حكومة ولا خاص ... والله احترت

[espresso]

السلام عليكم

باختصار موضوعي : ما أدري وين أودي بنتي ؟؟ أي مدرسة ؟؟ حكومة ولا خاص ؟؟

اللي عيالهم بالحكومة ... جاوبوني الله يخليكم ... شلوون الوضع ؟؟ صج مأساة ؟؟
وااايد قالوا لي ... بترووح فلوسج عالمدرسين الخصوصين .. و المناهج ما تنفهم ... و الأبلات مو بمستوى المنهج !!

و اللي معاي بالدوام كل يووم يتحلطمون على الحكومة ومدارس الحكومة ولا وقت الامتحانات !!


و اللي يمدحون الخاص يقولون انتي قاطة فلووسج ومرتاحة

زوجي ضد الخاص ... بالنسبة له التعليم الحكومي أحسن ... يقول لو آنا مليونير ما أودي عيالي خاص !!

بالنسبة للناحية المادية ... راح أضغط على نفسي ... آنا ما عندي مصدر دخل إلا معاشي ... بس أقدر
يعني بس التأسيس ... بس الابتدائي و بعدين حكومة


شرااايكم ؟؟؟ بكل صرااحة


و يهمني رااي الأبلات المدرسات بالحكومة .... خاصة المرحلة الابتدائية .... الله يوفقكم ويوفق عيالكم :yaaaaaarb:

 

[سيدة الكويت]

اقولج ياها بأختصار

الحكومه مو كل مدرسه تعطة بضمير فهم ولا ما فهم ما يهمها وعقب مع السلامه ...طبعا ما اعمم لأن حرام فى مدرسات ممتازات بس الأكثريه خربوا على الزين

الخاص لازم يفهم الطالب والا فنشوها ويابو غيرها وطبعا اذا ما فهم الطالب تشرح لحد ما يفهم.

 

[كويتية صغيرة]

و الله اختى يعتمد على الشخص نفسه و اهتمامه.... و بالأخص يعتمد على الأم و متابعتها المستمرة
بالنسبة لي وايد مبالغين ان الحكومة كلش موزينة حرام هالكلام على المجهود اللي تبذله ادارة المدرسة
و المدرسات حرام نقول انهم كلهم موزينيين ....كل مكان فيه الزين و الشين احنا قرايبي توهم متخرجين من حكومة و مهندسين و دكاترة
و من تجربتى المدرسات اللي مروا على عيالي والله ينحطون على الجرح يبرى حتى موبايلهم يعطونى اياه و كلهم يهبلون و هذه شهادة حق لابد ان تقال ان كل مكان فيه الزين و الشين

بحكم خبرتى و من صديقاتى
ترى حتى الخاص .... يلجأون للدروس الخصوصية و في مدارس يدقون على الأهل و يقولون لهم ولدكم ضعيف و محتاج تقوية و يشترطون دروس خصوصية من مدرسين من نفس المدرسة طبعا للربح المادي

في اكثر من نقاش تم عن هذا الموضوع و القرار راجع لك
اخذي فرة و قرري
http://q8yat.net/showthread.php?t=507634

وبعد هذا

http://q8yat.net/showthread.php?t=528395
و ايضا
http://q8yat.net/showthread.php?t=318233
اعتقد بعد الثلاث مواضيع
راح تاخذين القرار المناسب
من تجربتى انا الحمدلله عيالي كلهم حكومة و مرتاحة من مدارسهم و من ابلاتهم



و الله يوفق عيالك

 

[غلاي عزوزي]

نفس حيرتي ولدي السنه اليايه اولي ابتدائي وصارلي سنتين احوس ابي مدرسة خاصه له لالالالالالالالالالالالالالالالالالالازم كل مدرسة لها سلبياتها




يعني التظام البريطاني صعب حيل والياهل مايلحق يحك راسسه النظام الامريكي وايد غري واختلاط والياهل من عمر 5 سنين يفطن لكل شي وحتي من الناحجيه الجنسيه وهالحجي حجي دكاتره


والمشكله لادخل خاص وغصب تأقلم وتعود علي الكراف والدراسه ومرات تضعف لغته الام يعني لو تقولين تاسيس معناته تاسسينه انخيزي بالعربي راح يكع بالحكومه بعدين



وايد ناس دخلو عيالهم خاص علي بو انه بس تاسيس وعقبها توهقو وكملو لي الثانوي بالغصب


انا قررت ادخله حكومه يمي ويم بيتي اريح لقلبيواسسه بهالمعاهد الخاص
اصلا قامو يستغلون حاجتنا وصار في معاهد لحل الواجبات شوفو لاي درجه

