حق وناستج شنو تسوين

[سُوالفي حلوة]

اشلوووونكم ان شاء الله دايما مستانين

حبيباتي حبيت نستفيد من بعض اذا كنتي متضايقه وحابه اتونسين روووجح شنووووو اتسووون
كل وحده حلوة وتحب الوناسه:eh_s(9):ودمها خفيف اتكرم وتكتب لنا .

 

[عجميه زوغه]

اذكر الله اقرا قران واصلي

واطلع مع خواتي اي مكان المهم اغير جو

ومرات اطبخ عشان انسى

 

[ياغفور اغفر لي]

ماسوي شي ابدا خصوصا بالشرقيه يضيق صدري حيل لان اخلي مو عندي وجديدة انا 

 

[موج-البحر]

انا عن نفسي ادخل المنتدى وارد على المواضيع كثر ما اقدر لين ترتفع مشاركاتي

وتوه توه صارت مشاركاتي الف : )​

 

[^ريما^]

اذكر الله والاستغفار

 

[>الحنان كله<]

اخلي الوقت عادي يمر بدون شي ماعندي افكار لوووول الا اذا احد شجعني والا قالي امشي خنسوي هالشي بالمختصر ماعندي دبرة لوووووول

 

[Ray.Bana =$]

ادق على رفيجاتي اذا نايمين ادش المنتدى ويوتيوب ازيد ثقافتي

 

[^^ريهام^^]

اذا كنت حاسة بالملل اروح النادي او اروح البحر

اذا ضايق خلقي ادخل اليوتيوب وادور مقاطع عبدالناصر درويش خصوصا في فص كلاص او طارق العلي

او ادخل منتدى الفرفشة

 

[مشتاقة لاهلي]

أتمكيج « أشبك « اطلع بدلات العروووس والبس واحط اغاني وأرقص « أسوي عرض أزياء «  بعد أحوس بالمطبخ « اطلع الملابس اللي بالكبت أرد أسفطهم «

 

[بنت عطا]

ارتب شي مثلا مكياجي هدومي

اروح اغسل الحمام

اطالع فلم اجنبي

اسولف بالواتس اب لاني مااحب اكلم بالتلفون احب اكثر رسايل

ادش المنتدى

ادش اليوتوب

واذا لقيت احط يطلعني اطلع

 

[طالبه مصدومه]

1-اروح الصالون اسوي حمام مغربي ومنكير وبدكير ادلع نفسي 2-وارووووووووووووووووح للبحر خصوصا باليل علي الساعه 7
ومرات اتصفح النت واقري الجرايد واحب اتابع الاخبار... اروح مجمعات اتسوق اقعد بكافي وبسسسس

 

[منو انت]

خووش موضوع خل نستقيد

 

[نحوله عسوله]

انا مااعرف اونس نفسي بالمرررره بس اذا حصل طلعه طلعت بس مع خواتي احلى الطلعه



وبسسسسسس

 

[جوري 2007]

اروح الجمعيه _ ادش المنتدى _اقايس هدوم واصفي الكبت _ اروح اشتريلي مجلات واتقرى واشرب كوفي

 

[miss_whitemocha]

أطلع أتمشى بالسيارة بروحي و إذا مالي خلق أطلع أجابل النت..

 

[ســتارز]

افتح كبتي واجرب بدياتي وبدلاتي وجنزاتي واحط وهذي على هذي تطلع بدلة جديدة

 

[ايسكريم بالتونه]

ارقص او اطالع فيلم اهم شئ براد بيت

واتعلم انجليزي

 

[النملة نواري]

اجابل لابتوبي نفس الحين

 

[حكاية شهرزاد]

حق وناستي ,, ممممم ,, ماعندي ونااااسة ماعرف اجري ورى اناستي ,, بس اركض ورى الاشياء اللي تريح بالي ,,

مثل : اطلع بروحي اقعد في مكان هادى ,, يعني غرفه خاصة في كافيه ,, واقعد على النت ,, وافكر ,,

اقرى مجلات ,, اسمع اغاني ,, اسمع قران ,,

مرات اروح الصالونات ادخل حمام مغربي ,, او سونا ,, لاني احس بالحرارة تريحني ..

انسدح على السرير افكر بروحي بالظلام ..

اقعد في صالتي ,, احط شموع واسوي لي جو راقي حلو ..

اشوف فلم رومانسي مصري قديم ..

اطالع برامج سياسية وحوارات جديدة لاعلاميين لفنانين لمبدعين للي يكون ..

اقرى قران ..

العب مع عيال اختي الصغار ,, ومرات اخذهم المول اشتري لهم العاب ,, ادخل تويز ار اس اتمشى معاهم ,,

اروح كافيه وهذي مشروع لصديقتي عائلي وفيه قسم لها ,, اروح اقعد في يمعه البنات , البنات هناك بالعشرات ,, اوسع سدري اسمع كلامهم واسولف معاهم واشوف اشكال وانواع ومن كل المذاهب والجنسيات ..

بس ماعندي شي اخر اونس فيه نفسي ..

 

[هنوو العنزي]

اقعد اللعب

او


افصصصل وجي افلهاا
واررقص