حضانة التميز اللي بالروضه

[عواش1987]

السلام عليكم بنات


يالله بنات منو مدخله عيالها حضانة التميز اللي بالروضه عالشارع ؟؟


خلونا نسولف عن الحضانة

انا عن نفسي لي حد الان مرتاحه لها دخلت بتي الكوري اللي طاف شهر 9 والحين بيعطلون شهر 6

ويبلش النادي الصيفي بس ماراح ادخلها الناي بخليها ترتاح شوي


منو جربت النادي الصيفي ؟


و على الفكره الحضانة ثلاثيه اللغه عربي -فرنسي - انجليزي

 

[arnoba15]

والله الحضانه تهبل روعه انا بنتي بعد توني مدخلتها شهر 2 الحمدالله الابلات روعه يهبلون ومهتمين معني اشكثر ادق لوعت جبدهم بس حرام ولايملون يرحبون فيج وحتى مرات يصورونها حقي ويدزونها وتس اب
الصراحه انصح فيها الحضانه وخوش موضوع حطيتيه .... بالنسبه للنادي الصيفي ماعندي فكره ودي احد يفيدنا

 

[عواش1987]

اي لوووول ابله طاهره بس تصوور وتدز لي سواء صور ولا فيديوات

اي ليفل بنتج ؟


انا بنتي لفل ٢ عند ابله رانيا

 

[arnoba15]

هههههه اي صح مس طاهره لوعت جبدها وانا اقولها صوريلي ......بنتي لا توها ليفل ون مس ربيعه

 

[om.7madiiin]

في تسجيل ألحين ؟
انا ابي بالروضة مرة دخلته حضانة بالروضه
قبل شهرين
يطلع من الحضانة يبجي و مشفوح ميت يوع جنة مو موكلينه شي
سألت صاحبة الحضانة شنو عطيتوه أكل
قالتلي ولا شي مايبي ياكل
ياهل من 7 ونص لي 2ونص ما آكل شي حلفو قولو والله والله بقيت ارتكب فيهم جريمة
اسبوع وطلعته صراحة في ناس مو كفو يبطلون حضانات

 

[Hello_kitty]

ونعم الإختيار هالحضانه شويه عليها كلمه عجيبه كامله من جميع النواحي

واحلى مافيهم اهتمامهم العجيب بالطفل بكل شي بأكله بملابسه بمزاجه

تقارير شهريه بالتفصيل عن سلوكيات الطفل والمنهج اللي تعلمه واوراق اعماله

نشاطاتهم وافكارهم متنوعه رحلات اسبوعيه

والدليل على تميزهم ماشالله الأطفال اشلون متعلقين بالحضانه والأبلات

ادخل الحضانه بأي وقت ماعمري شفت او سمعت طفل يبجي

والأبلات والإداره نفسياتهم تهبل ماشالله عليهم

 

[عواش1987]

بالضبط انا كل ادخل على غفله

و الرحلات اللي يبط جبدي فيها وما اخلي بنتي تروح لانهم يودونهم ماكدونالدز و

والخميس بيودونهم برجر كنج

صراحه مالاداعي يعلمون اليهال عالمطاعم هاذي انا بكلم ابله سعاد ان شاء الله بيوم الحفله بقولها

اتمنى يغيرون هالاماكن لان الكل مو صحي وكل هرمونات ويمرض صراحه

بس كل شي ممتاااااز المدرسات عسسل بنتي كانت تبجي ماتبي الحضانه الحين بالويك اند تبجي بي تسجر رانيا والسكول

على قولتها لووول

وتبارك الرحمن صارت تتكلم انجليش وااااايد زين ونفس الشي فرنسي تقط جم كلمه لوووول

واللي ما حبيته ان ما يعطون اليهال سناك لازم الاكل والسناك كل علينا

وبس كل شي تمام وانا وايد مرتاحتلها وان شاء الله ان الله كتب ناويه اخليها لي الروضه

واحلى شي ان حاطين صور اليهال عالحضانه لووول جم مره بقينا ندعم واشبه نبي نشوف صورتها

انا بنتي اللي لابسه ورده كبيره ورديه حاطين صورتها صوب الشارع اللي عالجسر

 

[عواش1987]

ام حمادين اي فيه الحين حق شهر ٩ بدايه الكورس روحي لحقي

وترى الحضانه على مدار السنه مفتوحه حتى بالصيف نادي صيفي