 

[ريماا]

كل ماكان فى سلبيات واايجابيات بس الاكيد انة الخاص افضل بكثير لج ولولدج او بنتج
لج الان كلمتج مسموعة تعطين ملاحظات للمدرسة على راحتج تعترضين لمصلحة طفلج ويحترمون رايج غصب عنهم
لطفلج يحترمون ذاااتة ماكو سب شتم صراخ واذا صار فهما محاسبين ويخافوووون على طوووول فى مراقبة للطفل بالفرصة بالحصة بالحمامات بكل مكان فى رقااااابة
التدريس فى مدارس مناهجها عادية وفى مدارس مناهجها صعبة بس كـتأسيس شى طبيعى بتأسس لج بالخااص حتى لو اهو كسلان والتاسيس اهو انة يعرف من بعد الروضة الاحرف عربى وانجليزى هذا اقل شى مع الارقام
الحكومة ماكو احد تخرج من الروضة يعرف يكتب او يقول الاحرف ماادرى عنهم بس ماسمعت يعنى يدخل الابتدائى وينصدم خصوصا منهج الابتدائى غلط على طول املاء وحجى
اختى غلاى ترا انتى ماخذة فكرة غلط مايدرسونة عن الجنس وهالسواف شكو؟ مناهجهم تختلف من مدرسة لى مدرسة بس بالابتدائ مافيها هالامور
الحين شوفى الحكومة من خامس يعنى من عمر 10 سنين معطينهم تلقيح ومبيض انا اشرح لحماى استحيت ماادرى شقولة واهو يطالعنى بكل براءة مو عارف شنو الطبخة

 

[غلاي عزوزي]

ريما حبيبتي انا اقصد بالجنس يعني الاختلاط اعرف وحده بنتها بالمتوسط خاص تقولها ليش ماعندي بو فرند نفس رفيجاتي

يعني الاختلاط له مضاره

بتقولين التربيه اهي الاساس


لا

الولد اكثر يومه مع ربعه بالمدرسه يرد ياكل يدرس ينام

والله انتلشنا

 

[ريماا]

ريما حبيبتي انا اقصد بالجنس يعني الاختلاط اعرف وحده بنتها بالمتوسط خاص تقولها ليش ماعندي بو فرند نفس رفيجاتي

يعني الاختلاط له مضاره

بتقولين التربيه اهي الاساس


لا

الولد اكثر يومه مع ربعه بالمدرسه يرد ياكل يدرس ينام

والله انتلشنا

صح ولله معاااج حق الاختلاط يخرب لله يستر انا عيالى صبيان ومدرستهم مختلط كل مراحل الابتدائى شسوى مااتوقع فى ثنائية صبيان بس عاد حزتها بدور بس يتخرجون من الابتدائى

 

[سارة_kw]

انا برأي االشخصي الخاص ابرك من الحكومة

بالذات الروضة للتأسيس عدل

 

[espresso]

مششششششششششششششششششششششششكككورررريييين وااايد ... ماقصرتوا كلكم كل راي فادني

آنا بنتي اسم الله عليها كي جي 2
وهي بمدرسة خاصة .. ثنائية اللغة ... اسلامية ... ووااايد مرتاحة منها

قراري خذيته بانها تدخل روضة خاص ... الحمدلله مقتنعة فيه و راضية ... لأنه ابي أسسها صح ... و المدرسة ثنائية ... يعني ما تضيع لغتها العربية ... و المدرسة اسلامية ... فيها قيم !!
سؤالي بالنسبة للابتدائي ... هل يكون خاص أو حكومة ؟؟؟

خااااااايفة عليها تتعلم سلوكيات مو صحيحة ... خايفة تتعلم نظام غلط

يعني أبسط شي في الخاص ... يعلمون الطفل يحب القراءة وتكون جزء من حياته ...

البنات في عايلتنا يفرقون عن بعض ... مثلا اللي من مدرسة حكومة كله تقووول ملل طلعونا ودونا ماندري شنسوي !!
اللي من خاص ... لي لقت نفسها فاضية ... مسكت كتاب وقرت
يعني الخاص أشوفه ... يعلم حياة
و الحكومة .... لا زم عقب ما يرجعون البيت تتعبين عليهم حييييييييييييييييييييييل علشان تقومين اللي انعوج الصبح و تغرسين المفيد ...

وما أقووول الحكومة ما فيها خير ... آنا و خواتي و كل اللي أعرفهم ناجحين من جيلي من حكومة


بس ألحين الأيام غير ...


ودي أسمع أكثر آراء ...

وشكرا