حفر الباطن وماادراك ما حفر الباطن ؟؟؟؟!!!!!!

[ام حتحوتين]

مرحبا
ادري مستغربين من العنوان
بس تبون الصج انا رحت اغلب الدول العربيه
وسبحان الله المحبه من الله
احب هالمنطقه حفر الباطن
والله ماعندي اهل فيها ولا احب شخص معين فيها
بس احبها كمنطقه .. احس نفسي اذا سافرتلها جني مسافره لندن
بتقولون ابالغ
هههههاي
لدرجة بعت ذهبي وشريت ارض فيها
وصارلي فتره اقنع زوجي نبي نبني الارض
ويطالعني ناقد علي ..
مو مقتنع يبنيها
ماعلينا
احب اول مااروح للحفر سيييييده اروح محلات المواعينن
اشتري طاسه مقله زغنونه شي ملفت اي شي
واحب اشتري السمنه من الحريم اللي قاعدات يم يم يم
وطبعا لازم نمر راعين البهارات ونشتري بهارات وقهوه
والعطارين ااااااااااااه من العطارين
انا لادخلت عطار استااااااااااانس استمتع
بس ادخل واطلع مااعرف اشتري

وياليــــــت اللي مجربه خلطه شي مميز من عطارين الحفر تفيدني !!!!!!

واحب اروح لسوق اسمه الشارقه كل شي عندهم علي خمسه ريال
والله عندهم بخور الدواسر بهالسوق رهيبه ريحته
وعندهم انواع رهيبه من المعمول اليومي اللي تبخرين فيه البيت
وكذلك البلايز مالت البيت حلوه لج ياالزوجه وعندهم نعال تكرمون للبنات الصغار وفلاتات علي خمسه ريال والوانها حلوه
غير المنظفات والمواعين والقرطاسيه والله اللي بتدخله تنصدم من منتجاته شي مو طبيعي

وكذلك اروح للعقاريه عندهم بدلات البنات والحريم حلوه صراحه ومو غاليه يعني ادا عندج بنات اعمارهم 16 و17 البدلات بالعقاريه ماتلقينها بالكويت وناااااااااااعمه وذربه وسعرها عجيب صراحه

واممممم واذا تذكرت شي بعد بقولكم

بس عفيه خبيرات حفر الباطن فيدوني شنو اشيا مميزه بالعطارين اللي فيها

 

[maha99]

للرفع لعيونج

 

[أحلى همبه كويتية]

عليك بالعافية
انا مثلج احب هالمنطقة وخصوصا اول محطة فيها مواعين اتهبل
اغوص فيها غووووووووووووووص


بس للأسف ولا مرة قعدنا بالحفر
مجرد مرور واحنا رايحين او رادين من العمرة



مشكورة على المعلومات الحلوة

 

[.Zara.]

تونس واحب اروح لها مع الوالده حتى زارا ومانجو عندهم خخخ
وبضاعتهم احلى بوايد من اللي عندنا
اللي يميزها المواعين والعطارين البهارات الاصليه بس جيكي على الريحه
لان بعضهم يكون له مده طويله عرفتي ^^

 

[فتوشآ]

شوقتيني اروح
يبيله روووحه​

 

[واي بفضفض]

انا ميته اروح لها وامي بعد ولا مرة رحنا

بس دلونا وين الحمامات اهم شي ووين نصلي ونغسل واماكن الغدا فيه والا لازم نودي معانا؟

 

[انشودة المطر]

ابي احلي محل المواعين وشغلات غريبه

 

[أم ملاس]

بخاطري اروح لها صج بنات شنوو احلي محل مواعين عندهم ابي شعلات حلوه وفنتق
ونبي استراحات نظيفه علشان اذا طري علي حبيبي ينام 

 

[ام حتحوتين]

مشكورين حبيباتي اللي رديتو علي
احسن استراحه فيها واكلهم نظيف ولذيذ اسمها استراحة الافق تكون بدايه الحفر
اكل لبناني
وعندهم المطاعم الوجبات السريعه وعندهم الارنب الجائع بعد
وفي مطعم كباب عراقي علي اصوله اسمه الكاتم
وبخصوص الحمامات اكيد موجوده بكل مكان

ويقولون ان رامز فيها شي مو طبيعي
وعندهم ماكس بعد
وفي سوق قالولي عنه اسمه سمينا باسمك يهبل
وامممممم ايييييييييه وبعد يقولون فساتين السهره عندهم جنااااااان رهيبه وتصاميم لبنانيه راقيه
علي ٧٠ دينار ((( وتلوموني ليش احبها هههههههاي ))الفساتين يقولون بالفاو السرداب كله محلات عروس وبدل استقبال

