حضانات مبارك الكبير ؟؟ لحقوا زنوب زعلانه

[بنات حواء2]

صباح الخير حبايبي شلونكم انشالله بخير
و اشلون عيالكم عساهم بخير
حابيبي
زنوبه الدبدوبه زعلانه
الي هي بنتي الله يخليها لي و يخليلكم عيالكم يارب
ليش ؟؟؟
لانه اسمله عليها مارضوا يدخلونها الروضه
و حبيبتي متشفقه علروضه على قولتها سكول عشتوا ثقافتها بريطانيا
ليش مارضوا لانها مولوده تاريخ 18-3 يعني على يومين او 3 ايام تخيلوا
وكانت مهيصه مو مصدقه انها بتروح
بعدين قالوا مايصير هني ضاق خلقي لاني كنت واعدتها و انا ما احب اقولها كلمه و ماسويها
وحرام اسملله عليها تفهم و تبي تروح و حرام اخليها بالبيت و بيني وبينكم انا تعيين يديد و لازم تاريخ 5-9 اداوم و مابي اخلي بنتي بروحها بالبيت قلت اسجلها حضانه تستفيد منها و بنفس الوقت انها تكون مثل جو المدرسه و اكون ماخلفت بوعدي لها و مايضيق خلقها حبيبتي هي
ابي حضانه زينه بمبارك الكبير او صباح السالم او العدان ماعندي مشطله لانه اصلن مدرستي بتكون بوحده من هلمناطق مادري بضبط وين لانه ليلحين ماقالولنه اصلا
فياريت تفيدوني و ياريت تكون بمبارك الكبير على دربي اطلع و اقطها واروح مدرستي
ياريت حبايب قلبي ماتقصرون وياي
و انا ابي تجاربكم و خبراتكم بهلخصوص
و ابي تكون الحضانه قويه بلانجليزي و الارقام خاصه ان بنتي الانجلش عندها حلو بنسبه لسنها لاني دايمن اكلمها انجليزي عشان لا تنسى و اراجع لها من فتره لي فتره و ابي اقويها من ناحية اللغه طبعن مع اللغه العربيه الام هذا مافي شك
فياريت تفيدوني بحضانه طيبه و اهم شي المعامله عندهم اشلون قايله و النظافه يعني اي شي تعرفينه ولو عندج الاسعار و الارقام بعد اكون شاكرتلج
و اكيد لكم مني دعوه بهشهر الفضيل بتوفيق للجميع
و بانتظاركم يالغاليات
و يعطيكم الف عافيه

 

[iLLuMinaTion]

رفع لعيونج

 

[سكر فتافيت]

ان شاء الله البنات يردون
قوللها لاتزعل .. الله يخليهالك

 

[PuPa^^SWeeT]

بالعدان فيه حضانة حامل المسك ماعرف وين مكانها

بس وايد زينة و حلوة


و فيه عندج الابداع بصباح السالم

عيال رفيجتي و عيال اخوي فيها
يقولون وايد وايد وايد زينة

 

[nazek_q8]

هلا بنات حواء مبارك عليج باجي الشهر وتقبل الله اعمالج


يحليلها زنوبه تبي تروح السكول عاد اهي من عمر محسن ولدي وصج حرام اهو بعد راح يدش الروضه كبير

اذا تبين حضانه زينه ويهتمون بالياهل وتعليمهم قوي خاصة الانجليزي عندج الحضانه البريطانيه بصباح السالم ومديرتهم ام سعد مهما امدحها ما اوفيها حقها انا حسون ولدي اللي ماكان يتكلم ماشالله الحين يقول الارقام بالانجليزي كلها والاحرف اسمالله عليه

ياطويلة العمر اهي رسومها بالشهر حق عمر بنتج 96 وفتح كلف 20 والملابس 10 والاكل عليهم هدا رقم الحضانه اذا تبين تستفسرين 25519710 ترا بدوو التسجيل الحين وهدا سايتهم http://www.bl-nursery.com/DefaultEn.aspx

 

