حطي طريقتج لو سمحتي *******

[الديار]

شلونكم بنات
انا عندي اقتراح :

بما ان >>>اكلتنا المفضلة بالكويت واللي تتكرر وما يملون منها ازواجنا ( المجبوس ) وخصوصا الدجاج

شرايكم كل وحدة منا تحط طريقتها في عمل المجبوس لأن كل وحدة لها طريقة مختلفة في الطبخ والبهارات لأني اشوفها عند بعض الناس مختلفة
وأكيد في النهاية كلنا بنستفيد ( يعني تنويع ) وتبادل تجارب

وياريت اللي تكتب تحط المقادير والطريقة كويس أوي

لا احد يكشت فيني

وراجعه لكم انشاء الله

 

[مطفوقه^ملقوفه]

مشاركة: حطي طريقتج لو سمحتي *******

أهلين الهنا

شوفي هذي طريقة بنت خالتي علمتني أياها

تييبين الديايه وتفوحينها بماي وبهارات عدله (طبعا عقب ما تنظفينها بطحين وملح وتغسلينها)
البهارات مثل دارسين مسمار ورق غار وملح وجذي عرفتي خليها تنفاح عدل
تالي شيليها وشيلي من الماي البهارات لا تقطينه
ييبي شعريه باكستانيه حمسيها بشوية زيت لين تتحمر وحطي عليها الماي وتالي كتي عليهم العيش وحطي فنيال قهوه ماي ورد أو أقل على حسب الكميه وغطي الجدر بقصدير وتالي بالغطا
الديايه ممكن تقلينها أو تدهنينها بماي زعفران وزبده وشويه كتشب وتحطينها ببايركس تغطينه بقصدير وتدخلينه الفرن
والحشو كشمش وعدس تحمسينهم مع بهارات وبصل صغااااااار وممكن تقلين بطاط مكعبات أحنا نسويه بعيشنا
فتحي الجدر على العيش أذا نزل الماي قطعي زبده أـو سمنه ووزعيها عالويه وحطي ماي زعفران بمكان والحشو بمكان وردي غطيه شويه لين ينضى ونجبيه يصير العيش تحت ووزعي العيش اللي فيه زعفرا والحطو والبطاط المقلي وحطي الدياي فوقه

وبالعافيه أن عجبج ادعيلي ربي ينولني اللي فبالي

 

[جكورة]

مشاركة: حطي طريقتج لو سمحتي *******

طبعا أغسل الجاج عدل .أحط جدر فيه زيت وبصل والدجاج وأضيف البهارات( ورق غار ودارسين عود وهيل, البهارات الخضرا,) وأغطي الجدر لمدة 5 دقايق وبعين أضيف الماي والماجي لحد مايستوي الدجاج وأطلعه من الجدر وأحط بالماي اللي فحت فيه الدجاج العيش المغسول المنقول ( أفضل عيش كنتري) والدجاج بعد ماطلعته أحط عليه فلفل أسود وملح وبصل مفروم وليمون وممكن أحشيه ببصل وبطاط وفطر وبازلاء وبعدين أما أقليه أو أحطه بالفرن وأسوي الحشو وأضيفع على العيش قبل الغرف ب5 دقايق وأحط نص قلاص ماي ورد وزعفران وأضيفه على العيش وشكرا..

 

[الديار]

مشاركة: حطي طريقتج لو سمحتي *******

ممممممممممممممممم تسلم ادينكم جكورة ومطفوقة
طبعا لاحظتوا طرق مختلفة تماما بالنسبة لنفس الطبخة

ناطرة باقي البنات والا ما تعرفون ؟؟؟؟؟؟؟؟؟؟؟؟؟؟

وانا بحط طريقتي بس الحين بطلع وبكتبها ان شاء الله لكم بعد شوي

 

[الديار]

مشاركة: حطي طريقتج لو سمحتي *******

طريقتي في المجبوس:
شوية بصل مع فلفل بارد وثوم وشوية زيت احمسه شوي وبعدين احط الدجاج وشوية طمام والبهارات مع فلفل وكمون وكركم ولومي ودارسين واحمسه عدل مدل
واغطيه شويه وبعدين اضيف له الماي والملح
واخليه لما يستوي وبعدين اشيل الدجاج واشخل الماي من كل اللي فيه عشان يصير صافي
للعلم انا ما اقصص البصل والفلفل والطماط صغير يعني وسط عشان ينشخل
وبعدين اكون منقعة العيش واضيفة عليه طبعا
وانا ماي العيش بصراحة متعبني مرة يصير ملبوك ومرة يصير حب وأحيانا يضبط
والدجاج يا مقلي يا محمر بالفرن
واكون مسويه الحشو طبعا مع فلفل بارد وكشمش وله بهارات خاصة اكون حاطتهم في علبه بروحهم مثل هيل ولومي ودارسين وفلفل أسود وكركم وشوية بهارات وأخيرا يقدم مع الدقوس وبالعافية