اما المواعين محلات المويس غاليه علي الطل روحو لمحلات اللي يمها وحوالي المويس تلقون نفس المواعين باسعار ارخص


تصدقون قبل سنه شريتت طققققققققققم متكامل لنفاستي بتاع كله من سكانات وصواني ودولكه وقلاصاتها
وصينيتها نفس الشكل كلها ب ،،،،،،،، توقعون بجم

راح تطقون علي روسكم من السعر ب ٦٠ دينار بسسسسسسس

مو هني محلات المواعين قاصين علينا لا ويطلع كل شي مختلف


نسيت ماقلتلكم شفتو الكفرات الصينيه الخفيييفه
مره كنت افتر بالمويس محلات المواعين والا القا محل ديباجات علي زاويه
واشوف عنده هذاك الكفر اللي يجيب العافيه بس ها ترا فرو من داخل يعني شتوي خفيييف ومن برا نفس الديباج الصيني

والوان حلوه الكفر مع جيسين مخده
قولو جم توقعون السعر والله ماراح تصدقوووون
ب ٦٠ ريال مايقارب ٤ ونص دينار

وتدرون مرة جيرانا شتقول تقول انا اروح الحفر سوق الشارقه بس عشان اشتري منظفات للبيت ومخمات وهالسوالف
يعني مايككلفها شي
ودمتم بخيييييير

لي روحه بهالاسبوع
وراح اقولكم شنو لقيت اشيا جديده ماراح انساكم

 

[ام حتحوتين]

نسيت شغله عندهم مدينة العاب حلووووه لعيالكم اسمها بودل
وفندق بودل رخيييص ونظيييف
غيره لاتسكنون لان انا ارتحت عليه صراحه احس صج فندق

 

[لوعة غرام]

ترااا المنطقه عاديه بس يبيلها تفتيش يماا تلقين الشي الحلو

اناساكنه فيها واحلى العطارين النسيم كل شي عنده وتعاملهم حييل حلو مع الزباين
وتصحيح اسم الحل سمينا بنفسك
وبالتوفيق خواتي

 

[عقل و ثقل و زين]

السعودية كلها تونس ياحلووو اسوقهم
والعطارين هناك روعه مثل ماقالت أختي(( أم حتحوتين))
بس سمعت أن الأراصي هناك أرتفع أسعارها مدري ليش ؟؟؟؟

 

[ام حتحوتين]

لوعة غرام شنو عنده عطار النسيم
ابي اشياء اروح اشتريها بالاسم

عقل وثقل وزين ارتفعو لانها منطقه حلوووه 

 

[masoo 511]

عليج بالعافية والناس اذواق بس بالنسبة لي المنطقة عادية حيل ومواعينهم عادية يعني ماتسوى العنوة والمبالغة وهذا رأي والله يهنيج بروحاتج لها بالعافية

 

[أبتسم ياقلبي]

فديت الحفر واهلهاااااا


ههههههههههه اهم شي عندكم المواعين

وعطار >>ناخذ منه شامبوات وصوابين واغراض النفاس والدوره تكرمون

بس خلطات ماعمري جرربت اخاف

ومن ناحيه الملابس مو دايم ينزلون شي حلو بس اكثر شي مااكس والوطنيه يجوبون ملابس حلوه

بس مقارنه بالرياض والشرقيه مو شي الحفر

 

[سفانهksa]

نفسي آروحلهآ ...

آب
آب
لعوينآتكـ...

 

[روح مووود]

رفعْْْْْ

 

[دريم ويب]

عليج بالعافية والناس اذواق بس بالنسبة لي المنطقة عادية حيل ومواعينهم عادية يعني ماتسوى العنوة والمبالغة وهذا رأي والله يهنيج بروحاتج لها بالعافية

:rerrerek::rerrerek:


عاااديه واقل والخدمااات مو ذااك الزوووووود

واللي تقوول زارا موجوووده غلطاانه بس مانجووو

عمومآ مااتستاهل العنوووووه

 

[لوعة غرام]

بالنسبه للعطارين كل شي عندهم بس الخلطات ماجربتها لان مالي شغل بهالسوالف الله يخلي مرة اخوي
اما بالنسبه لمحل زارا تراا موجود بس مارحت له وفيه بعد مجموعة محلات سنتر بوينت والقرشي والماجد كلهم موجودات
بس المحلات مفرقات ماتلقينهم جنب بعض واكيد ماتنقارن بالمناطق الثانيه بس تسد الحاجه

 

[ام حتحوتين]

يسلمو ع الردوووووود