حكومتنا الرشيدة.. ليش معاشاتنا تخلص بسرعة !!

[ســتارز]

فضفضة :eh_s(17):

معاشاتنا بسرعة تخلص ويمكن باسبوع ... وننطر 3 اسابيع على مايجي معاش الشهر اللي وراه

ليش ...لاننا شعب مسرف يحب الطلعات والعزايم والشوبنق

طيب ليش بدل ما ننطر شهر على المعاش الجاي ننطر اسبوعين فقط

بمعنى نجزأ المعاش الشهري الى جزئين ونقسمه الى اثنين

يعني كل اسبوعين نص معاش

اللي معاشه الف .. كل اسبوعين يوصله 500

واللي معاشه الفين كل اسبوعين يوصله الف

واللي معاشه 600 كل اسبوعين يوصله 300

الاجانب والانجليز معاشاتهم اسبوعية طبعا احنا مارح نوصل

مواصيلهم لكن عالاقل نستفيد منهم نص تجربتهم

باعتقادي بيصير انتعاش للبنوك وللحياة الاقتصادية لان الصرف بدل مايكون دفعة وحدة صار مجزأ
​

اشرايكم ؟

 

[ســتارز]

واخيراا يسلموو

 

[تذكر خافقي رمحك]

والله فكرة حلوة
بس المسرف راح يظل مسرف
وماراح انخلص من مسلسل التحلطم​

 

[ســتارز]

تسلمين حبيبتي بس حتى المسرف احسن له

افضل له من ان يصرف معاشه من اول اسبوع وبعدها 3 اسابيع يقعد مفلس

 

[Leann]

هذي مو من مسؤلية الحكومة انها تقطع المعاش .. يمكن واحد محتاج او شي او يبي الفلوس كلها دفعة وحدة ؟؟ ما قدر الزمه ياخذ المعاش كل اسبوع

و الحكومة مو مقصرة ويانا معاشاتنا قاعدة توصل بوقتها

و اللي معاشه يخلص بسرعة هذا انسان مسرف ان شاء لو تعطينه بالفلس الواحد كل يوم هم يتحلطم و يقول ان المعاش ما يكفي

الحل ايي من الفرد و الاسرة ما ندخل الحكومة بهالموضوع لان مالها دخل .. كل واحد رقيب و مسؤول عن بيته يعرف شلون يخش فلوسه و يصرفهم بحكمة

انا وحدة الحمدلله معاشي مكفيني و متربيه ابيت نقدر قيمة الفلس و الحمد لله و الشكر معاشي يكفيني لاخر الشهر و يزيد لان متعلمة شلون اصرفه و متى اصرفه و شكثر اصرف منه


و الحمدلله على النعمة اللي احنا عايشين فيها ...

 

[قسبجا]

لا المفروض بدال لا نسن القوانين نعالج اخطاء الناس

انا الحمد لله ايمع وافكر قبل لا اشتري اى شغله اذا هي مفيده ومحتاجتها صج ولا لا

 

[Q 8 Y A t]

شالخبال؟

ليش مو الواحد نفسه يقسم معاشه لعمره

ليش الواحد يسرف من نفسه ؟

شالتفكير

 

[ســتارز]

برأيي لو في تقسيم المعاش مشكلة ماكان سووها الانجلش وحتى الايجار يدفعونه اسبوعيا


q8yat اي اختراع قبله فكرة مجنونة

يعطيكم العافية

 

[أنفاسي دخون]

والله من هالحراميه اللي فاتحه ثمها من ينزل المعاش

يحسبون المواطن قاعد على بير نفط وما وراهم رادع يوقفهم عند حدهم

 

[ســتارز]

الله يفكنا من شرهم

يسلمو انفاسي دخون وتسلم ايدج

 

[( المـلاك )]

والله حبيبتي فكرتج عجيبه لوول بس ماراح تتطبق
بس اللي عجبته الفكرة يقدر يسويها بروحه
بس لاااازم يمسك نفسه غصب

يعني اذا عاجبتج فكرة المعاش الاسبوعي
ونقول مثلا معاشج الف
حطيلج 4 حصالات و قفلي عليهم بقفل و لا تفكرين تبطلينه الا كل بداية اسبوع
اول اسبوع اخذي 250
وثاني اسبوع بعد 250
ونفس الشي الثالث والرابع

لانه التغيير ماراح يصير الا منا احنا ، لو نبي هالشي نسويه

 

[ScarletteO'Hara]

