السلام عليكم و رحمة الله و بركاتة
شلوووووووووونكم يا بنات شخباركم؟؟؟؟
عندي لكم قصة حصريا اول منتدى انزلها فيه
اول شي حبيت اقولكم انه صاحبة القصة اسمها شوق وتتنمى من كل من يقراها انة ينشرها عشان تستفيدون
وهذي القصة حقيقية
اخليكم مع القصة
(قصة شوق و أنوار)
أنا شوق رفيجه أنوار ابي اقولكم قصتي والكل ابيه يستفيد منها خصوصا الرفيجات حيل لأن الإنسان بدون توأم روحه مايسوى شي وموكل انسان يقدر يلقى توأم روحه بسهوله.. اخليكم تقرون القصه
أنا تعرفت على أنوار يوم كنت في الصف الثالث الإبتدائي
وابي اقولكم شلون تعرفت عليها كنت قاعده في الصف وانا طبعي هادية ما أحب اسولف كثير لكن إذا عصبت الكل ينحاش مني اما أنوار لسانها طويل وتحب السوالف وشيطانة ودايما تهاوش المهم ونا قاعده بالصف بروحي هي دخلت وقالت بنبره طفوليه:ليش قاعده بروحج؟أنا قلت ماابي اطلع أنوار:امشي معاي خلينا نسولف قلتلها يله لما طلعت معاها حسيت بربكه وخوف لأن كل بنات المدرسه يخافون منها بعدها طق الجرس وقلتها برد الصف هي عيت قالت لا توالناس وانا خايفه من الأبله وقلت لها ثاني مره برد وعيت فجأه طبت علينا الوكيله وقالت ليش ماتدخلون الحصه هي نطت وقالتلها شوق تبي تروح للحمام وغمزتلي وطبعا يعني ابي اكحلها أعميتها قلت اي ابله أنوار قالت روحي للحمام أنوار قامت تقرصني وأنا أقولها ليش تقرصيني الوكيله قامت تضحك علينا لكن عطت كل وحده قرصه محترمه ودخلتنا الصف طبعا أنوار أحقدت علي يوم خلصت الحصه طقتي طق وطبعا ماخليتها لها صرنا نتهاوش وصارو البنات يفرقونا طبعا صرنا مانكلم بعض وبعدها بسبوع شفت انوار تجبي أنا قلت بقلبي معقوله أنوار تجبي بعدها حاولت أتقرب منها وكانت تشوفني وأنا افتر عندها متردده لاأسألها بعدها نادتي انا استغربت طبعا رحت لها وقالتلي أنا ابوي مات أنا قلت لها صج ابوج مات وقالت ابي بابا يعيش ليش الناس يموتون أنا من هالموقف حبيت انوار واغليتها غلا لايعلم به إلا رب العالمين وكل مانكبر علاقتنا تكبر كانت أنوار بنسبه لي نفس أختي واكثر وكانت كل شي بحياتي لما كبرنا صرنا بالمتوسط تقريبا في الصف السابع كانت لنا شعبية بالمدرسه والكل وده يرافجنا طبعا أنا وياها مانعطي وجه وكنا مجنين الأبلات مره كنا في الصف طبعا مكانا معروف في الصف أخر شي وقاعدين حق السوالف و الضحك طبعا في مدرسه اسمهى ليليى كانت ابله ليله ثرمه ولما تسولف سعابيلها توصل لي آخر الصف أنا كنت شاطره اما أنوار كانت مو ذاك الزود بدراسه وكنت أنا الي دايم اغششها المهم ابله ليله شافتنا لاهين عن حصتها طبعا قالت بصوت عالي :أنوار قومي حلي المسأله(المسأله محلوله بس تبي تشوفنا معاها ولا لا) ردت أنوار:ابله فاهمتها بس ما اعرف اعوظ.ابله ليلي:أنوار باجر لا تجيبن امج تعالي عند الإخصائيه اسويلج استدعاء ولي امر وطبعا الكلام موجه لج بعد يا حلوه(قصدها علي) لما خلصت الحصه أنا وانوار حقدنا عليها قلت لنوار ابي اكتب شعر مصخره فيها لأنها باطه جبدي قالت انوار انت اكتبي ونا علي النشر
انا اتذكر من الشعر الا بيت واحد لأن بصراحه يضحك
(هاذي الكويت غدت خضرا*يوم ليلي سعبلت فيها)ادري انة فصله المهم أنوار أخذت الورقه ونشرتها بين البنات المهم كان علي رياضيات وأنوار الخبله حاطه الشعر بالدرج وقاعده تشوف ابله ليلى وتضحك ابله ليله شكت في الموضوع وقالت أنوار طلعي الورقة الي بدرج
أنوار جت بشتق الورقة إلا قالتلها الأبله إذا شقيتيها ياويلج
طبعا أنا مت من الخوف وقلبي طاح بطني اخذت الأبله الورقه وقرتها وقالت زيييين ياأنوار
ثاني يوم جت الإخصائية مع ابله ليله الصف وطلبو أنوار برا عشان يكلمونها أنا أعصابي تلفت من التفكير لأني خايفه لايعرفون اني انا كاتبته ظلت أنوار برا وطولو ونا طليت ابي اشوف شصاير إلا مالقيتهم طق جرس الحصه ورحت اركض ادور على رفيجتي إلا هي بمكتب الناظره قاعده تقول لها قولي اسم البنت ومانقول انة انت الي قلتي هي يا حياتي مارضت تعلم كانت تقول ماأدري شفت الورقة طايحه بالأرض وخذتها وضغطو عليها وصارت تجي أنوار أنا لما شفت دموعها دخلت بكل جراءه وقلت ابله أنا الي كاتبه الورقة طبعا الأبلات منصدمين أنوار قالت لا ابله جذابه الورقة طايحه بالارض هي تقول جذي بس عشان اطلعني من السالفة
الناظره بصوت عالي:خلاص انت وياها فصل ٣ايام عشان اريح راسي يلا برا
أنا وأنوار طلعنا من المكتب فاصلين من الضحك ولما وصلنا الصف ضمتي حييييل وقالتي أحبج أحبج يا أغلى البشر أنا قلت لها ونت يا النوري تطمني مافي أحد يقدر ياخذ مكانج يالغلا
لما صرنا بصف التاسع آخر سنة في المتوسط طبعا شايفين حالنا يعني كبار مانرد على أحد مره كنا انا والنورتي مهربين من حصه الماخوذه
ابلتنا العربي وكنا قاعدين ورا مسجد المدرسه أنا وأنوار سمعنا صوت الوكيله هي وجها مسوية حمله تفتيش أنا قلت أنوار شنسوي اكيد راح اطيح علينا قالت انوار:شوق شوفي الشبك؟أنا قلت اي شبك
أنوار:شوفي الشبك الي قدامج فيه فتحة خن ندخل داخل وذا راحت نطلع ننخش بالحمام
أنا قلت يالهبله صج مجنونة منين تجيبين هالأفكار
عاد أنوار جرتني ودخلنا بالفتحه والفتحه مكانها استراتيجي مغطية بشجر لو شنو محد يقدر يطيح علينا المهم وأحنا داخل نشوف كل شي مرت من عندنا الوكيله وقالتي أنوار شوفي شوق شبسوي مسكت صخره وحذفتها عليها وقامت انوار تنابح ههههو هو هو كأنها جلب لووووول الله لايوركم شلون كان شكل الوكيله وهي ميته من الخوف شكلها فصله الوكيله مسكت خطها وراحت للإداره طبعا أنا قمت ابجي من الضحك لماطلعنا من مخبأنا السري وسمعنا الجرس رحنا ركض للصف ودخلنا الحصه بعدها بنص الحصه دخلت الناظره و الوكيله عشان يقيمون الأبله انا وأنوار لما شفنا الوكيله صرنا طالع بعض ونضحك تذكرنا الدقه الي سويناها فيها ما قدرنا نسكت من الضحك قاعدين نسكت اعمارنا غصب
صج أنا وانوار مجنن
ومره ودونا رحله المدرسه للنادي العلمي كنا نفتر على الطاولات وكانو الناس يشرحون لنا تجاربهم أنا طاحت عيني على طاوله متروسه أنابيب إختبار وشكلها حيل حلوه وأشرت للأنوار وقلت لها امشي هناك تسللنا شوي شوي عشان محد يجكنا لما وصلنا لطاوله في لوحه مكتوب عليها ممنوع اللمس وانوار قالت ولله لألمسها اول مالمست الأنابيب كلهم طاحو وتكسروا وكل إلي بالنادي شافونا ونا الخبله طالعت جنبي مالقيت أنوار البنت مسكت خطها ونحاشت ولا كأن صاير شي طبعا وجهي قام يقط الوان وإحراج موطبيعي لأن كل إلي بصاله يطالعوني وأنوار ميته من الضحك علي والأبله زفتي زف اول ماركبت الباص طحت بكسات وطراقات بأنوار ولما اطقها تضحك تقول خخخخ لو انج شايفه شكلج قبل شوي ههههاااااي ونا اقولها اقول مو زودتها شوي وقمت أضحك أنا وياها
أنا وأنوار كنا معروفين بالمشاكل لدرجه أنه لما تصير اي مشكله ينادونا أنا وانوار
والكل عارفنا
صج كانت ايام حلوه
لما كبرنا شوي وصرنا بثانوية أنوار قالتي كلمه ماأقدر انساها قالت شوق أخاف يجي يوم أكون انا بطريق ونت بطريق وضمتي وقامت تبجي أنا مسحت دموعها وقلت النوري انا وياج شخص واحد لاتخافين
والحمدلله وأنا منعرفتج وأنا وياج بصف واحد الله لايفرقنا
مره أنا وأنوار كنا ميتين جوع واصدف يوم كنا مو جايبين مصروف لا أنا ولا هي أنوار تصرخ جوعاااانة
مرينا أنا وأنوار من عند قسم العربي وشمينا ريحة اجيب العافية طلينا إلا ابلات العربي مسوين بوفية لماخلصو الأبلات قلت لنوار أشراج ندخل ناخذ اكل ونطلع قالتلي يالا امشي المهم لما قربنا من الباب حاولنة نفتحه مقفل قالت أنوار مالي شغل آكل يعني آكل بعدها قلت أنوار شوفي الدريشه مفتوحة قالت خلاص امسكيني أنا اطب أوكي عاد انا حذفت عليها الكيس عشان تعبيه وقالت الله ياشوق لو تشوفين الأكل شكله يذبح!!! أنا قلت خلصينا في صوت بسرعه أنوار:شوق توهقت شلون اطلع!
