حلال والا حرام ؟ :)

[شكليطه]

السلام عليكم\\شلونكم خواتي

عندكم قرقيعان؟ لوووووول

خواتي بما اني بصير ايفونيه قريبا

وانا اساسا عندي فكره بسيطه عنه وقاعده اجرب انزل برامج بالايبود تتش

وذاك اليوم اسولف ويا اخوي عن الايفون والجيلبريك


وقاللي حرام تسوينه!! قلت له ليش قال هذا بوق اشكره.....تخيلي انتي تنزلين برنامج بفلوس وغيرج يبوقه وينزله بلاش

:bbbiu: صراحه جنه اقنعني

قلت له انزين في برامج غاليه حول ال30 دينار...قال حطي فيزا واشتريها

قلت وبالله على حظي عقب مدة ينزلون سعرها......قال عادي من حقهم حالهم حال الهدوم اللي تشترينهم
مايسوون عليهم تنزيلات؟

المهم قلت له عيل منو مسوي حق الايبود......قال الظاهر فلان (اخوي الصغير)
بس انا ماراح اسويلج....انتي حره

ف أنا حبيت اخذ رايكم.......

صج حرام؟

وهل فكرتوا فيها بهالطريقه؟

 

[انوار87]

انا فكرت نفس اخوج احسه بوق اشكره
وثاني شي بنات جربوه وقالولي يخرب الجهاز

 

[بنت.المطيري]

اي صح انا بعد فكرت جذي :/

كلامه صح ترا

 

[لولا المحبه]

،


مادري احسه يخرب الجهاز ، فاخذي من الايتونز الاصلي احسسسن وماكو برنامج بـ 30 @@ كلهم اسعار رمزيه !!

 

[فـــخـــر]

زين انا وديته محل وقلت له ينزلي برامج

والاخ منزله لي مع اني ماطلبت شسوي ؟؟

اقدر اشيله ؟؟

 

[i'am THE ONE]

جنه كلامه مقنع

 

[lulwa-q8]

مآدري ..
بس مآاتوقع في برامج غاليه جذي !
ومااقدر افتي بعد =)

 

[نيــلــوفــر]

والله مادري بس جنه سمعت انه مو بووق لانهم رفعوا قضية على شركة ابل و ربحووها و صار الجليبريك شي رسمي و معترف فيه يعني موو بووق

 

[شكليطه]

رد : حلال والا حرام ؟

حياكم الله خواتي اللي ردوا


امبلا بنات في برامج اسعارها ب70-80 دولار تقريبا

وانا اساسا حصلت البرنامج بلاش طبعا بالانستولس...يعني اللي يبيه بلاش راح يلقاه

-------------------

وعلى سالفه انه يخرب الجهاز....لا بنات شلون يخربه؟ اصلا اغلب الاجهزة شغاله من احسن مايكون

ومافيها اي عطل او خراب بسبب الجيلبريك

----------------------

وبالنسبه لسؤالج اخت فخر........ترى عادي تقدرين تحذفين البرنامج اذا ماتبينه

===========

نيلوفر صج والله!! تصدقين ماسمعت عن سالفه القضيه

اللي سمعته العكس...يقولون ان بأمريكا ممكن يعاقبونج مادري يخالفونج اذا شافوا انج مسويه جيلبريك

!!!!!!!!!!!!!!!



ناطره رايكم باجي البنات

 

[Kawaii GiяL]

بنات صح كلام نيلوفر .. من فترة مو بعيده .. صار الجيلبريك مسموح فيه بالقانون
عشان جذي اخر جيلبريك كان سهل حده .. و الحين بتطلع اكثر من شركة تسوي جيلبريك
اللي متابعين الاخبار يدرون

و اساسا الايفون مااكان راح ينجح من غيره الجيلبريك نوعا ما معوض وايد نواقص بالايفون
فا مو من مصلحتهم يمنعونه

 

[Kawaii GiяL]