صدقيني الحكومة مالها شغل
للاسف ربعنا لما يستلمون الراتب يصيرون مينن جنهم مو شايفين فلوس من قبل
اذا الواحد ما عرف شلون يقسم راتبه عموره ما يرتاج
معقولة ناس معاشاتهم قريب ال900 او ال1000 نهاية الشهر ما عندهم 5 دنانير يصبون بانزين؟
و الله انا مو محتاجة الحكومة تقسم لي راتبي
انا عندي طريقة من زمان مطبقتها
اول ما ينزل الراتب بتاريخ 22 الشهر
اسدد التزاماتي من مكالمات و قسط سيارة و الفيزا و مبلغ الجمعية اشيلة (من توظفت و انا ادخل من جمعية لجمعية خلاص تعودت على هذا الوضع نادر ما اذكر وقت طويل ما اشتركت فيه بجمعية)
بعدين يصفى لي مبلغ و قدره
اقسم هذا المبلغ على ثلاث
و امسك روحي جم يوم لين يدخل علينا الشهر اليديد
و المبلغ المقسن اشيل ثلث منه لكل اسبوع لي المعاش اليديد
ما اخلي شي بخاطر بهذا الاسبوع
و ينزل الراتبي الي بعد و راتبي الاولي للحين ما خلص
و فوق هذا عندي تحويشة سنعة من ورا الجمعية عاد اسوي فيها الي ابيه
فالواحد لو يقدر يمسك ايده جم يوم و ما يستهبل اول ما ينزل الراتب بيرتاح
و سالفة ان الحكومة تقسم لنا راتبنا صعب حده هالشي يتطبق بالكويت
لان الناس عليهم التزامات لبنوكهم و حتى برا بنوكهم
عاد مو كل مشكلة طحنا فيها قلنا تعالي يالحكومة طلعينا منها!

 

[Miss Cherry]

لا ماؤيد

الاجانب معاشاتهم اسبوعية بس احس مو حلو جذي حلاته كل شهر وبعدين المسرف بيظل مسرف ماينفع معاه الا انه يغير نفسه

 

[كلكجيه]

خلو المسرف علا صوب , السوق غالي هالتجار مشافيح جنهم ماشافو خير
بس يشمون ريحت خبر ان بزيدون المعاشات حتن لو مجرد مناقشه للفكره
يزيدون السلع 10 اضعاف , متطلباتنا وايد !!

 

[ســتارز]

والله حبيبتي فكرتج عجيبه لوول بس ماراح تتطبق
بس اللي عجبته الفكرة يقدر يسويها بروحه
بس لاااازم يمسك نفسه غصب

يعني اذا عاجبتج فكرة المعاش الاسبوعي
ونقول مثلا معاشج الف
حطيلج 4 حصالات و قفلي عليهم بقفل و لا تفكرين تبطلينه الا كل بداية اسبوع
اول اسبوع اخذي 250
وثاني اسبوع بعد 250
ونفس الشي الثالث والرابع

لانه التغيير ماراح يصير الا منا احنا ، لو نبي هالشي نسويه

طريقتج بالحصالات لها فايدة تربوية لعيالنا نعلمهم الادخار والتوفير للمستقبل

بس على اللي راحت عليهم الله يعينهم مايفيد معاهم نظام الحصالات

مشكورة حبيبتي يعطيج العافية :eh_s(7):

 

[ســتارز]

صدقيني الحكومة مالها شغل
للاسف ربعنا لما يستلمون الراتب يصيرون مينن جنهم مو شايفين فلوس من قبل
اذا الواحد ما عرف شلون يقسم راتبه عموره ما يرتاج
معقولة ناس معاشاتهم قريب ال900 او ال1000 نهاية الشهر ما عندهم 5 دنانير يصبون بانزين؟
و الله انا مو محتاجة الحكومة تقسم لي راتبي
انا عندي طريقة من زمان مطبقتها
اول ما ينزل الراتب بتاريخ 22 الشهر
اسدد التزاماتي من مكالمات و قسط سيارة و الفيزا و مبلغ الجمعية اشيلة (من توظفت و انا ادخل من جمعية لجمعية خلاص تعودت على هذا الوضع نادر ما اذكر وقت طويل ما اشتركت فيه بجمعية)
بعدين يصفى لي مبلغ و قدره
اقسم هذا المبلغ على ثلاث
و امسك روحي جم يوم لين يدخل علينا الشهر اليديد
و المبلغ المقسن اشيل ثلث منه لكل اسبوع لي المعاش اليديد
ما اخلي شي بخاطر بهذا الاسبوع
و ينزل الراتبي الي بعد و راتبي الاولي للحين ما خلص
و فوق هذا عندي تحويشة سنعة من ورا الجمعية عاد اسوي فيها الي ابيه
فالواحد لو يقدر يمسك ايده جم يوم و ما يستهبل اول ما ينزل الراتب بيرتاح
و سالفة ان الحكومة تقسم لنا راتبنا صعب حده هالشي يتطبق بالكويت
لان الناس عليهم التزامات لبنوكهم و حتى برا بنوكهم
عاد مو كل مشكلة طحنا فيها قلنا تعالي يالحكومة طلعينا منها!

ماشاء الله عليج شكلج مدبرة وشاطرة تبارك الله

على طاري المينن مو شايفين فلوس وحدة مو موظفة وزوجها معاشه 1800

نص الشهر يتسلف منها !!!!!

مشكورة حبيبتي عالافادة