حقنت ابر نفرتيتي وتغيرت ابتسامتي?

[نثيه]

مرحبا عسولات
انا قبل اسبوع طقيت ابر نحت للوجه وللذقن
بس المشكله ان ضحكتي تغيرت
ماقدر اتحكم في شفتي التحتيه
يعني لما اضحك شفتي التحتيه ترتفع فوق حيل
لين تدش داخل بضروسي
وقالي الدكتور يبي لج عشر ايام علي ما تتاقلم الماده
تكفوووون منو صار معاها جذي؟؟؟؟؟

 

[قهوه وشاهي]

للرفع بنات اللي جربها يعطينا تجربته

انتي عند منو دكتور ثقه

 

[حنانو 89]

اب اب اب

 

[مرتبة]

نطري أن شاء الله خير
بس الاسره هذي حق شنو وين سويتيها
وجيري بالج من الإبر والمواد الي فيها اسم الله عليج

 

[نثيه]

للرفع بنات اللي جربها يعطينا تجربته

انتي عند منو دكتور ثقه

مسويتها عند الجارالله بس ويهي صار منحوت ولخد الحين متغيره ضحكتي شويه

 

[نثيه]

نطري أن شاء الله خير
بس الاسره هذي حق شنو وين سويتيها
وجيري بالج من الإبر والمواد الي فيها اسم الله عليج

هلا حبوبه لا ابشرج وجهي تحدد بس لازلت اعاني من
ضحكتي مع انه خف حييييبل وان شاء الله يخف اكثررررر
مشكوره ياقلبي علي التخفيف لاخلا ولاعدم

 

[1001]

انا طقيت إبر نفرتيتي هي عباره عن بوتكس يطقون فيها الرقبه او عضلات الرقبه
انا سويتها الله لايوريج كأنه احد زانطني كأنه في احد رابط شي برقبتي وفعلا الإبتسامه تطلع غريبه خصوصا الشفه إلي تحت سويتها عند علاج كلنك د،حنان
شد عندي الشفه من تحت والذقن اما الرقبه شكلها ماتغير بس إحساسي كانه شئ مربوط برقبتي
الماده مدتها مو اكثر من ست شهور فراح تذوب الماده تدريجيا

بعد شهر خفت الماده ورجعت إبتسامتي تدريجيا
هذي التجربه ماراح اعيدها

 

[حنانو 89]

ها حبي شصار معاج... ان شاء الله احسن

 

[نثيه]

ها حبي شصار معاج... ان شاء الله احسن

هلا حبي
لحد الحين ضحكتي موقادره اتحكم
فيها ولا اقدر اتكلم واضحك اذا ضحكت وتكلمت
وانا اضحك اعض شفتي التحتيه واعض اطرافها
ابي الماده تروح شلووووون تكفوووون قولولي

 

[نثيه]

انا طقيت إبر نفرتيتي هي عباره عن بوتكس يطقون فيها الرقبه او عضلات الرقبه
انا سويتها الله لايوريج كأنه احد زانطني كأنه في احد رابط شي برقبتي وفعلا الإبتسامه تطلع غريبه خصوصا الشفه إلي تحت سويتها عند علاج كلنك د،حنان
شد عندي الشفه من تحت والذقن اما الرقبه شكلها ماتغير بس إحساسي كانه شئ مربوط برقبتي
الماده مدتها مو اكثر من ست شهور فراح تذوب الماده تدريجيا

بعد شهر خفت الماده ورجعت إبتسامتي تدريجيا
هذي التجربه ماراح اعيدها

الله يبشرج بالخير انا جدا متازمه مو قادره اضحك
ولا قادره اتكلم الله يفرجها إن شاء الله

 

[مدرسة مستقبلا]

عسى ربي يشافيج يارب

 

[حنانو 89]

ان شاء الله تروح المادة بسرعه حبيبتي ...

حبي انتي طاقة فيلر ولا بوتكس لانه جنه في ابره تذيب حقن الفيلرز

 

[لمساتـي]

هونا ������

 

[لمساتـي]

هونا ???

 

[نثيه]

ان شاء الله تروح المادة بسرعه حبيبتي ...

حبي انتي طاقة فيلر ولا بوتكس لانه جنه في ابره تذيب حقن الفيلرز

هلا حبيبتي
الظاهر انها بوتكس
بس صار لي شهر وابتسامتي تفشششل
اخاف اطق ابره ثانيه واتحسف

 

[REEMA15]

ايش فايدة هالحقن هل هي الي تعرض الفك ؟؟

اتمنى تردين علي ربي يسعدك

 

[نثيه]

ايش فايدة هالحقن هل هي الي تعرض الفك ؟؟

اتمنى تردين علي ربي يسعدك

الحقن حبيبتي تعرض الفك ويصير مثل وجة نفرتيتي يعني تعرض الفك

 

[نثيه]

ابشرررررررركم وجهي رد مثل ماكان اللهم لك الحمد
وابتسامتي رجعت
توووووووووووبه