شوق:اقول بسرعه حطي ايشي كرسي او طاوله بسرعه
لووول لا تشوفون أشكالنا تموت من الضحك أنوار: زين هذا الأكل وين ناكل والجرس طق الحين أنا قلت ماكو إلاسطح المدرسه امشي
ولله أنا وياج صج مهبل رحنا السطح وفتحنا الكيس ودقينا بالخمس عاد أنا قلت أنوار أنا خايفه
انوار :ليش بالله
قلت أخاف احد يطيح علينا لما طق الجرس نزلنا ومسكتنا الخدامه وقالت ليش انت يروح فوق ستح أنوار:انت شكو يلا مناك
الخدامة:أنا يقول حق نازره
أنوار :لا لا عفية لايقول حق نازره أنا اعطيج بكره فلوس زين
الخدامه:كم يعطي
انوار:٥ دينار
طبعا شفطنا للخدامه وعطيناها طاف
لووول وكل يوم جايه تقول وين فلوس إذا ما يعطي يقول حق نازره
أنوار:أقول أنقلعي انا بكره يروح عند نازره يقول سوما ياخذ فلوس من بنات
طبعا سوما شوي وتحب إيدينا تقول كلاس ماما أنا في بيبي بعدين نازره ودي مكتب
أنوار خلاص روحي بسرعة
أنا قلت لها يالملعونة منين تجيبين هالأفكار
قالتلي بضحكه سر والمخفي اعظم هههه
طبعا تعرفون الثانوية بنات جدد وعلاقات جديده مابي اجذب عليكم كنت لما أشوف أنوار تمشي مع البنات اموت من القهر وكنت اشوف معاها دفتر لما اقولها أنوار عطيني الدفتر كانت ماترضا وبصراحه حز هالشي بخاطري أنا كنت امشي مع أنوار بالفرصه إلا جت بنت اسمها فاطمه قالت أنوار تعالي جبت صور له جديده تهبل تعالي شوفيهم وأنوار هدت ايدي وراحت تركض لها أنا طبعا انصدمت شلون أنوار هدتني بهطريقه شلون
ومسكت نفسي شوي ولما رحت بشوف شسالفه شفت أنوار مندمجه مع الصور ولما قربت انقزتها فاطمه وخشت الصور طبعا أنا من الصدمه نزلت دموعي ورحت وخليتها أنوار فزت لما شافت دموعي لما قامت بتلحقني قالتلها فاطمه يامعوده خليها ماعليج هذا دلع أنا رحت للصف اركض قعدت على طاولتي وابجي من الي سمعته أنوار توأم روحي ماتسألني ليش تبجين؟
بنات صفي كلهم يقولون لي شواقه شفيج ترى الدنيا ماتسوى طبعا أنا ماعطيت البنات وجة ورحت عند الإخصائية ودقيت على ابوي لأن بصراحه ماني قادره اقعد بالمدرسه دخلت الصف وكان علينا إسلامية قالت الأبله عسا ماشر شفيج ياشوق تبجين طالعت أنوار بنظره وقلت للأبله تعبانة شوي بطلع أخذت أغراضي وطلعت
وطلعت وراي أنوار ونا ماشية للأداره أنوار تكلمني تقول شوق شفيج ليش زعلانة علي ونا ماشية بصمت ولا رديت عليها وصلتني لي عند ابوي وأهي تقول ردي علي شفيج؟
رديت البيت ولما صارت الساعه ٢ الظهر باب بيتنا يطق راح اخوي فتح الباب وجاني يركض يقولي عندي لج مفاجئة قلتله شنو قالي منو توقعين الي قاعد تحت بصاله مع امي قلت له بلا سخافه قول بسرعه قالي أنوار أنا انصدمت لما قالي قلت له وهالكلام موطالع من قلبي
قولها شوق نايمه قال طلال شوق شسالفه انت متهاوشه مع انوار قلتله موشغلك المهم طلع طلال من الغرفه ونا قفلت الباب علي وقمت افكر وانا على فراشي ليش جت أنوار ؟فجأه إلا يطق باب غرفتي قلت منو قالت شوق أنا حبيبتج وتوأم روحج افتحي رحت شوي شوي وفتحت الباب اول ما فتحت الباب إلا اشوف دموعها ما قدرت امسك نفسي وقمت ابجي حيييل هي لمتني ونا ظليت واقفه قالت شوق أنا حيوانة وحقيره لأني ضايقتج قلت لها أنوار انت اول مره تخشين عني شي ليش تغيرتي لما عرفتي فاطمه اكيد هي الي غيرتج علي أنوار لاحرام عليج فاطمه طيبه أنا قلت اي واضح طيبة زين أنوار ابي اسألج وبصراحه ردي علي أنوار قولي
صور منو إلي كنت تشوفينهم؟
انوار ترددت وقالت شوق بصراحه هذي صور بندر أخو فاطمه
شوق:ليش ونت شعلاقتج فيه أنوار: شوق هو يحبني وأنا أحبه
أنا مصدووومه من هالكلام الي اسمعه وقلت لها من متى عرفتيه وشلون تعرفتي عليه أنوار :شافني بالهده وقال لخته جيبيلي رقمها أنا قلت انوار انت بهالسهوله صرت جذي صدقيني راح تندميييين
أنوار:شوق يحياتي افهميني انت تدرين هذي آخر سنة بثانوية خليها تعدي على خير أنا قلت لها خير انشالله
أنوار :أنا الحين برد بيتنا باجر اشوفج ياغلاتي
ثاني يوم لما داومنا لما شفت أنوار وخليت الوضع طبيعي سلمت عليها وقالت فديت خدودج ولله عاد مرت فاطمه وسلمت على أنوار وجت بتسلم علي قلت لها بعدي مابي سلامج فاطمه انصدمت وماتت من القهر قالت ترى حتى أنا ماني ميته عليج اصلا كنت بسلم عليج بس عشان اجامل أنوار ولا منو ينزل نفسه عشانج وراحت ونا ماخليتها لها سبيتها سب من القهر الي فيني وطالع جنبي إلا مافي أحد قاعده أقول وين انوار واطالع جدام إلا هي راحت تراضي فاطمه عشان حبيب القلب بندر أنا خلاص ماقدرت أتحمل إلي يصير أنا خليتهم ورحت أتمشى مع رفيجاتي عشان انسى إلي صار بس ماني قادره ولما اشوف فاطمه مع أنوار كان قلبي يحترق والحين صارت علاقتنا مو ذاك الزود الحين لما اطلع او أغيب عن المدرسه ما تدق ولا تسأل عني مثل أول كنت لما ادخل الصف اطالعها ماخذه فاطمة بزاوية وسوالف وضحك طبعا إلإحساس إلي أحس فيه أحساس يخنق ما أعرف شسوي كنت أحسسهم انهم ماهموني وكانت فاطمه مستغله الفرصه كانت تقول شفتي شوق الحين تعرفت على بنات ونستج شوفيها صارلها شهر ماتسأل عنج ومعطيتج طاف أنوار :اي ولله مدري شفيها علي
فاطمة: صج بقولج سالفه تدرين انة شوق تغير منج
أنوار:مستحيل شوق تغير مني
فاطمه:بلاج ما تدرين شتسوي
انوار:شمسوية
فاطمه بندر أخوي قالي انه شوق تكلمه وتقوله انة أنوار ماتحبك تحب واحد ثاني
أنوار:من صجج!