هذا دليل كلامي

http://tech.spreadit.org/jailbreakmejailbreak-iphone-4-0-via-jailbreakme-com/

 

[شكليطه]

رد : حلال والا حرام ؟

Kawaii GiяL
مشكووووره حبيبتي على ردج

وبعد في شغله ثانيه توني انتبه لها وانا قاعده انزل برامج

الحين انا مثلا قريت مواصفات برنامج وعجبتني وقررت اشتريه
ولما شريته انصدمت ان مافيه هالمواصفات المكتوبه

ساعتها منو بيحفظ حقي ويرد فلوسي؟؟


اتوقع ان ابل مقصره من هالناحيه ....يعني تبي تجمع فلوس وبس

وفعلا في واحد من هالبرامج كويتي اعتقد...كاتب صفات معينه ...وسعر البرنامج رمزي نوعا ما لكن مهما كان مو ببلاش

المهم وانا اقرا الreviews ...والا الكل يشتكي ان البرنامج طلع مقصه ومافيه المميزات او الصفات اللي انذكرت


مادري هالسالفه وقفت عندها وحبيت اسمع رايكم

 

[فيونكه فوشية]

رد : حلال والا حرام ؟

الجيليبريك لعبة ابل اصلا عشان تزيد من بيع الايفون وهي اصلا متعمدة تنزل جهاز فيه نواقص كبيرة
عشان انتي تظلين تشتغلين فيه وبالتالي ماتملين
ولا شركة مثل ابل عيزانه تسوي تلفون فيه بلوتوث يرسل صور و وسائط او حتى ثيمات مثل كل التلفونات
لا تقدر بس تبي المستخدم يحوس عشان يحس بقيمة الايفون
لان الشي الي بالساهل بسرعة ينمل منه
بالنسبة الجيليبريك صار قانوني وأقرته امريكا ولو ابل ماتبيه تقدر تحكر برامجها عدل
لكن هي مستفيدة بكل الحالات وخصوصا ان البرامج اغلبها اسعارهم رمزية
الحلال والحرام محد يفتي فيه
لان لو بنقول على هذا حرام حتى تقليد الماركات حرام
الأفلام الي بالسيديات على نص حرام
الدراريع الي مقتبسة من مشاغل معروفة ونخيطها برخيص حرام
فساتين السهرة الي نأخذها من كاتالوج سحر الشرق ونفصلها بأقل من قيمتها عند خياط هندي حرام

أتمني وصلت فكرتي للأسف إحنا بزمن ضايعين فيه

أنا جربت الجيليبريك وخرب جهازي و حطني على الsave mode وكل ماسويت ريستارت يرد نفس الشي سويتله ريستور وأب قريد والحين أنا على التحديث الجديد وللان مافي له جيليبريك*

 

[فيونكه فوشية]

رد : حلال والا حرام ؟

....

 

[شكليطه]

رد : حلال والا حرام ؟

والله فيونكه عجبني كلامج

وانا اتفق معاج بنقطه...ان الحلو بالايفون ان يعطيج الحريه انج تصممين تلفونج بمزاجج
وتحطين اللي تبينه وتشتغلين عليه

على قولتج ابل عيزانه عن بلوتوث او غيره؟

بس انا مو معاج ان هذا يعتبر ميزه والواحد ما راح يمل لما يدور بنفسه

بالعكس حبيبتي يمكن انا اكون محتاجه برنامج معين واقعد ادور عنه واجرب واجرب لما احصل اللي ابيه ومضبوط
وهذا ممكن يضيع الوقت ..خصوصا اذا كنتي مستعيله او تبين هالبرنامج ضروري....في ناس راح تمل وتقول ويه خابينا ايفون وايفون واخرتها جذي
لا ما يسوا



يبا اعطيج مثال اوضح....انا صارلي يومين بس احوس وادور ببرامج المنبه او alarm

وانزل واجرب ومااااااكو فايدة...ماكو برنامج يبرد الجبد ويشتغل حسب المطلوب
لو غيري مالهم مقاقه...جان احذفوا التلفون وردوا على تلفونات ابيض واسود

عموما ابل ما تدرين شنو غايتهم او سالفتهم من هالحركات !!!

