حسبي الله ونعم الوكيل

[رضى الله غا يتي]

السلام عليكم
اللي تقرى موضوعي تدعي ان الله يهديها
بنات بدش بالموضوع بسرعه اتمنى القى حل او اوقف الشغله عند حدها
حنا بيت واحد والصراحه انا حيل باطه جبدي شغله وهي مرت اخوي احس حاقده علينا
وفيها حركات ترفع الضغط ابي نصيحه بدون مشاكل
مرت اخوي هذي ماخذه اخوي عن حب والله العالم بالنيه نحترمها ونقدرها وامي ماتكلم عليها كلش
المهم عليها حركه اكثر من مره تسويها وهي ( لما تسولف امي تطالع مرت اخوي الثانيه وتضحك على نظرات استهزاء تضحك على امي وامي على نياتها طيبه وكلمة طيبه احس ماتوصل شكثر امي على نياتها:eh_s(2) انا رديت لها الموقف وسويت نفس حركتها يعني لما تسولف اطالع مرت اخوي واضحك عشان تحس والله مو قصدي اغثها بس ابيها تعرف الاحساس اللي احس فيه لما تضحك على امي المشكله والمصيبه ان مرت اخوي الثانيه بنت خالتي وتسوي نفسها مع انها غريبه عنا واصلها غير عنا ما خذها اخوي عن حب بس نيتها حيل خبيثه انا ابيها تعرف اني عارفه قصدها وابي اوقفها عند حدها اكلمها واقولها توقف عند حدها او شنو اللي اسويه بس بدون مشاكل احس جريئه مو متربيه وحقوده حسبي الله عليها

 

[أسيرة_أحزاني]

ذكرتيييني بوحده نفس طبعها وعفست بيتهم حسبي الله ونعم الوكيل على هالحموات الي من هالنوع

مايدرون انه الدنيا دواره وباجرر حريم عيالهم يعاملونهم بالمثل

خليها اليوم تضحك باجر ينضحك عليهاا مسكينه استغفرالله

 

[.CinDeRella.]

انتي شدراج انهم يضحكون على امج ؟

وليش يضحكون شنو السبب ؟

وعلى فكره مرات لما تكون الصاله مزدحمه اكثر من وحده والثانيه طالعها ممكن تبتسم بالويه ترى عادي

بس انتي شدراج انها تقصد امج ملاحظه تصرفاته غير هالتصرف مع امج ؟

 

[franshiska]

حبيبتي عطيني اياها يومين وانا اسنعها لكم لووووول


لما تسوي جذي طالعيها مده وحطي عينج بعينها خل تعرف انها قلة ادب وانج شفتيها واهي تستهبل

واذا ما فادت الحركة وكررتها اذا ضحكت خزيها وقوليلها خير ضحكونا معاكم
مع اني مو شايفه الوقت مناسب للضحك
خلج قويه معاها وحطولها حد وخل تحترم نفسها
واذا ما فاد كلمي اخوج بدون عصبية ولاااااااااااااا تكلمينها بالموضوع على طول قولي حق اخوج
لان اهو الوحيد اللي يقدر يحط لها حد بدون مشاكل

 

[adios]

حبيبتي طوفي المهم دامها ما اذتكم بشيي اذا على النظرات حقريها عادي خلي تولي و اذا مرة ثانية طالعتكم بهاذي الظريقة و انتي ما استحملتي قوليلها و انتي تظحكين عشى ما شر فلانه راح تقولج هلا او تسوي روحها مو فاهمة قوليلها انا ملاحظتج دايما تطالعينا بنظرة و لا بد شنو في شيي ماخذة بخاطرج منا بشيي اعتفد راح تحس على دمها و تبطل خز

 

[adios]

سوري عالبدليات بس لاني قاعد اكتب بالظلمة هههههههههه

 

[رضى الله غا يتي]

ذكرتيييني بوحده نفس طبعها وعفست بيتهم حسبي الله ونعم الوكيل على هالحموات الي من هالنوع

مايدرون انه الدنيا دواره وباجرر حريم عيالهم يعاملونهم بالمثل

خليها اليوم تضحك باجر ينضحك عليهاا مسكينه استغفرالله

صاجه المشكله ماتقول هذي مره كبيره وعيب هالحركات :eh_s(14):

