حقوق الزوجة الاجنبية بالكويت

[فروحته]

:eh_s(17):

مساكم الله بالخير خواتي شلونكم
ان شاء الله الكل بخير و بصحة جيدة
و متجهز حق رمضان
الله يبلغنا رمضان و يتقبل منا

-
المهم ما اطول عليكم الموضوع
طبعا من العنوان واضح طلبي
و اتوقع الكل ملاحظ بتوقيعي انه عرسي عقب شهرين
انزين بغيت اطلب منكم تعلموني عن حقوق الزوجة الاجنبية بالكويت
ابي اعرف كامل حقوقها من تصير على ذمة الرجل الكويتي

و اتمنى تفيدوني لاني دورت بقوقل و ما لقيت شي
فقلت ماكو غيركم استنجد فيهم
ادري وصلت متأخرة المفروض اسأل من بعد الملجة او قبلها بشوي
بس لهيت بظروف و ما مداني الا الحين و مشكورين سلفا

و الله يسهلكم اموركم و يسعدكم و يوفقكم سواء الي بتساعدني او لا :yaaaaaarb:
الي ما عندها علم تسوي اب للموضوع جزاها الله الف خير

و تكفون دعواتكم لي انا بحاجتها وايد :eh_s(8):

 

[فروحته]

شدعوة بنات محد يبي يساعدني بالموضوع

عموما مشكورا جزاكم الله الف خير

 

[Pink_Roses]

شنو تقصدين بحقوق؟؟؟؟؟؟؟

 

[أميرة-]

حقوق مثل شنو يعني شنو اللي تبين تعرفينه

بعدين يفرق اذا خليجيه عن أجنبية اللي هي الجناسي الثانية

 

[فروحته]

مشكورات بنات
انا ابي اعرف عن حقوقها بشكل عام و انا مو خليجية
يعني مثلا في تغطية صحية لها ؟
لها حق فالتوظيف ؟
لو تبي تكمل دراستها ممكن يساعدها كونها متزوجة كويتي او حالها حال اي اجنبية ثانية مقيمة بس او زوجها اجنبي
بس هدا الي ببالي الحين و لو في اي حقوق ثانية ملزومة اعرفها اتمنى تقولون
ما قصرتو بنات الله يجزاكم الف خير عني