حسو بطريقة لذيذة

[cherry tree]

السلام عليكم
خواتي وانا ادور طريقة حسو لققيت طريقة تشوق
وهذي هي نسختها لكم








تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 640 * 480 و حجم 139KB.



جبت لكم اليوم طبق شعبي انا امووت فيه بس مبتكر شووي ....

الكل يعرف الحسو وله اكثر من طريقه

واحسن وقت لاكله هو وقت بعد الولاده


المقادير :

الكميه تكفي 4 اشخاص تقريبا او 3

3 اكواب حليب سائل ( المراعي )

فنجان حسو ( الحبه الحمرا ) منقوعه بكوب ماء لمده ساعه ..

واذا نشفت شوي زيدها ماي

ملعقتين طعام نشا

سكر حسب الرغبه

ملعقه هيل مطحون + نصف ملعقه زعفران منقوعه بفنجان ماء ورد



الطريقه :

في البدايه نحضر جدر ونضع الحليب مع السكر ..والنشا ونحركه ثم

نضعه على النار مع التحريك المستمر

ثم نضيف الزعفران والهيل وماء الورد ...ونتركه حتى يغلط شوي الحليب

بعد الغليان نضيف الحبه الحمرا المنقوعه ...ونحركه بسرعه وطبعا في

هذا الوقت بتلاحظون ان الخليط غلط

انا زدته نصف كوب حليب ..وقعدت احركه وتقريبا نتركه على النار ربع ساعه

على نار هادئه مع التحريك

بين فتره واخرى .... ومن ثم نقدمه وهو حار

تقدرون تاكلونه بملعقه كانه كسترد ...او نحطه في بيالات ونشربه كانه شاي

وعلى فكره ترى هو خفيف مب غليظ نفس المحلبيه .. يعني

قوامه بين الخفيف والغليظ ....

وتمتعوا بالطعم اللذيذ ... واسمحولي لاني ما اعرف اشرح ...

هذي صوره ثانيه ....بعد

http://www.ra7a.net/imgcache/68654.imgcache.jpg

 

[cherry tree]

اللي تعجبها الطريقة
تدعي بالولادة السهلة والمولود السليم الحلو

 

[NoOoBy]

ولا مره ذقته وقاعده احاتي بالولاده شلون باكله اخاف مايعجبني طعمه !!
بس شكله يشهي لول

يعطيج العافيه بسيفها عندي حق النفاس

الله يتمم ويسهل عليج وعلينا وتولدين بالسلامه

 

[أأأميرة الورد]

يسلمووووووووووووووو
والله يرزقج بالولادة السهلة يااااااااارب

 

[ضي الدنيا]

مااااااااااا قصرررتي يااا غناااااااتي *&

 

[ms.rory]

عاد انا ماحب طعمه مادري شلون باكله ..

بس سيفت طريقتج وانشاالله تكوون حلوه ,,

تسلم ايدج حياتي على هالنقله الحلوه ..

 

[الله كرريم]

الله يسهل عليج وعلينا ,,

بس شنو الحبه الحمرا ؟؟ من وين اشتريها ؟؟

 

[أم حمودي**MALL**]

وااااااااااااي ماحب الحسو

 

[انوثة من حرير]

مشكورة وما قصرتي بس شنو الحبة الحمراء وين ينباع الحسو الزين ماعمري جربتة ودي اجربة
الله يسهل ولادتج وتقومين سالمة ان شالله

 

[الغاليه امي]

جزاج الله خير
يارب يتمم عليج ويسهل ولاتج امييييييييين

 

[الكريستال]

الله يعافيكم حبايبي
والحبة الحمرا اللي هي الرشاد وموجودة بالعطا واهي اساس الحسو ومفعولها تنظيف الرحم

 

[الكريستال]