وساعات احشي الدجاج ​

 

[ام ناييف]

مشاركة: حطي طريقتج لو سمحتي *******

علشان يضبط معاك العيش
لكل 2 كوب عيش حطي 3 كوب ماي اذا العيش بسمتي طبعا او حق التموين

وراح يطلع العيش مضبوط ميه ميه

 

[^^دموع الكويت^^]

مشاركة: حطي طريقتج لو سمحتي *******

مجبوس الوالدة الله يطول بعمرها مو طبيعي وتاكلين اصابعج وراه


بس ما اعرف الطريقة راح اسألها وارد عليكم واذا قدرت احطلكم الطريقة بالصور .

 

[مطفوقه^ملقوفه]

مشاركة: حطي طريقتج لو سمحتي *******

بنات تره أحسن عيش جربناه الولييييييييييييييمه جربوه وادعولي

 

[الديار]

مشاركة: حطي طريقتج لو سمحتي *******

مشكورين على مروركم وإثرائكم للموضوع 000

ام نايف الماي في المجبوس راح يتغير مقداره على حسب الوقت اللي ياخذه وهو يطبخ يمكن يقل اكثر من اللازم انا هذا اللي اقصده
دموع الكويت ناطرينج
مطفوقة انا بالنسبة لي المهيدب احسن شي جربته

 

[jolie_q8]

مشاركة: حطي طريقتج لو سمحتي *******

والله للاسف ما جربت اسوي مجبوس

بس انشالله.. نجرب وحده من الطرق وتضبط ويانا

ويعطيكم العافيه

 

[ريان]

مشاركة: حطي طريقتج لو سمحتي *******

بنات انا اذا سويت مجبووووس احس العيش ماله طعم ؟!!!!الديااايه مضبووطه بس العيش ؟!!!! ريلي يقولي جنه ماي طعمه معنه حبتها ماشالله تبارك الرحمن طويله وحلووه يعني يشوق اذا كنت ناجبتها بس اكله احس ماله طعم نهائيا شنو المشكله فيه يااترى الى تعرف ممكن تفيدني

 

[^^دموع الكويت^^]

مشاركة: حطي طريقتج لو سمحتي *******

هلا وغلا بنات انا جهزت الصور وان شاءالله راح احطلكم الطريقة بأقرب وقت ولو انه طريقتنا سرية بس عشان كويتيات راح احطها لكم

 

[الديار]

مشاركة: حطي طريقتج لو سمحتي *******

مشكورين على الردود يا حلوات

ما زلنا ناطرين مجبوس دموووووووع

 

[xxx]

مشاركة: حطي طريقتج لو سمحتي *******

دموع

الله يهداااج

بتطلعين سر الطبخه

 

[jolie_q8]

مشاركة: حطي طريقتج لو سمحتي *******

ناطريج !!

 

[ظلال القرآن]

مشاركة: حطي طريقتج لو سمحتي *******

السلام عليكم

اول شي تبلين الديايه بملح وليمون وخل وبعد ساعه تغسلينها
وبعدين طبعا تفوحينها لمده عشر دقايق وتكتين الماي وهالحركه علشان تطير الزفره
وبعدها الفوح الأصلي الي هو طبعا ماي وبصله مقطعه الى اربعه اقسام وطماطه وفلبل اخضر وفلفل علب حار غير مقطع ودارسين وهيل ومسمار وفلفل اسود عدل تخلينها مده ليما تستوي حيل
وبعدين تحمسين بصل وشويه زنجبيل وجزر مبشور ومكعب ماجي وبعدها تصفين ماي الدياي وتكتينه على الحمسه وتنقعين العيش نوع كتكو عشر دقايق وبعدها تكتينه على الماي الي فيه الحمسه وتعلين النار شوي ليما ينشف الماي وبعدين تقصرين الجوله وتحطين تحتها حديده وربع ساعه والمجبوس جاهز

وعليكم بالف عافيه

 

[الديار]

مشاركة: حطي طريقتج لو سمحتي *******

مشكووووووورة ظلال القرآن مبين عليها لذيذة
بجربها

هم ناطرينج يا دموع !!!