فاطمه :إذا مو مصدقتني دقي على بندر واسئليه
أنوار:الخاينة لهدرجه توصل فيها تدق على بندر أنا اوريها
طبعا أنا كنت قاعده مع رفيجاتي ما حسيت إلا وحده جارتي من حجابي وعطتني طراق لما شفتها طلعت أنوار انا انصدمت وقلت لها أنوار اطقيني أنا شوق أنوار كملت اطق فيني أنا خليتها اطقني وتقول الله ياخذ الساعه الي عرفتج فيها يا خاينة انت الحين ماتسوين شي عندي انا شفت فاطمه قاعده تضحك دريت انة إلي صاير من تحت راسها
أنا طحت ابجي ومنهاره معقوله رفيجة عمري وحبيبتي تمد ايدها علي آخخخ ياليتني ميته ولا أشوف هاليوم
قعدت سبوع كامل بالبيت لأن مالي خلق للمدرسه وامي جتني شفيج ياشوق ماتبين اداومين قعدت ابجي وامي ضمتني وقالتي اكيد انوار الي مزعلتج قلت لها يما أنوار ماتبيني و مدت ايدها علي
معقوله يابنيتي انوار جذي تسوي إي يما
زين قومي كولي شي صارلج فتره مو ماكله
يما ولله مالي نفس
لما قعدت الصبح امي جت لغرفتي وقالتلي شوق داومي ظاعت الحصص عليج قلتلها انشالله يما أنا بداوم عشانج
لما دخلت الصف طبعا أخذت كرسي وقعدت قدام فجأه إلا طاحت عيني بعين أنوار كانت نظرتها نظره الحاقده لماطق الجرس مرت من عندي فاطمة وأنوار وكانو ويتشمتون فيني انا لماسمعت الحجي ماقدرت أتحمل واغمى علي من التعب ولما قعد شفت نفسي بسرير المستشفى وامي عندي قلت لمي يما أنا شفيني قالتلي توج طلعتي من غرفه العمليات ليش يما لان صار عندج إلتهاب بالمراره لأن ما تاكلين كل هذا بسبه انوار انا اوريها زين يما منو جابني للمستشفى ابلتج وكان ينزل من راسج دم
شوفي أنا بروح البيت ارتاح والعصر اجي اوكي ديري بالج على نفسج انشالله يما
دق تلفوني إلارفيجتي سعاد هلا شوق سلامات
شوق:الله يسلمج
سعاد:شوق عندج احد؟
شوق:لا ماكو احد
سعاد:بجي الحين
شوق:حياج لاتأخرين
جتني سعاد وسلمت علي
قالتلي شوق بقولج شي
ترى أنوار لما شافتج بالمدرسه طايحه راحت اركضت وقعدت تهزج وتبجي خايفه عليج كانت تقولج شوق قومي قومي ولا شافت الدم ينزل من راسج قالت كلا مني أنا الي سويت فيها جذي وذبحت فاطمة من اطق تقول لها كلا منج تدرين أنهاندمانة على الي سوته معاج ومالها وجه تشوفج أنا قلت عقب شنو ياسعاد خلاص أنا مابيها كافي الي جاني من تحت راسها سعاد انت تدرين بسالفه كلها وبسألج ليش طقتني أنوار شسامعه عني سعاد:شوفي شوق أنا بقولج فاطمه قايله أنج داقه على بندر وقالتله انه فاطمه ماتحبك تحب واحد ثاني وقامت تزود حجي وانت عاد تعرفين فطوم
شوق:مسحيل أنا اسوي جذي هي شلون تصدق فيني
سعاد:الله يسامحهم تامرين على شي
شوق:لا سلامتج
سعاد :انتبهي لصحتج وطنش تعش تنتعش فديت الضحكة ولله
طبعا سعاد ماسكتت وراحت دقت على أنوار
أنوار:سعاد تكفين بشريني شلون شوق الحين؟
سعاد:ليش يهمج الموضوع؟
أنوار:سعاد خلصيني شلونها
سعاد:تبين الصراحه موزينة
أنوار وهي تبجي : آخ مني ليش سويت فيها جذي بس شسوي هي حدتني على جذي
سعاد:ونت لحد الحين مصدقه كلام فاطمة؟
أنوار:ليش فاطمه جذابه
سعاد :ياحلوج ياأنوار يالله شنو الدليل أنة شوق كلمت بندر؟
أنوار:خلاص سعاد أنا بدق علية واشبك الخط وتسمعين بذنج اوكي
أنوار:شلونك بندر
بندر:هلا حياتي أنا بخير
أنوار:بندر بسألك سؤال وياليت اتجاوبني بصراحه
بندر:امري
أنوار:في بنت دقت عليك اسمها شوق وقالت عني شي
بندر:لا ولله محد دق علي الإ البنات الي لعبت عليهم
أنوار:شنو محد دق عليك زين لايكون أنا وحده من إلي تلعب عليهم
بندر:اي شعبالج لايكون مصدقة عمرج
أنوار صكت التلفون بوجه وقالت حق سعاد الحقير الكلب
سعاد :ياليتج ماتسرعتي
أنوار:ياقلبي ياشوق شلون تحملتيني يا ليتني ميته ولا اسوي بأغلى انسانه جذي أقولج شي ياسعاد
سعاد:قولي
أنوار:تدرين أن شوق قالتلي كلمه ما أقدر انساها كانت تقول لما درت بسالفة بندر أنوار راح تندمييين
سعاد :ياسبحان الله جنها دارية انة بصير جذي
أنوار :تكفين سعاد ابي اشوف شوق
سعاد:ولله ياأنوار شوق تعبت منج وأخذت منج موقف وما أظن بتنسى بهالسهوله
أنوار بنبره حزن والم:آخخخخ يابعد عمري ياشوق أنا بدق عليها وذا صكته بوجهي أنا راضية
سعاد :باي
يوم كنت بالمستشفى وبغرفه تبديل الضماد تلفوني دق وتدرون شنو النغمه(أنت غير الناس عندي أنت عندي شي كبير كيف بصبر وأتحمل ناس من حولك)أنا مستغربه أنوار تدق ليش مارديت عليها
يمكن دقت اكثر من خمس مرات ورا بعض لدرجه أني قمت اصكه بوجها
وقالي الدكتور ماتردي ياشوق ؟أنا عاوز أغير الشاش
أنا قلت خلاص دكتور صكيت الجهاز...