يمكن مثل ماقلتي عشان تشجع الناس على الايفون خصوصا اذا شافت ناس تتردد تشتريه لان ماتبي تدفع حق البرامج


الا بسألج سؤال عالجانب انتي اي اصدار اللي ما نزل له جيلبريك؟

 

[فيونكه فوشية]

رد : حلال والا حرام ؟

الي اقصده اختي ان الواحد مايمل
يعني فرضا شريتي جهاز ومافيه ميزة معينه بتملين منه وبتغيرينه
لكن الايفون كل شوي نازل برنامج يعالج هالنقص وهالعيب

أنا حدثته ل ٤.٠.٢ عن طريق الايتونز

 

[•••MiSs ElliOtt«]

ششيء حلوو كلآمكم ^_^

أنآ مسسوية جيل بريك ومن أحسسن مآيكوون

وسسآلفه أسسعآر آلبرآمج

فيه برنآمج مدري شسمه سعرهـ حول 800 دولآر :|

 

[Kawaii GiяL]

فيونكه فوشية .. انا عكسج كرهت الايفون لان ملييت و انا اسنع فييه و بالعكس مو من مصلحة اي شركة اصلا يكون بالجهاز نواقص اساسيه مثل البلوتوث
الام ام اس موجوده فيه الحين
و بعدين عمري منو قالج انهم وايد مهتمين بمشاعر المستهلك عشان يخلون اجهزتهم ناقصه ببعض الاساسيات بس لا يمل المستهلك !!!!
انا معاج انه الايفون ناقص بس السبب اللي ذكرتيه ساذج
اذا على الملل الله يخلي الاب ستوور برامجه و العابه تهبل و تتحدى الملل على قولتهم كل ما ضاق خلقج نزلتي من الاب ستور شي
اصلا لو ما الاب ستور الايفون ما يسوى بيزة و لا يحد بيطل فيه

سبب النواقص يا عمري سياسة ابل في الاحتكااار
انا اعطيج امثله
البلوتوث ما يصير لباجي الموبايلات بس محتكر من ايفون لي ايفون و ما ينقل كلشي بعد.. ما يبونج مثلا تشترين نغمة او اغنية من الاب ستور او الايتونز و تطرشينها بارده مبرده لحد ثاني . لان بجذي راح يقل نسبة الشراء و شخص بيشتري و بنقل للباجي بلوتوث
فهمتي ليش الحين .. مو عشان محد يمل لوووول

مافي مموري خارجي عشان لا تحفظين البرامج و الالعاب و النغمات اللي شاريتها من الاب ستور و المموري يستخدمه غيرج

النغمات اللوعة اللي بس 30 ثانية مافي طريقة تضيفين نغمات من غير السيديا او الايتونز بطريقة متعبه لازم تحويل ,, عشان يجبرونج تنزلين من الاب ستور

مافيه usb و لا تنقلين الملفات من الكمبيوتر لي الايفون كوبي بيست .. نقل الفيديوات و الصور و الاغاني الخاصه محتكر بس على برنامجهم التعباان ال itunes

مصممين البرامج .. شوي و ينتحرون من سياسة ابل الاحتكارية اقري عنهم بقوقل..

نظام ابل محتكر على اجهزتها ما يشتغل النظام على شي غير ابل

أبل محتكرة السوفتوير و الهاردوير و بيئة التطوير و السورس كود

معروفة سياسة الابل الاحتكااااااااااااااار

اقري هذا مثال و اقري الردود راح تفهمين اكثر

http://www.tech-wd.com/wd/2010/06/09/apple-threat-google-admob/

 

[aṕriliå]

رد : حلال والا حرام ؟

كلام اخوج عدل