السلام عليكم ....
اشلونكم ياحلوين شخباركم
هذا حلو بعجينه السمبوسه يصلح للتقديم مع القهوه اتمنى يعجبكم
وتري تطبيقي وتصويري
المقادير :-
عجينه سمبوسه الحجم الصغير ( استعملت السويتز الميني )
ملعقه طعام طحين + شوية ماي تسوينهم مثل المعجون السائل
جوز ( عين الجمل ) مطحون
دارسين ( قرفه )
هيل
سكر
زعفران
شيره ( قطر )
4 حبات جبن كيري
ماي ورد
سمسم محمص + فستق مطحون للتزيين
الطريقه السمبوسه الحلوه :-
المقادير على تقديرج للكميه اللي عندج
ناخذ الجوز المطحون ونضيف عليه هيل+دارسين+سكر+زعفران
ونحشي عجينه السمبوسه مثلثات مثل السمبوسه العاديه
ونسكر اخر طرف بخلطة الطحين ونقليها وبعدين نحطها بالشيره
وعقب نشخلها ونرش عليها السمسم المحمص
طريقة اصابع السمبوسه :-
نحط 4 حبات كيري او اكثر (على حسب كميه العجينه اللي عندج) في صحن
ونحط عليهم شويه زعفران + هيل + كم نقطه ماي ورد
بعدين ناخذ عجينه السمبوسه ونقصها نصين وندهن علشان تصير اصغر
وشكلها احلى وندهنها بالجبن على الريحه لاتكثرون ونلفها مثل السيجار
ونلصق طرفها بالعجين وبعدين نقليهم ونحط عليهم شيره ونشخلهم ونرش عليهم الفستق المطحون
وتقدرون اذا تحبون تحطون مع الجبن جوز او جوز هند اوفستق
وعاد انتو وتفنتقكم :icon30:
اتنمى تعجبكم وانشوف تطبيقاتكم
وانا حاظره لاي استفسار
التعديل الأخير:
