حط لي منوم عشان يطلع لأصدقائه

[*Pink Girl*]

السلام عليكم ورحمة الله وبركاته

بدون مقدمات انا مره مقهوره من زوجي و راح اقول لكم الموضوع بالتفصيل

انا متزوجه من ست سنين وعندي ولد عمره 4 سنوات واشتغل معلمه المرحله الابتداءيه

وعندنا في السعوديه الإبتداءي ما عندهم اختبارات زي المتوسط والثانوي تقييم طول العام

والأسبوع الي راح كان اخر اسبوع دوام للطالبات

وإذا مافيه طالبات راح يبدى الدوام ثمان ونطلع عشر يعني اقدر أسهر الى الساعه وحده فليل

فزوجي اقترح اننا بعد ما نتعشى لما ينام ولدنا نسهر ونشوف افلام يوم الاثنين

ومره تحمست بس يوم السبت اتصل عليه صديقه وقال ان يوم الاثنين بنطلع للاستراحة

وهو كان متفق معاهم انهم يطلعون وقال لهم حددو يوم و نطلع

انا رفضت وقلت اتفاقنا كان قبل اتفاقك معهم ويوم شافني متضايقه قال خلاص راح اجلس معك واعتذر منهم

ويوم الاثنين من المغرب جهزت للسهره طلعت لسوبر ماركت وشريت تشيبسات وصوص التيبس و وكولا و آيس كريم

وطلبنا عشا وتعشينا رحت أغسل لولدي و البسه البجامه ويوم رجعت لصاله لقيت زوجي جهز كل شي شغل الديفدي و صب

الكولا في الكاسات و و حط التيبس في الصحون جلسنا نطالع الفيلم وحنا نأكل كنت احس ان طعم الكولا غريب كأنه ممزوج

بدواء وما قلت له ان الكولا طعمه غريب لأننا مندمج مع الفيلم و ما قدرت اكمل الكأس شربت نصه بعدها بنص ساعه حسيت

بدوخه قلت لزوجي بروح للحمام والا انا بروح الغرفه بنسدح على سريري لما يخف الصداع وخلاص اول ما حطيت راسي

على المخده نمت وما حسيت بنفسي وما صحيت الا بكرا الظهر

وعرفت انه حط لي منوم لانه زوحي هو الي صب الكولا في الكاسات و يوم شربته حسيت بدوخه

واجهته أنكر في البدايه بس بعدين اعترف قال لي معليش بس كنت مره مشتاق لأصدقائي و امس كان مره يناسبهم اما انتي

في اي يوم نسهر ؟؟؟؟؟؟

مره زعلت منه وصرت ما كلمه ولا ارد على اتصلاته اعتبره مو موجود في البيت

وجاني امس وجاب لي ورد واعتذر

لكن انا الى الان ما رضيت قلت له كنت تقدر تروح لهم لكن ماله داعي تسوي فيني هذي الحركه

مره أنقهرت ومره مره متضايقه

 

[جامعيه طموحه]

هههههههههههههههه اسفه عالضحك بس بصراحه غثني يعني كلششش ماله داعي هالحركه !!!!!! جد شي يغث بس المفروض موقفج منه الي زعلتي وجذي يكون له عبره عشان مايعيدها ودامه ياب ورد وحس بغلطته واعتذر ما عليه خلج انتي الاحسن واالله يعينج

 

[((shoOoshoOo))]

تصرفه حددددده حقير


يحقلج تتضايقين والله

والله يهديه

 

[مسـك]

اسمحيلي برايي

مفروض لما اختار اصدقائه تخلينه يروح لانه لو يبي يقعد وياج ماقالج اصلا انهم حاجزين استراحه كان اعتذر بسكات وكمل السهره وياج

ولما يرد البيت تقدرين تحاسبينه بطريقتج الخاصه

 

[قطرية كشخة]

دام اعتذر لج خلاص الا بسالج شنو نوع المنوم لان انا عندي ارق ومحتاجه منوم يعدل نومي

 

[*Pink Girl*]

هههههههههههههههه اسفه عالضحك بس بصراحه غثني يعني كلششش ماله داعي هالحركه !!!!!! جد شي يغث بس المفروض موقفج منه الي زعلتي وجذي يكون له عبره عشان مايعيدها ودامه ياب ورد وحس بغلطته واعتذر ما عليه خلج انتي الاحسن واالله يعينج

