حطوا نفسكم مكاني شلون راح تتصرفون مع هالبنت...

[بنت عطا]

السلام عليكم ورحمة الله وبركاته...

سالفتي الله يسلمكم اهي..


أنا حيل أحب اكون صداقات وأتعرف على البنات المهم أنا تعرفت على بنات اهني واجد وحبيتهم وحبنوا ونكلم بعض بالمسنجر وفي نصهم خذيتهم ارقامهم وصار بينا مسجات...

انا اللهم لك الحمد حيل طيبه واحب الناس ومااحب اقطع بأحد بس سالفتي مع بنت تعرفت عليها بالمنتدى واذكر قلت عطيني ايميلج قالت ماعندي ...وكنت اسولف معاها دايما وحبيتها المهم اهي تزوجت طبعا ماعزمتني قلت عادي مولازم

صارلها تقريبا الحين سنه دايما ادز لها رسايل باركتلها

وبعدين بشرتها في ولادتي

بعدين دعيت الله يرزقها بالحمل ولايحرمها

بشرتها بنجاحي شكثر سألت

واهي طااااااااااااااااااااااااااااااااااااااااااااااااااااااااااااف من قلب قلت يمكن البنت ماتشبك بس لما شفت نكها دايما تشبك ودايما اقرا لها ردود

الزبده البنت صج انها ضايقتني لاني اكره الشخص اللي يحقرني لانه عيب ..وبنفس الوقت ماتشوف شر رفايجي واجد الله يستر عليها ويووفقها

وان كانت لايعه جبدج مني قولي عادي لاني مااعرفج شخصيا والله واهي عارفه نفسها عدل

وبعرف ليش الناس مايحبون اللي دايما يسأل عنهم وقلبه صافي عليهم

الصراحه ماادري ليش هالتعامل ...لاني حسيت اني ذليت عمري والله لها من كثر مااسأل واهي تحقر

شرايكم انتوا يابنات ...طبعا مابي حل ولا شي بس ابي لوكنتوا مكاني شراح تسوون

:bye22:​

 

[• قلبه نصيبي •]

ياقلبي لا تضيقيين عمرج مافي شي يسسوا !

شووفي قلبي سالفتها انه ماعزمتج على عرسسها ! اششوفها عادي لان علاقتكممم بس بالمنتدى !

اهيا اللي خسرانه صدقيني :eh_s(6):

ولو كنت مكانج ..! ممممم راح ادز لها رساله اششوف شفييها ردت ردت ماردت كييفهاا !

ماراح اموت بدونهاا وترا اللي مثلهاا وايد الناس الحيين تغيروا !

ااذا كنتي تسألين عنهم وتهتميين فييهم مايبونج ولسفهتيهم ولا تدرين عنهم يموتون فيييج !

:eh_s(6):

 

[بنت عطا]

مشكووووووووووووووووووره حبيبتي

نور الموضوع

 

[شذى الحب]

رااح اسوي مثل مااسوت فيني يعني بدال ماتعطيني طاااااااااف اعطيهاا طاااافين

 

[بنت عطا]

ههههههههههههههههههههههههههههههههههههههههههههههههه

شذى مشكوره ياقلبي

 

[الجوهرة777]

حبيبتي لا تظلمينها

انتي مو سألتيها وقالت لج ما عندي ايميل

يمكن كانت تدش باسم مو لها اختها-صديقتها

اللي انتي تشوفينا دايما بالمنتدى


والله اعلم بالنيات -ولا تزعلين اللي ما يبانا ما نباه

في ناس كانوا رفجة عمر وشي واحد وتغير فجأة ولا تدق ولا تسأل فما بالج رفجة سنه ولا سنتسي ؟؟؟؟!!!!!!!!!!

 

[( المـلاك )]

انا لو بمكانج
خلاص طاف
ولا اسأل عنها بعد و لا اطرشلها

لانج طرشتي وايد و سألتي وايد و اهي ماردت
يعني شنو تسوين اكثر من جذي
تروحين بيتهم تبوسين راسها تقولين ليش ماتردين

خلاص حبيبتي اللي ما يبيج لا تبينه
وانتي ماقصرتي
=)

 

[! بنت العاشره !]

