل بساطه قالتلي انت قاعدة تمرين بسن ياس مبكر انسي تيبين عيال !! تدرون جم عمري ؟؟ 26 !!!!!
انا من غير ولا كلمه دموووووع قامت تنزل من عيني وانا اطالعها جان تقولي هرمون fsh عندج مرتفع و النسبه هذه مالت وحدة بالخمسين و النسبه كانت 17 حاولت افهم شالسالفه اذا له علاقة بالحبوب او في علاج قالتلي للاسف مافي علاج !! طبعا انا طلعت منهارة و دقيت على زوجي جان يقولي اشهالخرابيط خليها على الله الله لا يوفقها !! ما قدرت اصبر يومين الا رفيجتي بالدوام دلتني على د نجيبه القطان و رحت لها و قالت لي شوفي انتي تييج الدورة ولا قطعتج ؟ قلت لها تييني قالت لي عيل ممكن نلحق عليج جدامج سنتين ثلاث نحاول نخليج تيبين كثر ما تقدرين لان عقبها ماكو و انا ويهي @@!! قلت لها اللي تبينه اسويه و عطتني ابر فوليستيم يا بنات سبع ابر جرعه 450 و اغز روحي كل يوم بريلي و ريلي عينه تدمع و اتامل تطلعلي بويضة لانها بتسويلي تلقيح صناعي و اسوي سونار ولا طالعين 8!!!! جان تقولي اشلون جذي ما يصير اخاف تحليلهم كان غلط ! انزين عيديه يا معوده ، لاااااا عمك اصمخ ! و تسويلي تلقيحين بشهر واحد و ما صار حمل و نعيد الشهر اللي وراه و يطلعون 12 بويضة و هم تلقيحين و هم ماكو فايدة والحبيبه مو راضية تعيد التحليل و نتم جذي اربع اشهر من غير تحاليل ولا اشعات ولا شي !
لمن طقت جبدي و سافرت امريكا شهر ريحت و رديت معاي التهاب عاد رفيجتي مدحتلي امل الراشد و رحت لها عشان الالتهاب و الله يا بنات اني دخلت عندها و هي تسالني عن تاريخي الطبي ما وعيت الا انا مت بجي و ريلي عيونه تدمع قلتلها تعبت و انا ما ادري شالسالفه و احس الوقت يسبقني و بتخلص السنين . قالت لي عيدي التحاليل و نشوف وارتحت لها يا بنات و عدت التحاليل ودقت هي بنفسها علي ثاني يوم جان تقولي ياسمين ؟ قلت لها نعم قالت النسبه المثاليه حق الfsh اهي 6 و انتي تحليلج نتيجته 6 !!!! بجيت بجي يا بنات الله يسامحهم عيشوني بعذاب ليل نهار افكر و احسب واقرا و احورف بعمري و كله طلع غلط !!!
المهم قالت لي تعالي رحت لها انا و ريلي و قالتلنا جربوا طبيعي هالشهر و اذا ما صار حمل تعالولي جربنا و ما الله كتب رحنا لها جان تعطيني كلوميد رغم ان تبويضي زين بس عشان كانت بتسويلي اشعة الصبغة حق قنوات فالوب و خافت تاثر على بويضاتي ! المهم توكلت على الله و سويتها قبل رمضان بيوم و يمه يمه من العوار و رحت لها جان تقولي قنواتج كانوا اثنينهم مسكرين لاني مسويه الزايده و افتحوا بالاشعه تعالي اسويلج تلقيح صناعي بعد اسبوع ريلي استثقلها يا بنات برمضان و قالها ورا العيد و قالها يمكن الله يباركلنا بهالشهر بنطفة مباركة قالت خلاص ورا العيد تعالوا حق التلقيح...
المهم يا حلوات انا بهالدورة كنت اكل عسل و مدفية روحي و اسوي تمر بالحسو و قشر القهوة مع القهوة العربيه و طهرت بسرعه و سويت الاشعه و دش رمضان و الدكتورة قالت لي ترا رحمج مقلوب و لازم الجماع يصير بوضع السجود و كنت انام ساعه على بطني و بعدين اقلب و انام ساعه على ظهري و بعدين اقوم اسبح و اقيم الليل و ادعي و بالنهار كنت اقرا سورة مريم كاملة و ادعي و سويت مجلس ذكر و الحريم دعولي اني احمل بهالشهر الفضيل و انا بقلبي اقول ما اعتقد !!اكيد لازم تلقيح عشان احمل و سويت عزايم و كنت اصعد الدري و انزل ركض و انا شايله سخانات بوفيه و قلبي يقولي ماكو حمل و الله يا بنات هولت بروحي سويت قرقيعان يمكن 80 مرة يوا و انا لوية و حوسه . المهم الطبيبه كانت قايله لي احلل باول يوم اتوقع تييني الدورة و انا من قبلها باسبوع و انا اييني عوار الدورة و قلت هين ماني محللة بتشرف الحبيبه و ايي موعدها و يطوف و انا احس بالتقلصات مالت الدورة بالضبط و اعاند و ما احلل ( قبل هالشهر كنت احلل من قبل موعدها من الطفاقه ) لما قرب موعد سفري و خفت اسافر و اتبهدل بالطيارة قلت خلاص احلل عشان اروح الطبيبه تنزلها لي و اروح مستشفى هادي من غير لا اقول حق احد ( رريلي قايلي اذا بتحللين لا تقولين لي ) و انطر يا بنات و انا استغفر ربي ما وقفت استغفار و عطيت صدقه و انا انطر و نذرت اكفل يتيم اذا طلع في حمل بالضبط عقب ساعه جان تطلع و تعطيني الملف جان اقولها شنو ( الاخت ماكو تعابير قمة البرود الله يهديها ) افتحت لي الملف و راوتني جان انصدم ولا حامل و النسبه 832،5 انا طبعا بجي و نواح و ادق على ريلي وهو مو فاهم شقول عباله متهاوشه بالدوام لاني طلعت من الدوام عشان احلل و بجي انا معاه بالتلفون و ادق على رفيجتي و اقولها و نبجي وارد الدوام و كحلتي سايحة و بعدين قبل الفطور بعشر دقايق دقيت على حلوة اللبن و قلت لها هالسنه بعطيج عيديتج مبجرة اسبوع ما فهمتني قلت لهاانا حامل جان تقول هاه ؟ قلت لها حاااامل ولا المسكينه تنوووووووح و هي بالمطبخ و اختي يمها اخترعت خذت التلفون تسالني و يوم قلت لها حامل صرخت صرخه من الوناسه و بعد يومين رحنا زوارة حمولتي و ريلي علمهم ما خشينا ما نحب التخشش و الكل عرف بظرف 3 ايام و سلامتكم
اشرايكم بالمسلسل التركي ؟!