 

[سعوووديهـ]

مااااااااحب هالحركا ت وعععع ناس ماتسحي كيف بتتحملينهم يارب يعييينك

 

[عل ماباس]

قله ادب سج سج مو في حيااا

 

[prettysoul]

الله يكون في عونك
ويكفيكم شرها
عزيزتي كلميها الساعة إللي هي تضحك على أمك
لاتخلي السالفة تعدي على خير
وإن ماتسنعت دخلي أخوكي في الموضوع
وأصلا والله حريم الأخوان مايجي منهم غير وجع الراس ومارح ترتاحون إلا إن قلعتوها برى البيت.
وأخوكي بكيفه إن بر فيكم هو إللي رابح وإن قطع هو الخسران

 

[معزوفة عشق&]

لا معليش كل شي يهون الا امي

لو انا بموقفك امسكها واكلمها واصارحها

وان كررت الموقف والحركه لكل حادث حديث

 

[رضى الله غا يتي]

انتي شدراج انهم يضحكون على امج ؟

وليش يضحكون شنو السبب ؟

وعلى فكره مرات لما تكون الصاله مزدحمه اكثر من وحده والثانيه طالعها ممكن تبتسم بالويه ترى عادي

بس انتي شدراج انها تقصد امج ملاحظه تصرفاته غير هالتصرف مع امج ؟

اذا مره اطوف واقول على نياتها واضحه مثل الشمس واكثر من مره انا مقهوره :eh_s(14):
على امي انا ما اعطيها وجه كلش ولا اسولف معاها طاف

 

[طيــــــــــــف]

حسبي الله عليها ومن على شاكلتها

 

[رضى الله غا يتي]

حسبي الله عليها ومن على شاكلتها

دايم اقول هالكلمه اذا سوت الحركه الله يهديها قاهرتني وساكته

 

[قاهره عذالي]

انتي ليش تظنين الظنون بمرت اخوج

واذا ضحكت

وانتي شدراج انه نيتها خبيثه دام المراه ما سوت شي

انتي وحده حاقده على مراة اخوج

ومحتره منها انها ماخذه اخوج عن حب واصلها غير

وتحامين على بنت خالتج ودج تكون عند امج احسن منها
وماتكون عندها احسن من بنت خالج ومنج وما ودج مثل ما خلت اخوج يحبها انه امج تحبها صايره لها عذول ما تمنين لها الخير

حتى من داخل قلبج مو محترمه مراة اخوج تقولين عنها مبين عليها مو متربيه

وهي ماسوت شي بس ضحكت بوجه امج وبنت خالتج

حتى الضحكه تظنين فيها الظنون والهقاوي

مراة اخوج ما غلطت

وانتي اللي نيتج مو زينه عليها

وصراحة الله يعينها عليج وعلى ظنونج

 

[الغلا كله لبوي]

حبيبتي عطيني اياها يومين وانا اسنعها لكم لووووول


لما تسوي جذي طالعيها مده وحطي عينج بعينها خل تعرف انها قلة ادب وانج شفتيها واهي تستهبل

واذا ما فادت الحركة وكررتها اذا ضحكت خزيها وقوليلها خير ضحكونا معاكم
مع اني مو شايفه الوقت مناسب للضحك
خلج قويه معاها وحطولها حد وخل تحترم نفسها
واذا ما فاد كلمي اخوج بدون عصبية ولاااااااااااااا تكلمينها بالموضوع على طول قولي حق اخوج
لان اهو الوحيد اللي يقدر يحط لها حد بدون مشاكل

:rerrerek: :rerrerek: :rerrerek:

 

[رضى الله غا يتي]

انتي ليش تظنين الظنون بمرت اخوج

واذا ضحكت

وانتي شدراج انه نيتها خبيثه دام المراه ما سوت شي

انتي وحده حاقده على مراة اخوج

ومحتره منها انها ماخذه اخوج عن حب واصلها غير

وتحامين على بنت خالتج ودج تكون عند امج احسن منها
وماتكون عندها احسن من بنت خالج ومنج وما ودج مثل ما خلت اخوج يحبها انه امج تحبها صايره لها عذول ما تمنين لها الخير

