حق كل حامل بالتوأم ضروري تدخل هناااااا ضروري

[حلوه رزتها ملكه]

السلام عليكم ابي اسأل كل وحده حامل بالتوأم

1 أنا ولله حمد حامل بتوأم بشهر سابع وأراجع عند دكتوره بهواني
سوت لي سونار قالت وحده من توأم معترضه في حوض اذا استمر جذي
راح تكون ولاده قيصريه أنا خائفه لان كل ولادتي سابقه طبيعه
سؤالي هل اكمل عندها او اشوف غيرها هل راح تغير وضع يعني راح تلف واذا ولادتي قيصريه اروح حكومي احسن او خاص. ابي اسأل عن افضل دكتور ومستشفي حق ولادت توأم.








الله يوفق كل من ترد علي ويرزقها بالذريه الصالحة

 

[••غـلآًهْـم••]

الله يفرج لج ويكتب لج التيسير من عنده ويهون علينا وعليج


للاسف ماعندي علم

 

[ام اغلى الناس]

الله يقومج بالسلامه
رفيجاتي كلهم توام
مدري عن سالفة المعترضه
بس سمعت انه فيه دكاتره يلفون البيبي منهم ماجد الشمري بالجهرا

اما الولاده يقولون احسن شي للتوام والحالات الخاص هو الحكومي
بنت خالتي جابتهم بالفروانيه وتمدحهم
انا ارشح لج الصباح لانه تخصص ولاده
وعشان ممكن بعض التوائم يحتاجون شيشه
والشيشه بالخاص اسعارها نار

 

[love love]

استشيري دكتوره ثانيه

ولا تعترضين لو قالت هم قيصريه اهم شي صحتكم ولا الحين صار مافي فرق بين قيصريه وطبيعي

 

[كل دنيتي امي@]

الله يهون عليج

ويقومك بالسلامه

اكثري من الحبي والاطاله بالسجود تغير وضعيت الطفل

 

[المحافظه]

حبيبتي انا كنت وحده معترضه وحده تحت وقالي منصور العرف اهم شيي وحده تكون تحت
بس حبيبتي مايتعدلون لما تدخلين الثامن
ماااعليج من گلام بعض الدكته دور الفلوس وتسويلج عمليه عن تجربه بتاسع يتغير كل شي لما يكبرون اتوم ويثقل الراس وينزل تحت والحمد لله ولدت وجبت احلي توام طبيعي
ودعواتج لي

 

[Um Ritaj]

انصحج تراجعين بالحكومة في حالات التوأم

واذا انصحوج بالقيصريه فهم ادرا واعرف و اهم شي سلامتج وسلامة البيبيات

والله يقومج بالسلامة

 

[فـراوله]

أنصحج تشتشرين الحكومه وتروحين تشوفين رايي محسن طلبه
بالامومه عنده خبره بلف البيبي​

.​

.​

 

[yam_yam]

توام خلج بالحكومه احسن لج

 

[أأأميرة الورد]

الحكومه احسن للتوأم


الله يسهل عليج

 

[الأميرة جوري]

الله يسهل عليج يارب خليج عالحكومه افضل

 

[beauty rose]

انا كنت حامل بتوأم بس ولدت قيصرية لاني بجر وانا كنت ابي قيصرية كنت خايفة عليهم يصير فيهم شي من الولادة الطبيعيه
و حمدلله سهالات من الله

 

[حلوه رزتها ملكه]

الله يجزاكم كل خير كل من رد علي أنا قالت لي دكتوره الي تحت هي معترضه بحوض
مشكورين ياحلا كويتيات بس ابي احسن دكتوره او دكتور وأحسن مستشفي

 

[أسيره لعيونك]

السلام عليكم
الله يهون عليج و علي
أنا حامل بتوم وبشهر السادس راح أولد عند ماجده اليتامى أول مره
بس ولاداتي اللي قبل قيصريه بدار الشفا عند معصومه رضا وايد زينه
ولاتحاتين أنشالله ما عليج شر:eh_s(7)::aha::aha:

 

[استكانه1]

الحكومى افضل بالتوم ،،
والله يسهل عليج ,,,

 

[ام فواازي]

من غير تفكير الحكومه افضل شي للتوأم
لو منج مااغامر بالخاص مو مضمون ويدورون الشاره عشان يشقون البطن وياخذون عليج اكثر

 

[حلوه رزتها ملكه]

عطيكم العافيه كل الي رد علي بس احب اي وحده عندها تجربه ياليت تفيدني مشكورين يااحلى بنات

 

[Unico Style]

حبيبتي انا كنت حامل بتوام و ولد عند ناهدة وايد زينه و ما تستعجل بالولادة و دائما اتفضل الطبيعي