لا عادي

هو مره نادم وواحد من اصدقاءه يشتغل في السفاره السعوديه في ايران

وصار له سنه ما شافه وعرف انه بيجي للاستراحة المغرب لما رحت انا لسوبر ماركت فقرر يجيهم

وقال لي ما حبيت اروح وانتي زعلانه اروح وانتي نايمه وبعدين براضيك

 

[*Pink Girl*]

اسمحيلي برايي

مفروض لما اختار اصدقائه تخلينه يروح لانه لو يبي يقعد وياج ماقالج اصلا انهم حاجزين استراحه كان اعتذر بسكات وكمل السهره وياج

ولما يرد البيت تقدرين تحاسبينه بطريقتج الخاصه

هو اتفق معي قبل ما يتفق معهم عشان كذا رفضت يروح لهم
وانا الفتره الي راحت ما كنت أشوف زوجي الا على الغدا لانه كان مشغول مع اخوه في تأثيث بيته لانه زواج اخوه قريب

 

[أسرار الجمال]

بصراحة زوجج ما يتأمن والي يسوي جدي يسوي أشيء كثيرة وشلون ما خاف يصير شي بولدج وانت نايمة لازم تعلمينه درس قاسي حتى يعرف حدوده

 

[أسرار الجمال]

وبعدين خلط الادوية مع الكولا جداً خطير وسألي الدكاترة زين ما صار فيج شي صج حرني

 

[*Pink Girl*]

دام اعتذر لج خلاص الا بسالج شنو نوع المنوم لان انا عندي ارق ومحتاجه منوم يعدل نومي

الحبوب أسمها سليبنق زوجي شراها لان كان عنده ارق قبل أسبوعين
وما كنت أتخيل انه بيحطها لي في الكولا

 

[جامعيه طموحه]

لا عادي

هو مره نادم وواحد من اصدقاءه يشتغل في السفاره السعوديه في ايران

وصار له سنه ما شافه وعرف انه بيجي للاستراحة المغرب لما رحت انا لسوبر ماركت فقرر يجيهم

وقال لي ما حبيت اروح وانتي زعلانه اروح وانتي نايمه وبعدين براضيك

والله يا قلبي مادري شقولج من ناحيه انتي لج حق عليه والي سواه فيج اكبر غلط خصوصآ اذا كلام الاخت اسرار الجمال صح (انه غلط يخلط المنوم مع الكولا) ومن ناحيه ثانيه انتي قلتي عذره انه رفيجه ياي من السفر وكاني يبي يشوفه

بس مهما كان رفيجه صارله سنه ولا مليون سنه ماكان له داعي يسوي فيج جذي انتي لج الاولويه وصحتج اهم من انه ينومج ويروح لربعه يعني مااقولج طولي بالزعل ولا اشيشج عليه بس حسسيه انه هالشي جرحج لانه شنو هالفكره الي طرت على باله وحطلج منوم انا لما ضحكت بالرد الاول لي لانه انصدمت من تصرفه واول مره اقره تصرف جذي من زوج عشان يشوف ربعه قوليله لو انا مسويتها فيك شنو رد فعلك وشوفي شنو بيرد واذا هالشي بيزعله ولا لا

الله يعينج

 

[*Pink Girl*]

بصراحة زوجج ما يتأمن والي يسوي جدي يسوي أشيء كثيرة وشلون ما خاف يصير شي بولدج وانت نايمة لازم تعلمينه درس قاسي حتى يعرف حدوده

زوجي مأخذ اجازه يوم الثلاثاء والأربعاء عشان يساعد اخوه في تأثيث بيته عشان زواجه قريب و هو صحا مع ولدنا الصباح وفطره وانا صحيت وخده الظهر لان مفعولها قوي

 

[Bnt-USA]

الصراحه هذا مجرم مو انسان اسمحيلي

خلاج تنامين انزين يمكن ولدج بجا نص الليل واحتاجج شلون وانتي مخدره

ما ينسكت عنه الرجال الطبيعي اذا بخاطره يروح يعرف يقتع زوجته واذا ما اقتنعت يروح اهوه حر ماتقدرين تقولين له لا دام جمعة شباب