ياا حلوه لاتعبين نفسكـ في التفكير فيها بغض النظر كانت هي اللي تشبك او احد غيرها يشبك


لان اللي يـبـيـك بجد


بيحاول يواصلك لو بشنو


بس دامها من ذاك الوقت

ماجا منها شئ معناته البنت معتبرتس خويه نت فقط


فانتِ خلك معها كذااا


بعد



والله يهنيك بربعتس الثانين


والحياه ماشيه ماتوقف عند احد


وبيني وبينتس


كلمه رااس

<<<<<<<<<<<<< لاتعمقين مع بنات النت لان شكلك مثلي بسرعه تخلصين وتحبين لان ياما ورى النكات

شخصيات بالوااقع ولاش فراااااااااااااااااغ تااافهين ,,






فااا خلي اهل النت بنتهم ابرك لتس


الا ما قل وندر


وحده واو ثنتين من مليووووووووووون



وبس ,,,,

 

[omania]

حبيبتي فيه بنات كذا للاسف انا رفيجتي ابتعدت عني بدون سبب انقطعت اتصالاتها وتواصلها عني ولما اسألها عن السبب تجولي مشغوله ... يعني حجج مو مقنعه
الي علي انا سويته وااذا هي ما تبي تتواصل وياي اهي بكيفها ما اجبرها على شي هي ما تبيه

الي باعك بيعه ولو كان غالي
تحياتي لصاحبة الموضوع​

 

[lovely jojo]

اعطيها طاف

 

[يوآش يوآش]

لو انا بمكانج افهم


من اول ما دزيت لها مسج وماردت


خلاص طاااااااااف انا ادز مسج واحد اذا

لقيت رد ذيج الساعه اكمل مو اقعد اسأل

واهيا ما تعبر !!

وبعدين وايد ناس ما تحب علاقات النت

يعني مجرد ما قالت لج ما عندي ايميل

قاعده تصرفج من البدايه

بس انتي مشكلتج ما فهمتي عليهاا

اكو وحده مسجله بالمنتدى ما عندها ايميل

اشك ..ادري يصير بس صعبه وايد

يمكن قبل تصير بس الحين لا..

ولا تقولين انج ذليتي نفسج لها

انتي ما سويتي شي بس سالتي عنها

يلا الحين تعلمتي وان شالله ما تنعاد

ونصيحه مني صداقات النت مو شي : )

 

[بنت شيخ]

لوووووولي حبوبه ذركتيني بنفسي بس طبعا مع اختلاف التفاصيل ولكن المفهوم واحد

طنشي حبوبه

في ناس مادري شفيهم مرضى او اهم جذي طبيعتهم

احلى شي اذا حسيت ان في شخص مهتم فيني ويسال عني مافيها شي بالعكس :gr4uu:

 

[sweet dashttya]

والله كأنج قاعده تتكلمين عني والله نفس الحاله عشان جذي الحين ما عندي ولا صديقه سواء بالنت ولا برا بس زميله سلام ما سلام بس

ما اعتبرها صديقه

 

[شندوخه]

رد : حطوا نفسكم مكاني شلون راح تتصرفون مع هالبنت...

اللي مايعدج راس مال
لاتعدينه فايده

 

[pure-poison]

رد : حطوا نفسكم مكاني شلون راح تتصرفون مع هالبنت...

بصراحه انتي غلطانه
المفروض من اول مره ماردت عليج لي ثاني مره وهم ماردت عليج وتشوفين ردودها بالمنتدى خلاص يبا معناها البنت مالها خلق خلاص بالطقاق ليش تحاتينها وتبينها الا ترد عليج

 

[omaseel]

متزعليش كانك معرفتهاش
عساكم من عواده

 

[دلوعة أبوهآ]

دامها ماترد ع مسجاتك .!
يعني ماتبي تكلمك ولا تبي يكون بينكم شي ..
خلاص طنشيها واحقريها وهي الخسرانه ..

 

[منيرة خالد]

اهم شي انتي نيتج صافيه واهي اعذريها يمكن عندها ظروف

والافضل انج ما تدزين لها اي رساله واذا اهي تبي تعيد العلاقه راح ترسل لج

 

[وله وغلا]

نفس الي صارلي عطيها طاف

 

[ترانيم القصيم]

عادي حبيبتي ,, أنتِ سوويتِ واجبكـ و أكثر ^^ , بعدهـا خلاص , الكرامة لها حق مثل ما الصداقة لها حق

أنـا عني أرد على الرسايل قد ما أقدر , بس رسايل المدح بعض الأحيان ما أرد عليها أو أتأخر في الرد عليها لأني أستحي بصراحة و مدري وش أقول

و أحس الكلام آللي ينقال لي ما أستحقـه ,, فأي وحدة رسلت لي كذا و ما ردّيت أتمنى ما تزعل ..

يعني لو أرسلت تسأل عن حالي أو تسلم علي أو محتاجة مساعدة تلاقين أرد , لكن بعض الرسايل ما أعرف وشلون أرد عليهن ,

على العموم , أنـا ذكرت هالكلام لأنكـ تطرّقتِ لـ نقطة إنّكـ ما تحبين أحد ما يرد عليكـ ( لأنوهـ عيب ) فحبّيت أوضّح موقفي لأني كذا رسالة ما ردّيت عليه لبعض الأخوات هنـا

بارك الله فيك و سدّد خُطاك

احترامي و تقديري

ترانيم القصيم