أنا ماني يم الدكتور تفكيري كله منصب على أنوار
فجأه لفت نظري الباب لأن باب الغرفة في جام (زجاج)
في بنت واقفه اطالعني أنا قاعده اقول بقلبي لايكون أنوار يارب أنها موهي لأن اعرف نفسي ماأمسك عمري
لما حطوني على الكرسي المتحرك وطلعوني وشفتها طلعت أنوار واقفه تنطرني وقفت السستر وقالتها لحظه وجت قعدت قدامي وقامت اطالعني وتقول شوق سامحيني وعيونها متروسة دموع ونا قلت سستر بسرعه وديني الجناح وأنوار قاعده تلحقني تقولي ولله ادري اني غلطانة ولله غلطانة تكفين ردي علي
أنا لما رحت الجناح طحت على سريري وقمت ابجي لدرجه السستر تقول ليش مخدمه كلها ماي أنا سكت مارديت عليها
لما فتحت تلفوني شفت ٣٠ مكالمه و مسجات من أنوار في مسج كاتبه فيه شوق ادري اني ظلمتج وعذبتج أنا كان مغسول مخي هذيك الفتره بسبه بندر أنا عبالي انة يحبني طلع جذاب وحقير وشوق في كلمه قلتيها لي ماأقدر انساها تذكرين لما قلتيلي راح تندمين عليه
ولله ياشوق أنا ندمانة حدي ولله
إنا لما قريت هالحجي حسيت فيها بس ماني قادره انسى الي صار بصراحه الي صارلي مو شوي
المهم جت امي وقالت شوق الدكتور يقول اليوم تطلعين
صج يمه الحمدلله قعدة المستشفى تذبح
لما رديت البيت حسيت نفسي انسانة ثانية ما ادري ليش
قلت لمي يما إمتحاناتي ما بقالها شي ونا رابعة ثانوي
قالت امي شوق ابدي ادرسي حاولي إذا موفاهمه شغله قوليلي عشان اجيبلج مدرسين المهم أنا ادرس نفسي غصب لأن صج نفسيتي تعبانة ومالي خلق لدراسة
وكنت قاعده افكر بانوار هي شلونها الحين قاعده تدرس ولا لا دقيت على سعاد أسألها عن أنوار ألو شلونج سعاد
سعاد:بخير يحياتي انت شلون صحتك
شوق:الحمدلله زينة صج شلون الدراسه
سعاد:ولله الحمدلله الدراسه اوكي انت ها بديتي تدرسين
شوق:إي ولله بديت بس ابي اسألج شلون أنوار
سعاد:أنوار زينة
شوق:هي تدرس ولا لا
سعاد:تبين الصراحه لا
شوق: ليش
سعاد:تعرفين ليش ونفسيتها اكس
شوق :سعاد كلميها قوليلها تدرس مابقا شي على إلإمتحانات اضغطي عليها
سعاد:ولله ياشوق دايم اكلمها تقول انشالله بس عشان اتسكتني
أقولج شي أنا بدق واشبك الخط ونت ظلي ساكته لا تكلمين اوكي
شوق:اوكي
سعاد :شلونج أنوار
أنوار:زينة
سعاد:كم ماده خلصتي
أنوار:مادتين
سعاد :الحمدلله
(طبعا لما سمعت صوتها الحزين قمت ابجي)
أنوار:سعاد شوق طلعت من المستشفى
سعاد:اي الحمدلله صحتها زينة
أنوار:زين هي تدرس الحين
سعاد:اي تدرس تبي تفتك من الثانوية
أنوار:تدرين سعوده طمنتي عليها خلاص بشد حيلي عشان أخلص معاها
سعاد :اي هذي أنوار الي اعرفها
يلا تامرين على شي
انوار سلامتج باي
سعاد:شوق ترى أنوار صكت التلفون....شفيج ساكته
شوق:مدري ياسعاد أحس انها محتاجتني
سعاد:شوق ليش ماتقصرين الشر وتعوذين من الشيطان وتردون لبعض
شوق:ماأقدر انسى إهانتها لي
باي سعاد
لما ادرس عقلي مو بالكتاب كنت اتذكر سوالفنا وضحكنا والأيام الحلوة إلي بينا ماأنسى يوم أنها دخلت علي فجأه تقعدني من النوم عشان اداوم
كنت لما أتذكر قلبي يحترق
المهم لما بدت إلإمتحانات طلبت الإداره عشان أمتحن لجنة خاصه كل هذا سويته عشان ما أشوف أنوار
لما رديت البيت دقت سعاد تقولي ليش ماداومتي قلت لها أنا لجنة خاصه سعاد أها خرعتيني عبالي انج تبين اتعيدين السنة
قلت لا شدعوة
سعاد:لا تشوفين شكل أنوار مخترعه عليج عباله ان خلاص بتعيدينيها
آخر يوم إمتحانات وآخر يوم بثنوية لما طلعت من اللجنة شفت البنات كلهم واقفين بيسلمون علي سلمت عليهم وقبل لا امشي بنت مسكت ايدي وقالت لي ما تبين تسلمين علي لما شفتها قلت ياأنوار انت ماخليتي شي لسلام ورحت وخليتها
أنا مدري شلون قلبي قسا عليها
قبل لا تطلع النتايج بيومين
تلفوني يدق
أنوار تدق علي وما رديت عليها وفوق خمس مسجات مكتوب شوق ردي علي
و٥٠مكالمة لم يرد عليها!!
ادري انكم منصدمين بس هذي الحقيقه
جاني مسج مكتوب فيه
شوق حلليني أنا بسافر اليوم لأن ماتدرين شبيصير
مع السلامه
لما قريت المسج ماأدري ليش خفت وقلت بقلبي انا محللتج ياأنوار
صارلي يومي من بعد سفره أنوار مو على بعضي وقمت ابجي احس خلاص صكتني نفسية احس اني حيييل اشتقت لأنوار وقلت خلاص ليمتى ونا بزعل عليها
مسكت تلفوني بدق عليها أحس اني ماأقدر خايفه مدري ليش
ومسكت نفسي ودقيت
رددت علي أختها نور
قلت لها وين أنوار
نور وهي تبجي قلت نور وين أنوار
نور:انوار سوت حادث وهي راده من العمره
شوق:شنو هي ونيها الحين
نور:شوق أنوار ماتت !!
شوق:أنا مصدومه ومنهاره لا نور انت جذابه أنوار ما ماتت
أنوار حبيتي مستحيل تموت
لا أنا إلي ذبحتها الحين لما بغيت اردلها هي تخليني وتروح
قمت اطق نفسي مثل المجنونة وأقول أنا الي ذبحتها امي دخلت غرفتي وشافتني ابجي تسألني شفيج اقولها يما أنوار ماتت وخلتني يما أنا ذبحتها امي قالت تعوذي من الشيطان هذا قضاءالله وقدره مايصير تعترضين علية يلا قومي اوديج العزا
لما وصلنا العزا شفت خوات انوار طاحين ومنهارات وجا أخوهم يقول امشو المغسله
غسلو أختكم أنا قلت بروح معاكم لما وصلت عند باب المغسله انهرت من البجي
وجا دوري عشان ادخل أشوف أنوار اول ماشفتها مغطينها بالكفن طحت عليها وحضنتها وقاعده اقول أنوار سامحني سامحيني انت تسمعيني صح أنوار لاتخليني بروحي تكفين أنوار انت حبيبتي وأختي وكل شي لما كشفت وجها انهرت اكثر واكثر لأني مو متصوره اعيش بدون أنوار لما جو ياخذونها عشان الدفنة أنا خلاص كرهت نفسي وقعدت اقول ليتها في ولا فيج الله يرحمج يا أنوار يغفرلج والحمدلله ماتت بعد ماعمرت جو خوات أنوار يهدوني يقولون لي حنا خواتها مابجينا عليها كثرج(ولله وناقاعده اكتب لكم ان دموعي تنزل ماني قادره اكمل)
لدرجه الناس قامو يعزوني أنا
بعد العزا دقت علي نور قالتلي شوق في أغراض من أنوار لج
أنا قلت الحين جاية آخذهم
لما وصلت البيت عطتني نور صندوق وفي أغراض
مافتحة إلا لما رديت البيت ودخلت غرفتي وصكرت الباب قعدت على السرير وفتحت الصندوق لقيت فيه كل الهدايا الي عطيتهم أنوار وكان في أشياء ذكريات من الصف الثالث الإبتدائي وصوري أنا وياها وأشياء كثيره كنت لما اشوف الصور أحطها على صدري وابجي كانت في صوره لما شفتها ضحكتني كانت أنوار شاده شعري وأنا ابجي بصوره
ولفت نظري بصندوق دفتر
مكتوب فيها مواقنا الحلوه ذكرياتنا وكانت كاتبه شوق زعلانة علي بس أنا شلون سويت فيها جذي
شوق تكفين سامحيني
ولله أحبج وأغليج
ونا اقرا مذكراتها أحس بغصه وخنقه لأني أنا الإنسانة الوحيده إلي كل شي بحياتها
هذي قصتي مع انوار الله يرحمها ابي اوصي كل شخص عنده صديق صدوق مثل أنوار مايزعله وذا صار ها الشي تراضو بسرعه لأني مريت بتجربه مايعلم فيها إلا رب العالمين بعدها بكم سنة تزوجت وجبت بنت وسميتها أنوار عشان رفيجتي الغالية جعل الله مثواها الجنة
تحياتي لكم
شوق
شلوووووووووونكم يا بنات شخباركم؟؟؟؟
عندي لكم قصة حصريا اول منتدى انزلها فيه
اول شي حبيت اقولكم انه صاحبة القصة اسمها شوق وتتنمى من كل من يقراها انة ينشرها عشان تستفيدون
وهذي القصة حقيقية
اخليكم مع القصة
(قصة شوق و أنوار)
أنا شوق رفيجه أنوار ابي اقولكم قصتي والكل ابيه يستفيد منها خصوصا الرفيجات حيل لأن الإنسان بدون توأم روحه مايسوى شي وموكل انسان يقدر يلقى توأم روحه بسهوله.. اخليكم تقرون القصه
