حشرة الخشب

[ملامح بريئة]

موضوع هام عانين منه و انا ناقلته من منتدى ثاني للفايدة
انا عانيت من هالحشره
كنت سافرت اربعه شهور بعدها رجعت نظفت البيت وكل شي حتى اني نظفت مرتبه السرير ورفعتها كلها ونفضتها من الغبره وكل شي تمااام
والحمد لله وبدلت شراشف السرير

بعدها باسبوع القلى جسمي كله بقع حمرااا كبيره مع حكه في اليل

المهم احترت ياربي من وين هالشي الدكتوره تقول المرض اسمه ارتيكاريا حشريه
جلست افكر من وين الحشره

المهم ويوم انا كنت تعبانه ومسدوحه على السرير وقافله اللمبه وفيه ضو ءخفيف من الصاله وكنت فاتحه كتاب ادرس عندي اختبار




خخخخخخخخخ لا تستغربون اي قاعده ادرس وانا مقفله اللمبه لاني كنت تعباانه بتوحم ومو قادره اجلس فقررت ازاكر بهالطريقه المهم وانا بقرا في الكتاب واشوف حشره غريبه على الصفحه المفتوحه واقفل الكتاب بقوه
بعد مافتحته القى الصفحه كلها دم
ركضت افتح النور الله لايوريكم والله يابنات شافطه دم حسبي الله عليها

عرفت انها اكيد من خشب السريرارفع الخشب مافي شي اناظر في المرتبه زي الفل مافيها شي

ادور ادور مافي
اليوم اللي بعده كشفت اللحاف وخليت المرتبه بدون شرشف وقفلت اللمبه بعد فتره القى وحده طلعت جيت بقتلها
عارفين وش سوت
اتخبت بين ثنيه كانت موجوده في المرتبه المهم فتحت الثنيه لقيت امم وخلايق المشكله انه حتى لما فتحت الثنيه لانها ضيقه لقيتها داااخله مره داخلها كانها لاصقه
ماقدرت اطلعهم ولما طبعا الثنيه ماتفتحيها ماتلاحظين انها داخلها

خلاص عرفت مكانهم طريقه القضاء عليها سهله

اول شي تجيبين الادوات هدي
بف باف او ريد


نفتالين ماعندي صورته بس معروف

شمس واللي ماتعرف الشمس هنا صورتها خخخخخخخخ

الطريقه
شيلي الخشب حقت السرير وحطيها في الارض
جيبي بخاخ بف باف وبخي على كل منطقه فيها
وبخي تحت السرير

بخي على المرتبه والثنيات

بعد هالشي افتحي الدريشه علشان الشمس هي اللي فعلا تقضي عليها وماتخلها ترجع لبيتك

انا خليت الدريشه اسبوع كامل وماشاء الله الشمس طول الوقت تسطع على الخشب والمرتبه

بعد اسبوع كل شي راح يكون تمام الحمد لله

جيبي المكنسه الكهربائيه وكنسي المرتبه وركزي بين الثنيات

لاتقولون نرمي المرتبه ونرتاح لانه حتى لو رميتيها والمشكله موجوده ماراح تتحل المشكله
وانتم تعرفون المراتب غااليه وكانت جديده
يعني مستحيل ارميهااا

ولو نبي نرمي كل شي كان مااستفدنا من قسم التجارب وكان كل وحده بيتها على البلاط خخخخخخخخخ مابقي شي الا رمته
وممكن ابو الشباب يرميني ورى العبش اللي رمتيه خخخخخخخخخخخخخخ
المهم بعدها جيبي كلور** واريال وفرشه الموكيت ونظفي المرتبه
وخليها تتهوى الين ماتنشف

حطي نفتالين على خشب السرير
خاصه لما تتركي بيت اي مكان فيه خشب حطي نفتالين عليه
بعدها رجعي كل شي مكانه ودايم خلي الشمس تدخل الغرفه


سبحان الله لو نعرف فوائد الشمس ماكان نضجر منها

والحمد لله بعدها الى يومي ماشفتهم ونسيت شكلهم هههه

:j013:

 

[يعني أني]

رد : حشرة الخشب

اهي اهي

نفس مشكلتي الحين ماكلين جسمي اكل عدل مدل

مو مخلين فيني شي مصووني مص عنيف

والمشكله جسمي كله مبقع

واي احد يجي يقعد على فراشي ينقرص << هع يستغلون الفرص

 

[قفشه شكر]

مشكووووووووووووووره

 

[الهبه88]

عندي نفس المشكله بس بل كنب يديد شريته بشئ الفلاني ماقدر اقطه او ارش عليه مواد تنظيف يبقع

 

[barbya_q8]

رد : حشرة الخشب

امبيه الكل يعاني اضاهر انها منتشرة حتي بنات خالتي حايشتهم وميتين منها وجسمهم مبقع وصج لما طقوها طلع منها دم طلعت تمص الدم ويعععععع

 

[ღ❤سـنــيـــڪـرز❤ღ]

انا مجربتها بيت اهل زوجي
تعذبت منهم وسوينا ك شي بعدين زوجي جاب الحبوب الفوارة بس خطيره والحين منوعه بسوق
تحطين بكل غرفه حبتين بس تصكرين اي فتحه ممكن يطلع منها الريح
حتى فتحات المكيف الي تطل براء لان اذا طلعت وجت الجيران تموت على طول===وترى صارت===
عشان جذي منعوه بس الي عندهم كثير مايروح الابهطريقه
زوجي تلثم ورماهم بسرعه بع ماطلع كل الي بلبيت

سبحان الله اي حيوان يشمه يحبس الاكسجين بل جسم لقينا فيران ايوم الثاني يابسه كان لها ايام ميته هو كانه يحنط

 

[ملامح بريئة]

الله يكافينا شرها