حضانة الارملة الكويتية للاطفال

[om.mohamed]

السلام عليكم

بنات اتمنا موضوعي حطيته في القسم المناسب..ما لقيت غير هالقسم

عموما بالمختصر....

بنات احدى صديقاتي اسألتني سؤال قلت لها بحطه بالمنتدى لعل البنات يساعدونا...
صديقتي ارملة وعندها ولد ... تسأل هل فعلا اذا تزوجت (ام زوجها) ام الاب تقدر ترفع قضية وتاخذ حضانة طفلها؟؟؟
لانها صراحة قاسية وماتحبها
القانون الكويتي شيقول؟؟؟؟
ورفيجتي حيل خايفة
هي صديقتي بتروح تسأل عالاسبوع الجاي
بس ياليت تساعدونا الحين تعطونا فكرة بليييز
وشكراااااا*

 

[om.mohamed]

بنات لاتفشلوني ساعدونا بليز

 

[أم يزيد &سديم&]

الحضانة تنقل لأم الام مباشرة بعد زواج الأم

 

[ام غازي 2012]

مادري

بس اتوقع ا لحضانه اللام الولد

 

[ديانا سبنسر]

الحضانة للجدة ام الأم

 

[M!SS.LOBY]

اذا عندها شي يثبت ان جدة الولد قاسيه او ماتبيه راح تأذيه مع وجود الدليل
القانون ما راح يرضي راح يخلون الولد مع امها ( الله يهديهم)

 

[اميره1980]

المذهب يلعب دور بالموضوع
تستشير محامي احسن
موفقة

 

[صدقه جاريه]

الله يفرج كربتها

 

[om.mohamed]

شكرا حبيباتي كلكم الي شاركتو

امها متوفية... ام الام
عندها خوات خالات
بس اخاف ان ام الابو ترفع قضية ...ممكن تفلح مو؟؟

 

[!amorra!]

خل تستشير محامي

بس اللي اعرفه

الحضانه تروح للجده أم الأم بعدين للخوات الغير متزوجات(خالات الطفل ) بعدين الاب بعدين ام الاب

 

[om.mohamed]

شكرا بنات ماقصرتو

 

[شندوخه]

شكرا حبيباتي كلكم الي شاركتو

امها متوفية... ام الام
عندها خوات خالات
بس اخاف ان ام الابو ترفع قضية ...ممكن تفلح مو؟؟

اذا كانت تتبع المحكمه السنيه
حضانه الولد تروح لأم الام واذا متوفيه الحضانه تروح للخاله
بس المحكمه الجعفريه تختلف

 

[om.mohamed]

شكرا شندوخه
لازم الخاله مو متزوجة..عدل؟؟

 

[gala q8]

خل تستشير محامي

بس اللي اعرفه

الحضانه تروح للجده أم الأم بعدين للخوات الغير متزوجات(خالات الطفل ) بعدين الاب بعدين ام الاب

إي هذا اللي اعرفه ...

اهل الام اول وبعدين اهل الابوو ..

يعني اول شيء ام الام .. إذا متوفية يروح الولد لي خوات الام ( خالات الولد ) و إذا ماكو يروحون اعتقد لـ خوال الولد إذا ماكو بعدين يروحون لـ ام الابو إذا ماكو يروح لـ عمام الولد ( اخوان الابو ) و جذي ..


:eh_s(7):

 

[om.mohamed]

شكرا gala q8
ماقصرتي
جزاك الله خيرا