وعلى فكرة ترا الحسو له طرق وايد
بس حطيت لكم هالطريقة لانها الوحيدة اللي شوقتني حسيتها طبق حلو مو حسو
----------------------------------
اما عن طريقة اهلي فهي بيض وسكر ورشاد
----------------------------------
وهذي طريقة ثالثة من المنتدى

المقادير:
قفشه كبيرة متروسه كل من (كمون مطحون-زنجبيل مطحون-حبه البركه مطحونه-بهارات الحسو وهذي تنباع جاهزه)
ربع قفشه كركم وشويه فلفل اسود
كوب من الرشاد تنقعينها بكوب او اكثر ماي حار
نص اصبع زبدة والبعض يحط دهن عداني(كيفج)
كوب شكر او زيدي حسب الرغبه
ملعقه طحين اسمر(اختياري)انا ماحبها وايد ثقيله عشان جذي ماحط طحين
ماي

الطرييييييييييقه:

نحط البهارات كلها ماعدا حبه الرشاد.ونحمسها بجدر لما تطلع ريحت البهارات بس موتحرقينهم ديري بالج لازم تكون النار هاديه مجرد دقايق
الحين نحط الزبدة ونقلب لما تذوب الزبده واذا حسيتي ان البهارات بدت تلصق معاج بلجدر حطي شويه ماي .وتالي حطي الشكر وحوسي لما تذوب الزبده مع الشكر ويبلش يطبخ زيدي الماي بعد شويه يعني كوب او اقل .سكري الجدر وخليه اشويه يطبخ بس هااا؟ على نار هاديه وعلى الراحة الحين انحط حبه الرشاد كلها اهي ومايها راح اتشوفين طبعا ان الحبوب اشربت الماي كله وصارت مثل الجلي ؛عادي لاتحاتين .الحين راح اتزيدين الماي .وتحوسينها عدل لما تختلط حبه الرشاد.وبس تخلينها تتطبخ على الراحه لمده نص ساعه وكل شوي تحوسينها عشان ماتلصق بالقاع.(وطبعا بالنسه للطحين اتحطين قفشه اول شي مع البهارات)وسلامتج

------------------------------------

 

[حلا البيت]

مشكووووووووووووره

 

[كويتيه مزاجيه]

يعطيج العافيه

 

[الكريستال]

طريقة رابعة
شوفي حبيبتي مره سويته والكل عجبه المقادبر:طحين أسمر عباره عن قفشه كبيره يعني قفشه مرقبهارات حسو تحطين ثلاث قفاش كبار (قفشه مرق)قفشه أكل زبده أو أي زيت أو دهن عداني الطريقه ::تحمسين الطحين لين يتغير لونه بس ديري بالج لا يحترق بعدين أضيفي الزيت وتحمسينه شوي بعدين حطي قفشه كبيره شكر حسب الرغبه اذا تبينها وايد ولا لأآخر شي أضيفي الماي يعني دولكه ماي وخليه على النار ليمن يستوي بس قصري على الجوله علشان لا يحترق
********** وبالعافيه عليكم

--------------------------------------------
طريقة خامسة

بطااسه تخلطين 3 فناجين طحين + فنجانين سكر وماي وخلطيه مع بعض لحد مايتجانس
وبجدر على النار 2 ملعقتين كبيره سمــن وقبل لاتذوب حطي 2 ملعقه رشاد وعلى طول صبي الطحين وبعدين حركيه وقصري على النار وحطي 1 الى 2 ملعقه حبه بركه وحطي شوي كركم وخليه يطبخ من 10 الى 15 دقيقه وبلأأخيييير حطي 2 الى 3 ملاعق مردود من اللي عندج وكسري بيضه وخليها دقيقتين وسكري النار


