حقد بعض اهلي ! او غرورهم ساعدوني

[miss f]

سلام عليكم بدش بالي صار على طول
بنات انا صغيره عمري 18 والحياه جدامي
بس
بليله قرقيعان هالسنه سمعت امي وابوي ابوي يقول لامي ان عمتي قطت نغزه المو كويتية صعب تتزوج لان حتى كويتيات مو محصلين ريل للعلم عماتي وخالاتي كلهم ككويتيات بس ابوي بس حالتنا معيشيه متوسطه حمدالله ..
وابوي يقولها بطريقه محترق قلبه من اخته تقووول وي هذي بنت مادري منو نفس جنسيه بنتك ماتزوجت عنست هذي وهي دكتورة والخ انا توني متخرجه من ثنوية وحياه جدامي بس كلامهم وتحديهم على اني ماتزوج سببلي حقد معني ماحب احقد استغفرالله بس جد يننوني رحتلهم زواره مبوزة ولا حسووو ع دمهم بس بيضيقون خلق ابوي معنه اللهم لاشماته عمتي وحده تعرفها كويتية وحلوة وغنيه ووظيفة سنعه وماتزوجت ! لان قسمه ونصيب وحظ و عمتي استغفرالله ماتعلم الغيب بنات انا حلوة مو جيكره بس ملامحي طفولية وضعيفه شوي فالناس تظن اني ياهل و ولا مره انخطبت ان يو بيتنا وجذي بس حجي مع امي وكلام فاضي انا الحين بدش جامعه واخاف كلام عمتي يتحقق ان ماتزوج كلش بسبه جنسيتي ! شسوي جد تحبطت من تفكير !!!! حسبي الله عليهل انا ما كبر موضوع لمن لو سمعتو ابوي شلون يشرح كلامها بتدمع عيونكم
شنو رايكم احس او ماتزوجت عمتي وبناتها واحفادهها بيفرحون تخيلو ابوي اضطر يجذب قالها ومن قالج بنتي محد يخطبها قبل جم يوم واحد من اهل امها متكلمين عنها بس ماصار شي رسمي قعدت تحن وتقول لا مستحيل ماتوقع اذا فلانه الكويتية الموظفه مانخطبت بنتك بتنخطب!!!

اسفه عالاطاله بس والله يابنات عماتي زينين بس بسالفه زواج والجمال من هالناحيتين مايبوني اصير احسن من بناتهم ! ليش ان بناتهم كويتيات وانا لا

 

[miss f]

اتمنى الرد ..♡♡

 

[الغضى]

اعوذ بالله الناس منتشر عندهم الحسد والحقد
اشدعوه الرزق بايدهم
سبحان الله يمكن تزوجين باللي احسن من بناتهم
توكلي على الله وحده بس وعيشي حياتج بدون كدر و هم توج صغيرة

 

[شندوخه]

النصيب ماعرف جنسيه

ولا تقولين فلانه مو كويتيه ودكتوره وماتزوجت انتي ماتدرين بظروفها يجوز خطبوها بس مارتاحت لاحد ويجوز اهيا شايله فكره الزواج لوقت معين


وكلن بياخذ نصيبه بهالدنيا لانه مقدر ومكتوب للانسان لا جنسيه ولا شهاده ولاحتي مرض ترده

 

[بنت عطا]

النصيب مكتوب عند رب العالمين اهما مالهم شغل لوًيغارون لو يحسدون كله بييد رب العالمين بعدين ليش كويتي في جنسيات واجد احسن من الف كويتي اهم شي الاخلاق والاحترام ويقدر يعيشج عيشه كريمه هذا المهم والمساله موكويتي ولاغيره المساله بالدين والاخلاق والنهايه كل شي بيد رب العالمين

 

[ليتني عندك]

أختي الحقد هذا مرض صعب ينتعالج وبعدين الزواج
ينزل من الله بلا جنسيه وبلا لون او شكل اذا الله جمع وفق
خلهم يحقدوا ويغيروا الين يشبعون اللي الله كاتبه بيصير

 

[حبي وحياتي]

اللي يزوج رب السماوات
انما يقول كن فيكون
ماراح عمتج ﻻ تجدم وﻻ

​

تاخر
ﻻ تكونين حساسه اتركيها وقولي ربي انت حسبي ووكيلي اكتبلي ماتراه خير لي ولديني
انت مازلتي في بداية حياتج واجمل سنوات عمرج استمتعي وخلي همج مصلحتج ودراستج وبسسسسس واتركي الناس لرب الناس