 

[منارة الإيمان]

مشاركة: حطي طريقتج لو سمحتي *******

الهنا حبيبتى عندى طريقتين للمجبوس ،،
الطريقة الأولى :
أخلط يالمفرمة البصل كل من (بصل مفروم ـ ثوم مفروم ـ زنجبيل ـ ملح ـ هيل مطحون ـ كركم ـ حلبة خضراء ناشفة ـ نصف كوب روب ـ ربع كوب زيت ـ ربع كوب عصير ليمون ـ قليل من بهارات تندورى ـ بابريكا حمراء بودر ـ فلفل أخضر حار صغير واحد ) كل المقادير السابقة أضربها بالخلاط جيدا ويكون الدجاج مغسول ونظيف ويدهن بالخليط السابق ويرص بالصينية الفرن ويغطى بالقصدير ويدخل الفرن لغاية الأحمرار .
بالنسبة للأرز أستخدم أبوغزالة ومايحتاج للتنقيع وايد .
بصلة صغيرة مفرومة + فصين ثوم مفرومين + هيل حب + مسمار + دارسين + قليل من الفلفل الأسود بودرة + قليل من الزيت أو سمن كيو بى بى ، كلهم أضعهم بالجدر وأقلبهم قليلا ثم أضبف الرز وأقلب وأضيف أيضا بودرة مرقة الدجاج كنور لتمليح العيش ثم أعايره بالماء وأخفف عليه النار لغاية النضج .
وأخيرا أضيف منقوع الزعفران مع ماى الورد .
وأعمل الحشو المعتاد أو نخى أو كشمش ، البصل وبهارته الهيل والدارسين وقليل من بهارات اللحمة لمجدى .
طبعا أغرف العيش وعلى الوجة الزعفران والحشو وأرص الدجاج الى عملته بالفرن على العيش ويطلع مجبوس لذيذ ( وهذه الطريقة أستخدمها مع الدجاج المثلج ) مثل ما قالت وحدة من الخوات أن المجبوس تسويه ماله طعم بس بهالطريقة راح تستطعمة لأنه دجاجنا حاليا كله مثلج والثلج أخذ نكهه الدجاج يصبح الدجاج ماله طعم .

الطريقة الثانية وهى بالدجاج الطرى وملاحظة يابنات أذا تبين مجبوس صج لذيذ عليك بالدجاج الطازج وهو الأحلى .
طبعا الدجاج مغسول ونظيف أحطه بالجدر وأحط عليه الماى بارد أى العادى وأحطه على النار لغاية ما تطلع الزفرة أشيلها لغاية ما الماى يصير نظيف ، بعدين أحط بهاراتى وهى ( الهيل الحب ـ فلفل أحمر ناشف ـ ورق غار ـ فلفل أسود ـ الملح ـ دارسين ـ ملعقة سمنة كيوبى بى ) وأخليهم لما ينظى الدجاج بعدين أطلع الدجاج وأرشة كركم ودارسين ناعم وأقليه .
وماى الدجاج أشخلة من البهارات الحب وأحطه بجدر ثانى وأضيف العيش وأخيرا أضيف منقوع الزعفران بماء الورد .
والحشو المعتاد السابق .
وبألف عافيه حبايبـــــــــــــــــــــــــــــى ،،،

 

[bnt q8 in usa]

مشاركة: حطي طريقتج لو سمحتي *******

طريقتي انا عجيبه اذا انتوا تاكلون ايام محرم عيش حسينيه انا اعطيكم نفس الطريقه

تفوحين الدياي بماي وبزارج الصحيح مثل الغار ومسمار وهيل وقفشه صغيره كاري
لمن يستوي الدياي شيليه وحطي الدياي بايركس وحطي عليه شوية بهارات الي عندج السنعه طبعا ونثري عليه زبد وشوية سماق


ني حق العيش خلي بزارج بالعيش الصحيحه تالي شخلي العيش فوقه ويوم انه العيش يشرب الماي عدل تالي صبي الزعفران المنقوع بشوية ماي ورد وقطعي زبده ونثريها علي العيش وقصري علي الجوله

نيي حق البصل :تقصين بصل وسط وتنقعين نخي خو عرفتوه النخي مو مال الباجيلا لا حمص
الي حبته نص فوحي الحمص شوي لمن تحسين حبته تنفقص بيدج شوي
تالي حطي البصل علي الجوله وصبي عليه قلاص ماي خليه يشرب الماي عدل تالي حطي زبده
او زيت وبعدين حطي الحمص والكشمش وبازرج حق هالخلطه
اذا عندج بزار مخصوص للحشو زين علي زين اذا ماعندج

حطي:
قفشة دارسين مطحون+قفشة كمون مطحون+شوية هيل+ونص قفشه كاري+وشوية فلفل اسود وطبعا ملح

وذوقي وااااااااااااااااااااااااااااااااااااااااااااااااااااااااااااااي شي مو طبيعي

تالي يمج قلاس شكبره لبن منعنع زرطيه كله
ولفي راسج علي طول ونامي..............................واذا ياج الدعله وقام يحن كفخيه باقرب قلاس يمج وسلامتكم

 

[أوركيد]

مشاركة: حطي طريقتج لو سمحتي *******

حبيبتي بنت الكويت بــ Usa...

خووش طريقة ......كفخييه هااااااااه _____ وانتي بعد قلبي شتسوين بعدين ....ماعندج احد

يسعفج اذا ردلج الكفخة..