وبالعاافيه على قلبج تراه يكفيج اكثر من الاربعين يوم وبالهناا والشفي على قليبج وبالعاافيه :tek:
--------------------------------------------------------------
طريقة سادسة
المقادير 1
- فنجالين قهوه صغار حب الحمرا
- من 3 إلى 4 فناجيل سكر
- ماء تقريبا لتر ونص أو اكثر شوي
أول شي نغسل حبة الحمرا ونحطه في الجدر
نحط عليه الشكر
ونصب عليه الماي ونحطه على النار لمدة تتراوح مابين 20 - 30 دقيقه ونقلبه كل فتره عشان
مايلصق في قاعة الجدر
بعد مايستوي حبة الحمرا .. ناخذ جدر ثاني اكبر شوي
نحطه على النار ونحط فيه ملعقتن طعام
زيت سمن أو دهن عربي
ونحط عليه ملعقة طعام طحين ونقلبه قلبتين
ونحط عليه ملعقة طعام زنجبيل مطحون (بودره) ونحمره مع الطحين لحد مايصير لونه ذهبي
بعدها نضيف بهارات مكونه من
- 1 ملعقة شاي فلفل أسود أو أقل شوي
- 1 ملعقة شاي كركم
- 1 ملعقة شاي سنوت (كمون)
- 1 ملعقة شاي يليلان (كزبره)
- 1 ملعقة شاي دارسين (قرفه)
- 1 ملعقة شاي هيل
ونحمرهم شوي مع خليط الطحين الزنجبيل .. مب وايد عشان ماتحترق البهارات
بعدها نرفع الجدر ونصب عليه حب الحمرا ونخلطه بسرعه
عشان مايتكتل ونرجع نحطه على النار
اذا كان جامد شوي نزيده ماي على حسب الكثافه اللي نبيها
.. ساعات يكون السكر قاصر شوي ممكن
نزيده بعد حسب الرغبه ونخليه على النار شوي
.. تقريباً 10 دقايق مع التقليب كل شوي عشان مايتكتل
ويلصق في قاعة الجدر ..
وهذا هو بعد ماجهز وحلاته تشربونه حار طبعاً حسب الرغبة
ملاحظه ...
في ناس يحبون الحسو مع البيض ..
إذا كنتوا من هالناس تكسرون بيضه قبل لاتسكرون على الحسو وتقلبون بسرعه وتخلونه
شوي وتسكورنه
----------------------------------------------------
طريقة سابعة حسو الكنادرة
يــبت لكم آلــــيوم طـريقة حسو الكنادرة وراح أحـــطْة لكم علي طــريــقتـين



(الأولي)

المقادير بقوطي الروب

قوطي طحين

قوطي سكر

قوطي حسو

1 زبدة لورباك العريضه


الطريقه

تذوب الزبده وتحطين عليها الطحين وتحركينه مع الزبده لما يصير لونه ادعم

تحطين الحسو والماي والسكر وتحركينه لما تطفح الزبده فوق

بعدين قصري عليه وخليه ربع ساعه


-------------------------------------------
الطريقة الثامنة
حسو الكنادرة (الثانية)


شوفي ييبي رشاد مطحوون وبهارات الحسو من اي حوااي وشوية طحين وماي حااار وزبدة لورباك كاملة


يالله الطريقة...


حمسي شوية طحين يعني قفشتين دقييقتين مو اكثر بعدها حطي بهارات الحسووو وقلبيها على نار هادية ييبي الزبدة لازم تكون ساايحة وخلطيهم وكل شوي حطي مااي ( مودفه وحدة) ولاااااااازم تقلبية عدل انا احوسة بمشخال الحليب
لين تصير عندج مثل الشوربة ولا تخلينة ماي مايوووووووووووه لا لازم ثقيل شوي....

لا حسيتي انه صار اوكي حطي شكر انا مادري عن الكمية الي تبينها بس انا احبة حاالي
وقصري عالجولة او حطي تحت الجدر حديده..........

اهم شي بالحسو التقليب راح تعورج ايدج من التقلببب

-----------------------------------------------------
وطبعا كل الطرق منقولة

 

[مرايــــــــم]

اللـــــــه يهـــــــون عليـــــــج

 

[cherry tree]

الله يسلمج