[بنات حواء2]

iLLuMinaTion
مشكوره حبيبتي على الرفع


سكر فتافيت
الله يسلمج يالغاليه و يخليلج عيالج و مشكوره عرفع

PuPa^^SWeeT
مشكوره حبيبتي ماقصرتي أي حامل المسك شفتها و وايد يمدحونها بس الي مو عاجبني فيها ان منهجها مايركز على الانجليزي مثل الحضانات الثانيه
و الابداع بعد عليها مدح
مشكوره و الله يوفقج حبيبتي ماقصرتي


nazek_q8
لج كل الشكر حبيبتي و ماقصرتي و هذي الحضانه الي في بالي لانه الكل يمدحها الكل يقول عنها زينه بصراحه كفيتي و وفيتي لاني كنت ابي رقمهم و يعطيج الف عافيه انشالله هلاسبوع بروح الحضانه و مره وحده بسجلها اذا عجبتني و يعطيج الف عافيه

و هذي الورده لكل الي ردوا و اقول الله يوفقكم حبايبي ماقصرتوا

و ياريت لو في اقتراحات و لا اراء ثانيه يفيدونه فيها البنات لاني بنطر يومين قبل لا اسجل بشوف الاراء

 

[بنات حواء2]

اب
اب

 

[بنات حواء2]

اب
اب

 

[جلكسيه اس 3]

ياحليلها انا دخلة ولدي حضانة اعيال الديره. ناس مادحينها لي اذا تبين روحي شوفيها

 

[ام الحوراء زينب]

ام زنوب جربي الابداع ماشاءالله صج صج ابداع

 

[المسكـ]

انا كنت مدخله عليوي ولدي ستبس او خطوه بخطوه وعندهم كذا فرع كان بالاندلس نقلته يمي بعدين القادسيه ولها فرع بمشرف
واتوقع لها فرع في مبارك الكبير
بصراحه الحضانه روووووووعه عمري ماشفته موصخ على روحه ولا ملابسه مبهدله ولا وصخ دايما نظييف وعندهم كاميرات مراقبه واغلبية اللي يشتغلون يا انهم كويتيات او مساكين بدون بس يتكلمون كويتي واسعارهم حيل مناسبه ولج حق اي وقت تدشين تشوفينها شتسوي مع الاطفال
انا ولدي مايحب اي احد بس تعود عليهم وحبهم وماكان يرضى يروح البيت معاي لوول
طبعا اهو عندهم من عمره سنه لييي هالسنه رووضه حتى بالصيف مفتووحه
والحلو فيهم مايعطون الاطفال اكل غير صحي يعني لازم غذاء صحي والبطاط والبيبسي والعلج والحلاو ممنووع انا وايد ارتحت عليهم سالي عنهم يمكن يعجبونج

 

[MISS_PURPL]

انا بعد ابي حضانه حق ولدي ،، عمره اسمالله عليه سنه ونص ،، لان خدامتي بتسافر شهر 12 وانا عندي دوام وين اخليه ؟؟ لازم حضانه .. انا ساكنة بمبارك الكبير .. ياليت اذا تعرفون حضانة بمبارك الكبير او القصور او القرين اتفدونه ؟

 

[رمانة الكويت]

ماكو غير حضانة بيبي اكاديمي بالعدان قمة

انا بنتي كانت فيها حضانة وروضة وولدي الحين فيها خلص حضانة والحين بيروح اولى روضة فيهاااا

روووعه شوي عليهااا

يمكن ماتلقين حجز لان عندهم زحمة

 

[رتبه دبلوماسيه]

اب اب

 

[بنات حواء2]

يسلمو حبايبي ماقصرتوا
ستبس يعلمونهم انجليزي

 

[مريم ص]

اهلين ام زنوب
انا كنت امدخله بنتي حضانة الابداع العام كانت ممتازه و بغيت اكمل معاهم الروضه بس كانت رسوم الروضه غالية و بعدين الروضه اللي احنا تابعين لها نموذجيه فنقلتها / على فكرة حضانه الابداع اللي بصباح السالم قطعه 5 مو اللي يم العماير

و في حضانة اعيال الديرة بمبارك الكبير بصراحه كل المدرسات اللي بمدرستي امسجلين اعيالهم فيها كل سنه و وايد يمدحونها

 

[HmS al JaLiD]

اب اب

 

[قطرات من سحب]

رفع لعيونك