أنا تعرفت على أنوار يوم كنت في الصف الثالث الإبتدائي
وابي اقولكم شلون تعرفت عليها كنت قاعده في الصف وانا طبعي هادية ما أحب اسولف كثير لكن إذا عصبت الكل ينحاش مني اما أنوار لسانها طويل وتحب السوالف وشيطانة ودايما تهاوش المهم ونا قاعده بالصف بروحي هي دخلت وقالت بنبره طفوليه:ليش قاعده بروحج؟أنا قلت ماابي اطلع أنوار:امشي معاي خلينا نسولف قلتلها يله لما طلعت معاها حسيت بربكه وخوف لأن كل بنات المدرسه يخافون منها بعدها طق الجرس وقلتها برد الصف هي عيت قالت لا توالناس وانا خايفه من الأبله وقلت لها ثاني مره برد وعيت فجأه طبت علينا الوكيله وقالت ليش ماتدخلون الحصه هي نطت وقالتلها شوق تبي تروح للحمام وغمزتلي وطبعا يعني ابي اكحلها أعميتها قلت اي ابله أنوار قالت روحي للحمام أنوار قامت تقرصني وأنا أقولها ليش تقرصيني الوكيله قامت تضحك علينا لكن عطت كل وحده قرصه محترمه ودخلتنا الصف طبعا أنوار أحقدت علي يوم خلصت الحصه طقتي طق وطبعا ماخليتها لها صرنا نتهاوش وصارو البنات يفرقونا طبعا صرنا مانكلم بعض وبعدها بسبوع شفت انوار تجبي أنا قلت بقلبي معقوله أنوار تجبي بعدها حاولت أتقرب منها وكانت تشوفني وأنا افتر عندها متردده لاأسألها بعدها نادتي انا استغربت طبعا رحت لها وقالتلي أنا ابوي مات أنا قلت لها صج ابوج مات وقالت ابي بابا يعيش ليش الناس يموتون أنا من هالموقف حبيت انوار واغليتها غلا لايعلم به إلا رب العالمين وكل مانكبر علاقتنا تكبر كانت أنوار بنسبه لي نفس أختي واكثر وكانت كل شي بحياتي لما كبرنا صرنا بالمتوسط تقريبا في الصف السابع كانت لنا شعبية بالمدرسه والكل وده يرافجنا طبعا أنا وياها مانعطي وجه وكنا مجنين الأبلات مره كنا في الصف طبعا مكانا معروف في الصف أخر شي وقاعدين حق السوالف و الضحك طبعا في مدرسه اسمهى ليليى كانت ابله ليله ثرمه ولما تسولف سعابيلها توصل لي آخر الصف أنا كنت شاطره اما أنوار كانت مو ذاك الزود بدراسه وكنت أنا الي دايم اغششها المهم ابله ليله شافتنا لاهين عن حصتها طبعا قالت بصوت عالي :أنوار قومي حلي المسأله(المسأله محلوله بس تبي تشوفنا معاها ولا لا) ردت أنوار:ابله فاهمتها بس ما اعرف اعوظ.ابله ليلي:أنوار باجر لا تجيبن امج تعالي عند الإخصائيه اسويلج استدعاء ولي امر وطبعا الكلام موجه لج بعد يا حلوه(قصدها علي) لما خلصت الحصه أنا وانوار حقدنا عليها قلت لنوار ابي اكتب شعر مصخره فيها لأنها باطه جبدي قالت انوار انت اكتبي ونا علي النشر
انا اتذكر من الشعر الا بيت واحد لأن بصراحه يضحك
(هاذي الكويت غدت خضرا*يوم ليلي سعبلت فيها)ادري انة فصله المهم أنوار أخذت الورقه ونشرتها بين البنات المهم كان علي رياضيات وأنوار الخبله حاطه الشعر بالدرج وقاعده تشوف ابله ليلى وتضحك ابله ليله شكت في الموضوع وقالت أنوار طلعي الورقة الي بدرج
أنوار جت بشتق الورقة إلا قالتلها الأبله إذا شقيتيها ياويلج
طبعا أنا مت من الخوف وقلبي طاح بطني اخذت الأبله الورقه وقرتها وقالت زيييين ياأنوار
ثاني يوم جت الإخصائية مع ابله ليله الصف وطلبو أنوار برا عشان يكلمونها أنا أعصابي تلفت من التفكير لأني خايفه لايعرفون اني انا كاتبته ظلت أنوار برا وطولو ونا طليت ابي اشوف شصاير إلا مالقيتهم طق جرس الحصه ورحت اركض ادور على رفيجتي إلا هي بمكتب الناظره قاعده تقول لها قولي اسم البنت ومانقول انة انت الي قلتي هي يا حياتي مارضت تعلم كانت تقول ماأدري شفت الورقة طايحه بالأرض وخذتها وضغطو عليها وصارت تجي أنوار أنا لما شفت دموعها دخلت بكل جراءه وقلت ابله أنا الي كاتبه الورقة طبعا الأبلات منصدمين أنوار قالت لا ابله جذابه الورقة طايحه بالارض هي تقول جذي بس عشان اطلعني من السالفة
الناظره بصوت عالي:خلاص انت وياها فصل ٣ايام عشان اريح راسي يلا برا
أنا وأنوار طلعنا من المكتب فاصلين من الضحك ولما وصلنا الصف ضمتي حييييل وقالتي أحبج أحبج يا أغلى البشر أنا قلت لها ونت يا النوري تطمني مافي أحد يقدر ياخذ مكانج يالغلا
لما صرنا بصف التاسع آخر سنة في المتوسط طبعا شايفين حالنا يعني كبار مانرد على أحد مره كنا انا والنورتي مهربين من حصه الماخوذه
ابلتنا العربي وكنا قاعدين ورا مسجد المدرسه أنا وأنوار سمعنا صوت الوكيله هي وجها مسوية حمله تفتيش أنا قلت أنوار شنسوي اكيد راح اطيح علينا قالت انوار:شوق شوفي الشبك؟أنا قلت اي شبكأنوار:شوفي الشبك الي قدامج فيه فتحة خن ندخل داخل وذا راحت نطلع ننخش بالحمام
أنا قلت يالهبله صج مجنونة منين تجيبين هالأفكار
عاد أنوار جرتني ودخلنا بالفتحه والفتحه مكانها استراتيجي مغطية بشجر لو شنو محد يقدر يطيح علينا المهم وأحنا داخل نشوف كل شي مرت من عندنا الوكيله وقالتي أنوار شوفي شوق شبسوي مسكت صخره وحذفتها عليها وقامت انوار تنابح ههههو هو هو كأنها جلب لووووول الله لايوركم شلون كان شكل الوكيله وهي ميته من الخوف شكلها فصله الوكيله مسكت خطها وراحت للإداره طبعا أنا قمت ابجي من الضحك لماطلعنا من مخبأنا السري وسمعنا الجرس رحنا ركض للصف ودخلنا الحصه بعدها بنص الحصه دخلت الناظره و الوكيله عشان يقيمون الأبله انا وأنوار لما شفنا الوكيله صرنا طالع بعض ونضحك تذكرنا الدقه الي سويناها فيها ما قدرنا نسكت من الضحك قاعدين نسكت اعمارنا غصب
صج أنا وانوار مجنن
ومره ودونا رحله المدرسه للنادي العلمي كنا نفتر على الطاولات وكانو الناس يشرحون لنا تجاربهم أنا طاحت عيني على طاوله متروسه أنابيب إختبار وشكلها حيل حلوه وأشرت للأنوار وقلت لها امشي هناك تسللنا شوي شوي عشان محد يجكنا لما وصلنا لطاوله في لوحه مكتوب عليها ممنوع اللمس وانوار قالت ولله لألمسها اول مالمست الأنابيب كلهم طاحو وتكسروا وكل إلي بالنادي شافونا ونا الخبله طالعت جنبي مالقيت أنوار البنت مسكت خطها ونحاشت ولا كأن صاير شي طبعا وجهي قام يقط الوان وإحراج موطبيعي لأن كل إلي بصاله يطالعوني وأنوار ميته من الضحك علي والأبله زفتي زف اول ماركبت الباص طحت بكسات وطراقات بأنوار ولما اطقها تضحك تقول خخخخ لو انج شايفه شكلج قبل شوي ههههاااااي ونا اقولها اقول مو زودتها شوي وقمت أضحك أنا وياها
أنا وأنوار كنا معروفين بالمشاكل لدرجه أنه لما تصير اي مشكله ينادونا أنا وانوار
والكل عارفنا
صج كانت ايام حلوه
لما كبرنا شوي وصرنا بثانوية أنوار قالتي كلمه ماأقدر انساها قالت شوق أخاف يجي يوم أكون انا بطريق ونت بطريق وضمتي وقامت تبجي أنا مسحت دموعها وقلت النوري انا وياج شخص واحد لاتخافين
والحمدلله وأنا منعرفتج وأنا وياج بصف واحد الله لايفرقنا
مره أنا وأنوار كنا ميتين جوع واصدف يوم كنا مو جايبين مصروف لا أنا ولا هي أنوار تصرخ جوعاااانة
مرينا أنا وأنوار من عند قسم العربي وشمينا ريحة اجيب العافية طلينا إلا ابلات العربي مسوين بوفية لماخلصو الأبلات قلت لنوار أشراج ندخل ناخذ اكل ونطلع قالتلي يالا امشي المهم لما قربنا من الباب حاولنة نفتحه مقفل قالت أنوار مالي شغل آكل يعني آكل بعدها قلت أنوار شوفي الدريشه مفتوحة قالت خلاص امسكيني أنا اطب أوكي عاد انا حذفت عليها الكيس عشان تعبيه وقالت الله ياشوق لو تشوفين الأكل شكله يذبح!!! أنا قلت خلصينا في صوت بسرعه أنوار:شوق توهقت شلون اطلع!