مو ينومها عشان ينحاش مثل الحرامي


الله يعينج عليه الله يستر منه باجر تاذينه يعطيج حبوب قلب وتموتين

 

[*Pink Girl*]

والله يا قلبي مادري شقولج من ناحيه انتي لج حق عليه والي سواه فيج اكبر غلط خصوصآ اذا كلام الاخت اسرار الجمال صح (انه غلط يخلط المنوم مع الكولا) ومن ناحيه ثانيه انتي قلتي عذره انه رفيجه ياي من السفر وكاني يبي يشوفه

بس مهما كان رفيجه صارله سنه ولا مليون سنه ماكان له داعي يسوي فيج جذي انتي لج الاولويه وصحتج اهم من انه ينومج ويروح لربعه يعني مااقولج طولي بالزعل ولا اشيشج عليه بس حسسيه انه هالشي جرحج لانه شنو هالفكره الي طرت على باله وحطلج منوم انا لما ضحكت بالرد الاول لي لانه انصدمت من تصرفه واول مره اقره تصرف جذي من زوج عشان يشوف ربعه قوليله لو انا مسويتها فيك شنو رد فعلك وشوفي شنو بيرد واذا هالشي بيزعله ولا لا

الله يعينج

انا الان ما أكلمه بس اجاوب على قد السؤال
وأقوم بكل واجباته ابي ابين له ان الي سواه مو سهل
عشان ما يعيدها

 

[برنسس كاتي]

حركته مالها داعي وتقهر وتحر بعد
شلون يخلط دوى بكولا مو زين
ثانيا كان ممكن يصير فيج شي وخطر فرضا حرامي طب عليكم ولا ولدج قام يصيح او صار شي لا سمح الله
وانتي منومه يعني ممكن ما تسمعين او تقومين
زين تسويين فيه ولازم يحس بغلطه ويعوضج اكثر :/

 

[*Pink Girl*]

الصراحه هذا مجرم مو انسان اسمحيلي

خلاج تنامين انزين يمكن ولدج بجا نص الليل واحتاجج شلون وانتي مخدره

ما ينسكت عنه الرجال الطبيعي اذا بخاطره يروح يعرف يقتع زوجته واذا ما اقتنعت يروح اهوه حر ماتقدرين تقولين له لا دام جمعة شباب

مو ينومها عشان ينحاش مثل الحرامي


الله يعينج عليه الله يستر منه باجر تاذينه يعطيج حبوب قلب وتموتين

ولدي يدرس في الروضه ونومه منتظم ما يصحى الا ثمان
وزوجي مأخذ اجازه الثلاثاء والأربعاء عشان كذا ما خاف على ولدنا

وهو توقع اني برضى بالورد لكن ما قدر أنسى حركته

الله يسامحه

 

[أمورته]

لا حول ولاقوه الا بالله

والله انا اقول ياليتج وافقتي انه يروح ويه ربعه ولا هالحركه

الله يسخركم لبعضكم

 

[لولو8090]

ينخاف منه اللي سوا كذا لاتزعلين بس اخوياه اغلى منك واحذري من زوجك الله يستر بكره وش بيسوى بعد

 

[*Pink Girl*]

لا حول ولاقوه الا بالله

والله انا اقول ياليتج وافقتي انه يروح ويه ربعه ولا هالحركه

الله يسخركم لبعضكم

مكتوب لي
ومشكوره على المشاركه

 

[*Pink Girl*]

ينخاف منه اللي سوا كذا لاتزعلين بس اخوياه اغلى منك واحذري من زوجك الله يستر بكره وش بيسوى بعد

انا يوم واجهته قلت له بحركتك هذي ثبت انك تفضلهم علي
لكن رده كان انا كل أصدقاءه مجتمعين وصديقه الي جاي من السفر مره مشتاق له و بيقعد في الرياض بس اربع ايام وبيرجع لإيران وما كان يقصد يضرني يقول انا اعرف اذا رحت بترعلين وإذا طلعت غصب عنك ما راح أنبسط معهم لأنك زعلانه في البيت

وقررت أحط لك منوم في الكولا اروح لهم وانتي نايمه أهون علي اروح وانتي زعلانه