حفل التخرج فى مدرسة الرسالة ؟؟؟ يسوى هالمبلغ؟؟

[noor sultan]

السلام عليكم
مدرسة الرسالة kg2 يبون يسوون حفل التخرج للاطفال وطالبين مبلغ 30 دينار فبغيت اسال شدعوه هالمبلغ على حفلة تخرج؟ فيا ليت اللى عيالهم فى هالمدرسه يخلونا نناقش الاداره فى ارتفاع هالتكلفة؟

 

[om.7madiiin]

شدعوة شدعوة
خوو كلة بيعطونهم روب ومايسوى 5 دنانييير
يبة احنا بالثنوية 20 و تكفي و تزيد
واي الله يعينا على مصاريف التوأم بيلعنون خيري

 

[pink Engineerah]

شنو صار هل حاجيتي الاداره لان مو معقول المبلغ وهم مو معقول نكسر خاطر الياهل وما ندفع 

 

[مبرقعة coool]

ما أدري آنا عن نفسي دفعت عشان فرحته وصور ذكرى تخرجة مع اني مو مقتنعة بالمبلغ أحس مبالغ فيه مدرسة خاصة
لا زم تستفيد يعني يمكن الروب + الشهادة + الهدية إذا فيه بعد ما تطلع 10 دنانير والباقي بجيبهم

 

[cnn79]

والله مايسوى المبلغ بس اعيالي بحضانه ثانية طلبو من بنتي ملابس لفقرة شريتهم ب8 دنانير وملابس لشخصية شريتهم ب10 دنانير وللروب خذو عشرة يعني دافعه 28 دينار وبعد يبون حذاء بعدي ماشريته فكلنا بالهوى سوى

 

[pink Engineerah]

اي والله اهم شي فرحه عيالنا ودام دخلناهم خاص نتحمل والله يعين

 

[غلاي غير]

اشوف المبلغ مناسب لمدرسه خاصه

لبس الفقره
لبس التخرج
الشهاده
الصور
والحفل عموما لازم ياخذون نسبه بعد

شنو نسوي بعد اذا قلتوا واجد قالوا مافي حفل كنسلنا