شوق:اقول بسرعه حطي ايشي كرسي او طاوله بسرعه
لووول لا تشوفون أشكالنا تموت من الضحك أنوار: زين هذا الأكل وين ناكل والجرس طق الحين أنا قلت ماكو إلاسطح المدرسه امشي
ولله أنا وياج صج مهبل رحنا السطح وفتحنا الكيس ودقينا بالخمس عاد أنا قلت أنوار أنا خايفه
انوار :ليش بالله
قلت أخاف احد يطيح علينا لما طق الجرس نزلنا ومسكتنا الخدامه وقالت ليش انت يروح فوق ستح أنوار:انت شكو يلا مناك
الخدامة:أنا يقول حق نازره
أنوار :لا لا عفية لايقول حق نازره أنا اعطيج بكره فلوس زين
الخدامه:كم يعطي
انوار:٥ دينار
طبعا شفطنا للخدامه وعطيناها طاف
لووول وكل يوم جايه تقول وين فلوس إذا ما يعطي يقول حق نازره
أنوار:أقول أنقلعي انا بكره يروح عند نازره يقول سوما ياخذ فلوس من بنات
طبعا سوما شوي وتحب إيدينا تقول كلاس ماما أنا في بيبي بعدين نازره ودي مكتب
أنوار خلاص روحي بسرعة
أنا قلت لها يالملعونة منين تجيبين هالأفكار
قالتلي بضحكه سر والمخفي اعظم هههه
طبعا تعرفون الثانوية بنات جدد وعلاقات جديده مابي اجذب عليكم كنت لما أشوف أنوار تمشي مع البنات اموت من القهر وكنت اشوف معاها دفتر لما اقولها أنوار عطيني الدفتر كانت ماترضا وبصراحه حز هالشي بخاطري أنا كنت امشي مع أنوار بالفرصه إلا جت بنت اسمها فاطمه قالت أنوار تعالي جبت صور له جديده تهبل تعالي شوفيهم وأنوار هدت ايدي وراحت تركض لها أنا طبعا انصدمت شلون أنوار هدتني بهطريقه شلون
ومسكت نفسي شوي ولما رحت بشوف شسالفه شفت أنوار مندمجه مع الصور ولما قربت انقزتها فاطمه وخشت الصور طبعا أنا من الصدمه نزلت دموعي ورحت وخليتها أنوار فزت لما شافت دموعي لما قامت بتلحقني قالتلها فاطمه يامعوده خليها ماعليج هذا دلع أنا رحت للصف اركض قعدت على طاولتي وابجي من الي سمعته أنوار توأم روحي ماتسألني ليش تبجين؟
بنات صفي كلهم يقولون لي شواقه شفيج ترى الدنيا ماتسوى طبعا أنا ماعطيت البنات وجة ورحت عند الإخصائية ودقيت على ابوي لأن بصراحه ماني قادره اقعد بالمدرسه دخلت الصف وكان علينا إسلامية قالت الأبله عسا ماشر شفيج ياشوق تبجين طالعت أنوار بنظره وقلت للأبله تعبانة شوي بطلع أخذت أغراضي وطلعت
وطلعت وراي أنوار ونا ماشية للأداره أنوار تكلمني تقول شوق شفيج ليش زعلانة علي ونا ماشية بصمت ولا رديت عليها وصلتني لي عند ابوي وأهي تقول ردي علي شفيج؟
رديت البيت ولما صارت الساعه ٢ الظهر باب بيتنا يطق راح اخوي فتح الباب وجاني يركض يقولي عندي لج مفاجئة قلتله شنو قالي منو توقعين الي قاعد تحت بصاله مع امي قلت له بلا سخافه قول بسرعه قالي أنوار أنا انصدمت لما قالي قلت له وهالكلام موطالع من قلبي
قولها شوق نايمه قال طلال شوق شسالفه انت متهاوشه مع انوار قلتله موشغلك المهم طلع طلال من الغرفه ونا قفلت الباب علي وقمت افكر وانا على فراشي ليش جت أنوار ؟فجأه إلا يطق باب غرفتي قلت منو قالت شوق أنا حبيبتج وتوأم روحج افتحي رحت شوي شوي وفتحت الباب اول ما فتحت الباب إلا اشوف دموعها ما قدرت امسك نفسي وقمت ابجي حيييل هي لمتني ونا ظليت واقفه قالت شوق أنا حيوانة وحقيره لأني ضايقتج قلت لها أنوار انت اول مره تخشين عني شي ليش تغيرتي لما عرفتي فاطمه اكيد هي الي غيرتج علي أنوار لاحرام عليج فاطمه طيبه أنا قلت اي واضح طيبة زين أنوار ابي اسألج وبصراحه ردي علي أنوار قولي
صور منو إلي كنت تشوفينهم؟
انوار ترددت وقالت شوق بصراحه هذي صور بندر أخو فاطمه
شوق:ليش ونت شعلاقتج فيه أنوار: شوق هو يحبني وأنا أحبه
أنا مصدووومه من هالكلام الي اسمعه وقلت لها من متى عرفتيه وشلون تعرفتي عليه أنوار :شافني بالهده وقال لخته جيبيلي رقمها أنا قلت انوار انت بهالسهوله صرت جذي صدقيني راح تندميييين
أنوار:شوق يحياتي افهميني انت تدرين هذي آخر سنة بثانوية خليها تعدي على خير أنا قلت لها خير انشالله
أنوار :أنا الحين برد بيتنا باجر اشوفج ياغلاتي
ثاني يوم لما داومنا لما شفت أنوار وخليت الوضع طبيعي سلمت عليها وقالت فديت خدودج ولله عاد مرت فاطمه وسلمت على أنوار وجت بتسلم علي قلت لها بعدي مابي سلامج فاطمه انصدمت وماتت من القهر قالت ترى حتى أنا ماني ميته عليج اصلا كنت بسلم عليج بس عشان اجامل أنوار ولا منو ينزل نفسه عشانج وراحت ونا ماخليتها لها سبيتها سب من القهر الي فيني وطالع جنبي إلا مافي أحد قاعده أقول وين انوار واطالع جدام إلا هي راحت تراضي فاطمه عشان حبيب القلب بندر أنا خلاص ماقدرت أتحمل إلي يصير أنا خليتهم ورحت أتمشى مع رفيجاتي عشان انسى إلي صار بس ماني قادره ولما اشوف فاطمه مع أنوار كان قلبي يحترق والحين صارت علاقتنا مو ذاك الزود الحين لما اطلع او أغيب عن المدرسه ما تدق ولا تسأل عني مثل أول كنت لما ادخل الصف اطالعها ماخذه فاطمة بزاوية وسوالف وضحك طبعا إلإحساس إلي أحس فيه أحساس يخنق ما أعرف شسوي كنت أحسسهم انهم ماهموني وكانت فاطمه مستغله الفرصه كانت تقول شفتي شوق الحين تعرفت على بنات ونستج شوفيها صارلها شهر ماتسأل عنج ومعطيتج طاف أنوار :اي ولله مدري شفيها علي
فاطمة: صج بقولج سالفه تدرين انة شوق تغير منج
أنوار:مستحيل شوق تغير مني
فاطمه:بلاج ما تدرين شتسوي
انوار:شمسوية
فاطمه بندر أخوي قالي انه شوق تكلمه وتقوله انة أنوار ماتحبك تحب واحد ثاني
أنوار:من صجج!
