حصل لي إغماء بالمستشفى

الحالة
مغلق و غير مفتوح للمزيد من الردود.

فاطمة76

عضوه موقوفة
إنضم
21 أكتوبر 2007
المشاركات
128
مستوى التفاعل
0
النقاط
0
الإقامة
الكويت
:0bee2e8d89: بنات السلام عليكم اليوم رحت مستشفى عشان أفتح ملف متابعة الحمل دكتور كتب لي على الفوليك أسيد و حبوب حق الترجيع و طلب مني أسوي مجموعة من التحاليل رحت المختبر سويت تحليل بول و انتو بكرامة بعدين رحت اسحب دم لاجل التحاليل الباقية كنت صايمة طبعا خذت الممرضة دم من يدي اليسرى و طلبت من مني أعطيها اليد اليمنى بس هي دخلت الحقنة في ايدي جان اروح لعالم ثاني حصل لي إغماء وغبت عن الوعي تماما اول ما فتحت عيني لقيت الممرضة تشربني موية و تغسل و يهي و انا احاول افتكر وين انا و شنو فيه الذاكرة ممحية طلعت السيستر تدور منو معاي لين حصلت زوجي بصالة الانتظار كان مفروض اسوي تحليل ثاني بعد ساعتين بعدما اتريق بس رفضت و رديت البيت لاني مو قادرة ثاني على سحب دم وتوتر يديد
ابي اسالكم لي حصل شي عادي ولا غريب ترى وايد خفت بعد لي حصل أقول في نفسي إذا مو قادرة على سحب شوية دم اشلون بيكون شكلي يوم الولادة خصوصا إني سبق و سويت عملية توسيع صمام القلب
الدكتور ابن خال زوجي مهتم في حالتي و طمني قال لي عادي يمكن انتي خوافة وحساسة زيادة شوي
شنو رايكم بنات حدي خايفة و الله هاي حالتي وانا بعدني في الشهر الاول
 

ام مهدي

New member
إنضم
17 فبراير 2007
المشاركات
173
مستوى التفاعل
0
النقاط
0
ان شاء الله مافيج الا الخير هذه الشغله اللي صارت لج تعتمد على قدرة التحمل من وحدة لي وحدة يفرق بس هم يظل شي طبيعي وخصوصا وانتي صايمة وهم بعد حامل ومرحلة نساة فلاتخافين ولاتحاتين عادي تصير هالسوالف واايد والله يتمم حملج وتولدين بالسلامة ولاتحاتين الولادة الله يعطيج قدرة تحمل حزتها ماتتوقعينها أو اذا حدج خوافة اخذي ابرة الظهر وماتحسين بشي
 

Dloool_q8

New member
إنضم
6 يوليو 2007
المشاركات
8,891
مستوى التفاعل
0
النقاط
0
ان شاء الله ما فيج الا العافيه يمكن ياج هبوط لان مو ماكله شي واسحبو دم ديري بالج
 

فاطمة76

عضوه موقوفة
إنضم
21 أكتوبر 2007
المشاركات
128
مستوى التفاعل
0
النقاط
0
الإقامة
الكويت
أشكركم بنات على التشجيع الله يسمع منكم و يعطيني القوة حتى يكتمل حملي و اولد على خير
 

bnt_kwt

**مشرفة قسم بيــتك & ركــن تأخـر الانــجاب**
إنضم
8 مايو 2005
المشاركات
12,425
مستوى التفاعل
0
النقاط
0
العمر
47
للاسف ما اعرف افيدج بالموضوع اللي صار لج
بس صج يمكن كنتي خايفه ومتوتره عشان جذي صار معاج هالشي
لا تخافين حبيبتي وان شاء الله الله يسهل عليج حملج ويتممه لج على خير

وتقومين انتي والبيبي بالسلامه
 

Cacawa

New member
إنضم
19 مارس 2007
المشاركات
3,704
مستوى التفاعل
0
النقاط
0
العمر
41
الإقامة
Q8
زين انتي اغمى عليج بالمستشفى
انا اغمى علي بسوق السالمية وانا قاعده بستاربكس يوم كنت حامل
ورحت مستشفى الاميري وقال لي الدكتور مافيج شي بس يمكن من الحمال

وماتشوفين شر يالغالية
 

تمر حنا

New member
إنضم
21 يناير 2008
المشاركات
1,546
مستوى التفاعل
0
النقاط
0
مرحبا

اختي الي صار لج طبيعي والحامل ادوخ شلون عاد اذا صايمه وساحبه دم/// وسلامتج ماتشوفين شر
 

فاطمة76

عضوه موقوفة
إنضم
21 أكتوبر 2007
المشاركات
128
مستوى التفاعل
0
النقاط
0
الإقامة
الكويت
طمنتوني بنات مشكورين و الله ما تقصرون الحمد لله افتكرت اني ضعيفة أكثر من اللازم أو ان الموضوع له علاقة بالعملية لي سويتها قبل حق توسيع الصمام بس شكل السالفة تحصل للحوامل بالشهور الاولى الله كريم
 
الحالة
مغلق و غير مفتوح للمزيد من الردود.