حـبوب الـ folic acid للشعـر ؟

[دبلومـاسيه]

مسـاء الخيـر على أحلى كويتيات وخليجيات وعربيات ​

أول موضوع لي بالمنتدى بس ان شاءالله فيه فايده لي وللبنات اللي يعانون
مع هالشعر اللي مو راضي يتسنع :eh_s(4):​

قبل اسبوعين صادفت دكتورة جلدية عراقيه بـ لندن .. وكنت أسألها اذا ابي الشعر يكون صحي وكثيف ويلمع وما يتساقط بشنو تنصحيني ؟ جان تقولي حبوب الفوليك أسيد ؟ تقول انها كانت تشتغل بإحدى القنوات الاخباريه وتهتم ببشرة المذيعات وان الدكتور الخاص بشعرهم كان يوصفلهم هالحبوب وتقول شوفي شعرهم شلون كثيف وقوي ويلمع .. وان هالحبوب يوصفونها للحوامل عشان تقويها وتقوي صحة الجنين .. ؟ حبيت اعرف بنات منو مجربتهم وفعلا شافت نتايج ؟​

 

[&موناليزا&]

صح صح

تخلي الشعر طبقااااااااات وكثيف ولا تمتن

 

[دبلومـاسيه]

الحمدالله الله يبشرج بالخير^^ ..
ناطرين باقي البنـات وتعليقهمم..​

 

[ميار الغامدي]

وش رايكم صبايا
اتوكل على الله واستخدمها

 

[معي احلى]

صديقتي حامل .. والدكتوره نصحتها فعلا بها الحبوب . .

 

[ام عبد العزيز م]

ها الحبوب روعه

 

[ملكية قدساوية]

والله ما سمعت فيهم انا استخدم الحين حبوب فاسفيكال صارلي شهرين واهي لازم 6 شهور وللحين ما شفت شي شعري للحين يتساقط مع ان تحاليلي كلها سليمه بس مادري شالحل والله كريم ^^


ان شاء الله البنات يفيدونج

 

[Heaven Light]

الفوليك اسد وايد مهم اصلا حتى اللي تبي تحمل لازم تاخذ قبل الحمل ب3 شهور

 

[@شيخه@]

ااب

 

[دبلومـاسيه]

مشكورين ع الردود بنات ..
انا احس فعلا فيهم فايده لاحظو الحوامل تلاقينها لما تحمل شعرها يتسنع واظافرها ..
وبس تولد وتقطع الحبوب يطيح شعرها !! هذا اللي لاحظته على بنات عايلتنا واكتشفت ان هالشي من الحبوب والفيتامينات !
انا الحين صارلي اسبوع اخذهم ولاحظت ان التساقط خف شوي .. بحاول اكمل 3 شهور واشوف النتايج النهائيه​

 

[Killer^Girl]

يعني حبوب حديد
معروف الحديد مفيد للشعر
وفيتامينات الشعر يكون فيها تركيز الحديد عالي
وشوفي الوضع بالحمل شلون الشعر يتعدل مع الحديد

 

[!الجادل الصعب!]

ممكن تكون هي السبب ان شعر الحامل يزيد ويكثر
بس الحامل معروف م يتساقط شعرها لان ربي سبحانه يثبت كل
شي بجسمها بفعل المشيمه . . هالكلام دكتوره قالته لي بعد ولادتي ..

 

[Vous jamais]

الشعر اذا كان يتساقط لازم فيه سبب

اما نقص فيتامين دال أو الغدة الدرقية أو نقص مخزون الحديد أو وراثة أو غيرها

و هالحبوب مفيدة و تسنع شعر اللي عندهم نقص حديد لانها تعيد الحديد لمستواه الطبيعي


سوي تحليل لمخزون الحديد انا الدكتورة قالت لازم يكون المخزون فوق 70

مو بس طبيعي لان الطبيعي ب الخمسينات اتوقع

 

[بقلبي انت]

انا اخذ حبوب الفوليك صارلي 6شهور وشعري يطيح بس إلي وقف تساقط شعري بفضل الله سبحانه
حبوب بيرفكتيل وتونيك كامينو موتو المقوي والمسرع والحمدلله قاعده اشوف نتيجه مرضيه ولله الحمد

 

[M!SS CANDY]

منو احسن الفوليك والا هيرفت للتساقط ؟؟

 

[الدكتورة سلام]

انا استخدمت الفوليك اسيد الي لاحظته خف التساقط وطول شعري ​

 

[دبلومـاسيه]

مشكورين بنـات .. والواضح ان ما منها ضرر ان شاءالله .. وبكمل عليهمم​

 

[دبلومـاسيه]

آآب آآب ناطرين تجارب باقي البنـات ؟​

 

[زبــــــــدة]

انا الدكتور وصفلي ياها وقالي فيتامينااات وايد زينه

واكيد ما تضر وااايد مفيده اصلا حتى مكتوب عليها اليهال يقدرون ياخذوها

 

[Tom ♥ Jerry]

,


انا يوم حملت عطوني اياه لانه يعتبر حبوب حديد
بس وايد وايد زيييييين ايننننن انصحج فيه
حق صحتج بشكل عآم و حق شعرج


جربيه ماراح تخسرين بس اهم شي تستمرين عليه