حسيت السفريات نصب علي والا شرايكم تعالووو ساعدوني وشورو علي ...

[حلمي اكون ام Q8]

السلام عليكم

بنات امس حجزت فندق من السفريات حق بوكيت في عيد الاضحى نظام فيلا

طلعت علي 3 ليالي ب 150 دينار بدون فطور..

اخذت بدون فطور لانه حن علي قالي خساره مع فطور زياده على السعر 70 دينار

واليوم دخلت سايت الفندق لقيته سهل لكن السعر ارخص بوووااايد وانقهرت

3 ليالي بدون فطور 117
3 ليالي مع فطور 126


بنات يمكن السايت ياخذون ضريبه او خدمه 10 بالميه ..


ابي خبراتكم اللى تحجز من السايت نفسه ياخذون زياده اهناك او لا


قولولي شوروو علي شسوي

الغي حجزي بالسفريات واحجزه بالسايت واخاف السايت اهناك ياخذون ضريبه وخدمه ..


ويوم حجزت عنده سالته عن التكنسل قالي عادي باي وقت لكن قبل 20 اكتوبر ..


ناطرتكم​

 

[Samurai]

ينكتب بالسايت شامل الضريبه او لا
واذا مافي دزي ايميل للفندق وسأليهم أفضل

ما اتوقع نصب بس شي طبيعي ان السفريات تزيد السعر
وكل سفريات وضميرها

 

[حلمي اكون ام Q8]

مشكوره اختى



وينكم بنات

 

[أحلى همبه كويتية]

حبيبتي يعتمد على الموقع اللي بتحجزين منه

انا حق ماليزيا حجزت من موقع بوكينيق وهو معروف يعطي السعر بدون الضريبة والخدمة
وهم 10 + 6 % تقدرين تحسبينهم على السعر للغرفة عشان تعرفين السعر كامل


اما موقع اقودا
يعطيك السعر مع الضريبة والخدمة



نصيحة ضبطي نفسك على النت بعدين كنسلي مع السفريات

وحرام تطوفين الريوق بالسفر

 

[أحلى همبه كويتية]

ونسيت اقولج
اذا بالنت لازم عندك بطاقة فيزا
لأنك راح تحطين بياناتها ضمانا لهم بس ماراح يخصمون المبلغ مجرد حجز له
اذا حجزتي من بوكينق

ولما وصلنا الفندق دفعنا كاش احسن من البطاقة
تحسبا للظروف لو احتجناها

 

[Joy Designs]

انا مع همبة ... حجزي من النت احسن لج
العملية جدا سهلة انا توني ياية من تايلند وحاجزة 4 فنادق كله عن طريق موقع بوكينغ والحلو فيهم مايقصون المبلغ مباشرة لا لي رحتي دفعي

 

[fate17]

انا اقوول حجزيي كل شي من النت انتي برووحج واااايد ارخص
انا كل سفراتي احجزهم بروحي ​

 

[Love Make Up]

أنا أقولج حبيبتي كنسلي حجزج من السفريات وحجزي عن طريق سايت الفندق أو

موقع بوكينج لأنه مايخصم شي من الفيزا بس تأكيد وتدفعين مبلغ الحجز بالفندق

بس حبيبتي بغيت أسئلج شنو اسم الفندق الي حاجزه فيه

 

[حلمي اكون ام Q8]

مشكورين يابنات على الردوود

السفريات رفض اني ارجع الحجز ورضيت وامري لله ..

وهذا الفندق اللي حجزته ..


http://www.booking.com/hotel/th/two-villas-holiday-oxygen-bang-tao-beach.html?tab=1&error_url=%2Fhotel%2Fth%2Ftwo-villas-holiday-oxygen-bang-tao-beach.ar.html%3Faid%3D325250%3Blabel%3Dbookings-naam-Q2baxLPfjqBIpLENLTYbvgS5979554598%3Bsid%3Db150357b78f63fbda8895c7eb5d10705%3B&do_availability_check=on&aid=325250&label=bookings-naam-Q2baxLPfjqBIpLENLTYbvgS5979554598&sid=b150357b78f63fbda8895c7eb5d10705&checkin_monthday=4&checkin_year_month=2011-11&checkout_monthday=5&checkout_year_month=2011-11

 

[Samurai]

هذا سعره شامل الضريبه
خوش سعر والله
ونفس سعر السفريات تقريبا

 

[kooka83]

رايي من راي همبه
بوكينج احسن شي تحجزين منه بس لازم فيزا

 

[حلمي اكون ام Q8]

خواتي رحت للسفريات وتناجرت ويااه وقلت له ما ابي الغي بس ابيك تحط افطار

ورفض وقلت له والله اشتكي عليك لان سفريات غيرك عطوني ارخص بووواجد ..

قالي خلاص ..

كنسلت واخذ مني ضريبه 20 دينار وعطاني 130 ورحت بيت التمويل وسويت فيزا ..

وحجزته عن طريق بوكنق

واليوم دزولي رساله تم الحجز واخذ مبلغ 70 دينار من المبلغ والباقي ادفعه كاش

طلع علي مع افطار 140 ...​