حضانة بولكا دوت بالجابريه...منو جربها

[mr000]

أمهات الله يخليكم منو تعرف عن حضانة بولكا دوت ..البيت الأحمر اللي بالجابريه..هي توها فاتحه يديده بس قالولنا أنهم كانوا أول في بيت بقطعه 11 بالجابريه..بس بأسم ثاني مادري شنو...بلييييز بليييز اللي عندها فكره عنها تقولي قبل لانسجل بنت ولدي فيها..لأن اللي شفناه إن فيها بس مدرستين وحده أمريكيه ووحده أردنيه..معقوله حضانه بس فيها مدرستين..منو جربها الله يخليكم...

 

[عبق الزهره]

السلام عليكم اختي والله اول مره اسمع فيها طب عطينا رقم تلفونها ومنو مديرتها يمكن نعرفها وبما انهم مدرستين ماتعرفين يمكن يبون يغيرون الستاف القديم بيديد بس عفيه اذا عندتش رقم تلفونها قوليلينا

 

[ملكة بيتها]

رفع لعيون مروو ..ما أعرف عنها بس إن شاء الله البنات يردون على استفسارج

 

[ملكة بيتها]

رفع لعيون مروو ..ما أعرف عنها بس إن شاء الله البنات يردون على استفسارج

 

[mr000]

مشكوره ملكه حبيبتي تسلم عيونج..عبق الزهره طرشت لج العنوان..الحضانه فيها أطفال موخاليه بس مادري اشلون حضانه بس فيها مدرستين ..شكلي باجر بمرهم وأشوف شالسالفه..

 

[Um Hasan]

مادري بس شفتها من بره .. بس اذا نفس اللي بقطعة 11 فصراحة هذيج ما كانت بالمستوى ..

 

[mr000]

أم حسن أختي أنتي جربتيها؟ اشلون تدريسهم وعنايتهم باليهال والله احترنا ..نخاف نسجلها بمكان ويطلع موزين

 

[فراوله]

حبيباتي الحضانة فرع لحضانة هيدستارت فى الجابرية صاحبتها امريكية متزوجة من كويتى ماشاء الله حلوة من داخل بس اللي ماعجبنى انها تنوم اليهال بعد فترة الغدا و تقول they should take a nap! يعني اليهال يتعبون وللازم يغفون !!!!! مريبة!!! هذا عن حضانة هيد ستارت بس بولكا ما ادري

انا مسجلة بنتي فى حضانة انجلش نيرسري فى الرميثية وصراحة مفيدة ووايد يهتمون بالعيال

 

[mr000]

أختي قراوله مشكوره وماقصرتي..بس وين صايره هذي الحضانه اللي قلتي عنها إذا ممكن عنوانها بالضبط أو رقم تلفونها علشان نروح نشوفها..يعني رايج هالحضانه اللي بالجابريه موشي؟؟المشكله جنتي تبي بالجابريه..وماكو حضانات وايد أعرف (ليتل مي) بس أعتقد إنها شقه مو بيت..ماشفتها من داخل بس شفتها في عماره..وفي حضانة اللغه العربيه بس مايركزون على الانجليزي.. وفي حضانة مور بنروح نشوفها.. واللي تعرف بعد حضانات ياريت تقولي..

 

[عبق الزهره]

السلام عليكم خواتي اختي مروو انا من فتره كنت ادق على حضانه مور ولا الرقم مفصول ترا الرقم ارضي مو موبايل بعدين شوفي جوجل كتبي حضانه مور وشوفي شلون يقولون عنها انها ما كو عندهم منهج اما بخصوص حضانه لوكا انا امس رحت خذيت الرقم من اليافطه لان انشغلت من يومين بس امس رحت وشفت ارقم قاعده ادق بس مايردون قلت خليها باجر لان سيارتي اختربت وتبيلها شم يوم وتتصلح فما دري جنها المديره مالت الحضانه اهي امريكينه ولا طب اكو عندهم منهج يعني يدرسون ولا لعب لان اغلب الحضانات الانجليزيه يلعبونهم بس ما يعطونهم دروس

 

[opera]