 

[برستيجي مآركة]

حبيبتي انتي يمكن يحز بخاطرج الكلام ويجرحج
بس صدقيني لو ماانتي لافته نظرهم وشاغلتهم ماكان كله يفكرون فيج مع ان الموضوع مو بيدهم
ولا بيد غيرهم هذا باامر من ربي متى مايصير يصير غصبا عن الكل وفجأة في يوم وليلة يتغير حالج
عيشي سنج وعيشي حياتج ولاتخلين هالاشياء شغلج الشاغل دايم وعرفي ان هالشي نصيب
وعذرا بس بقول مثل ينطبق للناس اللي تنقهر من بعض الاشخاص وشغلهم الشاغل نباح الكلاب لاتصل للسماء

وربي يوفقج ويحقق لج كل امانيج

 

[قـــمـــرهم]

ماله شغل كويتيه او لا !!!


وترا نصيبج مكتووووووووب من يوم انولدتي محد له شغل

وبعدين ترا ١٨ توج صغيره حيل صغيره لاتفكرين بالزواج استانسي ياقلبي

ترا الزواج مسؤوليه كبيره كبيره كبيره وتعب وعوار قلب حتى لو كان الرجال زين

بس المسؤوليه وهم الاطفال وتربيتهم يتعب ...

استانسي يا قلبي وتاكدي اللي الله كاتبه بيضير ..

 

[Miss Eteket]

النصيب مكتوب لج من حملت فييج امج واشوف هالتفكير تووو النااااس عليييه كملي جامعتج وتخرجي وعيشي حياتج تاالي لا وصل عمرج 25 وما تزوجتي اهني عاد تضايقي
موفقه

 

[عاشقة هواك]

مالج شغل فيهم بس ديري بالج اذا اخد خطبج لا يوصل حق عماتج حجي ويفركشون الخطبه لان مبين اهما محترين منج وما يبونج تتزوجين للأحسن والنصيب مكتوب لو شنو يسوون الله كاتبه والله يبعد عنج مشاكلهم وحسدهم

 

[Miss Basma ..}]

الزواج ماله شغل بالجنسية ، إذا في كويتيين و تزوجوا من مصر و فلبين و غيره
و إذا كلام عماتج مأذيج قولي حسبي الله و نعم الوكيل
و بعدين يا حلوة ،، رأي الناس مو مهم ،، اللي يحقد و يحسد و يقط نغزات خليه يولي ،، لأنهم بس بيكسبون ذنوب ، و احرصي عالأذكار عسى ما تنحسدين
ادعي ربج و استغفري و راح تشوفين اللي يسرج إن شاء الله

 

[sharshora80]

حبيبتي شوفي نصيبج وين يعني الحين الكويتي ذهبه ياحظي جان ماشفتي المطلقات والقضايا حتى لما يطلق يلوع جبد طليقته بالنفقه والاجار ﻻيغرج الكويتي
انتي دايما ادعي ربج يرزقج بولد حﻻل يعرف قيمتج ويقدرج

 

[نـعـومـه]

الزوج بالذات نصيب ماله شغل لا بجمال ولا شهاده ولا جنسيه

دوم ادعي ربج يرزقج بالزوج الصالح وان شاءالله بيلج نصيب زين

 

[(دنيتي)]

الحجي اللي سمعتي كلام فاضي وقطيه ورا ظهرج

اوك لانه الزواج مو ع حسب الجنسيه

هذا نصيب من ربج لما يبي يرزق مايطالع جنسيتج اهونصيبج وعطيه ربج لا من فلان ولا حسب نظره علان


ونفس كلام الاخت لا تخلين عماتج يدرون بخبر خطبتج اذا انخطبتي

ولا تفكرين بالزواج نصيحه اهتمي بدراستج ونصيبج بيي لين عندج وادعي دايما بالزوج الصالح والتوفيق ولا تحاتين


تدرين ليش لانه الله سبحانه كريم خلج عندج ثقه فيه انه بيسمع دعاؤج وبيحقق امانيج


وبالنهايه الله يوفقج

اختج دنيتي

 

[زينانه]

لا تحاتين
حجي عمتج فاضي
وماعندها سالفه
لا تعرف الغيب ولا علم هالكون عندها

انتي عيشي حياتج وحافظي علي نفسج
وبس
وصدقيني الللي سمعته زينه مثل الذهب
يدورونه الناس