فاطمه :إذا مو مصدقتني دقي على بندر واسئليه
أنوار:الخاينة لهدرجه توصل فيها تدق على بندر أنا اوريها
طبعا أنا كنت قاعده مع رفيجاتي ما حسيت إلا وحده جارتي من حجابي وعطتني طراق لما شفتها طلعت أنوار انا انصدمت وقلت لها أنوار اطقيني أنا شوق أنوار كملت اطق فيني أنا خليتها اطقني وتقول الله ياخذ الساعه الي عرفتج فيها يا خاينة انت الحين ماتسوين شي عندي انا شفت فاطمه قاعده تضحك دريت انة إلي صاير من تحت راسها
أنا طحت ابجي ومنهاره معقوله رفيجة عمري وحبيبتي تمد ايدها علي آخخخ ياليتني ميته ولا أشوف هاليوم
قعدت سبوع كامل بالبيت لأن مالي خلق للمدرسه وامي جتني شفيج ياشوق ماتبين اداومين قعدت ابجي وامي ضمتني وقالتي اكيد انوار الي مزعلتج قلت لها يما أنوار ماتبيني و مدت ايدها علي
معقوله يابنيتي انوار جذي تسوي إي يما
زين قومي كولي شي صارلج فتره مو ماكله
يما ولله مالي نفس
لما قعدت الصبح امي جت لغرفتي وقالتلي شوق داومي ظاعت الحصص عليج قلتلها انشالله يما أنا بداوم عشانج
لما دخلت الصف طبعا أخذت كرسي وقعدت قدام فجأه إلا طاحت عيني بعين أنوار كانت نظرتها نظره الحاقده لماطق الجرس مرت من عندي فاطمة وأنوار وكانو ويتشمتون فيني انا لماسمعت الحجي ماقدرت أتحمل واغمى علي من التعب ولما قعد شفت نفسي بسرير المستشفى وامي عندي قلت لمي يما أنا شفيني قالتلي توج طلعتي من غرفه العمليات ليش يما لان صار عندج إلتهاب بالمراره لأن ما تاكلين كل هذا بسبه انوار انا اوريها زين يما منو جابني للمستشفى ابلتج وكان ينزل من راسج دم
شوفي أنا بروح البيت ارتاح والعصر اجي اوكي ديري بالج على نفسج انشالله يما
دق تلفوني إلارفيجتي سعاد هلا شوق سلامات
شوق:الله يسلمج
سعاد:شوق عندج احد؟
شوق:لا ماكو احد
سعاد:بجي الحين
شوق:حياج لاتأخرين
جتني سعاد وسلمت علي
قالتلي شوق بقولج شي
ترى أنوار لما شافتج بالمدرسه طايحه راحت اركضت وقعدت تهزج وتبجي خايفه عليج كانت تقولج شوق قومي قومي ولا شافت الدم ينزل من راسج قالت كلا مني أنا الي سويت فيها جذي وذبحت فاطمة من اطق تقول لها كلا منج تدرين أنهاندمانة على الي سوته معاج ومالها وجه تشوفج أنا قلت عقب شنو ياسعاد خلاص أنا مابيها كافي الي جاني من تحت راسها سعاد انت تدرين بسالفه كلها وبسألج ليش طقتني أنوار شسامعه عني سعاد:شوفي شوق أنا بقولج فاطمه قايله أنج داقه على بندر وقالتله انه فاطمه ماتحبك تحب واحد ثاني وقامت تزود حجي وانت عاد تعرفين فطوم
شوق:مسحيل أنا اسوي جذي هي شلون تصدق فيني
سعاد:الله يسامحهم تامرين على شي
شوق:لا سلامتج
سعاد :انتبهي لصحتج وطنش تعش تنتعش فديت الضحكة ولله
طبعا سعاد ماسكتت وراحت دقت على أنوار
أنوار:سعاد تكفين بشريني شلون شوق الحين؟
سعاد:ليش يهمج الموضوع؟
أنوار:سعاد خلصيني شلونها
سعاد:تبين الصراحه موزينة
أنوار وهي تبجي : آخ مني ليش سويت فيها جذي بس شسوي هي حدتني على جذي
سعاد:ونت لحد الحين مصدقه كلام فاطمة؟
أنوار:ليش فاطمه جذابه
سعاد :ياحلوج ياأنوار يالله شنو الدليل أنة شوق كلمت بندر؟
أنوار:خلاص سعاد أنا بدق علية واشبك الخط وتسمعين بذنج اوكي
أنوار:شلونك بندر
بندر:هلا حياتي أنا بخير
أنوار:بندر بسألك سؤال وياليت اتجاوبني بصراحه
بندر:امري
أنوار:في بنت دقت عليك اسمها شوق وقالت عني شي
بندر:لا ولله محد دق علي الإ البنات الي لعبت عليهم
أنوار:شنو محد دق عليك زين لايكون أنا وحده من إلي تلعب عليهم
بندر:اي شعبالج لايكون مصدقة عمرج
أنوار صكت التلفون بوجه وقالت حق سعاد الحقير الكلب
سعاد :ياليتج ماتسرعتي
أنوار:ياقلبي ياشوق شلون تحملتيني يا ليتني ميته ولا اسوي بأغلى انسانه جذي أقولج شي ياسعاد
سعاد:قولي
أنوار:تدرين أن شوق قالتلي كلمه ما أقدر انساها كانت تقول لما درت بسالفة بندر أنوار راح تندمييين
سعاد :ياسبحان الله جنها دارية انة بصير جذي
أنوار :تكفين سعاد ابي اشوف شوق
سعاد:ولله ياأنوار شوق تعبت منج وأخذت منج موقف وما أظن بتنسى بهالسهوله
أنوار بنبره حزن والم:آخخخخ يابعد عمري ياشوق أنا بدق عليها وذا صكته بوجهي أنا راضية
سعاد :باي
يوم كنت بالمستشفى وبغرفه تبديل الضماد تلفوني دق وتدرون شنو النغمه(أنت غير الناس عندي أنت عندي شي كبير كيف بصبر وأتحمل ناس من حولك)أنا مستغربه أنوار تدق ليش مارديت عليها
يمكن دقت اكثر من خمس مرات ورا بعض لدرجه أني قمت اصكه بوجها
وقالي الدكتور ماتردي ياشوق ؟أنا عاوز أغير الشاش
أنا قلت خلاص دكتور صكيت الجهاز...