انا مدخله ولدي بولكا دوتس من شهر 9 اللي طاف

ياريت في امهات هني مدخلين عيالهم


بشوف مستوى عيالهم شلون

لاني ناويه اطلعه

 

[^ دانة الزين^]

رد : حضانة بولكا دوت بالجابريه...منو جربها

رفيجتي معاي بالدوام حاطه ولدها هناك... بس اهي مرتاحه عليها لان احنا دوامنا مرات نخلص 3 او 3 ونص والحضانه تكون فاتحه اتوقع لي 5 و الشي الثاني الحلو فيها ان يعطون اليهال وجبه ريوق وغدا
بس صراحه اسمع رفيجتي تمدحهم بهالشغلتين :s141:
بس عن مستوى التعليم صراحه ما سالتها اذا تبين اسالها انا حاضره:eh_s(17):

 

[opera]

دانه حبيبتي اي والله ياريت تسألينها

صح انا بعد اللي مريحني انهم لي 3 .. بس انا كان ودي اعلم ولدي انجليزي اكثر من العربي

اهو مستواه زين .. وانا من قبل لا ادخله كنت اكلمه انجليزي بالبيت .. من دش الحضانه تغير


صار يتكلم عربي اكثر و غير جذي صاير يعاند وشيطان ويقول كلمات وصخه !! انا استغربت من هالتصرفات


بس لمن رحت اليوم الوطني اللي سوه الشهر اللي طاف شفت بصفه اصبيان 3 شياطين وطول الحصه يتطاققون والابله ساكته ماتقولهم شي !!!!

و شفتها بس تعلمهم عربي وكل سوالفم بالعربي


جان اكلم مشرفتهم قالتلي احنا نعلمهم انجليزي بس يمكن ولدج صعبه عليه اللغه

قتلها لا انا معلمته انجليزي قبل العربي ..


فحسيت انها حضانه حق لعب مو مستوى تعليمي

 

[Um Hasan]

بنت حماتي فيها .. وصح تسولف عربي أكثر من الإنجليزي ؟؟

واسمعها وايد تقول قصص

 

[opera]

الظاهر تركيزهم بالمنهج عالعربي

:\

 

[ro3ah]

ماعرف شي عن الحضانه بس في عندج اكثر من حضانه بالجابريه
عندج مفاز يمدحونها وانا شفت فرغها القديم وايد نظيف مادري عن اليديد بس ان الروضه عندهم مومعترفها فيها التربيه يعني بس اذا تبون الحضانه ماكو مشكله
وفي انجلش بلاي قروب

 

[opera]

مفاز لاعداد القاده اللي مكتوب عليها جذي؟؟


هذي عاد يم بيتي كلش بس من اسمها مبين عربيه بحته

ابي انجليزي

ابي بعدين ولدي يجتاز مقابله ال kg1

 

[ro3ah]

لاحبيبتي مفاز منهجهم في انجليزي وابلاتهم موعربيات تقدرين تمرين وتشوفينهم انا فريت حضانات وايد بس الي شدني بمفاز ان ولا ياهل يبجي :eh_s(10): معناته شي زين وان وقت الكلاس الكل قاعد ويتابع الابله مافي لويه مثل باقي الحضانات بس مارحت لها لان نقولها كانت يم بيتي ونقلو قطعه ثانيه والروضه مومعترف فيها بالتربيه مثل ماقلت لجج:eh_s(7):

 

[BaLLoNa]

انا رفيجتي كانت بتسجل ولدها اهناك وماعجبها اتقول اول ماتفج الباب اليهال بويهها يعني مو امان ، المهم انا واهيا سجلنا عيالنا بحضانة مفاز اتهبل مالة طارق السويدان وكله يدرسونهم انجليزي بس العربي والدين بلعربي و هم تعاملهم حلووو ويا اليهال والاهل ويهتمون وولدي استفاد منهم ماشالله

 

[صبر ايوب]

مرحبا حبايبي ابي بالضبط جم حضانه بالجابريه،،،

ردو علي ضروري لاني مضطره اودي بنتي وياريت اللي اتحط الرقم بعد،،

بس وسلامتكم ،،​