حتى من داخل قلبج مو محترمه مراة اخوج تقولين عنها مبين عليها مو متربيه

وهي ماسوت شي بس ضحكت بوجه امج وبنت خالتج

حتى الضحكه تظنين فيها الظنون والهقاوي

مراة اخوج ما غلطت

وانتي اللي نيتج مو زينه عليها

وصراحة الله يعينها عليج وعلى ظنونج

الله يعلم اللي بالقلوب انشالله ربي مايوفقني اذا كنت حاقده عليها
الحركه تسويها مادري شتقصد لان امي كبيره بالعمر وماتعرف هالحركات
مرات اشوف بنت خالتي تعطيها طاف عشان متضحك على امي لانها تستحي بس هي تظل طالع وتبتسم بنظرات لبنت خالتي اذا ما طالعتيني اضحك عليج شخصيتها غريبه انا ماقول الله لايوفقها
انا مستغربه من تربيتها بس لو كنتي فمكاني عرفتي وماقلتي هالكلام اللي يشوف غير عن اللي يكتب

 

[قاهره عذالي]

شوفي

عندج خالتي

لما تشوفين ضحكتها

تحسين جنها تطنز عليج

وكنت اقول لامي

وكانت تقولي لا هذي هي طريقتها ما قصدها تطنز

وفعلا مع الوقت

اكتشفت انه خالتي نيتها سليمه ووضحكتها هي جذي توحي جنه تطنز

وانتي مع الوقت بتعرفينها

مافي وحده تحب زوجها تكره امه وامه ماسوت لها شي

هذا مستحيل

والبنت ما قالت شي

ضحكت وبس

فلا تعورين راسج وتهقين الظنون

يقولج مثل : لولا المظنه لدخل الانسان الجنه

والتمس لاخيك 70 عذر

لاتخلين الشيطان يحرشج على هالادميه عشان بس ضحكت

وانتي ماتدرين شنو نيتها تظنين ظنه

 

[رضى الله غا يتي]

شوفي

عندج خالتي

لما تشوفين ضحكتها

تحسين جنها تطنز عليج

وكنت اقول لامي

وكانت تقولي لا هذي هي طريقتها ما قصدها تطنز

وفعلا مع الوقت

اكتشفت انه خالتي نيتها سليمه ووضحكتها هي جذي توحي جنه تطنز

وانتي مع الوقت بتعرفينها

مافي وحده تحب زوجها تكره امه وامه ماسوت لها شي

هذا مستحيل

والبنت ما قالت شي

ضحكت وبس

فلا تعورين راسج وتهقين الظنون

يقولج مثل : لولا المظنه لدخل الانسان الجنه

والتمس لاخيك 70 عذر

لاتخلين الشيطان يحرشج على هالادميه عشان بس ضحكت

وانتي ماتدرين شنو نيتها تظنين ظنه

مادري اتمنى اكون غلطانه بس اكثر من الف مره تصير وحتى لو كانت جمعة حريم ومحد يدري عن احد الاقيها تخز بنت خالتي وماتوخر عيونها عنها يعني الجمعه والحريم وسوالف وهي بعالم ثاني بس تخز بنت خالتي وتضحك على سوالف امي ياليت اكون غلطانه انا ما اقعد عندها حتى خواني وخواتي مايرتحاون لها يقولون نرتاح لبنت خالتي اكثر لانها على نياتها وتضحك وتغشمر اهي لا بس ساكته وتخز بعيونها نظرات غريبه شايله بقلبها احس

 

[LeeMa q8]

حبيتبي واهي تضحك اهي ومرت اخوج ال2 قاطعي الوالده فديت عمرها وقولي ستوب هوب هوب فلانه وفلانه شسالفتكم تبتسمون وتضحكون ترا السالفه ماتستدعي هشي !!

اذا1 ماتبون تسمعون امي لا تسمعون ولا تقعدون عيب احترموا الجبير وسكتي قولي شنو يمه


خل تولي قله ادب والله !!!