أنا ماني يم الدكتور تفكيري كله منصب على أنوار
فجأه لفت نظري الباب لأن باب الغرفة في جام (زجاج)
في بنت واقفه اطالعني أنا قاعده اقول بقلبي لايكون أنوار يارب أنها موهي لأن اعرف نفسي ماأمسك عمري
لما حطوني على الكرسي المتحرك وطلعوني وشفتها طلعت أنوار واقفه تنطرني وقفت السستر وقالتها لحظه وجت قعدت قدامي وقامت اطالعني وتقول شوق سامحيني وعيونها متروسة دموع ونا قلت سستر بسرعه وديني الجناح وأنوار قاعده تلحقني تقولي ولله ادري اني غلطانة ولله غلطانة تكفين ردي علي
أنا لما رحت الجناح طحت على سريري وقمت ابجي لدرجه السستر تقول ليش مخدمه كلها ماي أنا سكت مارديت عليها
لما فتحت تلفوني شفت ٣٠ مكالمه و مسجات من أنوار في مسج كاتبه فيه شوق ادري اني ظلمتج وعذبتج أنا كان مغسول مخي هذيك الفتره بسبه بندر أنا عبالي انة يحبني طلع جذاب وحقير وشوق في كلمه قلتيها لي ماأقدر انساها تذكرين لما قلتيلي راح تندمين عليه
ولله ياشوق أنا ندمانة حدي ولله
إنا لما قريت هالحجي حسيت فيها بس ماني قادره انسى الي صار بصراحه الي صارلي مو شوي
المهم جت امي وقالت شوق الدكتور يقول اليوم تطلعين
صج يمه الحمدلله قعدة المستشفى تذبح
لما رديت البيت حسيت نفسي انسانة ثانية ما ادري ليش
قلت لمي يما إمتحاناتي ما بقالها شي ونا رابعة ثانوي
قالت امي شوق ابدي ادرسي حاولي إذا موفاهمه شغله قوليلي عشان اجيبلج مدرسين المهم أنا ادرس نفسي غصب لأن صج نفسيتي تعبانة ومالي خلق لدراسة
وكنت قاعده افكر بانوار هي شلونها الحين قاعده تدرس ولا لا دقيت على سعاد أسألها عن أنوار ألو شلونج سعاد
سعاد:بخير يحياتي انت شلون صحتك
شوق:الحمدلله زينة صج شلون الدراسه
سعاد:ولله الحمدلله الدراسه اوكي انت ها بديتي تدرسين
شوق:إي ولله بديت بس ابي اسألج شلون أنوار
سعاد:أنوار زينة
شوق:هي تدرس ولا لا
سعاد:تبين الصراحه لا
شوق: ليش
سعاد:تعرفين ليش ونفسيتها اكس
شوق :سعاد كلميها قوليلها تدرس مابقا شي على إلإمتحانات اضغطي عليها
سعاد:ولله ياشوق دايم اكلمها تقول انشالله بس عشان اتسكتني
أقولج شي أنا بدق واشبك الخط ونت ظلي ساكته لا تكلمين اوكي
شوق:اوكي
سعاد :شلونج أنوار
أنوار:زينة
سعاد:كم ماده خلصتي
أنوار:مادتين
سعاد :الحمدلله
(طبعا لما سمعت صوتها الحزين قمت ابجي)
أنوار:سعاد شوق طلعت من المستشفى
سعاد:اي الحمدلله صحتها زينة
أنوار:زين هي تدرس الحين
سعاد:اي تدرس تبي تفتك من الثانوية
أنوار:تدرين سعوده طمنتي عليها خلاص بشد حيلي عشان أخلص معاها
سعاد :اي هذي أنوار الي اعرفها
يلا تامرين على شي
انوار سلامتج باي
سعاد:شوق ترى أنوار صكت التلفون....شفيج ساكته
شوق:مدري ياسعاد أحس انها محتاجتني
سعاد:شوق ليش ماتقصرين الشر وتعوذين من الشيطان وتردون لبعض
شوق:ماأقدر انسى إهانتها لي
باي سعاد
لما ادرس عقلي مو بالكتاب كنت اتذكر سوالفنا وضحكنا والأيام الحلوة إلي بينا ماأنسى يوم أنها دخلت علي فجأه تقعدني من النوم عشان اداوم
كنت لما أتذكر قلبي يحترق
المهم لما بدت إلإمتحانات طلبت الإداره عشان أمتحن لجنة خاصه كل هذا سويته عشان ما أشوف أنوار
لما رديت البيت دقت سعاد تقولي ليش ماداومتي قلت لها أنا لجنة خاصه سعاد أها خرعتيني عبالي انج تبين اتعيدين السنة
قلت لا شدعوة
سعاد:لا تشوفين شكل أنوار مخترعه عليج عباله ان خلاص بتعيدينيها
آخر يوم إمتحانات وآخر يوم بثنوية لما طلعت من اللجنة شفت البنات كلهم واقفين بيسلمون علي سلمت عليهم وقبل لا امشي بنت مسكت ايدي وقالت لي ما تبين تسلمين علي لما شفتها قلت ياأنوار انت ماخليتي شي لسلام ورحت وخليتها
أنا مدري شلون قلبي قسا عليها
قبل لا تطلع النتايج بيومين
تلفوني يدق
أنوار تدق علي وما رديت عليها وفوق خمس مسجات مكتوب شوق ردي علي
و٥٠مكالمة لم يرد عليها!!
ادري انكم منصدمين بس هذي الحقيقه
جاني مسج مكتوب فيه
شوق حلليني أنا بسافر اليوم لأن ماتدرين شبيصير
مع السلامه
لما قريت المسج ماأدري ليش خفت وقلت بقلبي انا محللتج ياأنوار
صارلي يومي من بعد سفره أنوار مو على بعضي وقمت ابجي احس خلاص صكتني نفسية احس اني حيييل اشتقت لأنوار وقلت خلاص ليمتى ونا بزعل عليها
مسكت تلفوني بدق عليها أحس اني ماأقدر خايفه مدري ليش
ومسكت نفسي ودقيت
رددت علي أختها نور
قلت لها وين أنوار
نور وهي تبجي قلت نور وين أنوار
نور:انوار سوت حادث وهي راده من العمره
شوق:شنو هي ونيها الحين
نور:شوق أنوار ماتت !!
شوق:أنا مصدومه ومنهاره لا نور انت جذابه أنوار ما ماتت
أنوار حبيتي مستحيل تموت
لا أنا إلي ذبحتها الحين لما بغيت اردلها هي تخليني وتروح
قمت اطق نفسي مثل المجنونة وأقول أنا الي ذبحتها امي دخلت غرفتي وشافتني ابجي تسألني شفيج اقولها يما أنوار ماتت وخلتني يما أنا ذبحتها امي قالت تعوذي من الشيطان هذا قضاءالله وقدره مايصير تعترضين علية يلا قومي اوديج العزا
لما وصلنا العزا شفت خوات انوار طاحين ومنهارات وجا أخوهم يقول امشو المغسله
غسلو أختكم أنا قلت بروح معاكم لما وصلت عند باب المغسله انهرت من البجي
وجا دوري عشان ادخل أشوف أنوار اول ماشفتها مغطينها بالكفن طحت عليها وحضنتها وقاعده اقول أنوار سامحني سامحيني انت تسمعيني صح أنوار لاتخليني بروحي تكفين أنوار انت حبيبتي وأختي وكل شي لما كشفت وجها انهرت اكثر واكثر لأني مو متصوره اعيش بدون أنوار لما جو ياخذونها عشان الدفنة أنا خلاص كرهت نفسي وقعدت اقول ليتها في ولا فيج الله يرحمج يا أنوار يغفرلج والحمدلله ماتت بعد ماعمرت جو خوات أنوار يهدوني يقولون لي حنا خواتها مابجينا عليها كثرج(ولله وناقاعده اكتب لكم ان دموعي تنزل ماني قادره اكمل)
لدرجه الناس قامو يعزوني أنا
بعد العزا دقت علي نور قالتلي شوق في أغراض من أنوار لج
أنا قلت الحين جاية آخذهم
لما وصلت البيت عطتني نور صندوق وفي أغراض
مافتحة إلا لما رديت البيت ودخلت غرفتي وصكرت الباب قعدت على السرير وفتحت الصندوق لقيت فيه كل الهدايا الي عطيتهم أنوار وكان في أشياء ذكريات من الصف الثالث الإبتدائي وصوري أنا وياها وأشياء كثيره كنت لما اشوف الصور أحطها على صدري وابجي كانت في صوره لما شفتها ضحكتني كانت أنوار شاده شعري وأنا ابجي بصوره
ولفت نظري بصندوق دفتر
مكتوب فيها مواقنا الحلوه ذكرياتنا وكانت كاتبه شوق زعلانة علي بس أنا شلون سويت فيها جذي
شوق تكفين سامحيني
ولله أحبج وأغليج
ونا اقرا مذكراتها أحس بغصه وخنقه لأني أنا الإنسانة الوحيده إلي كل شي بحياتها
هذي قصتي مع انوار الله يرحمها ابي اوصي كل شخص عنده صديق صدوق مثل أنوار مايزعله وذا صار ها الشي تراضو بسرعه لأني مريت بتجربه مايعلم فيها إلا رب العالمين بعدها بكم سنة تزوجت وجبت بنت وسميتها أنوار عشان رفيجتي الغالية جعل الله مثواها الجنة
تحياتي لكم
شوق
