حشوات للسمبوسه

[المنقذه]

السلام عليكم ورحمة الله وبركاته

رمضان ع الابواب وتقبل الله منا ومنكم ان شاء الله..

وهذي بعض خلطاتي (حشوات)للسمبوسه ..

1-بطاطس بالشبنت

شدة شبنت مفرومه(مقطعه)-بصله مفرومه-5حبات بطاطس مسلوقه مع ملعقةش ملح ومهروسه-ملعقة بهار(بزار مخلوط)-فلفل اخضر حار (حسب الرغبه)-نصف ملعقة ش ثوم -نصف ملعقة شاي ملح-ملعقتين زيت

نحمس البصل في الزيت ونحط عليه الشبنت والثوم ونخلط ونضيف البهار والملح والفلفل
ماراح ياخذ دقيقتين ونطفي النار ونضيف البطاطس ونخلطهم ونحشي السمبوسه

2-دجاج بالبشمل(هذي صار لي 7 سنين اسويها ويحبونها العيال)

صحن سدور دجاج(من غير عظم)-بصله مفرومه ناعم جدا-صحن مشروم طازج-جبن كرافت شدر المتوسط(المعدن)-كأس باشمل-رشة ملح وفلفل اسود-ملقة ط زيت.

نحمس البصل في الزيت ع خفيف ونطفي النار
نسلق الدجاج ونقطعه(نسلجه)
نقطع المشروم قطع صغيرة ونضعه ع النار وراح يطلع منه ماء ونخليه لما ينشف ماراح
ياخذ دقيقتين
نبشر الجبن
نضع الدجاج ع البصل ثم نضيف المشروم والجبن ورشة الملح والفلفل الاسود وآخر شئ نضيف الباشمل ونخلط زين ونحشي السمبوسه
الباشمل(ملعقة ط سمن ع النار ونضع عليها ملعقة طحين ونخلط بسرعه ونضيف كأس
حليب سائل ونخلط حتى يثقل القوام قليلا)

3-سمبوسة الخضار.
بصلتين مفرومتين-ملعقتين ط كزبرة طازجه ومفرومه-كيس خضار مثلجه-1بطاطس مقطعه مربعات صغيرة ومسلوقه ربع ساعه-فلفل اخضر حار حسب الرغبه-مكعب ماجي-رشة ملح وفلفل اسود-نصف ملعقة ش بهار مخلوط- ملعقتين ط زيت

نسلق الخضار مع مكعب الماجي بحيث الماء مجرد يغطي الخضار ونخليه لما ينشف
نحمس البصل في الزيت ونضيف الكزبرة والبهار والفلفل الاسود والاخضر والملح
ثم نضيف الخلطه ع الخضار والبطاطس ونحشي.

4-خلطة الاجبان
علبة جبن موزاريلا مبشورة- شريحتين من جبن فيتا- علبة جبن حلوم مبشورة- ملعقة ط نعناع مجفف

نخلط الاجبان بالخلاط ثم نضيف النعناع ونحشي.

5-جبن كرافت شدر(متوسط) مبشور-3 حبات بطاطس مسلوقه مع ملعقة ش ملح-علبة جبن موزاريلا مبشورة.

نخلطهم ونحشي..


وبالعافيه.. لاني تعبت وانا اكتب واي استفسار انا حاضرة

 

[جارة القمر]

ماشاء الله تبارك الرحمن


وتسلم ايدج حبيبتي

 

[ضحكة الدنيا]

تسلمين حبيبتى ويعطيج العافيه

 

[[]نهاوند[]]

مشكوره اختي على الحشوات

 

[DKNY]

ماشاء الله افكارك مرررررررره حلوه
يسلمووووووو

 

[المنقذه]

عزيزتي جارة القمر..

يسعدني ردج الاول..

بارك الله فيج وعساج سالمه..

 

[المنقذه]

ضحكة الدنيا

[]نهاوند[]

Dkny

الله يعافيكم والاحلى مروركم.. ومانحرم من طلتكم

بارك الله فيكم

 

[q8-SoOoFi-q8]

مشكوووورة وااايد
والله يعطيج العافية ...
وتقبل الله طاعتج مقدماً....

 

[الوردة المكنونة]

يعطيج العافيه

انا صارلي يومين امبلشه اسوي واثلج

وان شاء الله باخذ من هالحشوات للسمبوسه

 

[المنقذه]

WhiteChocolate

منا ومنج صالح الاعمال..

والشكر لج عزيزتي ع تشريفج الموضوع

تحياتي لج وبالتوفيق

 

[المنقذه]

الوردة المكنونة

بالعافيه عزيزتي ..وان شاء الله بتعجبج..

شاكرة ردج الكريم وبالتوفيق